太興 (慈雲山中心)

營業中

休息中

去太興食早餐，從來都冇失望過佢嘅雪菜米粉餐，雪菜份量好多，味道唔會死咸，米粉亦好爽口彈牙，兩者一齊超夾超正👍🏻睇下餐牌，新出左個醒目推介，煎雞扒滑蛋公仔麵，見餐牌賣相都幾好咁今次就叫屋企人試下。雞扒煎得都幾金黃，雖然都有小小雪味，但都ok既🤔滑蛋就一定冇得輸蛋味夠晒，滑do do咁。最後再加埋杯冰鎮奶茶，最中意係唔會飲到尾段就啖茂茂咁，甜度亦係適中👍🏻👍🏻👍🏻

今日放假無咩嘢做，去搵朋友食tea吹水，行過太興見到冇乜人，於是就入去諗住食嘢吹水，坐低之後我就叫咗個煙燻鵝絲炆米 同飲凍奶茶。下午茶加埋凍飲要食53蚊，其實都算幾貴，咁但係太興應該算係咁啦，質素應該會唔錯。等咗一陣食物送嚟啦，份量足夠，亦都夠熱，但係奈何味道真係偏鹹，食咗三分二之後都冇再食。我就嗌咗杯凍奶茶，如果要叫少甜就一定係加冰，但如果你要冰鎮嘅一定係佢事先沖好嘅，咁我梗係飲冰鎮啦。。事先沖好嘅凍奶茶啦價錢都係一樣加三蚊。但係可能我自己飲慣咗小甜發現呢杯奶茶係非常之甜嘅，下次都係叫返少甜。。總括嚟講質素一般，下次要再考慮一下食唔食。

一諗起想食餐肉蛋麵，就一定諗起太興啦，佢嘅餐肉又厚，又唔會太咸（如果可以再煎一煎就更加香口perfect 啦）炒蛋又滑do do咁，好鬼滑溜，一早已成為我tea time必選。今日同行嘅仔女，叫左輕盈燒鵝湯米粉，燒鵝有一陣薰煙味，好鬼香，鵝肉又唔會鞋，好食👍🏻，但係有一碗d鵝唔太熟，侍應都好禮貌話冇問題，即刻換過一碗，服務態度一流，要比讚👍🏻太興嘅茶餐選擇多，一般$40-$50，（有炒粉、麵、飯餐，有各式三文治🥪，小食，又有燒味飯餐等等....）食物質素又ok, 難怪未到2:00就開始要排隊等候。

先後幫襯過早餐及晚餐,今次特登試吓下午茶。唔使等位兼且見到有少少疏落,心唸又會咁正嘅點知打開menu一睇就知乜事,原來佢嘅價錢可以去到四十幾蚊。係依啲屋村商場下午光顧嘅都多數係(捱時候嘅公公婆婆喇),怪不知無客喇終於揀咗平價"輕盈叉燒飯餐"$30本原賣相都算唔錯,但入口食到有少少霉。唔及晚餐嘅燒味咁可口。再試多兩舊一樣嘅情況飯只有少少暖而偏凍,還好有燒汁可以餸飯。咖啡水準保持一貫香滑商場大把選擇,應該唔會有下次喇

今早過嚟食早餐,8:15am左右坐落。15分鐘後就見到滿座,其實價錢比隔離快餐店貴都咁多人流隨便叫咗兩個set breakfast都要七十幾蚊。肉醬米粉都幾辣,肉餅非常薄薄嘅一小片大食嘅就要過對面幫襯嘞不過佢嘅味道的確係好味啲嘅多士同炒蛋份量亦都係偏細,多士暖暖哋有香味;今次炒蛋略嫌有少少凍咗啲。不過整體都可接受嘅,好味好食。熱咖啡有下次

今晚同舊同學舊街坊聚舊,食厭咗果幾間餐室茶樓。大家都從未試過食晚飯,抱住好奇嘅心態入內,6:20pm到門口剛好唔使等位入內安排咗四人靠牆卡位,都唔錯。朋友分別點咗兩個餸。咸魚肉餅及海鮮雜菜煲因為係散叫餸未包白飯,所以決定加$19改做套餐(包一碗白飯+餐飲)。肉餅即叫即蒸,好得肉質柔軟有肉香,間中食到咸魚蓉及薑蓉。調味恰可,但放置中央嘅咸魚若果去埋骨會更好(更安全)海鮮湯煲用料都足夠,但三個人就份量略嫌不足喇。食味都係一段食肆嘅貨色,不過不失。自己被菜牌封面嘅蘋果醋慢煮青森豬手吸引,所以點嚟試吓。上檯後發覺比想像中細隻,但做得非常非常焾。入口軟滑香溜亦唔肥膩,連唔食肥肉嘅朋友都動咗幾次筷子我都吓用醬汁撈飯,另有風味餐飲都係早餐試過,所以叫返咖啡。好飲最後都將餐牌影底,方便安排下一餐晚飯聚會依個價錢係慈雲山中心食晚飯性價比算係相當高,怪不得經常出現人籠排隊。確實好過中心七樓果間(獨市酒樓)好好多

經常路過都見有人企係門口等位,所所以一直都無幫襯佢。終於有機會唔使等位咪入去試吓喇。糯米雞嚟到包裹嘅荷葉唔似一般茶樓咁深色,比較新淨鮮綠色啲。打開一睇,出奇地好乾身。用筷子挑起睇過並無任何汁液流出到荷葉上面再打開就見有雞,冬菇叉燒,臘腸,馬蹄,蓮子。味道做得確實唔錯,可惜略嫌唔多夠汁。不過都會encore嘅多士比較細件,都烘得好香。炒蛋好香口,夠蛋味講到杯咖啡都(到位)猶飲略嫌唔夠喉。咖啡味好綿長,入口香滑

我連續幾個星期都去探我外母，都在慈雲山幫襯了太興燒臘，我主要都是買燒腩骨。我覺得燒臘師傅的服務態度非常好，不單只有禮貌而且不斷介紹他們的食物， 敬業樂業。在慈雲山的社區的一間茶餐廳竟然有這麼好的服務態度，極為罕見值得一讚。

今日同家人黎太興食午餐，好鍾意呢度既冰鎮奶茶，味道香濃，比例適中，基本上每次都係為左杯奶茶而黎！叉燒，燒鵝雙拼飯，叉燒雖然較瘦，但係都幾好食，而燒鵝皮夠脆，味道就不及叉燒惹味。而且下面既白飯加左豉油，撈埋豉油食完全唔會dry，可惜價錢有啲進取，但份量都多既👍🏻下次一定要記得要求半肥瘦叉燒～應該更好食！而肉餅都係我最愛，完全食到停唔到口，好快就清曬成個餐。連鎖店黎講太興真係無得輸，而且店員服務好友善，好有禮貌，值得一讚！

休息埋今日，小秘書聽日就要開工喇🤨 朝早同屋企人去咗飲茶，之後離團一個人周圍遊蕩，買啲嘢準備開工👀 行吓行吓個人又開始肚餓😝 好在「太興」嘅下午茶餐做到六點，拿拿臨走入去叫個「星洲炒貴刁+冰鎮奶茶」做埋今晚嘅晚餐... 可惜阿姐話啲貴刁賣哂，被迫改為星洲炒米🤨 好在今日師傅手腳都快，十分鐘左右碟炒米就上枱🥢 碟「星洲炒米」熱辣辣都幾野味，但係啲配料叉燒就黑咗啲，食落口ok嘅，唔會隔夜掛🤔 成餐最精神嘅當然係冰鎮奶茶啦🥤飲完杯茶爽哂！

今天早上我到太興食早餐，看見圖片中的糯米雞很不錯於是點了糯米雞作早餐，不久待應送上了糯米雞，從表面看這糯米雞出奇的細，打開來了解一下發現糯米超稔沒有彈性，除了幾粒蓮子一片冬菇和一少片义燒之外，甚麽都沒有，那麼糯米雞是否放了假在家中休息所以沒有出現？如此劣質的糯米甚麽沒有雞的，怎能說成糯米雞呢？本人吃中式點心數十年，其實糯米雞是點心之寶，因為糯米雞以前在茶樓當中是比較難得，很多食客都知道甚麽時間才吃到，也是他們必食的，而糯米雞的材料其實是很豐富的，當中有雞肉，义燒、鴨肉、冬菇、雞蛋等等，假如在酒樓夜總會吃到的更會有鮑魚，當年天皇五月花就有這種糯米雞，當糯米雞送上桌面時，侍應會很體面地分成六小碗放在客席之上，自從多年前美心快餐把糯米雞劣質化之後，現在的人打開的糯米雞就只有一隻雞翅及一些不知所謂的東西，時代進步比較難做一點的中式點心就變成劣質東西，我相信再過十年人載，做點心的人連基本點心也不會做了，真可憐！

太興係慈雲山中心黎講算係比較高級同貴既一間餐廳,見佢開左無耐,就試下啦。lunch hour黎,都幾多人,差唔多full哂。首先叫左個蠔仔肉碎粥。佢呢個味道較得幾好,蠔仔尚算鮮甜。味道適中另外叫左個榨菜雞柳炆伊面。呢個不得了啦...........一開始幾啖會覺得佢幾香。但食落就發覺佢好鹹! 特別係D榨菜,直頭鹹到食唔到!  食呢碟野既鹽份一定超哂標!!佢呢個午餐有跟野飲既, 叫左杯熱咖啡。幾香,夠熱,唔錯。overall黎講, 不過不失啦!

下午茶時段食飯，係抵D嘅，想食乳豬飯，但只有淨餸，便叫双拼飯加冰鎮奶茶，D米夠熱，好軟熟，叫了多汁，但不見多汁，义燒有肉汁，肥瘦適中，燒鵝皮薄較瘦，入味，姜蓉好好味，叫了2碟，送飯一流，侍應後補回一碗汁，奶茶不失冰鎮之名，高级茶記中，個人覺得比翠X還好，唯價錢能低一點就更好了！