更多
2019-08-22
74 瀏覽
今日放假無咩嘢做,去搵朋友食tea吹水,行過太興見到冇乜人,於是就入去諗住食嘢吹水,坐低之後我就叫咗個煙燻鵝絲炆米 同飲凍奶茶。下午茶加埋凍飲要食53蚊,其實都算幾貴,咁但係太興應該算係咁啦,質素應該會唔錯。等咗一陣食物送嚟啦,份量足夠,亦都夠熱,但係奈何味道真係偏鹹,食咗三分二之後都冇再食。我就嗌咗杯凍奶茶,如果要叫少甜就一定係加冰,但如果你要冰鎮嘅一定係佢事先沖好嘅,咁我梗係飲冰鎮啦。。事先沖好嘅凍奶茶啦價錢都係一樣加三蚊。但係可能我自己飲慣咗小甜發現呢杯奶茶係非常之甜嘅,下次都係叫返少甜。。總括嚟講質素一般,下次要再考慮一下食唔食。
張貼