太興 (屯門時代廣場)

營業中

休息中

太興嘅食物質素一向都唔差，想落街食飯，咁又唔想食得咁hea嘅不二之選😂今次試咗佢哋嘅羊腩煲，味道唔錯，羊肉完全冇羶味，係份量都唔多。另外，條魚都好低讚😂👍🏻👍🏻，肉質鮮美，而個汁都好野味，個鴨髀更加送飯一流！

係屯門市廣場附近 ，可以食燒味嘅連鎖茶餐廳/快餐店都唔少，而時代太興就係長老開餐食燒味的不二之選。雖然佢價錢唔平，但交通方便，鄰近已經有小巴站，的士站及巴士總站，唔想行又唔想叫外賣，佢位置最就腳。講回嘢食，今日食晚市，佢晚市都係可以飲到招牌冰鎮奶茶，茶味香，奶濃而滑，不過量少，兩三口就飲完，所以冇叫。原本想叫乳豬，但未出爐，所以叫燒腩仔拼油雞（燒腩雙拼油雞-達人$110）燒腩仔皮脆少油，可以做到肉質好腍但未做到肥瘦相間，不過無豬臊味。雙拼的油雞肉嚡，下次拼返燒鴨好了。另外想食菜但唔想咁單調，所以就叫左個蝦乾魚肚浸娃娃菜（$68） ，上枱係連煲仔上的，材料有少少量蝦乾，有幾片原瓣金蒜，金蒜幾香口，有冬菇及肉碎，仲有大量口感似豬皮嘅魚肚，湯底應該用魚湯同時有加上胡椒，無味精，魚肚只吸到少少上湯，不過論價錢，個娃娃菜煲係抵食，全煲最好食當然喺少量的娃娃菜啦。加個白飯（$10）加杏汁豬肺湯（$38）杏汁豬肺湯舊時有多些豬肺的，現在少而且切成丁粒，感覺味道大不如前，杏汁也沒有杏仁味，份量有兩三小碗左右。一個燒味、菜煲加個白飯及湯，結賬$226.＊想食平D見廣告可以10/4-10/10買$1000

星期日本應想睡晏一點，可是醒了就睡不著，突然想飲一杯奶茶提神，於是便去太興吃早餐，好幸運早了一步，不用排隊。點了兩份早餐，輕型香辣肉碎扎肉湯米粉配香滑炒蛋配鬆脆多士 $37；頂級午餐肉滑蛋公仔麵 $37；兩份都是飲冰鎮奶茶 +$3。冰鎮奶茶 ~ 太興的招牌奶茶，以冰鎮的方式，不會沖淡奶茶的味道，原汁原味，而且嚐試過多間冰室及茶餐廳，還是覺得太興的奶及茶的比例最好。香滑炒蛋配鬆脆多士 ~ 太興的炒蛋出名滑嫩，金黃的顏色，配上厚多士一流。輕型香辣肉碎扎肉湯米 ~ 有一塊扎肉配肉碎及青頭，味道似越式風格，米粉爽口的。頂級午餐肉滑蛋公仔麵 ~ 麻油味公仔麵配兩塊餐肉，餐肉鬆軟，不過滑蛋可能被熱湯弄到有點過熟，不夠滑。

星期日的屯門實在太多人，想搵個位食個下午茶都難🙈 咁岩經過太興，竟然都見到有人排隊🤨🤨🤨 見佢門口都係幾個人，就等下啦🙊🙊好快入到去，即時叫左個下午茶紅燒牛肉麵😬😬 我一向都中意食，牛肉份量多，而且湯底好味！😛最重要係價錢平ma~~

太興既早餐-午餐肉滑蛋公仔麵真係冇得輸😍首先午餐肉勁厚，選用高質素既午餐肉，吾會一咬成口肥豬肉第二， 滑蛋真係名副其實既滑蛋，係第二個餐廳絕對食不到呢種口感👍🏻👍🏻最後，麵質彈牙，火候岩岩好。

太興的連鎖店，原來很多，之前小人只試過其中一家的早餐，著實行之又行；今勻是朋友叫到，但試無妨。說實在的，煎蠔餅激似機製，蛋多蠔少，蠔味全無，只得脆口……總之吃不過。西蘭花炒魚塊是有味的，奈何魚片超油超少，味亦不足，可能茶記的班腩還要好很多！西蘭花極度的硬，師父是否要略炒西蘭花剩起方才下炸過的魚塊才是正品？！才那麼幾塊斑腩，功力不足就學多幾年師囉！😈魚香茄子煲向來有豬肉碎，又何須大費筆墨加有肉鬆。鹹香不足、肉汁不夠、茄子不入味，失敗中的失敗。😱小人倒沒所謂，只是朋友有點不好意思罷了。

今日係佛誕公眾假期, 原本應該要訓晏D, 但唔知點解一早起左身, 既然起左身就去食番個早餐醒醒神先~叫左兩個餐, 餐肉滑蛋公仔麵 - $39, 輕盈香辣肉碎扎肉湯米粉配炒蛋多士-$39, 兩個餐都係跟冰鎮奶茶.餐肉滑蛋公仔麵睇落好單簡, 響屋企隨時都整到, 但出街食又另一番風味, D湯都好飲D, 哈哈!餐肉有兩大片, 滑蛋金黃, 好滑.香辣肉碎扎肉湯米粉, 有D泰國香料味, 有肉碎, 青豆, 辣椒, 個味都幾特別, 不過肉碎小左D, 仲有呢度既米粉較爽口, 有口感.多士+ 牛油, 夠香脆, 再加埋金黃色炒滑蛋, 一流, 滑蛋唔會老, 岩岩好.冰鎮奶茶係太興既皇牌, 以冰鎮既形式唔會令奶茶淡左, 而且奶同茶既比例剛好, 飲完提晒神.埋單$79

之前睇太興的電視廣播，見幾名藝員帶出左太興燒味形象。點左個太興燒味八寶飯，有燒鵝、叉燒、燒肉、切雞、墨魚、燻蹄、紅腸、鹹蛋，都是味濃的燒味飯不可少的配菜，特別鍾意香滑切雞同燒鵝肉的油香。

本想買燒腩仔為家母慶生日，$75燒腩仔竟變一堆頭頭尾尾燒肉！連旁邊比錢的阿姐都話唔係燒腩仔，即職員堅稱為燒腩骨！有圖所見全瘦肉及一堆骨！如果無燒腩可以直接講清楚，更何況燒腩仔同燒肉唔同價錢！收貴既但比平貨？！！！

講起太興，你又會諗起D咩呢～【大興？IRONMAN？定係冰鎮奶茶？】【有無試過朝早起身，好肚餓但係唔想煮又唔知食咩好】小編有個習慣就是每天一定要食早餐，即是夜左都會搵番間餐廳早餐到12點既，所以我真係食下天下無敵架。下一遍就會同大家講一講我點樣8點起身由屯門出到去九龍食澳洲牛奶公司～～今次影既相片唔多，大家要睇文字啦。我叫左個【輕盈香辣肉碎扎肉湯米粉】佢有得跟多士&炒蛋架，咁樣係咪豐富D呢，但係小編掛住食唔記得影添。湯底其實有少許油膩，不算上輕盈，但係真係十分好食，蒜頭同蔥應該係經過爆香，加上辣椒同埋肉碎係完全滲透米粉裡面，啖啖都十分平均。雖然係有DD油，但係勝利之處就係份量真係剛剛好，再多D都唔得😂會濟。除此之外，大家記得配番一杯冰鎮奶茶或者茶走，太興的奶茶都算係唔錯架，非常香滑，濃郁。但係員工服務太度真係好唔掂，我唔知係咪早上關係大家未醒，上菜放碗太Hea，湯汁都噴出黎。由於渣車，見到窗口位所以希望調動，仲未點餐架，即刻黑面，其實仲有好多，大大扣分了！

星期六同朋友來過下午茶，竟然中伏了。平時成日都來食下午茶，不過次次都食餐蛋麵，因為覺得好食。今次係門口排隊見人食呢個鮑汁雞翼撈丁，諗住試下啦，就令嘢....個麵來到是涼的，連的菜都係，仲要的麵淋到無牙都食到呀同埋個鮑汁係無味嘅，咁大個女都未食過咁難食嘅撈麵⋯⋯朋友叫個星州炒米，點知來咗個炒飯，嚟到先知落錯單跟住叫佢改番，其實之前來都試過落錯單，所以大家叫完要睇清楚張單，我成日掛住傾計無睇就咁囉。雖然個星州炒米ok,不過已經大打折扣。

夜晚想叫餸食飯但係得兩條友，無理由去酒樓嘛？所以走左去太興叫餸食飯。佢可以加$1x 跟餐，不過我本身唔鍾意叫野飲，怕多糖。於是問下一個白飯幾多錢，好似都係10蚊左右，所以就咁加左兩個飯。其實我食太興次次都係食嗰幾味，一係就咕嚕肉，一係就粟米班塊再加番個菜咁。今日都係叫左咕嚕肉再加鮮魷炒通菜。咕嚕肉一如既往嘅好食，係外脆內軟，酸酸甜甜咁，好開胃又香口。至於鮮魷炒通菜都幾惹味，有少少辣辣，不過油左少少，無咁油會好d！

每個星期， 放假的時候 ，也會與家人逛街和吃好東西。因為有家人成員最愛吃茶餐廳 ，並十分喜歡吃太興， 所以間中，也會來到這間物價較高，同時亦較高級的茶餐廳。大興的價錢， 有時覺得很貴呢。今次我點了燒鵝飯， 它的燒鵝十分多肉多汁! 不過，有一兩件的骨是比較大件， 只有 脆脆的皮包住骨頭。而味道上， 燒汁醃制得很好， 因為肉入面，也滲透著淡淡香的燒汁野味的味，很 惹味! 不過以這個價錢， 即使很好吃，但也會有肉赤的感覺呢!而員工服務的態度，也可以改善!

遇上忙碌的上班日，這家屯市的太興是快、靚、正的晚餐選擇。繼「英雄出擊」後，最新推廣的「家嚐滋味」更貼近家常口味，價格再度調低，一道梅菜蒸肉餅只是$38超抵價，只加$19便可配白飯、飲品，對無飯夫婦而言絕對是福音！各自選了喜歡的菜式後，菜式極速送上。先上桌的是臘味炒芥蘭($64)，芥蘭炒得嫩綠爽甜，臘腸、膶腸只有寥寥數片，臘肉都是邊位，硬實難嚼，加上菜蔬份量太少，只屬一般水準。梅菜扣肉煲($66)卻是個意外驚喜，以煲仔熱騰騰送上，說不上是正宗但感覺家常。五花肉肥瘦相間，件數看似不少，其實切得極薄，肉量不多。肉質軟稔入味，汁醬不肥不膩，加上梅菜的香甜，是很好下飯的一道。兩道小菜份量實在少有可憐，還是要多點一道特搜叉燒($56)。近年美味的叉燒難求，而太興用的是梅頭叉燒，口感鬆軟帶蜜甜，雖未至超班程度，卻已是水準之上。二人的家常晚餐，就價位而言是可接受的程度吧！說到底屯市開飯選擇不多，太興要成為開飯之選也不是難事了。

上次一個月前是噤的：同一間分店逍夜時間叫了星米後繼續玩手機！等大概20分鐘多Ｄ。我四週圍看見機乎枱枱order到了，再過2—3分鐘有位醒目Waitress主動問我欠甚麼order後，她問店內同事.我－直看到詢問一位背心｀（主任,經理）waitress 姓cheng其實有觀察用心主任，經理［有待改進］