太興 (已搬遷)

炆米、牛河係港式茶記招牌嘢，所以，嚟太興，多數都會食佢哋，其中一個原因係好味，另一個原因係佢啲嘢越來越貴，唔食呢兩樣都無咩可以選擇。聽講佢就嚟上市，唔知佢上市之後，會唔會好似翠華咁加價速度會更加凌厲呢?瑞士汁乾炒牛河個汁幾甜，甜得嚟幾惹味。炒得算乾身，不過欠缺鑊氣。牛肉份量比較少。火鴨絲炆米都OK 大碟。其實佢嘅食材材料成本好低，賣到咁貴全因人工、租金貴。講番佢嘅味道，係好食嘅，即是廚房part 人工係值嘅。呢度坐位幾迫，坐得不太舒服，呢樣嘢，直接反影租貴了。奶茶茶味唔錯，是捷榮吧。…查看更多

今朝一早去圓玄學院還太歲，還完太歲坐小巴落返去荃灣。因為朝早未食早餐，所以感到好肚餓。去到附近的太興，時間係十點十，即係仲有早餐食。媽子叫咗個早餐G，雪菜肉絲米粉、炒蛋多士配熱奶茶。我就等到11點午市開才叫嘢食，叫咗星州炒貴刁配熱奶茶。臨走時，仲叫多個外賣瑤柱金菇炆伊麵俾家姐。奶茶係一貫太興的招牌水準，茶香奶滑。炒蛋和多士都OK，早市尾段都仲係熱的，算係咁。炒貴刁咖喱夠辣，好醒胃，不過啲蝦肉係完全無味的。外賣的伊麵似乎較堂食的份量少。返到屋企，盒伊麵都仲熱熱地。家姐話味道較淡，仲問點解唔幫佢攞埋豆瓣醬。買埋俾你食仲嫌三嫌四………查看更多

天文台話今朝錄得今年入冬以來最低氣溫，怪不得，個人都好似進入咗冬眠狀態，一瞓就瞓到11點幾。既然咁凍，就好應該打下邊爐，梳洗後，隨即動身去楊屋道買餸，今晚打邊爐。呢啲天時，都預咗街市梗係多人㗎喇，所以，買嘢要快、狠、準，去番平時去開嗰幾檔入貨，無謂周圍去格價。拎住一抽二袋嘅戰利品，行去街市街嘅太興食晏 (兼早餐)。難得呢個時間唔使排隊，有位坐。之不過，原來呢個係風口位，啲人出出入入，度門一打開，啲寒風吹埋嚟都幾係嘢。叫咗兩個午市套餐: 台南肉燥煎蛋飯、燒鵝絲雪菜炆米，兩個餐都係飲熱奶茶。通常嚟太興都只係會飲奶茶，因為呢度啲咖啡唔得，反而，奶茶就OK唔錯。台南肉燥煎蛋飯個造型有啲台南嗰啲便當。肉燥味道對比唔上之前喺大家樂食過嗰啲。不過，撈埋啲半生雞蛋一齊食，又唔同講法，蛋香彌補咗唔夠味嘅肉燥。燒鵝絲雪菜炆米等咗好耐先有得食。都幾大碟，不過，味道淡咗少少。食飽，動身歸家，期待今晚餐自家制火鍋。…查看更多

好鍾意去太興飲奶茶,但係今次竟然up左要奶茶,突然……天使在腦海出現,健康D,改飲咸柑桔。搬了鋪後,第一次來,其實面積與舊鋪差不多,而且一樣是長形積,感覺還窄了點。咁「好彩」,被安排坐尾位,對正廁所&後門:(。每次到太興都是tea time,對著那例牌的menu,確實有點悶。沒想到,它加入了新點子!即時在主餐牌中,揀了台式鹵肉飯$40,跟例湯。它的例湯,是ok的,似是老火湯,只是油了點。鹵肉飯好好吃啊!肉碎企理。如果隻太陽蛋唔好咁熟就好喇。蛋汁少了,但鹵肉汁充足。新元素,成功!下午茶餐,片頭炒蛋三文治餐$23。賣相靚,麵包脆!片頭頗咸,夾蛋啱啱好中和一吓。魚片蛋治,幾得意吖!咸柑桔水,有成個柑桔!好抵喎!不過要勁篤,和加糖,如果唔係,好寡同好咸。太興食物質素很有保證,而且服務一流。間唔鐘都會幫襯。…查看更多

I arrived at this restaurant around 9:15pm.There were very few patrons at this time so it was very easy to get a table.The selection were not as extensive as the larger Tai Hing Restaurant and mainly consisted of roast selections.I ordered the Char Siu Rice as this was one of their signature dishes and was prepared in 5 minutes which was very good, and complimented with a cup of hot Horlicks.The hot Horlicks was given first and was relatively hot and not too sweet.The char siu was very tender and tasty and provided in a large portion. They were sliced thinly and served with little fat. The dish was supplemented with choi sum and a large quantity of rice with soy sauce.The final bill came out to HK$41 which is a reasonable value for money.Overall the flavour was delicious and fulfilling. I give this meal a thumbs up and rate it 8 out of 10. The last 2 points I feel could be made by adding oyster sauce options of the choi sum.…查看更多

在澳門完全飲不到好飲的奶茶,回來一定要飲番杯勝既!太興奶茶,不容致異。下午茶:义燒米粉、例湯。义燒腍又濃味!米粉好像新竹米粉~這配搭,絕對是港式下午茶精選之一。青紅蘿蔔雪耳湯,很住家味道,零味精。餐肉炒蛋公仔麵(轉煎蛋)、冰鎮奶茶。蛋煎得太熟。餐肉沒煎過,失色。冰鎮奶茶,首先是細杯左啦!味道也無咁甜,茶味苦澀之中,給奶中和了。同以前味道完全唔同了,但這味都很好,沒太興奶茶沒動搖過。…查看更多

原本諗住茶餐廳早餐,不用寫吧。所以連相都無影。誰知味道很有驚喜!我吃了通粉早餐,有香草腸、烘多士。門口poster講道是(好似係)法國火腿、QQ通粉。果然如實報導!火腿肉色很乾淨利落,完全沒有肥肉,沒有筋；通粉有點o趙口,不會像吃發水腍通粉。通粉中亦加了兩片生菜,賣相與有營相並重。多士又熱又脆；香草腸,茶記少見,味道也不錯!老公吃炒蛋餐肉公仔麵。一碗普通的一丁,我沒有想過去夾他一著,但老公給了我吃,完全嚇了一跳!自問煮一丁都唔錯,但這麼爽口又幼身的麵,怎樣煮的!?現在想出來,莫非它用了日本「一丁」??因為香港一丁,每煮時,發水後,麵身澄白色。今早那碗,好像沒有噃!真的好美味:)!餐茶,熱奶茶,竟然是嚡口的!太興不會只顧冰鎮奶茶,而疏忽了熱奶茶質素吧?高級即蘑咖啡,以為是虛名啦,誰知香到完全不用加糖,也非常對味:)!豆味餘韻,留在口腔內!果然高級高級!…查看更多

北上前還有點時間,找個地方吃個早餐總比站在街頭呆等好,兆和街一眾茶餐廳竟座無虛席,平時不用吃早餐時又每間都有位置反而後面街市街的太興剛有座位,炒蛋炒蛋即時出現腦海裡!! 位置較卓爾居分店小,座位也沒那麼多,卡座還算舒適的!在太興吃早餐的話,人氣早餐配冰鎮凍奶茶仍是不二之選。冰鎮凍奶茶以一貫磨砂玻璃碗盛著碎冰送上,第一口覺得有紅茶味,對這個近期勁飲維x奶的月巴客人就很滿足! 再喝下去那種奶味高於茶味的感覺就出現了, 奶茶質感厚身,由於多奶關係也很滑溜,沒有加冰的情況下當然不會愈飲愈淡,不過卻會愈飲愈膩。炒蛋跟厚多士一併送到,為什麼今次的炒蛋扁扁的如普通茶餐廳??太興的炒蛋不是炒得圓圓厚厚的嗎?撇開形狀問題,炒蛋炒得並不滑溜,雖然還有些微蛋汁存在,但距離滑蛋還有點距離,可取之處是有點蛋香和不太油而已,還是卓爾居分店的滑滑炒蛋比較對味; 厚多士烘得外脆內軟,個別包裝的名牌牛油在多士夠熱情況下快速溶化,雖然牛油香不算很重,但牛油多士很難不好吃嘛,不過自己卻忘記自製油砂多,笨了。菜絲火腿通粉用上有坑通粉,通粉煮得彈牙不會太軟淋, 好吃!湯底本來稍稍過鹹,不過生菜絲卻令其變得有點菜香,味道就變得"河蟹"多了,只是生菜絲可以多加一點嗎??除了有營養之外還令通粉多了清新爽口感覺哦;粉紅色火腿絲切得大小均一,好刀法。結帳時看到一排燒腩肥瘦相間,師傅下刀那清脆聲音吸引得很,結果晚上回港後跑到卓爾居太興買燒肉吃 …查看更多

之前喺另外兩間分店食過下午茶,炸菜肉絲米好好食,咁呢次女友又叫呢個餐啦,不過就有少少失望,佢唔係難食,不過唔知點解,碗米粉個湯同之前其他分店食嘅唔同,油咗又濁咗,總之就無咁好食....而我因為唔係好餓,就叫咗個和風多士拼杏仁條,反而呢個又幾好食,和風多士個味幾得意幾好食,而杏仁條應該唔係佢地自己做,不過食落口好脆,不過呢個set個份量真係好細,只可以當係一個小食,如果肚餓就唔好叫呢個喇......而呢度嘅冰鎮奶茶都可以保持到水準,夠茶味!…查看更多

2010年3月6日 ( 4-4 ) 荃灣 ( 太興燒味餐廳 - 1 ) 日程：( 詠藜園 - 麻酸樂米線 - Jenny Bakery - 太興燒味 ) (太興燒味餐廳)從前在附近工作時，偶爾也會來到這裏嘆早餐，喝它的冰鎮奶茶。今天從旺角回來，幫襯這裏的叉燒，賣回家作餸，晚飯又可以減省製作一味菜的時間了。叉燒每所售價72元，選購了半斤，味道帶甜，些微肉酥味，也可以一吃。…查看更多

尋晚(5-2-2010 Fri)家人返o黎食團年飯,大嫂話叫盤菜,佢就o係太興買,今次太興會送埋上o黎,唔使自己拎.約o左7點送o黎,但遲遲未到,我問大嫂,大嫂話佢o地call o左佢,話先送去元朗,點知o衣o家塞車.我好愕然,明明約o左7點o黎,點會走入o左元朗先?大嫂話因為佢未到7點call話大嫂,問可以送到未?但因大嫂未返到o黎,而且太興一定要同佢本人核對信用咭資料,所以先入元朗.啊,原來係咁.最後佢o地8點至o黎到,個staff重連翻道歉,我都講o左幾聲唔緊要呢.好喇,開餐喇,個盤菜大大個,原來係12人份,重送生o既金菇,娃娃菜同支竹,呢啲係分開送未洗亦未加入個盤o度,亦送上12個膠碗同竹筷子,一對特長竹筷子同一個勺,而南乳汁都裝o係個膠樽o度分開送,幾體貼.打開鍚紙,見到有蝦,瑤柱,蠔豉,燒肉,燒鴨同白切雞,一路食落去有素雞,扣肉,冬菇,芋絲,魚蛋,豬皮,雲耳,南乳豬手,白蘿蔔同芋頭其17樣o野,真係多羅羅.而味道呢,扣肉未夠腍,冬菇好厚好似扒咁,白切雞同燒鴨唔差,蝦係雪藏蝦,冇蝦味,咁當然,只係取其意頭,而其他o野都一般啦.由於真係太多,我o地食唔晒,送o既菜我o地都冇放落去食,留待下次自己煮飯時至煮啦.大嫂話呢個盤菜係一千蚊頭.…查看更多

叫了兩個下午茶餐，叉燒燒肉飯同餐蛋麵配熱奶茶，奶茶來到已微暖，我吃埋飯已凍，燒肉塊皮係脆，但肉un到無牙咬，叉燒唔靚，飯唔軟，有些硬，店內有風吹正我個位，飯吹到凍了。午餐肉話係最靚個罐，但我吃唔出有特別，麵有些林，唔掂。幸好有張五十元現金卷，下次有人請，我都唔來。…查看更多

一月上旬荃灣這舊區一街都是燒味店，也想不到連鎖式的太興也能屹立數年，飯市時更要大排長龍。收夜來吃碟燒味飯，由兒時在美心的三寶，走到今天太興八寶，體驗港式燒味也要滿足港人貪新愛多的心態，八寶文化絕對冠絕全球。是夜八寶，吩咐扣底，以大扇頁盛著八寶料，「八寶料」齊得工整，薑蔥分開上，豉油掛得不多，賣相討好，還配有兩條菜芯。八寶料中以滷得嫩滑甜口的油雞，與及爽嫩有著纖彈質感的新鮮燒肉風味最佳，後者醃味不重有肉香，很有水準，至於叉燒、墨魚就一般，最差是燒鵝，肉乾乏味，徒浪費胃納。差點說漏了燻蹄，說是燻其實時用白滷水滷熟，帶點香料味道，軟熟也不錯吃說，最好笑是鹹蛋，是日險些吃不到八寶飯，因為阿姐這是今天最後一隻鹹蛋！這位只返晚市的姐姐，健談而照呼很好，吃不完的兩條油菜，她也會問是否需要打包？對自己的工作很著意，當今天很多後生仔只為「打分工」而工作的心態，明顯是兩個世代．．．另外賣了兩碗例湯給家人，$14／碗，是煲得夠火候，有著蜜棗甜美的靚湯，比美心之輩的出品，明顯高幾班，雖是連鎖式燒味，但配套認真，會推介大家晚市來的，因此服務比午市好好多。…查看更多

月餅出籠...上次試了朱古力, 今次論到果仁叉燒了! 嘩...看了成份...夏威夷果, 合桃, 腰果....起碼有十種以上, 果然健康足料!果仁質感硬, 所以切開較困難, 南乳味不過重, 也不太鹹, 少甜, 非常非常有咬口, 老公話有半粒叉燒, 但我吃了八分一, 仍未試到, 希望下個八分一會有半粒啦! 不至於一定要買, 但貪新鮮的一族也可以試試!P.S. 月餅盒包裝美觀, 但又有何用, 如果可以散賣, 平宜一點, 不是更益街坊, 更環保嗎?…查看更多

日期：2009-07-24 在"太興燒味餐廳"(荃灣街市街分店)買了"叉燒豉油雞飯"($34)。叉燒豉油雞飯---叉燒是半肥瘦位置，肉質軟腍鬆化，醃得鹹香惹味，蜜味足夠。豉油雞是雞胸位置，肉質較嚡，醬油味淡了點。…查看更多