太平洋咖啡 (亞洲國際博覽館8-9號展館) (赤鱲角)

一早同老友記黎亞洲博覽館參加活動，當然要飲杯咖啡提神。老友記比較了兩間咖啡店，話好驚訝呢度Pacific Coffee同市區價錢一樣，只係唔可以用出面優惠券，實在太好喇！最令人驚訝嘅係，呢度都提供長者優惠架！所以老友記記得出示返長者卡。對面星X克冇椅子，只有高檯，呢度就有兩張檯四張椅子，方便老人家休息！我地飲嘅Flat White, Latte同凍Americano同平時水平差唔多，冇乜得評論。麵包都冇特別。下晝有個朋友想用app落order，唔駛排隊，但最後發現呢間停咗app order服務。