太興 (已結業)

好差，好差，好差，好差，味菜鵝絲炆米全部都係鵝皮又柴皮又靭，米粉炒到好油，完全冇鵝肉，不知所謂！點解要咁樣對待啲客人，做廚那位人兄有沒有良心？他是不是同太興有仇？

蝦仁炒蛋冇蛋感覺上好似間野雞蛋都要慳全部得啲雞蛋碎以後唔會再食 ，已經唔係第一次上次食已經半年之前收成78蚊一個餸，大快活都好過你啦真太興真心差左好多，睇個款都捱唔到幾內蝦仁炒蛋咁基本都做到咁，個d所謂既總櫥唔會睇住d質素

因為打風，終於可以悠閒落街食固早餐。由於打風，唔係好多舖頭有開，兜左個圈，終於揀左其中一間有開的太興。叫左份香煎雞扒炒蛋公仔麵配熱柑桔蜜。香煎雞扒炒蛋公仔麵味道不過不失，不過值得一讚的是，佢好貼心，佢預先已經將一大塊雞扒剪開成幾小塊，令到食客可以好方便就食到，而且麵底权default就已經係出前一丁，令到成個麵都好香麻油味。美中不足的是，如果雞扒、炒蛋可以同個麵分開上，我認為就更好。總結：打風日，簡簡單單，都有唔錯的食飯選擇。

好耐無幫襯太興喇，有D 掛住佢杯凍奶茶，今日就嚟回味吓先!.叫咗咗唔算抵食嘅常餐，有多士、炒滑蛋同雪菜米，多士同雪菜米就正常水準啦，係好食嘅。.雪菜米嘅米粉較粗身，掛湯，個人幾鍾意👍🏼雪菜份量都俾得夠多，而且唔會過咸，保持太興嘅一貫水準。.比較驚喜係炒滑蛋係真心滑，就咁食或者配多士食都好正😻.主角冰鎮奶茶一直係我至愛，茶奶比例啱啱好，有茶味得嚟香滑順口，又唔怕遲咗飲會因為融冰而淡晒，所以我都會為咗杯奶茶專登去幫襯呢🤡

由細到大都好鍾意食銀針粉，所以一見到有XO醬海鮮炒銀針粉，二話不說要了一個，XO醬太少了☹️吃不出味道來，海鮮就有蝦，魚塊，魷魚。都有海鮮料，只是亦不多。不過，通通都唔緊要⋯⋯因為有我鍾意嘅銀針粉😍😍！兒時的味道呢👍🏻再加奶油豬，非常之大滿足😝餐廳服務好貼心，把豬仔包一開四，易於入口，做得好好😘飲品叫咗一杯金橘蜜同一杯柚子蜜，都好濃稠！值得一讚！！

The cashier 李慕慈 seemed to be a bit inattentive and lost in the work. I placed an order of two breakfast to take and she misplaced one of the drinks, forgot to give the ticket to the kitchen staff and again, forgot to tell the kitchen staff to give me the correct beverages.The food was not that good actually. Probably they had been prepared but not sent out in a timely manner.

麻甩之選太興品質一向有保證，只係質素同價錢唔成正比。今次叫左煙三文魚炒飯。三文魚份量十足，個飯炒得好香口，配埋蟹子食，好有口感。通常午餐都會叫佢。餐飲凍檸檬茶走甜，有別於其他茶餐廳一叫少甜或走甜就會有好澀嘅味道，呢杯檸茶無咩苦味，配合檸檬有清新。

Tea time 之選。平時都食燒味飯，今日飽飽地，所以叫個分量細啲嘅下午茶。四式札肉配羅宋湯通粉。札肉煎得好香口，羅宋湯好香。好好飲，唔覺係味精。不過其實個分量都幾細。另外值得一提，外賣走餐具可以儲印花，儲夠指定數量就會送一套餐具或者一杯奶茶

食燒臘去邊到食又衛生又好食又有保證呢！！價錢又要合理喎！！太興一定係你嘅不二之選！！我男朋友對嗰度嘅脆皮乳豬讚不絕口！！可以食到停吾到嘴！！所以太興嘅乳豬每日都好快賣晒！！認真超班！！我就情有獨鍾太興個半肥瘦叉燒！！香脆得嚟又無肥腻感！！令我成日念念不望！！但通常我倆食完太興又要去跑番步！！哈哈哈！！不過有時食左我先算啦！！人生最緊要開心嗎！！食嘢一定係開心時刻之一！！今日我嚟左淘大商場嘅太興試試佢嘅早餐得吾得先！！我叫左個輕盈香辣肉碎札肉湯米粉拼香滑炒蛋配鬆脆牛油多士！！我叫埋杯十枱有九枱都會叫嘅冰鎮奶茶！！真不愧為鎮店之寶！！又香又滑又夠凍！！香辣肉碎好好味！！肉碎份量都比較多！！米粉份量就較為少！！可能係聲稱輕盈嘅關係！！男士會吾多夠飽！！香滑炒蛋真係好得！！好滑嫩！！食緊仲有蛋汁流出！！而鬆脆多士真係即烘完即上枱！！

每星期約有兩三日，都會在這裏食早餐，尤其是餐廳搬到這個新址後，地方比舊舖寬敞了，與茶木相連。早點來的話，十分清靜又坐得舒服，特別醒神。我最喜歡這個香辣肉碎扎肉米粉，點菜時還可以選擇將餸另外上，那麼肉碎會更濃味之外，肉碎汁又不會令米粉的湯變得油膩。這個餐可以叫「輕盈版」，即只有米粉和飲品，價錢$26。近幾個月改了菜牌，加上可以配蛋和多士的D餐，價錢是$35。但不可以如雪菜米粉和火腿通粉餐那樣，改配火腿或香腸，只可以選雞蛋。有時想吃飽點，便會叫太興自家製的足料糯米雞，份量不算大，但十分惹味。想食的話，亦要趁早，因為有時九時未到，已經沽清！但揀這裏最重要的原因，是我喜歡太興的奶茶，茶味不太濃和苦澀，正合我的口味，所以才成為常客。我光顧過不同的太興，覺得服務較好的，就是這裏上午更的侍應，這點亦很重要。雖然有些人覺得，三十幾元食早餐，並不便宜。不過，現在「大」字頭的快餐店，很多套餐亦是這個價錢了，但質素卻差得遠。再者，若叫輕盈版香辣肉碎札肉米粉的話，只需$26，比快餐店更平。早上對自己好點，食好少少，整天也會精力充沛呢！

星期日早上和家人齊齊打羽毛球, 打波時食左少少野, 2個鐘後已經消化晒, 好彩地點近淘大商場, 由體育館行到去淘大商場只要7分鐘。最後搵左 。想不到10點半都要排隊, 不過好快都有位仲趕得切食早餐。淘大商場的大興餐廳位於商場3期地下, 地方不算大。早餐的餐牌選擇不多, 最後和家人齊齊點了 。頂級午餐肉滑蛋公仔麵 $36午餐肉有一片, 夠厚。感覺沒有煎過, 午餐肉要煎得金香先好食。如果有兩片就最好啦 !滑蛋能做到滑溜溜的效果, 但比較細份量。還有一條菜芯 ^^湯底味道像 味粉, 所以最初一食時, 以為是一丁麵。飲品選了熱好立克, 味道較淡, 仲有一舊好立克都未溶晒。有點失望。

今日下午茶去了淘大的太興,三時多不算太多人。我們很快便找到座位坐下來。我們叫了三個下午茶套餐，第一個是瑞士汁牛肉炒可粉配冰鎮奶茶。牛肉很厚身很，瑞士汁甜甜的，非常不錯。至於冰鎮奶茶一向有水準，又香又滑。第二個套餐是叉燒切雞雙拼飯配醃鹹檸水。 叉燒肥瘦適中，雞肉好嫩滑。熱鹹檸水只是太興有，其他舖頭好少見，所以每次來到太興都會叫。感覺上比較健康，又可以下火。至於第三個套餐係雞翼通粉配凍檸水。雞翼係炸嘅，好脆口。總括來說，這一餐又豐富，又飽肚，算係唔錯。

茶餐廳可以好有水準，太興就其中一間了，除左餐牌會成日轉，晚市既小菜亦做得唔錯，雖然價錢唔算好平。今晚同Buddy 去了淘大新店。應該係換了地址，與茶目，靠得住一併新開。地方細左好多，但變得多了選擇。七點未到，唔駛等位，安排細細張2人位，但Buddy個有少少滴水。原先大家想食小菜，但tea又食左野，所以點選了精選晚餐。我點選了：南乳豬手麵 $50南乳豬手如圖一樣有3件，件件有肉，亦食到南乳的味道，炆得入味。亦有2條菜心比你。麵身都要一讚，因為Buddy的order未到，都要等埋先開餐啦！隔左7-8分先食，又唔會「索」晒湯或者結成一大舊。麵條依然彈牙，條條分明。Buddy點選了：欖菜肉鬆菜粒炒飯 $58一上枱已經好香炒飯味，欖菜味也聞到。立即偷左一碗試下，果然炒得夠火喉，咸淡適中，雖然有濕炒感覺，但影響唔到炒飯的技巧。欖菜落得多，所以以令到炒飯好配合。肉鬆就唔算多，可以再多的更好。晚餐包括飲品，我要了熱柚子蜜，柚子蜜再多會更好。Buddy要了hot cappuccino，每次佢必點,話太興既咖啡夠濃，唔錯呀！太興好多分店, 所以有時諗唔到晚飯食乜, 都係會係我其中一個選擇。