太興 (麗城薈)

營業中

休息中

跟朋友到引水道跑跑步，原來週一也有好多行山人士，又有好多人單車發燒友騎單車爬山，嘩好勁！行完山肚子在打鼓，從油柑頭村下山，一直行見到太興，見到玻璃窗內的燒味忽然好想食，便去食番餐。叫了一個燒鵝咸蛋飯，今日有燒鵝髀食，還有整整一隻咸蛋，唔知點解見到燒鵝髀好開心，食味非常好，太興的燒鵝有柴木香，皮脆肉嫩充滿肉汁，脂肪不會太厚，每次都好吃😋。奶茶色香味俱全，好有茶香，紅茶和奶的比例非常好，口感幼滑，好茶。

今日到 太興 吃下午茶 叫了一個干炒牛河，送上時香噴噴，份量好似少咗一些但好夠鑊氣。進食時，發覺少了什麼似的，河粉啦、銀芽啦、洋蔥啦都在，但牛肉呢，好少好少呀，真係有啲失望！重量級三文治和奶茶都不錯，但也彌補不到太少牛肉的失望。

約了婆婆晚餐 她都是比較喜愛粵菜，她常常說，食物要見到様才感到實在，這樣最能表現食材的新鮮度。入到太興 我們最喜愛是他們的杏汁潤肺湯，這個湯很濃香，杏汁非常足，湯內的豬肉及豬肺 我們都會吃完，雖然內臓不宜多吃，但偶爾一次就冇乜所謂啦。我哋正猶豫選什麼小菜，服務員姨姨話今晚有雞喎，二個人半隻就夠啦，我哋再想另一個選什麼，魚啦，她就話青衣班球，有厚厚的六片好抵食，還可選西蘭花或其他時菜，這樣我哋就選了晚餐菜式。其實 我倆不時都來光顧，亦享受這個貼心愉快的服務。當然，太興的小菜有質素，價錢合理，玉桂美極雞 真的很好味，樣子似油雞，味道不相同，同樣嫩滑入味。班片彈牙嫩滑，這就是廚司的功力。二個人兩餸一湯，大魚大肉也不需要二佰元，抵吃。

一大早起身，準備跟朋友去行大帽山，今天天氣不錯，希望不要下雨啦。於是在麗城一期的太興先吃早餐，早上很容易找位置。看見餐牌新出了香煎雞扒滑蛋公仔面，雞扒煎的剛好，沒黑，份量手掌大小，口感新鮮。再飲一杯熱咖啡，醒神充滿能量。

一直覺得一間茶餐廰的靈魂，在於其凍檸茶！太興的凍檸茶夠冰夠凍，足足4 片鮮檸檬，甜度啱啱好，加小許澀味，正！跟餐加了個$28 的杏汁潤肺湯，很大的一盅，足夠2 碗份量，很香杏仁味，渴下去非常滋潤的感覺。荃灣這間太興，特別好味，菠蘿咕嚕肉有像冰鎮的口感，很脆又不會過硬，甜酸度恰到好處！魚香茄子肉鬆煲也非常惹味，現在很少魚香茄子真的會用鹹魚煮，一陣魚香撲鼻，加上吸收了魚香肉鬆又炆煮得夠軟熟的茄子，餸飯一流！

昨晚在麗城跟友人晚餐，她大力推薦 太興 的杏汁潤肺湯，果然是很好喎，打開湯盅的蓋子時 已有好香的杏仁味，飲落時更興奮 因為實在太好味，豬肺處理得很乾淨白雪雪的，不愛吃內臓的友人也吃了兩大件，好吃，湯香濃，很滋潤，好湯。豉汁涼瓜炒牛肉 就失敗，涼瓜炒得太熟，沒有口感，這道菜式好像是家庭菜，不似餐廳的出品。松子魚 是用爐魚做的，沒有太多骨，但如身較硬，魚肉好像沒有什麼味道，可能這不是即炸的魚 所以不大好吃。菠蘿咕嚕肉 就很惹味，肉身腍滑，瘦上有肥，這個菜的配料多，很可口。

首先 叫咩冇咩 想食個貴價頹飯 午餐肉雙蛋飯冇 高山茶香葵花雞半隻都嘔唔到出嚟 叫燒鵝飯啲staff都唔肯定仲有冇落單個下 環境唔太嘈 不解個阿姐點解咁大聲講野 我用正常音量落單 明明落咗兩個小菜 佢同我變咗三個 淨喺一個跟餐聽成全部跟餐 明明叫跟餐我落埋野飲 去到最後 佢又再問多次 你飯咩話 我挑 魚香茄子冇魚香 但就食到啖啖薑絲 可能我口味較為小朋友 最憎食薑 仲要同我切都細細粒 勁難分返開 事旦搵間酒樓食都好食過佢個胡椒魚肚雞煲 肉肉質正常偏肥 味道鹹到我覺得我個腎爛得 胡椒味程到應該成支胡椒粉倒咗落去 佢啖湯喺有一絲苦味 仲要個火撻著好耐煲野先滾個燒鵝飯 啲肉薄到少到一個點 水尾貨色 唔值佢個價平時食太興都喺食早餐居多 同埋喺喺黃埔間分店 佢地態度好好多 而且唔會話樣樣都冇咁

雖然太興既lunch唔平，$52一個咸魚肉餅飯，加埋杯紅豆冰（餐加$8），埋單$60一位🙈🙈🙈不過佢環境舒服，食物質素都唔錯，叫做算係咁上下啦！四個人叫左三個餐，4杯野飲1. 豆腐火腩飯火腩一般，瘦肉徧多，所以食落去好「鞋」炸支竹就ok，幾入味👍🏻豆腐就麻麻，因為除左個豆腐皮有啲味，入邊完全唔入味😞😞😞2. 咸魚蒸肉餅 （叫左兩份）肉餅非常爽口，入邊有少少馬蹄，增添口感，而且帶點咸魚味，送飯一流😋👍🏻🥰

今天在太興買了1/4燒鵝（下庒)收了＄125蚊丶點知一打開盒丶每舊都是多多肥糕及少少肉丶真的越食越火滾丶一心諗住買下庒會啖啖肉丶點知食落滿口都是肥糕丶真的好嬲丶好心就吾好做推介啦｛燒味總厨強力推介丶滿燻燒鵝丶肉質嫩滑酥而不膩}我自己仲要冇買上庒＄90蚊丶專登買下庒125蚊丶一真係食到成肚氣😡😡😡點解要推介喎

假期的早上都會去吃早餐 雖然款式不算多但勝在基本的早餐必要元素都齊全 每次去到我都會選擇吃炒滑蛋火腿米線 這家的米線比其他分店爽身 炒滑蛋都比較濃蛋味加杯熱騰騰的柯華田 是一個不錯的選擇

N年前開始，娜娜家沒有再聘用工人，晚上多了外出用餐，樓下太興平日叫小菜免費升級做套餐，整體價格不比隔離茶餐廳貴很多，便漸成了娜娜家飯堂～是夜媽媽不在家，娜娜又想飲啖湯，太興更是不二之選。+$28便可將餐飲升級至足料燉湯～娜娜飲湯最緊要味道夠濃郁這裡的杏汁豬肺湯每每不會令我失望這晚見餐塊上多了這版新野，當然要一試啦！在男友的熏陶下，娜娜近日喜歡上蓮藕，無論打邊爐或是小菜也可見到餐牌上這個蓮藕炆腩仔，岩曬心水～腩仔炆的夠林又入味，唯獨是蓮藕不夠爽口。人大了喜歡上吃苦瓜，是夜這個涼瓜炒牛肉賣相麻麻，但味道也是正正常常啦～有追開post 的朋友應該知道咕嚕肉是娜娜長期的心頭好，必食！份量雖不算多，但勝在啖啖肉，罐頭菠蘿都有四五舊嫁每款小菜配飯和餐飲，如不轉湯不轉凍飲，一人晚餐$6x 有此質素算是ok 啦～

黎到麗城恍如隔世，食野方面都無乜選擇，咁岩太興就位於馬路地鋪，都有一陣子無幫襯過因爲之前印象麻麻，今日有緣經過就入場啦小弟就叫左個叉飯，佢set死配紅腸，想轉鹹蛋都唔得。53蚊唔算大份嘅size其實價錢算中上，不過佢跟埋杯野飲。講返佢個主角叉燒其實真係做得唔錯，燶邊夠香口有肉汁，茶餐廳來講係好好，燒味飯緊要係飯底夠熱飯粒有咬口，加埋個汁撈起真係會大啖大啖放入口友人心情特佳决定食豪啲，乳豬飯71蚊其實可以接受，試想成隻豬賣緊六百幾，佢肯切埋你食做碟頭飯真係幾開心。乳豬做到香脆幼嫩哩個鼓汁涼瓜火腩飯係用煲仔上，味道可以，係hea左少少，亮點係涼瓜超苦。總結今次太興令我改觀，之前一直覺得佢普通茶記，佢賣得哩個價錢，應該對自家燒味好大信心！推薦只食燒味部

荃灣麗城花園的太興過年前進行裝修，完成裝修後還未去光顧。今天早上，天刮起大風來，還下著毛毛雨，感覺有點寒冷，還以為冬天已一早離我們而去，豈料它仍戀戀不捨地折返探望我們。經過裝修後的太興果然堂皇華麗得多，燈光光猛，餐椅更換了，地磚重新鋪過，牆身更鋪上雲石，真是煥然一新。有這樣的裝修，早餐只是$36，抵啦!火腿通粉算大碗飽肚，多士烘熱了搽牛油好食，炒蛋都嫩滑。奶茶香且滑。好耐都無吃過糯米雞，今朝突然好想食。荷葉包著糯米雞，夠扎實。打開荷葉沒有黐著糯米。挾開糯米，就見到豐富餡料，調味不錯。要改進的是可以把糯米雞再弄熱一點。

新年食盆菜，寓意團團圓圓、盤滿缽滿，雖然只係得一盤，不過功夫其實都幾多🤭面層放左最有睇頭嘅食物，有鮑魚、蠔豉、大蝦、燒鵝、豉油皇雞、紅炆花菇、魚肚⋯ 中間放一d炆煮食品，好似豬手、花膠、髮菜等等最底層就有一啲吸味嘅食材豬皮、蘿蔔，將面層嘅精華吸收晒太興呢個，味道都唔錯，鮑魚冬菇炆得夠淋夠入味，大蝦新鮮，蠔豉夠大隻，豬手彈牙，醬汁都唔係太濃，唔會蓋過食材本身嘅味道，食盆菜我好怕成盆一個味，呢個就冇呢個問題價錢算係咁，因為...我食足兩餐🙈值得一提，食完個盤可以還返落去分店回收，有返$30 coupons嘅

One of the best places for breakfast or late lunch in the neighbourhood.This bowl of macaroni here with luncheon meat & fried eggs is my go-to order. Priced at $36, the portion is big and the broth actually tastes nice, not like those that are filled with MSG or even tasteless. The fried eggs have a silky texture and sometimes when I order the sunny side up instead, there’s egg yolk flowing out when cut. Very nice indeed.