太興 (樂富廣場A區)

營業中

休息中

有時想食茶餐廳都想去間乾淨整齊有保證太興一定係不二之選特別推介雙蛋煎豬扒飯再加杯奶茶冰鎮奶茶果然係鎮店之寶服務良好最緊要係一家人都鍾意食嗰個icon自己想要嘅嘢

年初十二、一個人、屋企無飯開、週圍行、行行下去到樂富、個間太興、門口企滿人、以為要等很耐、鄀好行埋去問下、門口個職員笑笑口、你好、請問幾多位、我話一位、職員笑笑口話你好彩、剛剛有個單位、正合我意、入內光光猛猛、很熱鬧、坐無虛席、打開餐牌、有個晚市精選、羊腩煲及羌蔥焗龍蝦、一個人叫份龍蝦都唔怕多、加19元重有飯及飲品、一共107。叫左15分鐘就到、香噴噴羌蔥味、有二隻鉗、成隻龍蝦、都幾扺食、食落味度都不錯、今餐都食得過.

話說我今晚到呢間食飯，行入去既時候，又冇人招呼我，咁我唯有自己搵位坐，當我想坐係圓檯先坐落來再等佢地執檯，點知其中一位職員同我講：我叫你好多次幾位？我話聽唔到喎！佢話我地都未執好檯。我心諗咩料呀！如果你地未執好檯，一早係門口叫我稍等一陣啦！唔使我入左去之後！先用咁差既態度對啲客人啦！我索性唔食走人。

話說屋企人好鍾意去太興食飯，因為味道幾好，冇味精，同埋唔使自己捧餐。太興已列入為我地屋企嘅飯堂之一。今次3個人，點左2份餐黎share, 1份跟餐飲，1份跟湯。鹹魚蒸肉餅，肉餅夠林夠入味，就咁送飯已經好好味。鹹魚比較鹹，個人覺得鹹魚要夠鹹先好味，所以呢碟就啱哂我口味。肉餅嘅份量都好足好大碟炒四季豆，好入味，撈飯一流。四季豆同埋啲芹菜一齊炒，呢個配搭更香更惹味。豬肺湯有好濃杏仁味，好滑，飲完好似會有美顏作用咁太興嘅奶茶，有分冰鎮奶茶同有冰奶茶兩款。個人覺得有冰奶茶比較好飲，因為冇咁甜而且茶味都已經好夠濃。

大家千祈唔好去樂富嗰間太興食嘢， 叫特價醬油回香雞，佢話賣曬， 正價先至有， 叫鹹魚雞粒炒飯，佢又話整唔到， 因為廚房得返一個爐， 叫小菜佢又話要最少等20分鐘話，所以最好唔好叫小菜， 佢仲話最好叫燒味飯， 想叫燒味嘅時候， 佢又話唔好叫燒腩，因為買曬。 呢間太興都唔知係做生意嘅， 令我想起麥兜嘅戲劇化橋段！

早餐對香港人每天好重要，如何選擇，西式中式任君選，我比較喜歡西式，大清早有杯奶茶可以暢快啲，集團餐廳有保証，樂富廣場地下太興就滿足到地方干淨，裝修講究，座位闊落，服務員讓我坐卡位又可以望吓街景講到早餐，選擇不算多，以精緻唯主我比較喜歡有多士和一杯靚奶茶，所以選了煎雞扒配多士賣相已經吸引，份量雖然不多，但質量好，黑椒汁配上滑嫩雞扒，多士好鬆脆，兩條腸細細條不過咬落實而香，杯奶茶好香滑，整體是滿意的

少有地咁早起身，可以去食個早餐，見公司附近有間太興，價錢又唔算貴，於是去試一試。在眾多早餐里面揀左個早餐G先講下個雪菜肉絲米，當中雪菜較多，食落幾爽口，而且唔會太咸，仲帶小小甜。另外D肉絲，唔會煮得太老，幾嫩口，米粉就好腍下，不過份量有D少。再黎講下個炒蛋同多士，炒蛋炒得好嫩滑，里面仲有小小液體狀，可見得係即叫即炒。多士底面都有烘過，咬落鬆脆，里面仲塗左一層牛油，而且已經滲曬入面包，食起上黎好香醇。最後當然唔少得杯野飲，我叫咗杯熱柚子蜜，里面好足料，有好多果醬，令杯野唔會淡餘，仲有D東柚子皮可以食下，唔錯。

屋企人去晒旅行 夜晚又冇飯食 咁就揀左間茶記 見到太興都多人排隊 但我一個人就冇乜所謂啦 好快就有位 叫左個瑞士汁牛肉炒河 汁都好重味 炒河好夠鑊氣 都幾好食 我都有試佢個冰鎮奶茶 都好好飲 奶味係重炒少少 但我鐘意

難得可以嘆下下午茶，我們就揀左去太興，可以慢慢坐下傾下計，實無人催我們走。但係沒有太多下午茶選擇之下，我們又揀了這款羅宋湯通粉+雞翼。太興分店多，每間水準不一，有些湯底淡而無味；有些只得辣，無羅宋湯味；有些只有羅宋湯味而唔辣，很大差異。即是同一間店，不同日子幫襯水準亦不同，可見並沒有標準化。不過它們都有一個共通點，就是通粉比較硬身，唔入味。而雞翼就能保持水準，很惹味。無論那一間太興都能做到這水準，但size 比較細隻。

差服務，差食物侍應西口西面嘅服務真係你食埋我嗰份！！😡😡是日叫左兩個飯，一個叉雞飯一個咖哩牛腩飯，燒味係好味嘅，但。。。前後叫左兩次燒味豉油，食晒一碟都無黎過！成間餐廳無你咪出聲囉！！差處未算差，個牛腩飯裡面嘅薯角真返炸都勁大陣油益味，結果薯仔愛好者都食唔落唔該無❤️嘅請執左佢！！！！

今天大暑也是天朗氣清的一天，所以約了朋友上獅子山郊遊。早上十時便在樂富地鐵站集合，樂富廣場岀口一上來便看見太興的小人龍。但鄰近有早餐吃的餐廳種類很小，所以我倆便排在人龍後。大約等了五分鍾便能入座。為上山而作準備，當然要吃得豐富點，所以我們也點了餐肉滑蛋公仔麵 ($35)，滑蛋炒得十分香滑。而午餐肉有兩大塊，也頗厚切，外面還是煎得香脆的。公仔麵有點煮得過稔，畢竟也是茶餐廳質素 。餐飲還能選柑桔蜜，雖沒柑桔味，但也不過不失的。

作為一個專業嘅車手，食飽咗先開車喺常識。 為迎接任天堂 switch 孖寶賽車，今晚同老友兩個人嚟到太興醫一醫肚先。粟米茸青衣魚柳 $76（+ $19）其實即係粟米斑腩，不過改咗個靚名扮高級。 不過味道方面都唔差，粟米汁當然有粟米味啦，魚柳就香噴噴熱辣辣，外脆內嫩，但魚味就爭啲啦！老友加咗19蚊轉餐，有白飯，有熱飲。沙爹金菇肥牛煲 $66我有間道22蚊轉餐，有白飯有凍檸茶！ 個肥牛煲一上嘅時候，熱辣辣又炸炸聲！ 沙爹味濃郁，牛味豐富，送飯真係一流。椒絲腐乳炒通菜 $42寡佬上陣賽車之前，都要食返碟菜。腐乳味濃郁，唔錯入口仲索索聲㖭！太興 以燒味出名，但係一般晚飯小炒都唔錯嘅， 呢啲先係男人嘅浪漫。

星期日朋友聚會，不想煮飯就叫到會，其實到會選擇不多，又要好味就更加選擇少~經過樂富見到太興，就諗到叫太興到會26款到會食物任你揀，買滿$1500包送貨!仲有送太興奶茶或羅宋湯當日我叫左6樣，完全足夠15人食!!!三文治有四款口味（花生醬，芝士，火煺，吞拿魚）雞翼不過不失，你要預左炸好送過黎係會凍左，但味道party一定要有沙律（我本人覺得要有），咁我就揀左芒果大蝦沙律，蘋果薯仔底，味道不錯!太興燒味夠出名，不用介紹😂😂😂咖哩牛腩必點!!!!!!因為太好食，，牛腩又夠冧，咖哩送飯無得輸! 咖哩同飯分開放㗎（好抱歉我忘記影盒白飯俾大家睇）btw點菜時叫佢多啲咖哩汁，今次唯一美中不足係我覺得佢比少左汁我鮑菇雜菜，黑木耳雜菇底，食左咁多肉叫個菜中和下比較好味道都不差!最後我都係揀左羅宋湯，放棄左奶茶，6罐大大罐，有排我飲😂溫馨提示：到會要3日前落order! 同埋只收“現金“喔! 最早送貨時間下午2點!***買滿$1500送貨!（非常重要的一點）

話說今天要上班，但不用上課，要出外觀摩課堂。不過早上的天氣實在太差了，不停下雨（對，就是後來演變成黑雨），真是令人心情很差。然而能夠和同事們平日在外吃早餐，又是難得的經驗，這點倒是開心的。 到了樂富，同事找了太興落腳。由於我遲了一點點，同事用whatsapp傳了餐單給我，我選了一個肉絲米粉拼多士及炒蛋。到達時早餐已上桌了。我先吃那米粉，感覺比連鎖快餐店的認真，味道也挺不錯。多士很脆，我塗上滿滿的牛油，很是滋味！最令我喜愛的是那個炒蛋，很滑很滑呢！這部分水準真不錯！再喝光光那杯熱檸茶，早上就充滿力量了！

早晨食一個早晨全餐先夠滿足，可以食到嘅地方太多，選擇五花八門。今日去咗太興，又幾好。價錢不算貴，有粉有多士有蛋，又有野飲。味道不錯，炒蛋夠滑，又不油膩。多士香脆，又新鮮。柚子蜜少少甜剛剛好。