太湖海鮮城

營業中

休息中

4年前帶女朋友來過太湖一次，當時點了金湯焗龍蝦回味無窮，今晚是紀念日，終於再次來太湖用餐。一如以往，一班侍應很健談，亦給了我們點菜上的意見，幸好聽他們說沒有一次過點所有想食的，要不是又做了大嘥鬼。脆皮BB鴿和女友有默契地都想吃，鴿肉嫩滑多汁，皮脆金湯焗龍蝦今次點了一隻較抵食的加拿大龍蝦，龍蝦由魚缸新鮮挑出，肉質彈牙，金湯依然濃郁，煎米粉底加上了龍蝦的金湯汁很快就清了碟叉燒燒腩雙拼餐牌只有單點，但問了侍應可以雙拼，叉燒略肥但入口就是好味，燒腩就跟一半燒腩差不多白雪尋龍很有小說味道的菜名，事實是蛋白蒸斑球，蛋白蒸得很香，沒有蒸過火及很滑，班塊肉質很結實最後有紅豆沙及蛋散作糖水及甜品，但真的太滿足，我們只要了紅豆沙。香港是個美食天堂，各式各樣菜式都可以在香港吃到。慶祝紀念日不一定要到西餐廳，兩個人到粵式餐館也是一個選擇。

金鐘上完公司training，同班戰友去食飯，有人提議去太湖，心諗有乜食呢?真係估你唔到，有宵夜1+1，最正係招牌芝麻雞也在宵夜餐內，抵到爆炸魚腩粥都係第一次食，真正無骨粥，簡直世間少有，卥水上檯仲要出煙，果然薑係越老越辣仲有久違了的脆麻花甜品送的

波斯富街舊店仍未搬，我們已經常常去，到依家一個月都去太湖幾次，午市飲茶又有丶晚飯也有。雖然他們的點心不算是本區最好，但食物質素其實都算不錯，而且午市有很多優惠，好抵食！除了蝦餃燒賣外，他們有傳統柚皮燒賣，但時不時也有推出新點心，好似這款焗蟹蓋，價錢平，味道也算OK！不得不提的是午市龍蝦伊面，龍蝦爽，伊麵分量也算多！仲有七味豆腐牛柳粒也是我推薦之食物！講明海鮮城，我晚上也會來這裏吃海鮮，早前和朋友來，吃了蒜蓉蟶子丶象拔蚌丶蝦...都好新鮮，仲有佢地個魚翅，好彈牙，又足両！

老豆跑馬贏^_^)Y咗錢，請全家係出邊刷番餐窩，其實我係覺得佢自己鐘意太湖嘅嘢喇！東星斑好正，夠曬新鮮，清蒸一下，魚肉滑嫩鮮甜，成家人都讚不絕口！太湖嘅海鮮真係唔係講講下架。回味牛肉，好奇怪嘅一個菜，仲係太湖嘅招牌之一吖！望落去好普通嘅牛肉，覺得唔乜味，但係啱啱相反，牛肉出邊一層有d脆，裡邊卻好嫩，薄薄嘅一片牛肉滋味卻很多，配搭青瓜或者炸雲吞皮，味道都唔同，值得一試！豆豉皇蟶，豉汁好濃，蟶子鮮甜脆口，仲有脆脆嘅辣椒同洋蔥頭，好惹味！燒鵝同鹽焗雞拼盤，諗唔到呢度唔係專門食燒鵝嘅地方燒鵝都咁外酥裡嫩，別有風味，鹽焗雞皮好脆，雞肉好滑。椒鹽瀨尿蝦好正，蝦大隻香口，不會成三百蚊一隻，總嘅來講真係值得來食嘅！

太湖開咗咁多年生意都係一如既往嘅好就比較睇得出人地嘅嘢係真係好嘢喇！畢竟可以經得起時間嘅考驗嘅嘢唔多！今次來係飯市，所以等咗差唔多10分鐘。龍蝦伊麵，龍蝦都算大隻，肉唔會老，d湯汁好鮮甜，不過伊麵仲真係麻麻地吖，竟然有d癡埋一齊，一d都唔爽口。石斑清蒸，原汁原味，石斑好靚，魚肉好鮮甜，一d魚腥都冇。粉絲蒸扇貝，好經典嘅食法，扇貝大隻，蒸出來嘅粉絲好有味，一咬就滿滿一啖貝肉好滿足吖！魚肉炒飯，好鐘意食吖，魚肉好好好滑嫩，唔會腥，d飯仲卑雞蛋包著，炒出來粒粒分明，不過分量足夠咯，食得唔夠喉吖！不過真係好味。

呢間系米其林餐廳，主打食海鮮。呢度有大電視直播跑馬，啲人一邊食飯一邊睇跑馬。餐廳有海鮮區，可以見到新鮮嘅帝王蟹澳龍，隔離仲放咗個獎。花膠魚翅端上嚟仲系保溫緊嘅，溫熱嘅口感ok，口感綿軟，有啲好結嘅膠質。 鮑魚好細隻，不過口感比較彈牙。入面嘅冬菇同其他配菜都吸收咗鮑魚汁，好入味~~ 龍蝦用金湯焗過，奶白嘅湯拿嚟拌飯都幾好味，肉質比較飽滿。燒味三拼就麻麻啦，口感唔系幾好。

太湖海鮮城係銅鑼灣廣場入邊，都算好穩，人很多很熱鬧，等位都比較簡單，服務員都算客氣，龍蝦伊麵，龍蝦很大，蝦肉很飽滿，很新鮮鮮甜，咬落很彈牙，正！伊麵倒比較一般。瀨尿蝦好大隻吖！很少見到係外面食嘢嘅瀨尿蝦隻隻都咁大隻，瀨尿蝦也是很新鮮吖，肉很扎實Q彈有嚼勁。燒鵝三拼，燒鵝大贊，皮脆肉嫩，鹽水鵝金黃金黃的，肉質很嫩，臘鵝就是一般臘味嘅味。姜米魚炒飯，強推推推，米飯粒粒分明，白白的米飯，金黃的蛋，一點都沒有炒飯的膩，飯上面的魚柳是炸過的，外面脆脆的，裡面嫩嫩的還有肉汁，炸的程度剛剛好，不會覺得太乾，這麼一碗炒飯我一口氣食完咗，真是太美味的，可惜太細份了吖吖吖！

太湖海鮮城一直都是以海鮮料理出名的，我都是聽其他人介紹嘅，感覺上應該都唔錯下。紅燒金腿翅、上湯焗龍蝦、蛋散、富貴蝦等等真系令我食指大動吖，有心嘅就唔好錯過喇。紅燒金腿翅，味鮮美為主，咸淡適中，即使分量不是很大，但是魚翅好正。上湯 焗龍蝦，據說是加拿大龍蝦，呢層我就真系無識分喇，但系入口就可以感覺到龍蝦嘅鮮味，特有的，食材好新鮮。蛋散系食完之後上的，味道麻麻，就好一般。富貴蝦都是新鮮海鮮喇，做法比較傳統，但系又意外咁好岩我平時嘅口味，服務又較周到，一餐落嚟感覺唔錯，舒服。

相信今晚好多人都會出街食飯，食完就一齊倒數，阿爸話想食完飯全家一齊去倒數，阿媽話想食海鮮，好啦，咁我就話去太湖海鮮城食啦，以前食過一次覺得價錢同食物出品都可以。講明食海鮮，當然唔少得龍蝦啦，我地點左個龍蝦伊面，分量都算大，龍蝦都可以，D面吸收左蝦嘅鮮味，食落都唔錯，不過無咩特別之處。女人都貪靚，點左個花膠湯嚟補補，花膠都算多，唔系果種得一兩件果D，煲得都算濃，價錢親民。嚟呢度嘅朋友一定要試試姜米活魚炒飯，好好食，魚肉好魚嫩，飯又炒得粒粒分明，味道好特別，每次都必點。南瓜粥系阿媽點嘅，我以為味道唔會好，點知又有點意料之外，粥嘅濃稠度剛剛好，再加上南瓜本來就有的甜味，可以比到少少驚喜，中意食南瓜粥嘅可以嘗試下。

難得嚟太湖食海鮮真係好幸福吖，平時翻工根本無咁多時間嚟食，不過今日老細放大假，於是就同班同事一齊過來食翻餐頸噶 呢度啲燕窩真係值得推介吖！啲燕窩好滑好香甜，而且唔會落太多噶調味料，而係原汁原味噶，我一直都覺得燕窩應該要食原味噶會好食啲囉。 碟蟹真係好入味，而且蟹鉗又夠曬大隻喔，入面噶肉好鮮甜，其實真係唔使落咁多調味料都已經好好食噶啦。 個海參湯都係超級一級棒正嘎。海參好滑，煮得好淋好淋，湯嘎味道好濃郁，飲完回味無窮吖

今餐全部點於特價推介一直覺得又特別又好味又抵！小點為左青芥末而點，但有芥末味嗎？只係正常發揮嘅鹵水菜五味香草煎魚餅($15.8)： 同想像中一樣好味龍蝦湯海鮮酒菜角($15.8)： 炸得好，薄皮，足料西菜櫻花蝦鯪魚賣(小點)： 臘腸鯪魚賣就啱……皮蛋肉丸西洋菜($28)：正常發揮馬拉糕($10)：侍應拎住個籠推銷，揀左舊大嘅，好鬆軟，唔太甜，好想再食

Tai Woo is a restaurant that my father seems to like quite a bit. It's one of those Chinese restaurants that serve classic Cantonese dishes along with seafood at night and dim sum during the day (and they even serve late nght dim sum until 3 AM!). To my father, this is the restaurant he grew up on and could always count on being excellent value for money.The original shop used to be down the street but as rent increased, it moved to this current location. I haven't visited this new location. It

一年一度中秋節飯選左星期五食，E 間未試過，就去試下, 一共9大4小朋友    酒樓枱與枱之間比較迫, 唔知係咪因為中秋節定平時都係咁, 迫到唔太舒服, 有D 熱....員工禮貌都OK,見到我們有小朋友都主動攞BB椅比我地, 有時經過都會同小朋友玩,但食物就一般太多肥肉位, 有D 油個翅個味太濃, 唔知係咪落多左老抽好味付竹菜苖, 好好味.味道少少清，菜嫰仲有個荷葉飯, 好有荷葉味,  每粒飯都有葉香味蛋散----比較淋身, 味道都OK全單3千幾, 係銅鑼灣食算正常, 

今晚約同一班新知舊友齊上高樓，去我們的飯堂 - 太湖海鮮城！我們隨意點選海鮮套餐，有斉要食的海鮮，價格合理！煙肉椒鹽炸蠔，大大隻，很新鮮，一囗咬下去蠔汁液四濺，正，正，正蒸扇貝，size大，肉質鮮嫩可口👍👍豉椒炒聖子，肉厚，爽口，非常野味😋😋😋一條蒸海斑，新鮮游水魚，蒸得僅僅熟，魚肉滑，連魚骨也甘好味❤️❤️半隻燒鵝，份量足，鵝肉入味，有咬口👍👍鵝肝炸蝦丸，加埋附上鮮mango 汁，醒胃，清新，沒有飽滯感！👍😋😄炒水芹芥菜，不油，不咸，可嘗到芥菜小小苦味！一流！單尾荷葉反不過不失，飯香再混合荷葉的香味，令人可以食多碗飯！😄😄不過，最後上的蜜糖旦散，香甜及脆口很誘人，大家鮑之餘，還可以再狂呑旦散！大家都食得很盡情，每人花費＄300 ！抵食！

星期六約媽媽到銅鑼灣飲茶。印象中銅鑼灣二期比較多酒樓，去到被水牌上的"米芝蓮推介"吸引，就一試這個名字嘅熟悉又陌生的太湖海鮮城。等位約五分鐘，其間見牆壁上一系列的獎狀，頗吸引頗期待。 隨後我們獲安排了一張二人櫈，不是圓枱，媽媽稱這爲面壁枱。坐了十分鐘，一直舉手均沒有侍應跟進，臺布真是很白雪雪啊。好不容易一個侍應推著點心車在旁經過，我叫"唔該"，他不理啋……之後第二個侍應經過，也是對我充耳不聞直行直過……第三個點心姐……一樣。他們就在我前面停下，三個人專心招呼那部點心車……終於由另一位點心姐發現我，她叫了侍應幫我們開了茶。一場來到，我們專點獨特的點心試試。第一個是麻辣鴨舌脆海蜇，$38。 海蜇味道清淡，鴨舌沒有麻和辣，反而八角香料味很重，整碟不太協調，味道怪怪。車厘茄也碌了下來，賣相不太好。菠蘿蜜桃炸小雲吞的水果味不太突出，但肉餡非常好吃，炸皮非常香脆，沾醬酸酸咪咪非常醒胃，值得推介。香煎蓮藕餅，大愛。連薄薄的蓮藕餅也可外脆內軟，芝麻令餅很香口，蓮藕質感粉粉，味道上乘。鮮茄湯浸鯪魚球，大愛。鯪魚球沒有了濃烈的味道，蕃茄湯令它變得溫柔了。吸收了茄湯的鯪魚球，口感依然不鬆散，咬下去，湯汁隱隱