太平館餐廳

營業中

休息中

想當年，剛出來工作，好難得先可以去一次太平館食晚餐，到了搵到少少錢之後，又會覺得太平館老土，到了今天，太平館是一個回憶及享受的一晚！來到太平館，當然要點選復刻版懷舊大餐，再加一份燒豬髀。餐包永遠嘅軟綿綿，熱辣辣，配上雞肉椰菜花忌廉湯，估唔到雞肉加入忌廉湯，非常夾！蟹肉咯嗲的沙律醬多了點，瑞士汁雞翼一樣大大隻，口味沒有變，牛柳應該有啲過熟，最回味是燒豬髀肉，肉質細嫩，醬汁入味，加上配菜，食指大動，最後有雪糕及飲品，十分滿足的一餐！希望懷舊的港式西餐可以繼續經營！一定支持！

港式西餐老店，雖然未達致非常、非常好食，但食物擁有懷舊的味道，值得一試！進食時，可以回憶一些舊式⋯⋯港式西餐獨特的味道，牛油搽多士有家的感覺，忌廉湯有香滑忌廉奶味，瑞士雞翼汁可餸2碗白飯，侍應們擁有獨立、獨特的老伙記性格。值得一讚太平館燒乳鴿、梳乎厘，一個笑聲不絕的晚上，愉快！！！

男朋友生日，一家人4個人一齊食呢間懷舊餐廳食晚餐慶祝，對呢間歷史好耐既餐廳都算有啲期望啦，但想不到大失所望囉。首先我地有Booking枱，已經叫過佢比張好啲既枱，但佢比我地張枱位置唔算好，卡位、係正走廊T字轉角位，不停有人經過，張枱好細，大家想share一齊食，但中間位置最盡只係可放到兩碟野。第二，服務態度好差，侍應同之間呼呼喝喝既聲音好大，不時聽到：我淨係做你一個客咩、咁你唔好嚟呢度食囉，之類說話.....。落單時態度好衰，感覺似去茶仔食野咁，講完想等一等佢寫，但佢態度冷漠咁叫我：繼續丫，咁樣講，落落吓單又同其他同事講野，講左幾廿秒搞到要係到等佢講埋先可繼續講，最衰既係佢幫我地落完單收起本菜單，拎完之後頭也不回咁走，搞到夾係中間張硬膠菜單跌左係枱都唔知，叫著佢都唔回頭囉！好痴線，如果菜單跌係枱度搞到倒瀉啲熱茶點算？第三，上菜非常之急，咁佢張枱好細啦，四個人想Share啲野食，咁自然啲野食會放係中間啦，但中間最多放得兩碟野就無位，咁中間有一碟野已經食完，佢又有新野食要上，但佢竟然想就咁疊係個焗盤上面囉🤣咁我屋企人叫佢收左個焗盤先，佢竟然話：我無手阿，咁囉😂😂咁之後我地都食得好急啦，因為

聽講以前都係有錢人先會去太平館食飯~而佢最出名就係瑞士汁不過...瑞士汁其實同瑞士係無咩關係... 只係 sweet 同 swiss 太似先會有咁既關係...除左裝修懷舊,  太平館既伙記都係老一輩既雖然佢地係著整齊既恤衫西褲, 不過佢地既態度都係充滿霸氣!平時如果一家人黎食就一定會叫佢個疏乎里不過今日就只係點左瑞士汁炒河同瑞士雞翼炒河加上甜甜地既瑞士汁又唔會太油膩牛肉有咬口唔會過淋瑞士雞翼入口重麻油香, 熟既程度岩岩好, 好鬼嫩~~

今日和友人在尖沙咀搵食，搵搵下就選了太平館。我們沒有訂位，7點鐘到餐廳，walk-in仲有位坐。餐廳裝修比較老式，係二三十年前應該算係好有情調同華麗的裝修！餐廳的侍應看上去做了很多年，都頗霸氣的。我們點了晚餐Set C，有海龍皇湯、瑞士雞翼、焗豬扒飯和甜品。海龍皇湯幾好飲，裡面有蝦肉和帶子！ 瑞士雞翼算是這餐廳的招牌，瑞士汁和出面的有少少不同，少少醎、比出面冇了甜味，麻油味很香，偶然會食到少少澀味！試了幾口瑞士汁，都試不出裡面成份 hahahaha焗豬扒飯的豬扒，是吉列豬扒，上面加上茄汁，幾好味，肉質鬆軟！我們兩個人還點了梳乎厘，真係好大個，我們食到好飽都食淨了少少！梳乎厘最上面個皮好好味，而下面係蛋黃打成的，食完真係好飽！

好出名嘅太平館，終於有機會試喇🙌🏻決定點2人set dinner~再加乳鴿🍽炒雜菜🍽瑞士汁炒牛河-河粉撈埋個瑞士汁好夾，牛肉炒完都好滑🍽太平館乳鴿-係呢間餐廳招牌菜，一定要食-乳鴿好多汁多肉👍🏻👍🏻👍🏻聞落好香，肉亦好嫩🍽瑞士雞翼-另一道必點菜式-食落醬汁甜甜哋，份量多跟餐既雪糕同餐茶太平館必點甜品 - 頭咁大既疏乎厘因為即叫即整關係要預30分鐘，可以大概就食完主菜就點～真係好大，但味道偏甜～食左一半已經食唔落2個人黎講，點既份量太多😅今次又打包左好多拎走

同同事一齊黎食lunch，一入嚟個裝修同長樓梯就好有舊時香港既情懷，環境舒服，唔太嘈傾到計。我哋叫左幾個set share，一黎就上左餐湯同麵包，麵包質地飽滿鬆軟，唔似普通野，微温，簡單查少少牛油已經好好食。餐湯就試左羅宋湯，湯就麻麻地，開頭飲都還好，但飲多幾啖，有苦澀味，大家都一致覺得麻麻。然後主菜黎左，有牛利、干炒牛河同瑞士雞翼意粉。冇咩驚為天人既感覺，好似樣樣都普普通通咁，牛利煮得都林，干炒牛河既牛片質素都幾好，佢哋出名既瑞士雞翼我又唔係好覺得特別好好食，正正常常咁。最後叫左個甜品，巨型梳乎厘，好岩打卡，本人唔係好好梳乎厘，覺得味道就一般，食到底會好甜，應該係d糖沉哂底，份量大同好甜，最好多d人share食，想食記得早少少落order，要30分鐘準備Overall成餐都正常，好好食又未至於，cp值就唔高，同樣價錢可以食到更好既，但如果想靜靜地坐下同朋友傾下計都唔錯既

為了巨型梳乎厘而來😌舊式中餐廳，職員也很有禮😃餐廳很大，可以容納多人. 因為份量也很多叫了一份lunch set 兩人吃.包餐湯和飲品.💠瑞士汁炒牛河 🍝 $102𝙁𝙧𝙞𝙚𝙙 𝙁𝙡𝙖𝙩 𝙉𝙤𝙤𝙙𝙡𝙚𝙨 𝙬/ 𝙎𝙡𝙞𝙘𝙚𝙙 𝘽𝙚𝙚𝙛 𝙞𝙣 𝙋𝙧𝙚𝙢𝙞𝙪𝙢 𝙎𝙬𝙞𝙨𝙨 𝙎𝙖𝙪𝙘𝙚見很多人也推薦這個，所以一試.真是好好食☺️瑞士汁是精粹，少少甜味，牛河濕潤不乾身😋食到今不到口💠焗梳乎厘 🧁 $148𝙏𝙋𝙆 𝙎𝙩𝙮𝙡𝙚 𝘽𝙖𝙠𝙚 𝙎𝙤𝙪𝙛𝙛𝙡𝙚重量級甜品 😱大過我的頭！看相片以為不大，出場時嚇到😱😱超巨型！2人吃不完..梳乎厘好滑身，很香濃，但有少少甜.😕不過以這個價錢來是說真的不錯 👍🏻😙🔹粟米忌廉湯 𝙎𝙬𝙚𝙚𝙩 𝘾𝙤𝙧𝙣 𝘾𝙧𝙚𝙖𝙢 𝙎𝙤𝙪𝙥🔹𝘽𝙡𝙖𝙘𝙠 𝘾𝙤𝙛𝙛𝙚𝙚

第一次到呢間老牌餐室到食飯,朋友建議一定要飲餐湯, 最終我地決定全部散叫, 分別一個周打魚湯,一個羅宇湯,一個乾炒牛河同埋瑞士雞翼。感覺有點老懷舊feel先黎湯先, 呢個就係周打魚湯口,好農郁,好好味又夠熱朋友仔既羅宋湯,啲料多到不得了,我唔喜好酸,所以要白湯叫湯就跟個餐包, 呢隻包係好軟熟好懷舊既餐包,搽埋牛油係無得頂乾炒牛河有2款,我地叫左就咁乾炒牛河, 但比我想象中淡口,掙小小而要叫左個瑞士雞翼,呢個好味,又入味又juicy 行返出黎再望個門口。。真係好老牌子

年三十晚係我同老公嘅拍拖紀念日所以昆左老公出尖沙咀話新年要買新鞋😆然後順便食個晏😁跟住老公話拍拖食過一次之後都冇再嚟過太平館，所以就話今日去重拾十年前嘅記憶😆餐廳完全冇變過而且年三十都仲好多人我哋去到都要排一陣隊不過好快就有位疫情期間佢哋都整晒膠板👍🏻我次次黎親都係食同一樣嘅嘢就係瑞士汁炒牛河，味道不變仍然係好惹味仲記得係有兩條菜心送面頭仲有啲蛋絲😍😍我同老公分別每人一個白湯一個紅湯白湯幾好飲，紅湯我嫌佢酸得滯而且個餐包仍然都係暖暖地加牛油我覺得仍然好味😋

香港應該無人不曉太平館，算算手指，已是香港碩果僅存的百年老店。店內樓底不高，那昏黃的燈光，很有舊香港的裝璜味道！五、六十年代，幫襯太平館的人大多是非富則貴，以當年的價錢來說，定位已是偏高。一場來到，當然點其招牌菜：「瑞士汁炒牛河」！點餐過後，侍應隨即為我送上餐包，旁邊還放着一舊牛油。這的而且確是一個久違的港式餐包，但這餐包卻給我無名的懷舊感！羅宋湯色澤非常羅宋，而且配料十足，大量的蔬菜與微酸的味道，倒合我口胃的西式濃湯！主角終於出場，瑞士汁以自家獨特配方熬製而成，甜而不膩，每條河粉都均勻上色，沾滿了鑊氣，牛肉入口爽而帶點咬口，菜心爽甜，保留了原汁原味，上面擺放了金黃色的蛋絲作點綴，每一口都是瑞士汁的味道，沒有挑剔之處！令我最印象深刻的，這裏的侍應全是有一定年紀的老伙記，每個都穿上整齊西服，領帶煲呔的服務客人，而且態度親切，用「溫文爾雅」去形容最貼切不過！「太平館」沒有因應時代變遷而改良菜式，相反保留了開店至今的傳統名菜，大多數食客來的，相信都是為了它們的懷舊味道！

第一次食太平館，服務很好， 也很有禮貌，食物除左瑞士雞翼同梳乎厘，其他食物味都就一般，葡國雞飯完全唔得，乳鴿都可以。下次再去都係會再食瑞士雞翼同梳乎厘，其實野食就再諗諗。

今日星期六我哋嚟咗久違了嘅太平館食午餐。中午1:10到達全場爆滿。叫左兩個午餐「羅宋湯+餐包 」湯甜酸味適中唔會杰撻撻。麵包又熱辣辣。「瑞士汁炒牛河 」多汁味濃。夠熱。多牛肉又入味。食過好多間，呢度真係最好食👍🏻份量一個女仔食會多咗少少。但真係好好味😋所以最後都清晒。「紅酒澮牛脷配炒飯」牛脷厚切軟硬適中。可惜配送炒飯炒得唔夠乾身。服務態度殷勤。食完啲嘢佢好快就會清左張枱。感覺好好。整體好滿意好滿足😃

起源於1860年呢間歷史餐廳,見今日行經去睇驗吓,食個下午茶懷舊吓感覺似去番粵語片年代咁,餐廳播住悠閒音樂,令人放鬆。太平館干炒牛河干炒牛河粉量唔算多,可能係下午茶關係吧。但炒得出色,每條河粉沾滿了甜醬油的味道,上面放上黃色蛋絲,牛肉夠腍,河粉亦夠爽,而且吃下去又唔覺得油膩,幼滑非常,也炒得出鑊氣,果然係招牌菜式咖哩牛腩飯咖哩牛腩口味偏重又有啲辣,但牛腩同咖哩煮得好入味,加埋薯仔撈飯夠開胃。下次嚟要試下梳乎厘先

走進香港老牌餐廳——太平館环境：有七、八十年代的風格，而且保養做得很好，卡座位前後都有一塊膠板阻隔，感覺很有私隱和安全，我很喜歡餐廳的環境，充滿懷舊的風格。服务：服務只點單、送菜、收拾餐具都很快，但會不停游說你叫多幾個菜，又說有最低消費，好像我們沒有叫任何食物，感覺有點差。「梳乎厘」⭐️⭐️⭐️⭐️⭐️這真是超乎想像的美味，服務員捧上來時已經聞到一陣陣的蛋香，分量超巨型，差不多好像一個頭那麼大，四個人分食剛剛好。表層焗得帶少少焦香，內部非常綿密，使人垂涎三尺。「瑞士鸡翼」⭐️⭐️⭐️⭐️瑞士汁一流，我覺得用這個汁是無論煮任何的菜品都會非常美味。所以雞翼用這個醬汁熬製，雞肉完全吸收了醬汁，充滿了肉汁。但性價比低。「干炒牛河」⭐️⭐️⭐️⭐️⭐️這是我吃過最好味的乾炒牛河。每條河粉平均沾滿了醬汁，牛肉細嫩，但份量不多，性比價一般。「烧猪脾饭」⭐️⭐️⭐️⭐️燒豬髀是用瑞士汁烹調，豬肉經過燒烤，有焦香味，在切一塊塊，沾滿瑞士汁，用來撈飯是一流的。