太興 (翔龍灣廣場)

營業中

休息中

2018年第一日同老公去左翔龍灣太興食早餐，一直覺得連鎖食店質素都差唔多，但因為有一段時間無食過太興，以前都係晚餐居多，今日一試，味道都唔差。點左火腿米粉配炒蛋多士同餐肉蛋公仔面，湯汁味道適中，米粉彈牙，如果份量再多少少就更好，賣點當然係招牌香滑奶茶，比其他茶餐廳整得要滑

在這裡曾經是我經常吃早餐的地方，因為報紙上的優惠券，現在它變為了我的外賣燒味店。呢期是豉油皇烤鴿，原價是$43，不算貴，加上$5的優惠，現在只需要$38一隻，幾抵食烤鴿其貌不揚，但真是鴿不可以貌相，蒜味十足，醃得入味，肉質甘腴豐美，皮烤得焦香，家人個個都讚口不絕！太興燒味有時都會偶有佳作！

太興燒味在我住在西灣河時已經幫襯，它本來是太安樓一間小小的燒味店，憑藉出色的燒味，創出了一間連鎖食肆，而我已經多年沒有吃過，咁啱我的客戶送了兩張金豬禮卷，每張$50，今天㨂了翔龍灣的分店去吃，這裡的環境比較好，我們選了兩個下午茶餐。我就叫了一個原隻鵝脾瀬($69)，另外加$3有冰鎮奶茶。我最喜歡燒鵝皮脆肉嫩，可惜太興的鵝皮唔脆，要用牙撕開，我覺得好失望，鵝肉暖暖的而味道都可以，潄粉好幼，個湯好淡。奶茶都算滑，無冰在奶茶，所以都算濃，整體我覺得最好呢個👌👌👌老婆叫了軟綿綿花生醬多士($28)另外要了紅豆冰($8)－多士焗烤過，所以比較硬，綿花糖和多士中間有一層厚厚的花生醬，而綿花糖上層仲有一層朱古力糖醬，食落好滯，因為綿花糖、朱古力醬、花生醬加在一起，吞下食道時，覺得好似黏在食道中，如果當甜品吃完晚餐食會好些，最好仲大班人分，不過下午茶就太甜，因為吃完完全唔想食野😅😅😅，欣賞它的創意，可惜眼高手低😂😂😂紅豆冰內的紅豆唔好爛，花奶唔多，味道都算可以。👌👌👌兩個人下午茶要$108，我覺得不值😂😂😂

老公的朋友送了兩張金豬禮卷，每張$50，他㨂了翔龍灣的分店去吃，這裡的環境比較好，我們選了兩個下午茶餐。軟綿綿花生醬多士($28)另外要了紅豆冰($8)－多士焗烤過，所以比較硬，綿花糖和多士中間有一層厚厚的花生醬，而綿花糖上層仲有一層朱古力糖醬，食落好滯，因為綿花糖、朱古力醬、花生醬加在一起，吞下食道時，覺得好似黏在食道中，如果當甜品吃完晚餐食會好些，不過下午茶就太甜，因為吃完完全唔想食野😅😅😅紅豆冰內的紅豆唔好爛，花奶唔多，味道都算可以。👌👌👌我老公就叫了一個原隻鵝脾瀬($69)，另外加$3有冰鎮奶茶。鵝皮唔脆，鵝肉暖暖的而味道都可以，潄粉好幼，個湯好淡。奶茶都算滑，整體我覺得最好呢個👌👌👌

今日自己一個去左太興食下午茶, 由於未食晏既我真係好肚餓,結果揀左個福建炒飯配冰鎮奶茶。福建炒飯個汁鋪滿左成個飯, 而材料分別有鮮蝦, 雞肉, 芥蘭莖同埋菇, 而最抵讚既係個炒飯底，每粒飯都被蛋漿包住, 炒得粒粒分明, 唔會炒得一舊舊, 個汁鹹度適中, 鮮蝦亦爽口彈牙, 成個飯既配搭真係好好味。凍鎮奶茶: 話明係凍鎮奶茶, D凍緊係放係隻杯既出面凍鎮住啦, 奶茶沖得好滑同好濃茶味, 唔會因為凍塊溶左而令到茶味淡左, 果然無叫錯。

太興呢杯泡末咖啡，以跟餐來計真的是滿分，奶泡打得相當綿密加上朱古力粉酒在上面又甜又靚，而咖啡又好飲不澀口。餐旦麵必食是常識吧！呢度的一丁麵煮得很好麻油味又有麵又夠彈（的確不是間間茶記煮得好），旦炒得滑（一過個人覺得太陽旦比較襯），餐肉好吃又不粉。凍檸茶，味道亦不賴，有茶香（點了少甜仍很甜）下午茶......都很貴 羅宋湯配雞搥的的色色的小套餐，做形可愛又可填肚，雞搥炸得好靚肉又夠嫩，羅宋湯味夠濃，可惜通粉不太好吃

是晚約了朋友去土瓜灣，倉促間隨便選了此店晚飯，兩個人點了兩個小菜，淮山魚唇雞煲和最簡單的菜芯炒牛肉。淮山魚唇雞煲，熱辣辣的雞煲一上枱，淮山是用了紫淮山，比較特別，但沒有什麼香味，再試味道，整體口味偏淡，湯底膠質不算太豐富，但魚唇都頗大塊，而雞件亦都嫩滑。菜芯炒牛肉，一般茶記應有的水準。

一個好食嘅早餐對我嚟講係一天的好開始，今日我食嘅係太興早餐。我嗌左一個常餐，有火腿絲通粉，牛油多士配炒旦，同即沖泡沫咖啡。吾洗等好耐，大概五至十分鐘度，食物就xx送上，火腿通粉夠熱，份量還算可以，湯吾算太咸，有菜配上，不過不失。牛油多士很熱很碎，值得一贊。炒旦都很滑，吾會老，微微流心，岩我心意！！即沖泡沫咖啡係我早餐必嗌的，味道夠濃同細滑，泡沫份量適中，吾錯。這份早餐整體還算可以，價錢合理，環境也舒適，只係服務員態度一般，同埋即使見到我要落單都遲遲未嚟，但好在食物上得算快，否則趕著返工的朋友就要注意了：)

太興燒味十分知名，至於好不好吃則因人而異，至小在我來說是普普通通而己，反正式有人一定客量，不愁生意今次则想談談另一名作為冰鎮咖啡咖啡味道雖然香濃，但奶味稍嫌不足，而且份量過小，小妹不消2口已極速喝光。而且冰鎮似乎是裝飾大於實際，沒有增加冰凍效果

翔龍灣嘅太興,入去飲個下午茶Hea下,希望今次有進步啦!叫左:福建炒飯,燒肉飯,老火湯,西多士福建炒飯:大大碟用料足,蝦彈牙好新鮮,义燒味道唔錯,但炒飯唔夠香,可能落蛋太小同炒得太短時間關係.燒肉飯:個皮今次幾脆,燒肉鹹香,比上次好好多.老火湯:冇咩特別.西多士:炸得好香,唔會燶,冇小小鹹味,正.今次好似幾好,希望唔會又變啦!

假期冇嘢好做,走左去翔龍灣.見到太興,入去飲個下午茶Hea下.叫左:星洲炒米,燒肉飯,老火湯,西多士星洲炒米:用料足,炒米好入味,份量又夠,蝦都彈牙,整體幾香口,唔會太油.燒肉飯:個皮唔脆,肉又唔鹹香,連個汁都好淡,完全失敗.老火湯:冇咩特別.西多士:炸得好香,唔會燶,冇小小鹹香味,幾特別,反而這個最好.

一早同老公去食早餐,人不是太多,待應都有四五個,但叫他落單時就好不內煩,太度惡劣,都唔嚟食嘢,定係嚟受氣,待應是着克衫身高比較細小的女人,不是一個普通的職位,到咗飲品嚟時仲離普(睇相),倒到天一半地一半,又是那個待應簡直離普,服務態度惡劣.總結五個字：貼錢買難受!!!!!

今天2人來lunch,叫咗:1)牛柳瑞士汁濕炒河-個樣好似乾炒牛河咁,不過多咗小小汁(其實同d油撈埋)-牛柳唔多,味道唔差因d汁帶小小甜,只是太多油八寶飯: 有油雞, 燒鵝, 燒肉, 叉燒, 魷魚, 紅腸, 咸蛋, 燻蹄~!! 份量都唔算細~~ 而且D油雞嫩滑又夠味~ 燒鵝燒得好味~~ 叉燒都係又淋又好味~ 成碟飯都好正~ 十分有水準~ 同埋咸蛋有成隻~ 唔係半隻~ 完全適合我喜歡食咸蛋送飯既人士~ ~冰鎮奶茶: 幾滑,但味道一般順帶一提,這裡冷氣長期超凍!!

一向對太興評價甚高,雖然價錢屬高檔茶餐廳,但食物有一定水準,所以久不久都會幫襯.好耐無去過太興嘆下午茶, 今日即興專程搭車去翔龍灣, 點知就中招...首先望望餐牌,一如所料加價,以往2字頭下午茶加到3字頭; 以往3字頭嘅依家要上4字喇...點了個招牌餐肉蛋公仔麵配冰鎮奶茶.上檯後見賣相同以前差不多,但睇真, 兩塊午餐肉由以往厚切變成薄斜切, 正確來講現在兩塊只等如從前一塊.另外叫的厚多同樣大縮水, 就算唔同以前比, 只同餐牌上嘅相片比較已差很遠.味道仍是可以的,可惜已經缺少了以往專程去太興開餐嘅滿足感.加價我明白,但可否至少保持從前嘅八九成呢?!

難得家母作客，便以盤菜，作團年飯的主角，大堆頭，而且，無須與其他人逼餐死。最近家中有盤菜供應的地方，就是翔龍灣"太興新世代"。發展到今天，盤菜的用料越來越高級，好像太興的盤菜，更用上鮑魚，花膠等材料，與魚蛋，蘿蔔，芋頭等一起，價錢為六百多。還有燒鴨，雞，冬菇，枝竹等等，味道方面不過不失，蘿蔔爽甜，最名貴的鮑魚，不甚入味。三個人一餐飯當然吃不完，剩下來的，是未來兩三天的"糧餉"了。不要說我寒酸，新年流流吃隔夜菜，當你想想，有些活在第三世界的人，連吃也沒有得吃，還會說這番話嗎？