奇納百川 (已結業)

放工去海港城覓食，見到呢間用個肥妹公仔做招牌嘅韓國餐廳～奇納百川🇰🇷非常搞怪得意😎入到去店員好好咁安排左海景位比我地，chill爆😆-Beef Tartare $228牛肉他他係其中一道韓國菜嘅最愛，因為本身鍾意食生野🥰牛肉他他用上梨汁去調味，味道甜甜的，而且有麻油香味，味道比較清淡唔會掩蓋本身牛味🐂-Spicy Chicken Cheese Rice $138呢個真係勁值得去試👍🏻🐔係超級多mozzarella cheese勁拉到絲，而辣雞都夠嫩，好香嘅泡菜味，不過味道就稍微咸左少少🤏-Waffle Fries with Spicy Mayo $58係雪寶最鍾意食嘅薯格，炸到熱辣辣，比較特別係個泡菜蛋黃醬，酸酸辣辣咁🌶️🤪

食物唔好食，叫咗一客炸雞，兩個定食。只可以話全部都唔好食。 牛肉死實實黐埋一舊仲要超甜。可以當甜品食。豬肉定食只有非常之微量嘅豬肉。成碟都係洋蔥，應該叫洋蔥定食。炸雞一般，$200一客我覺得就貴環境又唔好、招呼超級惡劣，尤其是門口樹喺度個個女子。全世界都欠咗佢。

朋友介紹海港城有間環境不錯既韓國fusion餐廳，可以一邊望住海景一邊食野，於是放工就跟左佢去試試。🌃🌊.打開餐牌見到食物既種類都幾多，除左特色的韓式炸雞外，仲有多款fusion意粉，賣相都幾吸引！🥰🥰✨三文魚子海膽忌廉醬烏冬面頭有一大片既新鮮海膽，食落鮮甜而且口感creamy。除了海膽外，還有粒粒飽滿的三文魚子，味道咸香，好岩撈勻拌烏冬食。烏冬既份量都幾多，口感煙煙韌韌的，加上每條都沾上了滿滿的海膽忌廉醬，十分惹味🤤🤤✨蒜香蜜糖炸雞炸雞份量足料，一份已夠兩三人食用。炸雞外皮炸得香脆，雞肉都算多汁嫩滑。蒜香蜜糖醬食得出用左好多蒜蓉整成，所以蒜味好濃郁，最岩鍾意食蒜既朋友！😆😆✨香芒白桃乳酪芒果同桃味都好突出，乳酪味酸酸甜甜的，可以減輕食完炸雞的油膩。飲品有啲沙冰質感，不過相對幼滑，入面有芒果肉令口感豐富。

喺海港城見到這間幾特色的韓式cafe餐廳，一定要試吓😃平日時間都無午餐，要單點👇🏽牛肉定食$138前菜：（大豆芽好好食，好入味，超爽口，有少少辣但好清新、泡菜好酸，唔好食）；白飯比較普通，無乜黏性；牛肉熱辣辣鐵板上好香，有炒得好琳甜的洋蔥和紅椒，冬菇好滑，個燒汁甜甜哋撈飯唔錯，牛肉片份量都算多，無乜肥都唔韌👍🏻熱榛子咖啡$48咖啡味無乜特別，榛子味不是特別香，反而覺得個公仔圖案好得意😬咖啡飲到杯底都見到個圖案😜

尖沙咀海港城 有好多好嘅 嘢食首先我哋叫咗個韓式煎餅真係好好味呢個韓式煎餅餅底乾身咬落煙韌彈牙用上好多海鮮配料包括蝦八爪魚等等佢想韓式煎餅醬汁非常之嘢咩之後就叫咗個薯條 薯條係用上原隻薯仔仔 食落唔係好 熱氣咬落去彈牙 薯仔味濃郁 新鮮好味重頭戲當然係叫番嚇韓式炸雞 韓式炸雞非常之先呢 炸粉好薄 脆皮 奶粉鎖住雞肉的鮮嫩多汁 ， 咬落仲係 好貴 juicy鮮味濃郁雞肉味豐富最後當然係計番杯芒果汁醒醒胃 又可以消暑我朋友就嗌咗韓國傳統蜂蜜 參 茶 一副透心涼的 感覺

之前每次經過依間餐廳都見有幾多人排隊食，今日去開尖沙咀海港城打算去試吓。可惜期望太高，有啲失望。🥲🥲🥲晚市入座，海景打卡位難求。小編只能跟朋友坐出面的卡位。黑松露野菌炒蛋三文治拼薯格，薯格似翻炸再翻炸😑，麵包皮又太硬似隔夜🤭，黑松露野菌炒蛋還算厚，味道正常，但依個價值值唔值就....😞😞😞😞另外個牛油果豬牛雞沙律，唔洗講一睇都睇得出唔好食，不提也罷😑唯一係滿$200加$1有杯荔枝綠茶係好飲嘅。完

因為見到冇人排隊，入面環境又靚靚地，所以就試一試，點知就中伏點左個蒜香蜜糖炸雞，以為同出面食差唔多，都係甜甜地好香蒜味，結果黎到…係原味炸雞，再俾碟好稀既汁你自己撈？啲雞本身有小小雪藏味，冇咩調味，係炸得脆既，不過麻麻地。最恐怖係碟蜜糖汁用生蒜用冇咩蜜糖味既糖水撈哂，成碟野死甜，又好稀，勁核突⋯⋯另外，點左牛油果香蕉奶昔…又係難飲到一個點…香蕉唔夠熟，飲落第一啖已經好大陣草腥味牛油果唔香，應該放得好少。所以野其實個樣都靚靚地，不過味道真係要搞搞佢…總結CP值就一定唔高，價錢係包左黎食個景同打下卡不過試左一次就夠。

無可否認依間餐廳啲野真係幾好食，尤其係個三文魚子海膽忌廉醬烏冬同牛肉炒粉絲，但服務真係唔太得。依間餐廳做完午市後，到5:30先會再有野食提供。星期日當日5:30到達，門口只有3組人等位，但店員亦要我們先攞飛，再安排入座。仲要係門口企左幾個店員係店等帶位，但都要望住我哋㩒飛，然後即攞走我哋張飛，再帶我地入座，咁點解堅持要㩒飛？係入座前，講緊只係5:30，晚市先係岩岩開始，店員已經同我哋講有啲野食賣晒，本身以為只係少少野食賣晒，點知一睇menu，竟然係2頁menu既野食完全賣晒+幾款野食賣晒。但我哋係專登黎海港城食依間，所以我哋都照入左去食。每次食完一碟野，店員都會好快手收走啲碟，快手到食三文魚子海膽醬烏冬時，個碟仲有啲海膽同三文魚子，店員都諗住收走佢。更有效率既係，我哋一食晒我哋嗌既野食後，店員直接連我哋既餐具都收走左。但點餐嗰陣時又唔見咁有效率，舉手舉到手攰都無人黎落order，有兩個男店員直情係坐係我張枱隔離談天說笑。咁都未算，最誇張係佢收左我哋既餐具無耐，就有店員拎左張單黎我哋張枱，擺低，之後行走左，全程一言不發。入座前寫到明同講到明用餐時間限時一個半小時，見店員突然擺低張單，緊係

剛剛過去星期六，奇怪我明明聽住順號碼，忽然skip咗我既號碼，我咪行去Reception嗰位女仕同佢講，佢態度超差話我miss咗,我話我順住聽你叫㗎，我係B36,佢up咗A36無人應佢，佢再叫B37，我就奇怪問佢，佢up錯就話我miss咗，咁最終俾番位我，但D語氣差到話:我明白可能假期做到燥燥地，但係D態度可以咁差都第一次見。OK，find.叫咗碟炒粉絲(好細碟),飯卷D飯係生米嘅。係杯飲品叫做正常之外，真係無下次。我諗我得罪咗門口嗰位小姐囉!

聞說 海港城 有間韓食館 炸雞好好吃外 還擁有超無敵海景 景觀 價格自然略高 行完景點 順便休息一下 這個點 已經可以下午茶了 🍹🍹蒜香蜜糖炸雞 🍯🍯去骨雞中翼醃漬 沾上薄薄一層脆漿 炸至剛熟 上桌時熱燙口 配上 蒜蓉蜜糖醬 🧄🧄 雞肉原已入味 再沾上額外醬汁 又脆口 又Juicy 雙重口感滋味 😋😋海鮮炒粉絲 🦑🦑韓式炒粉絲 各種食材 切的大小一致 油及醬油 剛好掛在食材上 不太油 不太咸 成品達標 🧅🧅韓式醬油元蹄 🐖🐖像是港式分蹄 口感上多了醬油味 薄切 灑上黑白芝麻 爽脆 配合韓式辣椒醬 好吃得停不了 👍👍番薯條配柚子蜜糖醬 🍠🍠這個小吃有點失望 炸得有點乾 醬汁味道不錯 厚切會較好吃 🍯🍯熱飲 牛榜桂圓菊茶 🌼🌼足料 甜味適中 濃濃的 牛榜桂圓味 滋潤 🫖🫖凍飲 藍紫泡泡 🫐🫐該是用了 蝶豆花 藍莓 巨峰葡萄 糖漿及梳打水 冰涼解暑 這名字讓我想到 藍泡泡 🚽🚽 😅😅這頓韓食 最成功的是 超無敵海景 久坐了 離開時 才發現 大部份食客 已離開 在這裡午飯的 大都是 上班族吧！🗞🗞 💼💼

其實可以唔洗去試 價錢唔平又唔好食 得個靚字 冇下次 見佢唔係好洗等位先試吓 食完真心係覺得有啲伏 叫左三樣野加一杯野飲明太子海膽烏冬 汁多烏冬小 海膽有一舊仔 味道好一般 唔值$188蒜蓉蜜糖炸雞 有8件 蜜糖雞點蒜蓉汁 唔難食不過唔好食 唔好同平時嘅韓式炸雞相比 差太遠 唔值$188牛肉定食 啲牛肉全部碎上嘅 碎牛炒菜咁 鐵板上 又油仲有啲鹹 唔值$138荔枝烏龍茶 正常 $58漢堡餐同甜品全部都係停售 選擇真係好少 每樣野都成$200 真心覺得唔值囉兩個人 埋單$615

今日又係放假日，當然又係指定動作啦！同太太行街食飯😬係前一晚已經plan好要去 @lcxhk 度朝聖我太太心目中第一最愛(不是我😕）嘅Kakao Friends 入面嘅Ryan n APeach! 不過小編都覺得APeach真係好得意呀！😍🤪行左 同 影左相 一段時間，當然開始覺得肚餓啦，要搵嘢食醫肚啦！我哋就係附近搵到一間韓國餐廳，佢叫「奇納百川」😆奇太郎原味炸雞🍗(跟鐵板芝士）$198一上枱成陣芝士味已經撲埋黎😋啲芝士仲係個鐵板度沸騰緊！一路咕嚕咕嚕咁嘅聲，搞到芝士控嘅我，個肚都一路跟住咕嚕咕嚕咁叫🤣味道當然ok啦，又熱辣辣，啲雞又嫩👍三文魚子海膽忌廉醬烏冬$188一黎到見到一大舊海膽，已經啟動「有為模式」，「我仲有啲餓」！😆味道亦係好正！啲味好夾！令人好想一食再食🤤牛油果香蕉乳酪$72呢杯野，完全估佢唔到，夾到不得了，好好飲！😂熱情果忌廉梳打$68呢杯嘅味道就冇乜太特別，水準之作，不過不失！😊

門口寫入座起計有90分鐘，但未夠60分鐘就開始比張單你迫你埋單，跟住開始不停收你枱面啲嘢，同埋佢講枱面仲有野食，但繼續執走埋你啲餐具，用意就即係迫你走，或者你可以用手食

去完尖沙咀廣東道蘋果店維修iPad,找地方晚飯，想吃簡單一點又坐得舒服，好友推介到此試試！只知店名實在有點難搵，原來係LCX Fila 對面！找到已經加夠肚餓，點了個前菜忘記甚麼名字，睇相啦（我覺得好味，尤其係個醬）還點了炸雞、海鮮餅、芝士年糕、非常啱配搭的冰凍啤酒！正！

又係一篇海港城餐廳既食評阿🥳今次依間係新一期dining coupo新加既餐廳，係海運大廈個邊坐擁無敵海景😉依間餐廳行casual平民路線，用奇太郎卡通做主題，除咗有一般常見既韓國菜，都有fusion burger,三文治同意粉，係海港城入面比較親民價既餐廳😎(*餐廳可用#海港城coupon dining category B 每滿$200減$100，最多用5張)—《 #三文魚子海膽忌廉汁烏冬》$188 ⭐⭐⭐⭐成日都覺得韓國fusion菜既精萃就係將啲野食變到好邪惡，除咗最常用既加芝士做拉絲效果，就係用澎湃既醬汁黎震撼味覺🤫一上枱最驚喜嘅就係見到有海量咁多三文魚子，難得地竟然比menu show出黎既更加多😍未食已經聞到香濃既忌廉醬，本身好擔心啲鳥冬會煮到淋曬，但食第一啖就發現啲烏冬仲好彈牙✌🏻韓國海膽夠哂creamy，香濃既醬汁加上三文魚子既鮮甜，絕對對得住呢個價錢👅—《 #番薯條配柚子蜜糖醬》$58 ⭐⭐⭐💥呢桶番薯條屬偏幼身，口感尚算香脆，份量亦多🤡搭配咗個柚子蜜糖醬真係令人眼前一亮，番薯條有啲甜膩，配上依個帶少少柚子甘味既醬就非常夾，令人食欲大增，食曬成桶亦不覺膩🤗—《 #海