太興 (瑞生樓)

睇到Social media 話太興大回歸價錢$19一碗堂食，有無睇錯啊，梗系吾好執輸。朋友話系元朗吾使排隊，馬上去荃灣分店睇睇，哩度真系吾同，要等4個位，裡面坐無虛設，仲系一定搭檯，可能真系吾系無客，系正常價錢太高啦味道(4分)-話輕盈其實都吾少，有六塊，味道系吾錯，當然無脆皮啦！但都跟一條菜，算比足料。-瀨粉都好滑-但個湯真系幾肥膩。服務(4分)-雖然咁多人，都好快上到菜，good-服務員亦吾會埋怨多人。…查看更多

下午茶冇乜打算冇乜期望平平你想醫包嗰肚 喺眾安街 入太興， 兩個人兩份下午茶餐都係叫燒鵝瀨粉， $38 都冇乜好投訴 我同朋友 各叫一份估唔到我有驚喜畀隻燒鵝髀( 聽講話指明要燒鵝髀要加十蚊，今日好彩我唔使喎)， 不過賺完都要彈下因為雖然食到隻 燒鵝髀 但係真係冇乜燒鵝香味，失敗失敗。 另外叫咗個餐前小食藤椒麻辣魚皮， $18 都叫冇得輸 朋友叫咗個紅豆冰走忌廉 味道算係 ok 啦； 我就都係叫返 咸檸檬 溝七起， 我覺得味道好夾。 嚟呢一間太興食嘢真係要撞手神，有時燒味好鬼香乳豬燒得好正各種燒味都好掂，但係今日就真係好普通。 :(…查看更多

晚餐搵啖食，干炒牛河，上枱一見，色香味的色，已經令你唔想食，仲要好油。雙併碟頭飯，燒鵝併切雞$71,飯沒有口感，燒鵝就係比最差位置，雞得個咸味！唯一合格就係杯奶茶。…查看更多

為了再試它的奶茶。今午又去荃灣，見完客。忍着餓，约4點才去太興食下午茶。羅宋湯通粉，两隻炸雞中翼，茶走。($38）茶走，少少茶香，滑，唔嚡，濃淡適中，好飲，九成似翠X那杯奶茶，一樣好飲。温度再熱些，更好。飲食集團仍保持正常好水準，要讚！注重奶茶質素的餐廳，值得支持和讚許！炸雞中翼，雞肉熟而不柴皮，冇雪味，水準之上。熱辣辣，好味！羅宋湯，少少肉味，配上少少通粉，味道不错。員工和熟客有傾有講，整體態度正常。…查看更多

諗住求其食一餐，就試下太興個魚膠砂鍋雲吞雞，一上枱睇落賣相好似幾好，點知原來原地中晒伏……​湯完全唔夠，得兩碗仔多啲，真係用黎淥菜都唔夠，煲仔個火仲鬼咁猛，痴筋……開始食唔夠5分鐘就已經要即刻熄火​雞得嗰1/4个雞上架加隻雞翼，雞肉真係少得可憐，雞架本来就冇咩肉，仲要勁柴菜就湯底一大煲娃娃菜再配一盆生菜，全餐飯好似變左食齋咁雲吞直頭不知所謂，連速凍餃子都不如，更唔好話佢係一隻雲吞​$120食啲咁既野，抵你地賺大錢既，好野…查看更多

隔離咗成個星期😫，食咗成個星期飯盒🍚，出返嚟最想就係食返碗熱辣辣有湯既麵同飲返杯冰凍既凍奶茶，凍奶茶即刻聯想起太興的冰鎮奶茶，茶香奶滑唔會因為冰塊溶化而變淡，一於就揀太興去到太興即刻落單叫我喜愛的冰鎮奶茶同惹味排骨麵，點知侍應姐姐好好人話而家可以升級免費揀期間限定特色奶茶，我就梗係唔執輸試新嘢，就揀豆花奶茶啦🧋⭐️惹味排骨麵⭐️排骨煮得非常入味，夠火候，肉質夠淋唔會嚡，而家排骨份量好足好大碗，湯底味道亦夠濃郁，麵條煮得恰到好處，唔會太淋亦唔會太硬，仲有生菜增加色彩⭐️豆花奶茶⭐️豆花奶茶唔係用冰鎮，佢係將奶茶雪凍，底層係豆花，再加上奶茶，上面有一串三粒燒過的棉花糖，棉花糖燒過比較甜，由於食咗棉花糖先既關係奶茶變得冇咁甜，奶茶依舊奶滑茶香，再加豆花變得多層次，非常飽肚🤗而我都係鍾意原有嘅冰鎮奶茶多D…查看更多

大前日(29-1-2022 Sat)同老公買嘢前食個晏早餐,我哋嚟呢間,我哋要咗:1. 跟餐嘅熱鹹檸水好細杯,鹹檸有半個同已經戳咗,飲啖,好鹹,我知係鹹,但個杯可唔可以大啲,而或者俾客人自己戳,或者落1/4個鹹檸,最後我要自然溝半杯熱水飲.味道:3分2. $17.00嘅熱鴛鴦少奶老公飲嘅,我試吓,只有咖啡味,茶味冇乜,我覺得成杯嘢係淡咖啡.味道:1.5分3. $38.00N2嘅人氣早餐中嘅火腿通粉通粉口感唔錯,唔會太腍,有啲彈性;個湯濃淡適中,可以同台灣麵一比高下,不過有生菜就令佢變得奇怪.味道:4.33分4. 人氣早餐中嘅香滑炒蛋配鬆脆多士鬆脆多士我揀嘅係多烘,但睇見佢兩面都烘得唔多,不過出奇地好脆,好乾身.味道:5分炒蛋係炒熟蛋,既然係炒熟蛋,何來滑?但係有蛋香嘅.味道:1分5. $25.00嘅鮮油西多士見佢炸得以幾靚,老公食完到我食,我撩開睇,冇花生醬嘅?食落,由於蛋漿唔多,所以唔太香,而我老公可能落太多糖漿,所以得個甜字.味道:1分服務:大致上ok嘅,啲亞姐都有禮貌,但我俾錢後,收銀嗰個男仔多謝都冇聲,重疑似黑面,唔係話我幫趁嗰$80.00好巴閉咁,但連基本禮貌都冇囉.其他:電子落單要揀嘢,係好多嘢揀,但偏偏炒蛋只有炒熟蛋揀,冇半生熟,做啲唔做啲.抵食係2.8分上次食評係2019年8月3日刊登嘅呢篇: https://www.openrice.com/zh/hongkong/review/%E5%A4%AA%E8%B2%B4-e3492643…查看更多

今次早餐3人，共＄130左右上次來覺得服務差，但總算是可接受，但今次要改評價了，我的第一次長評🤣樓面混亂，一個叫我們坐裡面，走到後，另一個又我們坐窗邊（靠門口），門口的員工又不耐煩的叫我們坐裡面😵落單同事反應差，爸爸叫A餐，媽媽跟著叫A餐，然後爸爸立即轉食B餐，正常不是留低A餐，直接加一個B餐嗎…？我們亦提議過，但她是不滿的將整單取消，要我們重新叫餐，變通一下好不好...😓落單也很慢，一個叫完要等她入機，2分鐘左右才輪到第2個人叫，不想等直接叫也沒有用，因為她很專心入機，聽不到你叫餐😂最後落單落左超過10分鐘😤中途有隻小昆蟲飛來飛去.....味道還好吧…不滿中都沒注意（嘆氣…查看更多

因為幾日嘅舟車勞頓，#小秘書 真係攰到真係要唞一唞[睡] 一覺醒來已經係中午時份😅 好在屋企有個好爸爸，佢已經為我哋準備好 #咸稀粥 做 #午餐，實在太感動🤩 啱啱食飽飽無理由又再瞓過啫... 一於出去兜個圈，順便買啲 #小食 返嚟加餸🤤住喺 #九龍 嘅我，唔知點解硬係對 #葵荃區 #情有獨鍾，成日對腳自自然然就會走咗過去😅 行完 #新都會廣場，我搭車落 #荃灣，喺 #新之城 行咗一轉，先醒起未買 #外賣👉🏻👈🏻 急急忙忙走去小巴站附近間「太興燒味餐廳」 睇吓有啲咩可以用嚟加餸。諗起爸爸間唔中都會飲番杯，買 #燒鵝 就最啱佢👍🏻 不過計埋媽媽，我哋就只有三個人，買下庄（1/4隻）應該夠喇掛。#小秘書 滿心歡喜拎住盒鵝返屋企，打開個盒，外貌完全不似預期，肥油一大灘，而且咬落肉質都唔夠細緻，完全同我喺出面食到嘅兩回事👉🏻👈🏻 哎 下次都係唔好咁懶、貪方便，要食就一定要食最好嘅🤪…查看更多

太興早排時間，推銷現金卷，畀$1000現金，可有$1150啲現金卷，計落大概88折，所以家人買左一啲，用嚟買燒臘食品，或盤菜用因要祭祖，所以一星期前，在太興預訂了一隻乳豬在荃灣分店取，10:00到荃灣分店，乳豬已預備好乳豬用一個大硬的袋裝起，size畀一般乳豬大，燒得好靚，同好香，坐車時，其他人都話好香祭祖完後，家人帶回隻乳豬去太興，本想只叫他們幫忙切開六大份，等我地容易分派，讓每家人可以帶一份回家，點知燒臘哥哥好貼心，佢話幫我地切件，分幾個外賣盒，真係要畀個讚佢乳豬燒得金黃色,唔會太肥，皮同肉中間脂肪唔多，可能時間長左,皮已唔太脆口，但肉質好嫩滑,蘸少許乳豬醬，仍然非常美味…查看更多

約了好友早餐，早上荃灣除茶餐廳都無乜選擇，佢比我早到揀咗呢間，我到時門面光鮮，入內間成小卡位，桌椅都好密集，走道一個人行都緊貼，早餐都是港式大路早餐！鮮茄蘑菇湯通粉（$36）白有柄膠碗，蕃茄湯幾濃，有茄肉，不會太酸，蘑菇竟然係新鮮蘑菇片（加分）通粉彈牙！好味煎熟蛋多士（跟餐）兩隻熟蛋幾大隻，蛋黃仲有啲溏心（即係熟但唔乾）多士牛油分上（讚👍🏼）幾鬆脆好味熱檸茶（跟餐）正常茶餐廳茶底，濃而不澀！好味朋友食：輕盈香辣肉碎札肉湯通粉（$38）炒蛋多士（跟餐）奶茶（跟餐）食物幾好，店員姨姨勤快，基本上一完成一碟/碗都即刻收走，拎走前會問一聲！水準不錯的港式早餐…查看更多

今早交通暢順，巴士好早已到達大窩口，所以決定遲一個站落車，去荃灣太興嘆個美味早餐，太興係一間我較鍾意的食肆，尤其是哩度既早餐，雪菜肉絲米粉同嫩滑炒蛋，仲有杯滑滑奶茶。今早都叫咗雪菜米粉，蛋就就改咗煎蛋，先嚟個煎蛋，嘩，好失望，賣相好差，個蛋煎到過熟，好薄兩塊，多士就正常，個雪菜米，有兩小嚿肉，咬落好甜，好似用糖做醃料，雪菜和米粉就keep到水準，奶茶最好，仍然入口滑滑的。總括嚟講，個早餐加到成$38，但質素就好似差咗啲…查看更多

噚日（2-8-2019 Fri）放工後，又再勞煩老公男友人NT，嚟我屋企整電腦，老公原本只喺華御結買嘢食，但原本睇牙醫嘅爸爸，因醫護罷工冇得睇返嚟，咁通知老公，點知佢已經喺華御結買完，咁佢就為爸爸喺呢喥買啦，佢買咗三文魚炒飯同乾炒牛河，要熱奶茶。由於NT未到，咁我哋飲咗奶茶先，我完全冇加糖飲，佢都唔苦澀，呢點值得一讚，只係茶味唔太濃。味道:4.5分乾炒牛河，我試少少先，一食就食到美極嘅味道，睇睇張單，原來名字係瑞士汁牛柳絲炒河，好似唔係嗰回事，我再食真啲，牛柳絲(其實都唔係絲)超鬆軟，大概落咗好多鬆肉粉吧，食到牛肉同美極嘅味道，醃到好入味噃;河粉係幼身嘅，味道就偏甜啲。而墊底有兩條厚菜心，咁呢個炒河嘅份量好少噃。味道:2分三文魚炒飯，睇見有啲蟹籽舖喺面，爸爸食咗一碗，我食少少，冇鑊氣亦唔惹味，三文魚唔太多，菜粒較多。味道:3分我哋呢晚食唔晒，留返今日晏晝或夜晚可以再食。價錢:老公話呢兩個餐要$67.00一個。上次食評:https://www.openrice.com/zh/hongkong/review/濃味豉油雞-e3070325…查看更多

一條友放エ諗唔到食咩又想飲湯，就去左眾安街間大興叫左鷄煲，豬肺湯味道正常，不過。。。食完勁口喝到第二朝之前去過其他太X都未試過咁d味精真係勁正星期日ハ點都大把位伏左…查看更多

昨晚一夜難眠，原因係要連睇三場世界盃，睇到第三場最後幾秒鐘先至定下來，終於確定德國隊死唔去，才可以去安睡。睡醒張開眼睛已是中午，愛人催促我去食午飯 (其實是早餐 + 午餐)，我哋就馬上出門了。估唔到昨天是黃雨天，今天就是陽光猛烈的一天，唔想周圍搵，決定去了呢間食。坐低自斟白開水。然後睇下食咩好。天氣興，愛人無咩胃口，揀咗冬瓜蠔仔泡飯，我就無所謂，唔怕重口味，一於食椰香咖喱牛腩飯。飲品就兩人都飲熱奶茶。奶茶好快到，都唔熱嘅，無咩香味，只可以算是合格。牛腩飯係飯和牛腩分開上的。睇個樣牛腩和薯仔分量和佔一半，咖喱汁好多。白飯好多，滿足到我早餐一齊食。牛筋炆得好腍，但係味道偏鹹，連個咖喱汁都偏鹹。好彩碟快夠多，將所有咖喱撈落D飯到，剛剛好中和到。冬瓜蠔仔泡飯相對之下，比較好食一點。有芫茜和冬菜吊味係香好多。蠔仔都幾大隻，又唔腥。仲有冬菇。食飽飽，返去再抖一抖，今晚仲要睇英格蘭。…查看更多