奇味小廚 (已結業)

這是補寫一篇食評!23/2/09 那天我在澳門呆坐了5個小時再加上乘船的勞碌, 好像感冒了! 回到香港已經差不多十時了, 他原來也等我吃飯......人很累, 我們便選擇了奇味小廚!幸好這裡有我最愛吃的咕嚕肉, 所以不加思索便點了這一道, 再加一碟菜及一碗飯SHARE, 可惜這晚我沒什麼胃口, 只吃了一點便停手~~~~如果你有機會到這間店子, 可以選擇的也很多......例如咕嚕肉, 椒鹽鮮魷, 蠔仔粥, 檸汁雞, 羊腩煲, 魚湯菜.........

Another lunch session with colleagues. This time we ordered 6 dishes: 茄子煲, 豆豉鯪魚炒油麥菜, 肥牛炒韭菜花, 西檸雞塊, 椒鹽鱔片 and 蒸水蛋. Not much of an opinion for 茄子煲, 豆豉鯪魚炒油麥菜 and 肥牛炒韭菜花, but had more of the 西檸雞塊, 椒鹽鱔片 and 蒸水蛋 instead. 西檸雞塊 - had a strange but special taste to it. The sauce is a strangely bright yellow, with the taste being sour at first, followed by a sweet aftertaste. I quite liked this sensation, although the sour taste didn't last long enough on my tongue. 椒鹽鱔片 - Probably the best dish in the lis

光顧了奇味已有好幾年, 她一直是家庭飯局, 朋友聚會的好地點!! 因為價錢合理, 食物味道一流.在奇味最常叫的是鼓油王類食物, 如鼓油王焗魚腩, 肉排等!! 而最愛吃的是市面小有的焗魚鏢!!! 回說鼓油王, 這裡的味道適中, 不太咸, 再加上丁點美極吊味, 成為這裡特別的鼓油王之味. 而這裡的小炒亦具鑊氣, 最愛是韮菜花炒銀魚仔, 略帶微辣加上香口的銀魚仔, 是送酒佳品.在這裡還有很多我喜愛的菜式, 如大大碟的蒸魚,新鮮亦很抵吃!! 方魚肉碎蠔仔粥, 方魚很惹味,帶起了蠔仔粥, 使味道和口感不單調. 滷水鵝翼, 嫩滑肉不痴骨. 脆炸南乳豬手, 皮脆肉嫩很香口. 而這裡不時都有新菜式, 為食客帶來新鮮感.很多朋友都投訴這裡的服務, 的確在繁忙時段服務比較冷淡.....而且在這些時段食物水準亦比較不穩定.

親戚一直愛去, 原因就腳. 係舊舖開始光顧,以為D 雞好味, 但新鋪開後, 感覺比以前差了.而且他們一向都沒有服務,叫人要叫好多次才有人應你, 追order 仲要比串番轉頭,真的一肚氣. 今日班親戚又去食飯, 我都食唔飽, 因為我怕油,地方叫做有電視睇,但坐得不舒服!!今晚食了, 沙薑雞, 上湯豆苗,還有豆腐&魚.個上湯豆苗好油, 豆腐裡面唔知點解好粉,最憎係咁.魚無吃,因我不愛吃炸魚. 最終只吃了油浸豆苗,一件豆腐, 三件雞和半碗飯, 現在好肚餓呀!!

鰂魚涌小菜王，人氣極旺，星期一開夜與同事來吃。臨近 11 點都幾乎滿座。二人點了泰式煎封魚、鮑魚骨蘿蔔煲和大例湯。例湯火喉足，料亦足，芥菜頭煲豬嗗，下火一流；泰式煎封魚應該是桂花魚，桂花魚炸完再淋上酸微辣汁，醒胃，但好熱氣；鮑魚骨蘿蔔煲是豬骨煲變奏版，不明甚麼是鮑魚骨，但豬骨鹹香惹味，蘿蔔亦炆得入味，份量勁大，最後還連飲了兩碗用柴魚和豬骨同熬的湯底，正。

約港島友人在此晚飯,三個人叫了:沙薑雞半隻$55 - 皮滑肉嫩無雪味,比以此為招牌的店鋪不遑多讓, 唯一可挑剔的是雞皮下的脂肪太多而已.燒汁白鱔片$75 - 夠爽夠脆,沾些急汁就食得更滋味.豉椒生腸$48 - 洋蔥青椒都爽,生腸如能炒得爽些,多些,就更正.魚湯浸海棠菜$38 - 四處也找不到海棠菜的資料,希望有識之士指教! 只知海棠菜是一種長條形,尾部有少許綠葉的菜, 此菜一齊叫,卻在吃完三碟肉類,小憩後,才珊珊來遲的一道,但時間卻是剛剛好, 菜夠淋,湯夠甜,食落有去滯清胃的感覺,最後連湯也分來飲晒!完全是個大驚喜!加上兩枝啤酒,埋單$276,以食物質素來衡量,完全可以接受!

此店前後光顧了三次，第一次去，睇見餐牌，樣樣都好想食，但只得兩個人，所以都係叫得兩碟小菜，叫左《走地沙薑雞》半隻，好似好耐冇食過咁滑嘅雞哪，又叫左《魚肚雜菌煲》($60) 啲魚肚好入味呀！食完呢餐，又念念不忘，好想試埋佢其他小菜，第二日又去幫襯，本來想叫《蜂巢炸蠔仔餅》$50，但老闆話要等45分鐘! 卒之叫左《話梅豬手煲》$48，小小話梅味，豬手好肥美，《南乳齋煲》$48，都幾大煲，沙薑三寶$48，有珍干、鵝腸和雞腳，鵝腸好爽呀，雞腳珍干可以唔食。而另一款小菜《燒汁白鱔片》$75，都好好味，食到尾聲鱔片仍是很脆，燒汁和白鱔片魚香混在一起，味道剛剛好。

因為公司在附近，大概每月都會相約十位同事到奇味食午飯 ! 這裏午膳時間一定滿座，所以一定要先訂位和落單，這樣上菜也會比較快一點。由於人數眾多，每次都可以試到不同的菜式。說這裏的每道菜式都有水準，一點都不誇張。印象中，在這裏嚐過的菜式中，有超過九成半都獲同事一致好評和讚賞! 這裏的廚手勢的確非常了得，小菜小炒都非常有鑊氣，又不會太油。他們的家常菜式和老火靚湯也很不錯呀! 眾多菜式當中，我非常喜歡他們的蛋白蒸豆腐 (超滑，餸飯一流!!!)，椒鹽白鱔和特色家鄉菜 (如豉油王魚標和香煎墨魚餅)!

實在非常多人，星期日晚六點半嚟坐低冇耐，己經門口有成班人等位。沙薑雞:味道幾好有雞味；蜆介魚卜煲幾香口但多油；魚湯浸菜ok；豉油焗肉排就一般；重有一個餸唔記得係乜。小菜味道算唔錯，但價錢就真係好低，差唔多平過快餐店。

一個人行過呢到，忽然記起係OR上有唔少好評，於是一條友坐低，但人少叫小菜又唔知食乜好，於是食打冷:鹵水鵝同豆腐拼韮菜。鹵水鵝真係失望，又肥又靭，唔掂。豆腐有驚喜，唔係用一般炸豆腐，可能係自己炸嘅，唔太燶而豆腐有香味，韮菜也不錯。連埋一枝啤酒價錢也不平。睇嚟打冷唔係呢到強項，今次唔作得準，下次要試小菜睇下真正水準如何。

由於公司在太古坊，來這裡吃飯已幾年了，由第一次來吃就知道這裡味道好，但看不見有人寫，就沒有跟進。再來發覺已有多篇食評，不妨又加點意見...我和同事都只在這裡吃午飯，這裡每日午飯都『座無虛席』，並非客套話而是附近沒有太多同類食店，或是對手太不堪... 『東西預先煮，上桌冷冰冰! 』，誰會來吃啊!奇味只有慢上菜，東西熱騰騰, 加上有茶喝、有例湯送，食客絡繹不絕，今年新年天氣奇冷，這裡就更多人了。老闆記性很好，會認得我們閒聊兩句，店員阿姐們都忙得不可開交，你還想有甚麼服務?我不知道這裡有甚麼不好吃，暫時未遇上，食評應以『平、靚、正』來終結。

我今曰第一次去呢度食lunch，覺得好食到不得了。我地今次叫左四個小菜：豉油王中蝦Jer Jer 蝦米炒生菜椒鹽鮮尤西檸雞我最鐘意豉油王中蝦，D蝦又大隻又爽，又夠味，最緊要夠抵。其他小菜都抵食又大碟，一定夠飽。埋單到只係$237。真抵！！不過最緊要book位同預早落單，咁就有充足的時間食。真係值得推介俾大家，有機會一定要去試。

樓面服務差，上菜慢，野食ok，lunch去食必遲無早，如去真係要訂位。

終於擴充囉!!用埋隔離"美味屋",舊址"打冷",新址"炒",地方多左,但係中午一樣要訂枱 先有得食,晚市好少少,但都經常要等,鬼叫d野好食咩,抵佢牙擦

味道十分好，炸得唔過火，每次去都會叫呢味餸。lunch 好扺食，但坐的地方比較窄，記得訂位同埋落定單,去到即刻有得食。