太興 (麗城薈)

營業中

休息中

One of the best places for breakfast or late lunch in the neighbourhood.This bowl of macaroni here with luncheon meat & fried eggs is my go-to order. Priced at $36, the portion is big and the broth actually tastes nice, not like those that are filled with MSG or even tasteless. The fried eggs have a silky texture and sometimes when I order the sunny side up instead, there’s egg yolk flowing out when cut. Very nice indeed.

晚飯我哋叫咗菠蘿咕嚕肉，太興這個餸一向都好有水準，肉的質地嫩滑有嚼口，個汁調校得好好味。蝦乾魚肚浸娃娃菜都是可以的，魚肚煮得夠稔身，湯的味道也不錯。香脆煎蠔餅是我第一次在這兒食的，不行。蠔餅是香脆但冇蠔味，像個香脆蛋餅，下次不會再叫啦

燒肉米粉- 湯底鹹香潤喉- 彎彎曲曲的米粉表面凹凸不平，吸湯力高- 椰菜不爽脆不清甜，了無生氣，部分帶苦，不加或更好- 燒肉整齊地疊成兩排，一高一低，井然有序。每件燒肉切成半隻麻雀般大，的色精緻。夾起一件放入口，不冷不熱，處於室溫狀態。微甜豉油為燒肉添濕潤香甜，調起肉味。燒肉皮薄脆香口，皮下是一片奶白色的薄肥膏，再之下是鬆化帶鹹香的瘦肉。心中暗忖：若能暖或熱上就好了，但理解到燒味從中央廚房運來，咪玩啦

西約體育館打完波 又是要吃午飯的時候。和波友去了附近的太興吃飯，各自選了食物一起分享。椰香咖喱牛腩飯超正，牛腩炆得非常稔，軟嫩不硬、有咬口，又有先用油炸過的薯角，這可將表面收緊，保持現狀，不容易煑散掉。咖喱汁非常之香濃，富椰香味，色彩繽紛，是拌飯的好配搭。台南肉燥煎蛋飯 就一般啦。原本肉燥味道不錯，個蛋煎得太熟，最幣就是飯的底部有大量油份，飯也不能吃了。奶茶非常好，香滑有茶香。

太興的晚餐有很多選擇，菠蘿咕嚕肉是很多人喜歡吃的菜式，因為甜甜酸酸很好味又好送飯。太興用的是梅頭豬肉，再黏上薄薄的粉醬炸成，上汁。咕嚕肉一咬開便是稔滑的豬肉，配上青椒、洋蔥、和甜美的菠蘿，太好味了。胡椒魚肚雞窩 是天氣稍涼的合式菜餚，它是用爐暖著，個湯底很滋味，裏邊有入味的魚肚、冬菇、木耳、中國芹菜和雞件。雞件仍然很嫩滑，好好味，叫了兩個白飯，很完美的一頓晚餐。

來一客惹味排骨麵缐，真的好好味，這碗麵份量非常足夠，麵線的硬度剛剛好，有嚼口，吸收了排骨湯的味道，不鹹不淡。三大條排骨，好入味，入口溶化，還有軟骨部份很脆口，𡁻幾口也會溶化，肉帶有很香的八角味道，還有幾條青菜，很好。我喜歡他們的熱奶茶，有茶香，不需加糖也很好飲，回甘。

當放工回家時，若不想下廚弄晚餐，都會去屋企附近的太興吃飯。現在凡點小菜或海鮮，即時有免費升級套餐優惠，即不用付$19，就可以有飯和飲品，真的很抵食。但要留意只有星期一至五才有此優惠。今期太興推介 – 泰好味道，有金不換醬油回香雞，泰式鰈魚配酸辣汁。我們被回香雞吸引了，今次點了半隻試試，最重要系價錢好優惠，只是 $40。雞肉好嫩滑，是一貫水準，醬油非常好味，不會有好咸感覺，送飯一流。另外也點了鮑魚雞煲，有一隻好大鮑魚，熱騰騰的，好香口。京都洋蔥豬扒，廚師調教味道不錯，不會太酸。西蘭花炒青衣斑球，是我的至愛，$77價錢，能吃到青衣斑球，真系不錯了。還有冰鎮奶茶，我記得第一次飲時，就已經愛上了，因沒有冰不會沖淡了奶茶精髓，茶和奶比例，也調教得好好。每次來太興，都不會令我失望，食物水準不會有偏差，並且是味道也不錯。

今天落好大雨，約了朋友食太興。雖然這一間太興位置好方便我，但我好少幫襯，原因是荃灣附近太多食肆選擇，好少選擇連鎖店，今天就試一試食午餐。入到門口，店員招呼我們坐卡位，然後拿了兩個吉杯來，每枱都有熱水壺自己斟水，餐具在每張枱下的櫃桶自取。看了餐牌，選擇不多，我們兩人選了星州炒貴刁和煙三文魚菜粒炒飯 。好快，落單後三分鐘，碟三文魚炒飯就上枱，出曬煙。飯炒得乾身，粒粒分明，味道都調得唔錯，好味道。有蟹子粒粒一齊炒，三文魚粒都算多。好快，炒貴刁跟住上枱。我試第一啖貴刁，嘩！好夠味，果然好有星州的香辣味，跟住我繼續食，唔對路...！越食越辣，越食越咸，最尾要停一停，食碗炒飯中和一下。但真心味道唔錯，貴勺炒得好滑既，有四隻大蝦仁，這碟適合喜歡濃味的朋友。叫了凍奶茶和凍檸茶。奶茶同冰是分開的，用載滿冰的碗盛住奶茶，奶茶好滑，好飲。凍檸茶偏甜，可以桔多幾下檸檬。午餐不用加一，凍飲加$3。食物份量偏少，不會太大碟，但味道不錯，侍應都有禮貌，會再幫襯。

記得細細個嗰陣，太興出名既係燒臘同冰鎮奶茶。Daddy Mammi帶我去食個燒鵝脾瀨粉已經好開心，因為隻鵝脾真係好大隻、好肥美☺️ 但自從太興開得越黎越多，變左間連鎖茶餐廳後，我就冇乜再去嚕。今日黎探好耐冇見既auntie，佢先約我黎太興食個下午茶，原來好抵食！我食既係呢個牛筋丸米粉，大大碗只係$36，仲有野飲。粒粒牛筋丸都真心彈牙，牛味好香。個湯底亦唔係啲求其冇咩味既熱水，而係似熬左一段時間既濃湯。米粉亦冇被浸淋，份量亦夠多，成碗都好食既。

終於捱到周日，可以輕鬆下。天氣很好，至適宜戶外活動，朋友約去踩單車，由荃灣踩到入黃金海岸。好接受挑戰!出發前食個早餐先。佢食火腿通、炒蛋、多士配熱奶茶。我食糯米雞配熱奶茶。多士、炒蛋睇嚟嘛嘛地。隻蛋似乎炒到老咗啲。奶茶OK嘅。火腿通好大碗，不過，佢話啲湯鹹咗少少。糯米雞好大隻，仲散發著荷葉香味。大開之後，好期待裡面是甚麼餡料?原來好超級，糯米裡面有叉燒、去骨雞翼、蓮子、冬菇、馬蹄。味道好，夠飽肚，陣間踩到入屯門都唔怕餓親。

個幾個月前去過荃灣另一間分店食過午餐，經驗不太好，不是因為要等位，而是要等嘢食，足足等咗半個鐘。今次就去了另一間分店，遭遇卻就大不相同。雖然店子都是爆棚，但係上嘢好快。兩杯奶茶唔使5分鐘就拎到嚟，不過唔熱。【叉燒紅腸飯 ($48 包飲品)】個樣都OK，飯底唔算多，免強夠食。叉燒雖然不是半肥叉，但係都好腍，燒得又香，仲有係佢有蜜汁味，都幾正。紅腸切得薄，控制成本之舉。【瑤柱金菇炆伊麵 ($52 包飲品)】記得上次在另一分店食過，當時，碟麵係無金菇的，反而用咗冬菇。今次，呢間分店就正常番。伊麵都炆得唔太乾，亦唔太濕，算係咁啦。味道就淡咗啲。整體嚟講，只得叉燒可取，其他唔多掂。

本來想吃瘦身餐😂但是...去完西約體育館做運動，本來想吃一個瘦身餐。尚營坊早前和太興合作，推出左幾款「食住瘦餐單」上次去點鷄扒餐但已經售罄。今次想食瘦叉餐，但拿起餐牌，見到紅腸叉燒飯真的受不住引誘，點了。嘩！叉燒真的很腍很滑，很有肉味，配上蜜糖把肉烤得香香甜甜，真的大快朵頤。忘記了形容我鍾意的紅腸，在家不能煮得咁好食，唔知點解！奶茶冷熱我都喜歡，不過今日本着減肥的心態😂😂當然飲熱的奶茶比較好，因為我唔需要加糖份，已經很滑很香很有茶味。

好的奶茶有回甘味！工作忙 要快快吃個午餐再出發，忽然好想吃咸蛋 便入去吃個燒鵝咸蛋飯，燒鵝好吃有肉汁，咸蛋是我小時侯至愛，年紀漸長也不敢也不多吃！今次主要是推介他們的奶茶，有茶香，奶和茶的比例恰到好處，熱奶茶喝來順喉舒服，茶跟奶渾為一體，有回甘… 味 👍🏻 。

琴日去完東南亞旅行，一落機即刻掛住香港地道美食! 講起香港人經常食但又食唔厭嘅，可以話係燒味掛，我都唔例外，諗起燒味當然就諗起去太興 。樓下呢間太興經常都人山人海，晚飯時間 當然都唔例外，好彩都唔算等得太耐。我們二人點了叉燒飯及燒鵝飯，再加一個杏汁潤肺湯潤下!當然唔少得嗰杯招牌 冰鎮奶茶啦!燒鵝一點也不肥，燒鵝皮有些少薄薄嘅脂肪，入口充滿燒鵝嘅香味!而鵝肉亦十分柔軟，好有水準!叉燒，講真就肥咗少少，雖然有啲失望，但整體不過不失。反而要讚嘅就係個杏汁潤肺湯，裏面真材實料，有豬肺有瘦肉，而且湯底很濃味，亦很creamy，入口似乎沒有太多味精，抵讚

今晚無約人食晚，自己去了食太興。呢間太興有度好，就係晚市食小菜無需加錢就可以升級做套餐，即是包埋白飯及一杯飲品。在其他的太興食，係要加19蚊㗎!餐廳夠大，唔難搵位。小菜選擇多，最終都係揀咗【海皇豆腐煲 $63】無需久等，熱辣辣的煲仔上到來。跟住白飯和奶茶都到了。睇睇個煲仔，都有好多料。有西蘭花、蝦、魷魚，同埋豆腐。個汁都好惹味，送飯超正。來太興，好多人都係飲冰鎮奶茶，但係我唔鍾意，因為覺得太甜。我反而會飲熱奶茶，可以自己落少啲糖，同埋，我覺得熱飲才飲到茶香。這餐簡簡單單，味道都唔錯。