太興 (已結業)

平日係屋企食飯，偶然都會出街食，家住大角咀，附近都有好多野食，今日就黎太興食晏因為我未食過燥肉飯，所以就點了台南燥肉蛋飯燥肉本身好惹味，醒胃，中間隻荷包蛋，飯既份量都夠多。而家母就點了咖哩牛腩飯飯是分開的，咖哩不太辛口，有椰汁既香味，牛腩不太穌，夠林，容易入口。湯方面，是日例湯係粉葛鱆魚湯我就最鍾意飲湯，一睇就知係老火，唔係出面係咁溝水，溝到淡哂個種，當然，本身碗湯係要加錢的(+$3)有鱆魚味，濃湯夠熱！

今日黎到太興, 冇食到佢招牌嘅燒味, 反而散叫左3個碟頭飯. 第一個叫左鹹魚蒸肉餅飯, 一上枱, 食都未食就覺得好驚喜, 因為有成兩大塊鹹魚, 一見到就即刻想叫多碗飯去送黎食! 講番個味道, 唔知點解其中一塊鹹魚太鹹, 另一塊就鹹香味岩岩好. 而肉餅就麻麻, 太腍, 個人比較鍾意食肉味重啲同有咬口嘅肉餅~福建炒飯夠足料, 蝦仁大粒, 彈牙, 炒飯底亦都落左唔少蛋, 炒得幾靚. 而且個碟頭好大, 以太興嘅食物黎計算幾抵食.我覺得而家在茶餐廳要找到一碟有水準的牛河實在唔係一件易事, 所以我寧願比多少少錢, 食個保證. 因為今時今日三十幾蚊嘅出品嘅水準真係不敢恭維. 呢碟牛河成五十幾蚊, 係就係貴, 但就係好在佢唔油, 每條河粉都沾滿醬汁, 但同時又炒得夠乾身. 而且河粉條條分明, 夠味, 帶微甜. 雖然比唔上何洪記用上豬油咁香, 但都真係可以收貨了. 不過….都真係好細碟, 三個人, 一人一碗就清晒..最後嘆埋杯成名作冰鎮奶茶, 係唔錯嘅一餐. 喺普通茶餐廳叫個午餐都要三十幾, 有時可能要成三十七八蚊嘅時候, 我寧可比多十幾廿蚊, 去對自己好少少 

是日開飯不夠餸, 最後決定去了太興買點燒味回來.其實太興一向很少吃, 還不是因為價錢太貴. 如果要去的話大多只會吃下午茶買來HK$50叉燒要的是半肥瘦, 但感覺仍是偏瘦的較多. 不過外表燒得十分香口又帶點焦, 吃起來很有嚼勁. 而且HK$50都算幾多. 如果肥脂可以多一點必定會更好吃.燒鵝 (HK$175半隻)想不到半隻燒鵝又幾大隻, 而且肉質非常厚身的, 外皮亦是半帶著肥脂, 燒得十分香脆. 入口鵝油豐腴, 水準的確不錯.油雞 (HK$80半隻)同樣亦是十分肥美, 雞肉吃起來幾滑, 雞皮亦帶著黃油脂, 個人覺得豉油味就有點弱, 但整體來說仍是不錯.價錢比一般燒味店是貴, 但至少味道合格, 質素也不會太差.

同兔仔睇完醫生，拿拿聲食完野就同佢番屋企，所以近近地揀左食太興。燒腩仔太興燒味，出味燒味唔好食。不過可能間間唔同，所以都試下佢個燒腩仔，凍冰冰，皮唔脆，但肉係OK，入味唔會"鞋"。魚香茄子煲上枱好熱辣辣，出哂煙。茄子夠多，魚鬆就少左D，唔多夠送飯，但整體都好味。生煎咸魚肉餅我同老公都鍾意食煎肉餅，貪佢夠香口。出面好多餐廳都係一小塊煎會方便D，但佢就成塊煎，但都唔錯，煎得都好脆，好快就俾我地KO哂。冰鎮奶茶冰鎮好好多，唔會因為冰溶左溝淡左D奶茶，抵讚。

餐肉炒蛋出前一丁 -- 價值$27,點都要有番咁上下好食,午餐肉有兩塊,肉質不錯,炒蛋很滑,亦有蛋汁,加上出前一丁,不錯,早餐推介.黑椒雞扒腸仔多士 -- 雞扒幾滑,比較簿,亦不算大塊,但算美味,腸仔一般,多士算大塊,但就有點淋.慶幸杯咖啡是即磨的,以$27的價錢,在太興都不算貴.

太興的燒味真係好好味, 燒肉皮脆, 肥瘦適中, 叉燒唔肥又多汁, 碗瀨粉的湯都好有味, 喝了都不會感到口渴. 常餐包括一大碗雪菜肉絲米+ 炒蛋+厚多士一片. D雪菜是甜的, 不是一般茶餐廳的又鹹又硬, 多士亦算脆 (熱D仲好), 整體算滿意. 不過$40好似貴了點.

不輪早午晚, 我每日最期待的就是早餐, 我最喜歡的早餐莫過於是全餐, 即是下午所謂的常餐/茶餐, 有面包, 炒蛋, 米粉, 以及一杯靈魂所在的熱奶茶. (今次卻以熱檸茶代替) 我是太興的常客, 去過不同的分店吃過早餐, 每間分店提供的早餐款式都大同小異, 或者有些分店沒有雪菜肉絲米粉供應, 食物味道都很標準, 唯一差別最大的就是炒蛋. 以前太興做的是滑蛋, 炒成一個小包包的形狀, 食落有少許花生醬的味道, 非常美味, 這是太興一大特式. 但現在, 滑蛋已變成普通炒蛋, 質素也不太穩定, 有時會炒至過熟, 蛋變老了, 鞋口了, 每一次都是碰運氣, 看看是否碰到心情靚靚的師傅, 剛好炒到一份完美的炒蛋, 待應能將那一份完美的炒蛋不給別人送上, 就送到我的面前. 如果那天運氣好, 我就幸福了.除了炒蛋, 最令我在意的就是餐廳環境, 絕對需要寧靜和整潔, 我不喜歡搭枱, 不喜歡對著陌生人面對面吃早餐, 這樣很不自然. 有時我會喜歡一個人靜靜的吃早餐, 對著陌生人眼睛也不知放到那裡去, 而且對著陌生人, 怎能讓我坐得久? 新九龍的分店環境雖然舒服, 靜靜的, 但在多人的情況下也需要跟別的搭枱

太興給我的印象一直都係貴人一等，不過隨著外頭很多加了價，但太興的價錢竟然還未更新，相比之下就覺得距離縮短了。腸仔是脆皮的，與一般用的廚師牌香腸不同。更有口感，而且暗辣，香口！雪菜很多，肉絲相比之下就較少。米粉有少許透明，幾彈牙，不是一般茶餐廳貨色。$24元，以這樣質素的材料就算不是物超所值，也是物有所值的。衛生方面都不錯，有杯滾水洗下餐具，而餐具望落去都幾清潔。服務也很好，侍應都很積極工作。

兩個人悶悶地諗住食份下午茶餐,15:52落order,16:05上飲品:16:15都唔見有得食咁咪問下個侍應睇下有無miss order, 5分鐘後先上份多士,,一心諗住份司華力腸拼粟米都好快有得食點知要等多25分鐘,問多3 個侍應,仲要問可唔可以取消order先有得食一份下午茶居然要搞差唔多鐘但最最精彩的是------條司華力腸個心仲係凍

今日5人去食lunch, d侍應鈍鈍地, 聽order 又唔得, 覆order 又錯, 到覆啱喇, 又出唔齊餐, 黎3杯凍野飲, 竟然俾2枝飲管我地, 上餐上唔切, 要催幾次, 連"味部" 師傅都要出動幫手! 而家一份工擺出黎, 大把人爭啦! 仲養d 咁既人黎趕客咩!

時日同小心兩個人一齊吃lunch, 佢話好耐無吃燒味飯...所以入左太興。我叫左個八寶飯, 佢叫左燒味雙拼; 兩個都跟中湯。八寶飯$50(其實都幾貴): 薰蹄唔好食之外, 其他餸都好正常。燒味雙拼$42(都算幾貴架): 燒鵝油雞, 小心話好正常。我地叫例湯前無問人地是日例湯係咩, 黎到先要估估下...又唔似老黃瓜, 又唔似合手掌瓜, 又唔似冬瓜; 飲落酸酸地又甜甜地, 有一嚿好似豬腦同合桃既物體, 又唔似猴頭菇, 咬落又唔知係咩...結果飲哂成碗湯都唔知自己飲咩, 下次去到邊都係問清楚是日例湯係咩先叫喇。

13/2/2009 (星期五)晚上同屋企人去太興燒味食飯，係 Open Rice 網頁上見到食評推介燒肉飯和冰鎮凍奶茶，所以心思思想去試下。我叫咗一個晚餐($47)，有燒味雙拼飯(選了燒肉和侍應小姐推介的燒鵝)，仲有油菜和飲品，凍飲要另外加錢($3)，我叫咗聞名已久的冰鎮凍奶茶。燒味雙拼飯： 份量頗多，賣相唔錯，燒肉皮脆好正，果然名不虛傳，至於燒鵝就一般啦，無乜驚喜，下次叫燒肉飯平d油菜： 一般冰鎮凍奶茶： 用一隻碗裝着冰來雪凍d奶茶，賣相好好，至於味道方面，奶茶好滑，好夠味，唔會好似茶餐廳加咗冰的凍奶茶咁淡口無乜味，值得推介。

週日唸住食燒味, 想起太興廣告上賣相不俗﹑一片片薄脆卻又肥瘦適中既叉燒, 於是前往新九龍分店。甫坐下, 叫了一個叉油雞套餐HK$42, 包一個例湯, 情況如下: 例湯粉葛蓮藕魷魚湯, 味道不過不失, 畢竟預計有味精, 沒有太大期望。那個粉葛十分巨型, 放在一個如杯子般大的湯盅裏, 已佔據了二份一位置, 對比其他湯料的份量, 如蓮藕魷魚, 比例上甚是不均, 本來湯料是用來滾湯, 不用切細, 但太興將原個粉葛放在這細小的湯盅裏, 是否認為客人喜歡食粉葛多於飲湯呢?如果太興係隨意將湯料放在湯盅裏, 在這一點上要多留意。叉油雞飯叉燒肉色偏黑, 沒有爽口感覺。食一件多瘦少肥叉燒, 得花上半分鐘才能吞下, 好「靭」! 老人家或少牙力者切勿嘗試。油雞多骨少肉, 外表雞皮賣相尚可, 但真正食落有一啖肉的感覺只有兩件。飯底ok, 由於太小雞肉, 叉燒又難食, 所以要求多一點豉油, 唯有來一個豉油撈飯。薑蔥分開上, 放在一個正方型的小碟子裏, 卻只佔上那小碟子的三份一, 點完一件油雞已經沒有了, 其實薑蔥的成本是否佔整個套餐很大呢? 抑或太興知道自家事, 油雞多骨少肉? 可否大方一點, 給多一點, 不要那

星期六去太興食個下午茶,見到餐牌有個編號T10既下午茶餐,係燕麥鮮奶粟米片加鮮菜餐包(免牛油),$22,好似都唔錯,於是落單,點知個侍應無幾耐番轉頭話,呢個餐無左,而且以後都唔會有,咦?咁又寫係個餐牌度?我見另一樣田園沙律都有貼住暫停供應既貼紙,點解呢個又唔貼呢?算啦!都無法,唯有叫T9,即係同樣都係$22既健康三文治(生菜蕃茄果醬三文治烘底免牛油)配燕麥鮮奶,賣相雖靚,但真係無乜料,食得light一點就ok既, 燕麥鮮奶係十字牌,甜甜的味道,唔似奶,又唔覺有燕麥味,但係好飲,好特別!

叫左佢\出名既燒味正特別係燒腩仔真係入口就融可以再去