奇妙美食坊

營業中

休息中

久違了聯和墟美食，今日特意過來聯和墟街市2樓熟食中心下午茶。發現這家 「奇妙美食坊」下午茶非常抵食。而家仲有 $35 乾炒牛河下午茶餐，真係少見咁抵。🍴奶醬多士茶餐 $25👏我喜歡薄多士，勁多奶醬烘得香口好味。😋☕️鴛鴦沒有即磨咖啡嘅餐廳我會飲鴛鴦，因為奶茶好多奶，咖啡通常都會澀口，鴛鴦就剛剛好，兩者分量剛好，不過淡奶份量比較多，都係飲少少算了！🤣環境保持。

下午兩點後就可叫下午茶，點了廈門炒米，諗住下午茶炒粉/麵/飯，一定係比正常午餐既份量少D啦。點知嚟到居然係一般午餐咁大碟，抵食。(或者呢度既午餐可能係再大碟D都唔定)味道係我一向食開既廈門米味道，係有茄汁味。(個人最唔鍾意係加大量咸酸菜調味既廈門米。)有蝦/蛋/火腿絲/叉燒絲.... $35 包熱飲。

11點到 我叫早餐 老公叫午餐我諗冇咩茶餐廳做得到😂芙蓉蛋飯 連例湯(無影到)好食喎 周邊炸得 燶邊脆口但唔係燶味火腿絲 芽菜 䓤 雞蛋 簡單配搭都好好食如果個芙蓉蛋再厚啲 就好啦😆勁多飯 如果女仔食得曬都好堅男仔會好抵食早餐等咗好一陣 好少何會係咁明白了 佢一次過出三個餐🥺我個奶醬多多士 由熱變咗微暖雞扒的厚度 唔算厚味道唔錯 我呢個早餐價錢要$35連熱飲如果對比起午市套餐 $37有例湯連熱飲性價比好似冇咁高但我唔係太想食飯🙃🙂

懸掛3號颱風之時8號颱風正正逼近菜檔d菜點會唔加價街市多人多到一個點約12點多 菜檔好多菜都賣光亦都冇諗住 今晚煮飯 因為買唔落手有得出街食 一定係出街食因為食肆唔會同你加價最多佢唔開檔je去到奇妙 已經冇晒蒸魚嚕老公就叫咗個肉碎蠔仔湯飯大推 好想同佢交換 我叫嗰個🙂🙃大碗 加胡椒粉落去 好惹味平時唔點食白飯嘅我 對炒飯唔抗拒仲要係鍾意個隻見到炒飯兩隻字 對我來講係乾身嘅飯來個福建炒飯吧一上枱 SHITTTTTTTTT 點解係汁 淋上面嘅飯一路以為福建炒飯好似鹹魚雞粒炒飯一樣乾身乾身乾身即時心情唔好佢唔係唔好食 係唔啱我胃口je🥲🥲就算係炒飯底 啲飯索晒啲汁都已經唔係我心目中嘅炒飯認真 午餐個餐牌上 對我來講佢CP值最低我叫咗個教訓返嚟 下次絕對絕對絕對唔會叫

今次醒目叫沙嗲牛肉米唔會再叫回鍋肉成個餐都係$31 真係好抵講吓個主菜先 牛都有5-6塊 味道好夠米粉係粗身嗰隻 唔係新竹米粉食完一陣 已經覺得好口渴都幾肯定係個沙嗲牛 多味精唔鍾意味精嘅朋友 就叫第二樣啦

一上街市右手邊 有一檔都做緊茶餐佢個西多士$28 我問佢有冇紅豆冰佢哋冇 咁我就走咗啦因為好想飲紅豆冰 加西多士點知個街市熟食檔只有兩間開咗整茶餐奇妙都有 但我知佢冇紅豆冰最後我都坐咗喺度食因為佢西多買$25 連杯飲品叫咗杯華田有驚喜因為好多茶記都唔會落足粉試過好多間 水多個粉落埋糖 同糖+水冇分別佢杯華田好夠味 唔係講個甜味係講佢話華田粉夠不過我是前 又同佢講少糖因為佢哋會幫你落埋糖先上枱之後西多士上枱啦兩個蜜糖漿 Surprise 我傳統我食開糖漿一睇到兩個蜜糖漿 就覺得唔match都冇辦法叫咗 就試一試佢衰鬼幾好食喎 match到即時個mood都好咗😆問咗佢可以西多跟煉奶下次試試煉奶先

之前只係試過下午茶今次來呢間 就係食早餐現今嘅香港 大約30頭嘅早餐幾好食 都算係咁我叫咗個主菜係回窩肉 老公就鮮茄牛肉一上枱嘅時候 我即刻唔開心我冇諗過吖回鍋肉 有咁多筍片唯有將所有筍片 俾晒老公食最後只剩返兩塊回窩肉 覺得好唔抵老公都識做 俾返啲鮮茄牛肉我🙂🙃鮮茄牛肉都試過 唔錯這裏只需加1蚊 就可以變奶醬多如果牛油多士 或者醬多占多但一款都唔需要加錢仲有佢個午餐肉都幾算厚如果喺聯和墟舊墟食茶記早餐轉占醬多/占多/醬多好多時都要加2-3蚊所以我個早餐連熱飲埋單只需$31 都算係咁🙂🙃

茶底的重要性奶茶 檸檬茶 係好代表到一間茶記奇妙個茶底 抵～令我飲完想再飲嘅茶底因為早幾日食完隔離間冰室菜館嘅茶餐個檸檬茶底 就好一般不過佢地茶餐牌 都係平d 25 / 30 包熱飲 加3轉凍飲 加6轉紅豆冰不過奇妙就冇紅豆冰🙂🙃今日就叫咗個鹹魚雞粒炒飯& 干炒黑椒牛肉意成個炒飯你係唔會搵到有鹹魚但你會食到有少少鹹魚香味對我來講仲好 因為我唔鍾意食到成粒鹹魚 好鹹雞粒預咗佢係冰鮮但唔會食到柴口平時老公 茶記食飯食意粉都要落辣油辣醬今日佢無 因為個意粉好夠味黑椒份量好夠 食嘅期間搶喉搶左幾次😆仲好 我唔鍾意佢成日都落辣醬食 好唔健康牛塊 都有成8塊以上總括 我鍾意食炒飯多啲其實兩個都炒得幾好食如果佢個飯同意粉 再炒乾身少少就更出色🤤🤤我比較過同層餐廳佢同隔離間冰室菜館個茶餐由下午2-6點仲有一間就由2:30先開始炒粉麵茶餐就有$35起可Encore 的奇妙美食坊😊

街市裏有很多食店，但呢間係最旺場的，每次呢食都好多人的。午餐款式選擇都唔少，通常蒸魚同口水雞係必有的，呢兩款的味道都唔錯，所以係呢間店的黃牌。今次我就食干燒肉絲伊面，味道都幾好，啲伊面唔會太諗，夠乾身，肉絲又多，好食又多料又大碟，另外加2蚊叫的凍檸檬茶就唔夠凍，可以叫EE俾多杯冰，佢地啲招呼好親切，好有家的感覺價格又平，我諗老闆賺的利潤一定很少，只係因為有呢類老闆，我地呢啲平民先可以食到又平又有質素的食物，多謝老闆。 完