奇香雞飯店 (已結業)

今晚行開葵芳買D嘢... 但又唔想係葵涌廣場覓食. 所以諗住去金潮樓上間酒樓食小菜. 沿路上經過奇香雞間舖. 之前睇Openrice時見大家有好評. 於是我同男友係門口望咗陣佢既奇香雞套餐$98. 但見舖面殘殘舊舊. 個一刻卻步咗. 於是我哋繼續向酒樓方向出發. 去到酒樓時見d餸都唔平... 所以抱住好奇心態. 就去試下食奇香雞喇. 間舖應該有好耐歷史. 入到去D枱枱dun dun都好殘舊. 間舖客人真係唔多. 所以侍應伯伯好熱情招待. 好開心咁對待客人. 我哋兩個共叫咗三樣嘢+兩碗白飯. 但無影相 只好用文字道出真相1) 例牌奇香雞 + 一小碟白灼蝦白灼蝦係第一道上. 蝦係一般SIZE. 細細碟. 每人食六隻左右. 蝦既質地好爽好彈牙. 奇香雞例牌SIZE.仲有雞脾tim. 份量都唔少 我同男友可以由頭段食到尾段真係名符其實. 味道咸咸地 雞肉嫩滑 唔太肥. 雞皮仲好有o趙口...真係堅好味我本身好怕d好大味. 可以隔過夜都停留係口腔揮之不去. 而佢碟薑蔥出奇地好味得黎又唔會好大味唔散.大力推介不得不試既"奇香雞" 2) 鍋貼小棠菜 份量OK 有八舊左右. 呢一道算係功夫菜. 所以價

路經葵芳, 個肚餓到打鼓, 又係時候覓食 眼見茶餐廳 & 麵檔林立, 真係唔知道何處落腳.... 哈! 忽然察覺有一間外表老派而平實的飯店於前方~ OK! 就呢間啦!環境: 尤如一般老派的飯店一樣... 大圓檯, 酒家椅, 要搭檯的, 地面非常整潔~ 服務: 服務員大都是上了年紀的男性, 服務態度很好! 客路: 竟然全場都是男人! 不過並沒有出現粗聲粗氣的場面, 可以吃過安樂茶飯!店舖的門面 : 仲有茶飲!! 我一坐下就有服務員問: 「呢位呀生飲乜野茶呀」 感覺真的不錯~睇睇餐牌... 炒粉、麵、飯乜都齊! 仲唔係貴喎! 呢間舖既然叫得 奇香雞飯店 咁我冇理由唔order 人地的撚手菜... OK 就要一碟 "奇香雞飯" 碟飯一到桌面, 頓覺雞味奇香!! 先放匙飯入口, Woo-lala!! 飯粒分明且粒粒軟棉~ 再吃件雞, 嘩! 不得了! 皮薄, 肉嫩無比, 雞味濃郁, 又夠厚肉! 雞係煮得剛好, 夠熟又不帶血, 嫩而不韌! 一碟"奇香雞飯" 才$32 + $2茶錢~ 爽!連雞帶飯, 一啖放入口... 可真是男子漢式的浪漫, 神仙的境界呀!!雞飯, 通街都係... 但

七時到那家飯店, 食客不多環觀店內環境, 加上伙計親切的服務態度, 絕對有小小小時候中菜飯店的感覺, 令人懷念點了先$168半只雞+蒸魚, 新鮮雞配上雞肝雞腎還有幼滑的薑蔥, 不錯; 而蒸魚在水缸即撈, 普通, 問題豉汁不夠吸引, 吃蒸魚除了鮮豉汁都頗重要嘛!蒜香金沙骨($52), 抵吃之作, 份量適中, 蒜真的香, 旁邊的青椒和洋蔥不生不熟, 炒出香甜翠玉瓜炒豬頸肉($50), 這碟比較遜色, 因為太多油, 豬頸肉亦略久口感龍鬚帶子($70), 絕對好吃, 龍鬚香脆不油, 吃完一口又一口的龍鬚都不覺厭膩是用心之作! 不過有點失望, 因為我以為是原隻帶子, 與餐牌的相片有出入, 裡面應該帶子混入蝦雕成膠, 明顯蝦份量比帶子多, 吃不出預期的帶子味道最後會送上比酒樓甜品舖好吃的綠糖水四人飽到震

聖誕假期，節目緊湊，但總是離不開食和玩。正日當晚，就去了朋友家耍樂，不亦樂乎，大家玩得咁上下，便到附近的奇香雞先吃晚飯，然後再回去繼續下半場。人生如此，夫復何求！哈哈~大家仍在風花雪月，點菜的工作就由小弟代勞，事前也沒有做好功課，也沒什麼心水，隨便的點了幾味便算。奇香雞當場是必吃的，若然不柯打這味，都不知為什麼要來了。看其色澤是很對辦的，拿一件雞背放入口，肉質幾嫩滑，雞皮爽，皮下沒有什麼脂肪，而且不失鮮味，果然有點水準，難怪店家以此為名。吃家常便飯，很自然的又會點上生炒骨，然而，這裡的出品未目突出，酸甜味平衡還可以，外層雖有微脆口感，但肉質並不鬆化，更加是幾韌的，所以吃了兩件便收手，主攻配角的青椒。濶太朋友唯一指明要喝杏汁豬肺湯，遵命！呢盅街坊豬骨湯，杏香並不濃郁，勝在湯底仍算香甜，豬肺口感不俗，已沒有什麼投訴。另有腰果炒牛柳粒，鑊氣不很足，肉香亦較為淡口，幸而有點黑椒粒提一提味，而我則更愛吃香脆的腰果以及爽甜的青椒，還有爽脆的洋蔥，說起來，是晚不知不覺也吃了蠻多青椒。接著送來的琵琶豆腐，不知是否來錯，大家都沒考究便起筷。豆腐本身尚算滑，沒太大問題，但淋上了沙拉醬，又加插了火腿絲，感覺

葵芳一帶沒可能沒有更多值得嚐試的美食，心心不忿在網上查找，終於找到了奇香雞飯店，原來有不少食評家也曾到訪過奇香雞，實在太好了！猶記得有次晚上經過奇香雞門外，外觀古舊，加上內裡透出昏暗的燈光，單憑那種不著眼的模樣，根本不會打它的主意！來到奇香雞，侍應多是上了年紀的叔叔嬸嬸，似是跟隨老闆多年的老伙計。店的外與內均是陳陳舊舊的，格局與陳設十足小時候的飯店，分別在於奇香雞保留老式裝潢原用至今，似乎沒曾裝修過。奇香雞有數款街坊套餐供應，十分實惠，可惜無論怎樣配撘也不能包含我的心水選擇，於是只好散叫了，由侍應嬸嬸替我們下單。例牌奇香雞送上，一看油潤肥美的黃皮，己教人垂涎！從小到大都習慣不吃雞皮的我，將雞件送入口正準備將雞皮咬出之時，豈料即感到雞皮一股誘惑的味道溢出，原來雞皮每一寸都盡得精華，異常的滋味，竟很自然地將雞皮吞下，及後發現雞皮下沒有多餘的脂肪，肯定是令我較易入喉的原因。記得老爺講過最嫩滑的雞就是雞肉透著絲絲的粉紅血色，當晚正好引証老爺的話是對的。雞肉相當的細緻幼滑，就連雞胸也不感到嚡口，且滲出奇香濃郁的味道，不愧為鎮店之寶。市面的薑蓉大多只有葱，奇香雞的薑蓉是真材實料用生薑磨成的，豐富的

在葵芳工作多年,這家街坊老飯店卻過門不入多次,只因午飯時間總是人多,自己又急急忙忙的沒耐性,結果每次都在鄰近店舖外賣學生午餐,終於在二月某天忽來興趣光顧這家以雞為主打的奇香雞飯店。一入店內一陣誘人飯香撲面而至,這種米飯香總在舊式飯店充斥,令已感肚餓的更加想吃飯。今次只打算外賣時,店裡卻有可搭枱吉位,看到雞檔老師傅親自拿碟薰蹄飯給客人,那一刻我也幾乎動搖了,最後還是向老師傅點了一盒奇味雞飯($29),重甸甸的飯盒沿途也有飄出雞飯香,似乎真有點料子耶。打開飯盒,肥美得很的雞件舖滿飯盒,價格看來蠻貴,以此份量又絕對可收貨。泛著鮮黃厚油脂的雞皮實在吸引,別管什麼脂肪膽固醇的問題,先來一口被人視為不健康但十級誘惑的雞皮,充滿黃油的雞皮果然肥美滑溜略有鹹香還有彈力的,那種香是蠻特別的,個人認為多怕雞皮的也要試一下的,只因跟平時所吃的淋之之雞皮不同;雞肉就是我最喜歡吃的雞胸及雞髀部份,師傅太知我心了唄!!這裡煮得連骨中間都熟,絕不連白飯也染得血淋淋那麼倒胃,食得安心的雞肉。雞髀滑如美人美腿,尤其雞肉最薄的關節部份最能嚐出那特別香料味,有如香料的鹹香跟平時的鹽焗雞或貴妃雞的不同,這種蠻特別的香味實在不

Happy Halloween! 去葵涌信芳街, 拜訪我朋友的家之後我們去附近老店 ‘奇香雞飯店’食晚飯。奇香雞飯店是好街坊、好親切、好友善的老店環境老店風情, 舊式餐館食物杏汁豬肺湯-好甜，好好飲，好滋潤，意外驚喜。招牌奇香雞 -頗有雞味，肉質亦夠嫩滑椒鹽豆腐-水準不俗，香口惹味而滑溜燒乳鴿- 水準一般魚香茄子煲 -熱辣辣，味夠濃，送飯一流服務招呼好親切整體而言此店小菜鑊氣十足，如果住附近，一定時常幫襯。

好耐無寫食評啦, 唔駛男友詐型, 我自己都知, 呢排實在發生太多事, 令我沒有心情寫, 因為我希望呢度記低既都係我同你既開心回憶.你今日突然間話去葵芳食晚飯, 我以為係果間我地提過幾次既小廚, 所以一路都無問你, 點知去到先知你一早巳做好功課. 除左鼎泰豐後, 呢間好似係你主動提出的第二間, 我幾鍾意呢種做你既小女人心情. 門面似一般的打冷店舖, 但佢入面就好似一般酒樓, 祇不過間局一睇就覺得自己坐係上海菜館中, 因為以酒樓形式來講, 呢間店都幾細間. 我地七點左右去到, 祇有二三枱客, 但入面的伙計卻好好态度, 令人覺得比上酒樓舒服好多. 因為佢地好親切, 唔似酒樓例行公事般的笑容.男友話突然間想飲豬肺湯, 所以帶我來呢度食. 一如以往由我負責點餸, 我點了個魚香茄子, 翠玉瓜雲耳炒蝦鬆, 諗住二個人二個餸一窩湯巳足夠, 點知男友趁我去洗手間期間點了個七味蝦.本來男友還驚豬肺湯要等好耐, 但伙計話我地知, 湯一早巳煲好, 有客要時才熱好上枱. 所以好快就有湯飲.好大窩湯上枱, 我見到就直覺兩人沒可能飲得晒, 伙計幫我們各一碗後再細心地將湯渣撈起放入一個盤中. 我唔食豬肺, 所以男友唯

朋友之前食過1次,覺得d餸菜真材實料,今晚推介黎呢度食飯,食完都覺得冇介紹錯。黎呢度,一定要飲杏汁豬肺湯,正!!正!!正!! 好香杏仁味,又多湯料煲至奶白色,飲完湯,仲可以食埋湯料,d白果好好味!!素魚,芋頭所做成,但中間比坊間多了一片芒果,配搭好好,可能因為有生果夾住,唔覺好油膩仲有其他,但忘記菜式名字 下次會再黎!!

後補之作四丁友心血來潮，食飯聚聚。地點選址葵芳，見食評一致讚好，於是就嚟咗呢度。由於食友未到，先叫咗個掌翼食吓。好入味，膠質好重，正斗。食友嚟到負責點菜，結果揀咗奇香雞(例)、杏汁豬肺湯、薑蔥蠔煲、龍鬚帶子、上湯浸白菜仔，最後加個糯米飯添。湯最先到，杏仁味好重，而湯真係好甜。份量好多，每人飲完兩碗仲有剩...奇香雞味道其實唔特別，不過肉質幾嫰滑，好味道。蠔好肥美、香口，但食多咗就感覺有啲膩。龍鬚帶子的確幾得意同香脆，不過帶子冇乜味，要靠晒個沙律醬，有啲妹仔大個主人...白菜仔唔會太老，但味道冇特別。由於係特價品，情感上加咗分。糯米飯唔夠乾身，食過新志記，唔夠客觀...飯後送生果，西瓜甜味有啲假 感覺好街坊，招呼好親切，如果住附近，一定時常幫襯。

家在附近, 但一直都唔知有間咁好食的老店在此, 上黎 open rice search 先知佢o既存在.前後共食過兩次, 都係食晚飯, 雖然係老店, 裝修同格局都比唔上現代食肆, 但食物質素絕不馬虎, 是一家很有誠意的食店.第一次去食時梗係食招牌雞, 叫左個兩餸小菜套餐, 另一個餸係肥牛粉絲煲, 仲附有足料老火湯, 再另加一個上湯白菜.招牌雞就如一般白切雞, 唔點汁就咁食就無乜特別, 但一點汁就好食到不得了. 肥牛粉絲煲好足料, 牛肉很滑, 同舊式大排檔味道有得揮. 老火湯亦都無乜味精味, 湯渣多到可以當埋一個餸咁食, 正!最後後兩個人食三餸一湯, 飽到捧住個肚走.第二次就係今晚去, 忽然間醒起上次仲有好多個餸想試, 所以再幫襯.今次係食風沙雞, 芝士鴛鴦豆腐, 上湯白菜仔, 又係兩個人三個餸.今次仲好食過上次, 個風沙雞皮薄又脆, 雞肉嫰滑, 點唔點汁都咁好食, 必食推介!!芝士鴛鴦豆腐超好食, 可能本身無 expect 過佢係點樣o既一道菜, 食落口第一啖即刻有 "叮"一聲o既感覺 -- 真係好好食呀!!! 魚腐炸左之後外皮脆脆地, 加埋又濃又香的芝士汁 (其實叫佢做芝士"獻"更加

Kwai Fong...唔知食咩好，Click上 Openrice...見到食評 OK~ 就同朋友一試。$138兩小菜老火湯餐，小菜A叫了奇香雞，的確不辱招牌，皮光肉滑入味。小菜B叫了雜菜煲，不過不失，無希望，無失望。老火湯...不得了，原煲上，D料多到...很有家的感覺 =]甜品，不失水準！

中午, 二人叫了店舖著名的奇香雞飯及銀芽肉絲飯.奇香雞飯: 奇香雞真的很滑很香雞味, 推介.銀芽肉絲飯: 獻汁太"傑", 賣相味道差. 茶介: 每位$2環境: 舊鋪, 外賣回家食感覺可能好些.

陳真兄果然是貴人,每次一搞地區飯局,總會與颱風扯上關係.繼魚排,雲泉之後,今次就論到奇香雞,被天鵝猛烈狙擊.他臨時有事要北上做事,於是小弟臨危受命,成為暫代領隊一職.出發前山雨欲來,天文台發出三號風球,期間不斷收到來電,徇問飯局是否如期進行,當然,風雨不改.除非間舖落閘.結果名單上的二十多人,一個也沒有少.在葵芳IVE讀過書的朋友,相信也曾在這間老牌飯店,留下不少足印,IVE學生在午市光顧有優惠.此店的格局,感覺同油麻地的"神燈"相若.是夜菜式方面,因小弟未來過,在參考過之前的食評,再觀察臨場狀態之後,便得出以下結論:奇香雞豬肺湯大斑兩味子羅田雞七味蝦龍鬚帶子椒鹽鴨下巴翠肉瓜炒蝦崧香煎琵琶豆腐金銀蛋莧菜追加:椒鹽鮮魷九肚魚豆腐三拼店名叫奇香雞,此道奇香雞一定有點料子,每一圍一整隻,價錢差不多二百塊錢一隻,在別人眼中可能覺得便宜,在此夜已是最貴的一味了.平當然不是沒有好,此隻用店名押上去的雞,味道咸香,而不失雞味,雞皮很滑帶點彈牙感,皮下的雞肉就未算很嫩,但也不差,總之也不辱名聲.香煎琵琶豆腐夠香口,豆腐本身仍滑,喝過港大校友會同陸羽的白肺湯,去到此等街坊店,又再重施故技.價錢同前兩者有

攪手食友陳真兄，果真有點「貴人運」，所辦的兩場飯局，都在天氣不穩下舉行，這次葵芳信芳街的老牌飯店局，作為主人家，除因工作關係而滯留深圳外，我們一眾賓客，也要邊吃邊留意八號風球幾時來臨，果真波折不斷。可幸當晚的食物水準甚為不錯，總算吃了一頓不俗的晚餐。當晩也是一個窮鬼飯局，店方主攻大眾化的街坊路線，既然以「奇香雞」作為們的招牌，我們當然叫了一隻來試試，結果這貴妃雞的變奏，沒有令一眾失望，集齊大部份雞餚的優點：皮薄、肉嫩、不肥之餘，雞味也比坊間的重，挾了一件揍上鼻子，果真嗅出一點香氣。再來一個杏汁燉白肺，這湯曾在「陸羽」品嚐過，美味，也很貴，可要三百餘元一盅，造法則大同小異，豬肺洗淨後和其他配料燉成湯底，再打上一個杏漿攪拌，比較之下，前者杏香較重，這街坊店則甜了一點，各擅勝場，在這裡的一盅湯，只收七十餘元罷了。單憑這兩味，已是不枉此行，但好吃的東西，陸續有來。琵琶豆腐水準不俗，香口而滑溜，用上紫薑和菠蘿炒上的，也不只是牛肉或雞肉，改為鮮味的田雞，效果亦相當不錯，正值時令之選。翠玉瓜炒蝦崧，鑊氣也佳，蝦崧鮮味而彈牙，感覺之下，份量是少了一點。送酒菜有金沙鴨舌和七味蝦球，前者將鴨舌油爆後再鋪上