太興 (雅蘭中心)

營業中

休息中

見今日餓餓地 又想食燒肉 見太興俾人裝修關左門一個星期諗住幫襯下 就去太興旺角雅蘭分店買個外賣返公司食啦 $77 燒肉飯連杯凍檸水在等候期間見到燒味師傅處理堂食切雞燒肉飯 見到燒肉望落外皮雖然黑d 但望落都叫做脆咁我就諗我果份應該都脆脆地 見處理我個外賣燒肉飯時將d頭搭尾既肉 切出黎再將一塊望落都叫脆脆地既皮搭上去 我都覺得還好 起碼都叫做望落脆脆地 之後師傅將啲垃圾部位全部掉晒落個飯度皮一望就已經係好淋果種 肥膏多過肉 完全唔知係咩部位 咁我就同師傅反映：我都聽同事講你哋外賣燒味永遠俾最差嘅部位，問佢可唔可以俾好d 師傅話唔夠燒肉 建議我將唔靚一大部份拼其他咁我就轉左燒肉拼切雞飯 當我滿心歡喜嘅時候見到師傅將靚果少少燒肉換左切雞 實在讓人覺得非常恐怖 處理手法十分低劣$77既燒肉飯嘅燒肉質素可以差過街市$15一盒燒肉飯 而更恐怖嘅事師傅竟然罔顧顧客要求 千方百計想將啲垃圾部位送俾叫外賣嘅客人將靚少少既部位留俾堂食嘅客人 價格一樣 是否有雙重標準？不多說 去圖 讓大家不要再去太興買外賣燒味

今日朋友仔叫我陪佢食飯，諗唔到食咩嘅情況下跳左入黎太興，以往對太興嘅印象都係食燒味，但今次我地嗌送食飯😋我地叫左個蝦仁洋蔥蕃茄炒蛋同炸菜蒸雞肉，蝦仁洋蔥蕃茄炒蛋就略為多左啲洋蔥，如果多少少蛋會比較好，炸菜蒸雞真係好好味，雞肉好滑，好好送飯😋😋坐位非常舒適，下次會再黎😋

今天經過旺角，由於是午飯時間，周圍也有很多人排隊吃飯，看見太興沒有太多人，便進去了。環境十分大，很快便有位置坐下。我叫了一客太興燒味最出名的叉燒飯，並一杯熱奶茶。大概幾分鐘後便有了。叉燒飯上面大概有七至八塊叉燒，全部都是半肥瘦，一咬下去，肉脂和肉汁的分佈剛好，還有一些椰菜作伴碟。美中不足的是白飯溫度不夠熱，所以在吃到後期的時候很容易變硬及比較乾身。而且比較細碟，不過如果下次來也會再叫半肥瘦的叉燒吃。奶茶方面，喝進口裏十分香滑，我個人比較喜愛喝熱的奶茶，因為甜度可以自己調校。喜歡較濃茶味的人，可以不加糖，味道便剛剛好。

太興出名食燒味飯嘛，咁我就叫左個叉燒切雞飯，一上碟舊叉燒成舊瘦肉咁，全瘦一點肥都没有。然後講舊雞，切雞多骨又少肉，睇落似餸頭餸尾。唯一可以讚嘅係奶茶照舊好飲 overall 價錢同質素唔成正比我下次唔會再貪方便係呢到食

一年一度辦年貨時間又到。血拼一輪後，快快搵個地方保充體力。曾經覺得太興都算係有品質保證，可惜被今天的下午茶破壞了。羅宋湯通粉配四式卷「圖片僅供參考」一份價錢，十數粒通粉在浮沉，勉強說服自己，下午茶份量係少啲。羅宋湯一層油浮喺面，睇見已經唔想放入口。凍冰冰的四式卷，即係蟹柳魚卷，皮乾，肉淡，大概廚房懶得返熱吧。乾炒牛河炒到碎晒，碎到夾唔起，要用匙羹食。牛肉數量如圖，數得到咁多塊，又韌又老。乾炒牛河就預咗會多油，但這個也太油了吧。師傅功力太差了，食物質量太低，一分錢沒有半分貨。

今晚叫左燒肉拼臘腸，燒肉連大排擋水準都無...賣相甩頭甩骨..還要$75一碟...叫佢換過碟.. Back面..再換都係一樣旺角雅蘭這一間無論態度同服務都是一個字差都無朋友

今日有事同朋友原本諗住食粉麵，到午餐時又想食飯，企喺雅蘭門口好容易便望到太興燒味窗邊掛滿燒味，走近看，燒味頭上隆起一個髻，係燒鵝呀！好耐無食了，而家一般燒味店都只用燒鴨。入到去二話不說叫了兩個燒鵝脾飯朋友要求原隻嘅不到十分鐘兩個飯一齊到...賣相十分吸引...吃起來鵝味濃，鵝肉肉質嫩滑，油分甘香皮燒得脆脆香口，沾一下酸梅醬，很滿足！至於白飯，雖不是頂級白米，但質素不俗，是一粒粒完整米粒。絕非米糠之輩。雖然比一般的燒味飯貴少少，要對自己的味蕾和胃好一點，貴少少都食一餐兩個套餐也有東西喝我要了杯凍檸茶少甜凍檸茶茶味夠檸檬都算夠，少甜真的是少甜朋友的凍奶茶沒有什麼好說..另外這裡也有小菜同炒炒麵的！見到也有魚套餐，下次有機會試試。

旺角山東街的“太興燒味”，居然用拜完神的燒鵝賣比客食，一大震《香燭》味……離晒大譜！仲要懶高檔咁，賣到百幾蚊一盒。伙記，收銀…態度又差。好似（唔憂做咁）？😡😡😡😡😡😡

朋友話試過太興燒味最近新出叫做泰式鰈魚在報紙刊登廣告有@10憂惠潻！六點多去到哪裏！叫了兩份！當然要一人一份先夠！再加白飯同飲品...柯打不久就好快到喔！好鮮味！同平時得個辣的烤魚好唔同！這裡選擇用烤的！做法算是簡單不複雜整條魚是塗上薄薄的麵粉！輕微炸過再烤得酥脆的魚皮！連側邊魚骨都好鬆脆，好有咬口！因為先炸再烤吾會太乾！所以肉除了保持嫩滑，還保留肉汁魚肉烤得乾身更香口得中間一條骨，好容易食！擠些檸檬汁同輕微辣汁！魚肉吃起來清甜爽口.魚上撒上干辣椒和葱花。及放著大量配料，花生粒，洋蔥絲及芒果乾！仲有已經一早放上的檸汁...酸酸甜甜嘅烤魚第一次試酸味甜味咸味三味岩岩好..一路會停唔到筷子！鐘意食魚既我係連個魚頭都唔會放過！店雖沒有華麗裝修，但簡單舒服，環境和餐具都潔淨.

前個幾日因為忙準備新年啲嘢所以諗住食個快lunch就入左太興啦 〰️瑞士汁乾炒牛河〰️次次去到我都會叫呢個架 其實我一向都唔係對乾炒牛河有特別既感覺 但係因為佢用咗瑞士汁炒呢個乾炒牛河嘅關係 所以係冇平時既乾炒牛河咁咸而且有少少甜甜地添 每一條河粉上色都好均勻 令成碟既色澤都好靚佢既牛肉亦唔係好韌 不過如果可以多d就更好囉 但係真係好好味 所以我一口氣食晒成碟啦〰️欖菜肉鬆炒飯〰️每一粒飯都炒得好乾身 同埋個飯好香 欖菜絲既份量好多 所以令到成個飯都好夠味但又唔會太咸

收工行過太興。叫咗碟乾炒牛河$60。河粉嚟到，我同夥計講。吓河粉會唔會少得濟。🤔佢答我消夜(係咁上下)。真係火都嚟😓😓。碟河粉博切切細細碟。員工勁差。真係冇下次。🤬🤬Bad

太興給我的感覺本來是很好的、我在銅鑼灣工作的、每天都吃早餐至下午茶、有時约了朋友晚餐都在太興吃的、眞的想不到今天到旺角太興吃消夜的時候會得到、這樣的款待、這么大間的太興呢！連洗手間都没有、都算、還叫客人去公厠……太……太……過份呀！我决定以後不會幫襯、

服務人員水準差到吾知點講，我吾會再返去受辱！貼錢買難受！早幾年的食物水準就好好，冰鎮奶茶丶燒肉丶焼味，日日食都可以。現在不知道是否賺錢多了，品質下降都旡人理，其實都好心痛，點解做香港茶餐室一的的 heart 都無

晚市小菜可轉套餐,小菜被選後加19元便包餐飲及飯一碗,我點了冰鎮奶茶,味道也不錯。而且於星期一至五晚飯時刻,若選擇兩小菜 都轉套餐便免費送靚湯一個,2人埋單計不用200元(免加一),附近幾間餐廳價錢也差不多,但論環境太興勝在企理,侍應一般。

今晚同媽咪係旺角按完摩搵嘢食，附近有太興燒味就入去食晚飯。兩個人叫咗燒肉例牌，巴東牛肉，榨菜雲耳蒸滑雞和冰浸奶茶。太興出名燒味，當然要叫燒肉食，燒肉個皮係淋嘅，啲肉好un和唔好食，又冇豬味，真係好失望。巴東牛肉做緊優惠28元，諗住試吓，啲牛肉都幾多，有牛腩和牛筋辣辣哋都幾好味，同埋牛腩和牛筋炆得好入味好淋，呢個價錢值得一試。榨菜雲耳蒸雞好好食，啲雞好滑，雲耳都好多，榨菜好嘢味，送飯一流。冰浸奶茶好好飲，係細杯咗少少。整體上係啲燒肉唔好食，其他都算ok，兩個人食咗191元，希望太興盡快改善啲燒味質素。