太平館餐廳

營業中

休息中

是日同朋友歡聚倒數本人離職，然而預祝同那友人同「公」之喜，特意相約在尖沙咀吃個午飯。本來朋友想到嘉蘭圍附近的台灣新小店，但到場才知只供外賣，午飯來說有點不便，因此臨時才決定在這間「豉油西餐」專門店來個快午。老老實實呢間大家應該唔陌生，瑞士汁/豉油西餐的表表者，質素早已有保證，儘管貴貴地，但我久不久都來回味老香港。同朋友各叫一個餐，價錢大概由七八十蚊至百多蚊左右，有湯、果汁、主餐及餐飲，比起單點，略化算一點。點餐後不消十分鐘，湯及飲料都陸續上桌了！我就好喜歡那裡的羅宋湯，足料但味道唔太酸唔太鹹，剛好得宜。撕一角餐包，沾一下羅宋湯，開胃的小點朋友點了忌廉湯，味道都相當厚身足味。吃完湯品餐包，剛好時間就為我們送上主餐食（究竟是特意待我們完成開胃菜部分咁有質素，或是只是剛剛遇著岩岩，侍應都有乜送乜），我就點了粟米斑塊飯，朋友便點了西炒飯。是的，明白的，大家會覺得我們在點錯的食物，但告訴你們，那是沒有點錯。我的粟米斑塊飯，份量不多，汁量適中，粟米同白汁混和很好，斑塊粉薄肉厚，加上炒底的飯粒熱辣甘香，真心好食！係咁懷舊的地方，預祝新開始，仲要食到咁驚喜的「非豉油西餐」，是係

太平館餐廳 經典懷舊之選 是日跟朋友到了位於尖沙咀的太平館餐廳食晚飯，事先知道這間餐廳人氣挺旺，就先訂了座晚上七點鐘。我和朋友都早了少許到，但可以讓我們入座了。走進餐廳，就會覺得內部的裝潢的而且確非常懷舊feel，好像走進時光隧道一樣，去了花樣年華的年代。暗色的桃木餐桌和牆面，調至暗黃色的燈光，穿著打扮都官仔骨骨的侍應們…我們坐的座位較近廚房出菜位，所以有時當客人柯打的扒類餐盤從廚房出來的時候，可以早到肉類焦香的香氣。同時，我們也在點菜等待，或者是進食期暗，不斷看到廚房偶爾推出來的招牌巨型梳乎厘！非常震撼。為我們點單的叔叔侍應非常識做，除了提醒我們最後在十五分鐘後（即在進食主菜的時候）就好叫定梳乎厘，更加直情在我們時間到了都還未記得落單的時候，主動過來跟我們說，梳乎厘幫你地落好左啦！除此之外，大家的服務都比較到位，會來幫你加茶、拿走碟這些基本的都有。有些遺憾的是由於我們只有兩個人，所以餐桌不算很大，但也夠用。如果是四個人左右來，應該會再坐得舒服些。但我們兩個人都是坐小卡位，基本上都坐得舒服，談話空間也有的。這類餐廳還有一個好處就是大家談話聲是有，但又未去到酒樓那種吵雜，但亦不會水靜鵝飛

第一次來太平館餐廳，呢度可以話係高級版既花園餐廳，係香港最早期既西餐廳之一。呢度既裝修好懷舊，連WAITER都好老派，個個睇上去都應該做左幾十年。睇返呢度褻牌既介紹，原來孫中山先生當年都黎幫襯，黎食野真係好似文物探知咁，可以認識歷史。我同男友各叫一個SET。我叫左焗蟹蓋、煙槍魚籽蝦仁炒飯。個蟹蓋焗得非常出色，個蓋完全俾蟹肉包圍住，啖啖都鮮味無窮，好滿足。煙槍魚籽蝦仁炒飯就相形見絀，飯淋到完全唔似炒飯，魚籽同蝦都係形同虛設，無乜味，最後加左啲喼汁先食得完。男友叫既瑞士雞翼佢就讚到天上有。話說瑞士雞翼就係廣州太平館創立既一道招牌菜式，逐漸流傳到街知巷聞，後來好多茶餐廳都開始整自己特色既瑞士雞翼，間間出來既味道都唔同。今次來試左咩左正宗既瑞士雞翼！肉質係淋又JUICY，瑞士汁同大部分出面版本比，都冇咁甜，最特別既係有陣咖啡味！雖然我本身唔好咖啡，但都覺得好食既！重點係只會係呢度食到。最後我留意到既係，我成晚係完‧全‧聽唔到普通話，成間餐廳都係香港本土客，好有香港九七前既殖民地情懐，呢點真係非常難得~雖然我唔明呢度咁有賣點，何以大陸人完全冇興趣。對我黎講都係好事黎。哈哈！

如果你問我太平館餐廳水準係咪好L高？我可以寫包單話唔係。但係！我覺得所有食過瑞士雞翼但未去過太平館既人，一定至少要黎一次。原因好簡單，因為呢度既瑞士雞翼，唔只係一個標竿咁簡單，而係真正發明瑞士雞翼既原創者。為左呢樣野，我帶女友黎左尖咀分店。呢度既裝修好懷舊。我唔知屬於邊個年代，但原來孫中山先生當年都係捧場客，大家應該略知一二。兩人每人嗌左個SET，一個係瑞士雞翼+海龍皇湯+焗豬扒飯+甜品餐飲；另一個係焗蟹蓋+煙槍魚籽蝦仁炒飯+羅宋湯+甜品餐飲。逐樣講下︰海龍皇湯賣相一般啦，但聞落係好香既，湯質地唔會好稀，裡面有蝦同魚肉，飲落係有鮮味但唔算太出色，唔會咸亦唔覺有味精。合格但唔高分。羅宋湯反而幾好。當然佢都係用茄膏，但飲落甜、酸同辣既平衡算係適中，一定比大部分茶餐廳好飲，菜同甘荀都煲到好淋，不過就唔見任何肉。跟住兩個飯，SORRY，係全晚既污點。首先講焗豬扒飯。豬扒係炸過既，粉漿幾貼唔厚，肉質淋唔會好柴唔會乾，但略嫌切得太薄，即使本身JUICY咬落都唔太有口感，上面淋左一層整得唔差既燒汁。如果唔計啲飯會幾高分，但啲飯真係幾大問題！第一，根本唔似炒過，冇蛋香亦幾乎搵唔到蛋既縱影；第二質地上實

要數香港老餐廳，不得不提太平館，這間接近百年歷史的餐廳，名物瑞士汁炒牛河、瑞士汁雞翼、疏乎里更是吸引不少外國遊客慕名而來的美食。為了懷念昔日的舊味道，今晚點了牛尾湯瑞士汁炒牛河、瑞士汁雞翼、燒乳鴿。牛尾湯 - 湯充滿牛肉味，牛尾軟腍。瑞士汁炒牛河 - 賣相可能不算吸引，但每條河粉和菜心都沾上瑞士汁，十分惹味。燒乳鴿 - 外皮香脆，肉質入味。瑞士汁雞翼 - 雞翼做得十分出色，瑞士汁滲透了雞皮，而肉質仍能夠保持嫩滑。

早一星期左右訂位。。去到唔洗等好耐就有位坐。餐牌小左好多野選擇。不過明白平安夜係小啲啲。至緊要係牛河同梳芺里有就得（訂位時都問清楚有冇呢兩樣）埋位就叫野食。叫左2個餐湯。味道ok一碟豬脾飯。一碟招牌牛河食到一半就叫埋梳芺里我同女友要求唔高。所以覺得豬脾飯同牛河都幾好食。不過兩個人竟然食唔哂咪打包梳芺里好味可能招呼我地既係上左年紀既。。態度唔錯。。遲下得閒會再去食Ps. 節日多人外出用餐。有時book左都要等下位。。始終人地都係打份工姐。唔好太為難佢地啦。。

今日食冬至飯揀咗西餐廳諗住無咁多人同埋一早已經book定位，諗住萬無一失啦。點知去到佢哋竟然話無我哋book位記錄喎，真係眼都突埋呀。最後好彩都有位俾我哋坐。下次book枱真係唔好再揀繁忙時間打黎啦。跟餐有個海皇湯，味道同麥當勞嘅龍蝦湯差唔多。不過都尚算足料入面有蝦同埋帶子。瑞士汁豬仔脾，味道一般。鹽燒牛脷，睇個樣清清地，食落好淋幾好味。雜扒餐配黑松露汁，好味配黑松露汁好香夠驚喜。瑞士汁乾炒牛河咸到不得了。。。乳鴿我唔鍾意食所以無食。瑞士雞翼不過不失。跟餐甜品燉蛋，唔係太甜幾滑好好味。招牌梳乎厘，誇張嘅外觀，鬆軟嘅口感，唔係太甜，下次來可以再食。

今日一行6人去左食太平館餐廳， 夠多人可以試曬所有signature 野。之前一早訂左枱， 但係去到話我地冇book, 消失的訂枱， 好彩早到， 都有枱比我地。雜扒餐 跟左牛尾湯， 都幾濃。二人餐 揀左海皇湯 乳鴿 同瑞士汁炒牛河。海皇湯不過不失餐包 冇乜特別啦豬仔脾飯， 啲肉幾好， 汁都係瑞士汁鹹牛脷 好淋 幾好雜扒揀左黑松露汁， 好香喎二人餐跟既雜菜瑞士汁牛河， 鹹左少少， 但都好味。跟餐有甜品係 燉蛋 梳乎厘 勁大個 唔會太甜， 多人分享食好開心

確罐蝦，我地係食野唔抹嘴嘅拉拉屎戰隊。今日幾位戰士出去尖沙咀遊雲，當然唔會放過寫食評嘅機會啦，所以即刻就SEARCH 有咩好西。望下望下就見到太平館------一間久仰大名但又無試過嘅餐廳，就啦啦臨一班人衝去……屎女人(黃)戰士：個羅宋湯好濃，小小辣，幾好味。係咁凍嘅天氣飲啖湯，成身都暖哂。屎諗但(啡)、屎狗(白)戰士：(點頭、點頭、點頭)屎花(藍)戰士：但我個忌廉湯淡而無味，杰得黎又無咩忌廉味，一D 都唔好飲。屎諗但(啡)戰士：除咗湯，我覺得餐包都好食。屎花(藍)戰士、屎狗(白)戰士：係呀係呀！好鬆軟！屎狗(白)戰士：有少少不足嘅地方，就係牛油未解凍，放咗入個包都唔溶。至於野食方面......屎靚(紅)戰士：我就覺得所有野食都好普通，比以前差咗，有D名過其實。以咁嘅價錢，唔值得去。瑞士汁干炒牛河係OK，牛脷併豬髀飯，牛脷都夠腍，但豬髀原先諗住原隻上架嘛，點知得幾片白烚豬肉，而且份量又少。（Overall 分數：７／１０)屎諗但(啡)戰士：唔係丫，瑞士汁好食過李錦記。不過冷氣有D凍。屎狗(白)戰士：瑞士汁干炒牛河，唔油膩，好味。但有D 細份，份量唔係好夠。（Overall 分數：8／１

一家三口去太平館開餐，叫咗瑞士雞翼，超大個梳乎厘，鐵板雜扒餐，瑞士汁牛河（因我地唔食牛店員話可以轉肉片的），整體食物質素唔錯有水準，仔仔見到梳乎厘最開心，下次會再光顧的。

Went for dinner and ordered the famous Swiss chicken wings and a Portuguese curry which are noted as their specialities.The Portuguese curry was average and the chicken wings too were fairly average as well.Had heard a lot about this restaurant and based upon our visit- the food and service this isn’t somewhere we’d be rushing to visit again

為左試食超巨型梳乎理，專程去尼間餐廳試食。除左梳乎理外，其他食品不值得試，價錢極貴，服務態度極差，標明百年老店，如此服務態度應該不過二百年，從今以後不會再光顧了。

今日唔知點解好多人，好彩有訂位。不過，雖然訂咗位但係竟然寫錯姓氏，呢個要減少少分。叫咗個招牌煙倉魚，西冷牛扒，雜扒餐同一個著名梳乎厘。個牛尾湯，太濃似醬多個似湯。煙倉魚，保持一貫水準。西冷牛扒，冇咩特別。加左蒜蓉汁，都唔鮮到。個雜扒，咁同花X餐廳一樣，好普通，不過佢有個松露汁，令到菜式好味啲。個餐有個甜品跟，椰汁奶凍，第一次試，味道幾好，奶有棉滑嘅感覺。最後食咗個梳乎厘，份量細咗，味道依然。不過價錢上，並非不是不可的餐廳。

朋友介紹出名食瑞士雞翼餐廳（太平館），而且成日睇雜誌好多明星都去幫襯，一於出去食下先，今晚去咗尖沙咀分店，好在主子一早訂咗位，一定要食個瑞士雞翼，好彩冇失望，雞翼滑身，而且瑞士汁味濃郁，甜甜地幾好食，乾炒牛河，感覺好似食緊瑞士雞翼咁，應該都係用同一煲汁煮，喜歡食瑞士汁嘅人一定要試吓，環境好似舊式嘅高級餐廳，侍應比較年長，同埋一定要訂位，7:30已經只可以walk in 拉，非常多人等位，食物份量比較少！

又到左happy Friday 星期五，朋友生日點名要食瑞士雞翼，所以去試吓先！去咗尖沙咀分店，唉，名過於實，滿心歡喜去食出名瑞士雞翼e間餐廳，環境好似名人飯堂！瑞士雞翼八件瑞士雞翼滑身，味道適中，瑞士汁做得幾好，疏乎里做得幾出色，多人食先好叫，蛋白味濃郁，燒豬肶，肉偏肥，唔係咁好食，感覺差，乾炒牛河，瑞士汁做得好，葡國雞飯，雞冇味，飯非常少，下次一定不會再叫，依家餐廳食物份量普遍偏細，服務一般，好似成日吹你走咁，冷氣頗大，溫馨提示最好訂位