太平洋咖啡 (已搬遷) 新店位置

這日與友人飯後在新世紀shopping，走得累了，友人建議找個地方坐坐。我們便到Pacific，它位於商場二樓中央位置，很開陽。我們便各要了杯熱latte。講真，味道很淡。奶泡也打得很稀。5分滿分的話，最多只能給這杯咖啡1分。但這類大型連鎖咖啡店也有它的存在，就是提供一個就腳和可以坐坐的地方，因此久不久就會和友人再光顧這類店。

天氣炎熱, 其中一個解暑辦法就是喝杯凍飲, 在商場內涼冷氣. 在這裡就有這個功效. 好不容易才找到兩個位, 看來有不少朋友都贊成這點.Iced Vanilla Latte 雲尼拿意大利咖啡 $32: 文迪要的繼續是latte, 聽她講是不俗的.Caramel Swiel Chillin 焦糖旋風 $36: 7分, 我要的這杯, 偏甜, 雖然是冰, 怎知道是飲來飲去也不太覺得解喝, 是焦糖太重份量之故?Chocolate Banana Duo 朱古力香蕉二重奏 $26: 8分, 蛋糕質感幾好, 朱古力味幾濃烈, 香蕉味也幾突出, 兩者之間的平衡做得幾好, 這個二重奏, 不分高低.吃完見還有人等位, 還是大紅人, 都係讓給他吧. 哈哈, 他真的幾有禮貌, 怪不得那裡入屋.

因為要準備AL 所以呢排都係SB同PCC流連 其實唔係好鐘意新世紀呢間PCC因為好多人行黎行去 好嘈 鐘意係佢斜對面花墟果間多D !!但係果間無位><一路都好想食返個豬肉絲包 好好味!!不過成日都無得食 今次好彩 終於有有少少酸酸甜甜真係好正 我最愛 28$都價錢合理連埋杯TALL ICED MOCHA 32$用50蚊坐左半日 不過佢杯ICED MOCHA好甜 甜過SB好多 ><

因為就黎遲到, 所以呢日lunch只可以食三文治! 我一落車就衝上去pacific coffee...比$果陣我同果個人講話我好趕時間, 所以由比$到走前後都唔洗2分鐘! 真係超快! 我第1次食呢款三文治, 我揀佢係因為有d菜好似好健康咁...同埋有我鍾意嘅mozzarella..不過呢...個包太大個喇...我2點半食完到夜晚8,9點仲覺得好滯...如果佢可以有半份嘅選擇就好喇...

身為starbucks嘅忠實fans,我呢排竟然成日去pacific coffee....今次lunch hr嚟食野, 初初想要mocha + 三文治, 但係又好似飽得滯, 所以最後要個沙律...其實薯仔沙律好似好易整, 30幾蚊有d貴呀...不過我梗係唔會自己整啦...而且佢d olive oil又真係幾好食..再加埋d沙律菜好好味...個沙律本身係薯仔+煙肉, 不過煙肉得1 cm x 1 cm (好彩我唔鍾意食bacon)...anyways,我覺得pacific嘅mocha的確好飲過starbucks, 不過其他飲品就我仍然會選擇starbucks!

Pacific Coffee 最近推出了雲南蒸餾咖啡，用了優惠券來試一下~~這杯雲南咖啡，顏色較淡，和一般蒸餾咖啡一樣，味道比較淡。味道偏苦，酸味少。個人覺得一般啦，個人還是喜歡帶多些酸味的咖啡。

一個對coffee沒興趣的人, 非常喜歡獨個兒到cafe吃蛋糕睇書.有時候, 一個人安靜的. 今次, 有你陪住, 又另一種感覺.之前去bank做文件, 哥哥仔送了兩張免費coffee劵比我.收到後, 我剩係想同你分享, 因為呢幾年來, 我地都為了將來努力緊, 想休息一下, 比自己享受一下, 都唔捨得.是日下午茶:- Mocha (hot)咖啡類我只會飲可以遮掩到咖啡7成的另類口味, mocha係其中一個.加了cream起面, 首幾口都有cream+朱古力醬.濃厚朱古力味, 但又沒完全蓋掩咖啡味, 是清新!連男朋友都話好飲呀 忌廉磨菇雞批沒有理會剛脫牙未拆線的危險, 照食可也!啖啖雞肉, 用忌廉完全包裹著.時不時吃到一片片磨菇, 兩個人吃差不多.店內大家都很悠閒, 畢竟cafe就是cafe, 不是快餐店. 我覺得, 是對生活有要求的人, 才會喜歡上cafe, 我是其中之一.

我一向惠顧九龍塘的pacific coffee，不得不提，水準有下降跡象。但我還是喜歡PC的環境，而且六月有買一送一優惠。等朋友，所以先Top-Up Perfect Card，然後問店員取了一杯暖水。朋友來到，我如常的要了一杯grande caramel latte，而朋友的是凍的vanilla latte。一飲之下，喜出望外。不太甜，咖啡的苦澀味適中地散發。朋友通常在二小時內都不會飲很多，今次卻意外地飲得相當快。所以我特別訪問他為什麼喝得那麼快，他說：「好飲！上次那杯像餿水（在九龍塘ＰＣ飲）一樣。」

食完雪糕,感覺好凍,與好朋友搵杯熱野飲飲。兩杯細、熱朱古力,No No No!而家最細己是Tall喇!真係「有偈仔」!即係Min Chg$29!店員沖野飲,可是慢!前面只有兩order,各一杯,我企o係度等佢整兩杯熱朱古力,等左好耐。誰知杯朱古力,都唔好飲既!唔香朱古力味,成杯減肥朱古力奶粉味,阿華田好飲過佢!!等待期間,發現原來Pacific有Gelato!!試食左蜜糖乳酪,超好食!!仲有好深色的朱古力味!早知頭先唔食Mamma Mia啦!!俾Gelato;杯熱朱,我俾喊。

次次黎親新世紀睇戲都會黎呢度買d野食先入場，有時趕頭趕命都會買番個意大利包雞肉磨菇芝士菠菜意大利包$38：今日試既，一如以往叫staff reheat左先，好鐘意見到d包本來一大舊白潺潺reheat完之後有d啡色坑紋 雞肉都係普通整三文治個d，都算係幾乾，不過比d芝士味come左，靜係食到d咸味咁囉～可能因為係係戲院黑媽媽咁食，老實講真係唔太感覺到菠菜既存在，不過就食得出d磨菇～整體上都唔錯既個包，而且拎住舊熱辣辣脆卜卜又好芝味既包睇戲都加哂分了　不過食完就比較飽滯，或者因為有雞肉啦，同埋個包都唔係細煙火腿(定唔知煙肉)芝士意大利包$38：聽落好似好普通三文治既感覺，不過食落就幾好味!芝士好似比例上多過其他款既意大利包，配埋火腿定煙肉真係好好味，又唔會太咸，d芝味好出 拎起塊包望住d芝士拉絲真係好滿足架意式雜菜乾蕃茄配蒜香蕃茄醬$38：係因為唔想食肉而叫揀既，d蒜香蕃茄醬無想像中咁好，蕃茄醬味道好似茄膏，唔夠「茄」，味道上無咩大幫助 食食下仲有少少寡～不過慶幸雜菜都算多，乾蕃茄酸酸meimei咁都算新鮮～如果個醬可以更加茄而且濃番少少就好啦磨菇芝士蛋批$20：係朋友既，試左兩啖～個批睇

看完戲後，肚子又有點餓了，想到pcc有gelato，我又蠢蠢欲動了。Gelato $29兩球，我點了乳酪味和焦糖味，又加了一個石板街brownie，hazelnut latte。想不到兩球的gelato是這麼大球﹗先吃了上層的乳酪味，酸酸的頗開胃，而且吃了一球已經半飽了。焦糖是一慣的甜，但又甜得順喉，又夠滑，可以一試。石板街brownie($16)︰賣相吸引，不過食味一般，巧克力味不夠濃，而且我猜熱食會比較好吧。hazelnut latte︰不太喜歡這個味道，好像有點怪的，都是比較喜歡vanilla latte。這間分店長期多人，要找座位不是一件簡單事。

在商場內嘆咖啡是第一次。咖啡味道在連鎖店是很平均的。因為同是出自一個方程式。地方環境和服務才是賣點。那天下午我朋友巳找了座位，我去買兩杯Latte 付過錢便站在一旁等。過一陣員工端上兩杯latte 同時叫了一聲。我正上前取時，身旁一位太太衝上來大叫是我的。就取去了。那位收錢員工用一個怪面孔笑了一下說；邊有咁快呀，等吓啦。原來我身後站立一堆人也是在等的。我只好靜立一旁等。良久，我見員工又端上兩杯Latte。今次我等人叫才取了，免出洋相。那收錢員工用一種怪眼神瞄我一眼，再指一指那咖啡。唉！這位員工的服務水平。

去新世紀行街，行到咁上下，喺時候take a break。恰巧有Pacific Coffee ge coupon, 有買一送一優惠。於是同阿媽兩人各要了一杯。由於唔係太口渴，所以只要了standard size。我要了Iced Chocolate paradise ($29), 阿媽要了Iced hazelnut Latte ($31)，兩杯只收貴嗰杯嘅錢。仲要咗件Green Apple Lamington ($10)。 雖然幾多人，不過唔洗等好耐就有嘞。我杯Iced Chocolate paradise 味道好濃，濃香朱古力味。又夠冰凍！不過略嫌口感唔夠滑，飲到有少少粉粒。亦試了阿媽的latte，入口口感好滑；coffee 味好濃，苦度恰到好處。不過就唔多覺有hazelnut 味，只係飲到少許甜味。Green Apple Lamington好奇怪，完全無green apple 味！椰絲味好香，蛋糕軟熟。不過最唔好就係中間仲要夾層cream，令口感好膩。如果無cream, 多番d green apple 味，味道應能好好提昇！

放工後, 想找個地方繼續工作, 於是去到新世紀的pacific coffee坐, 係一個開放式的茶座, 人來人往, 但卻不會太嘈雜叫左杯latte 同一件 banana miffin, 之後就坐左個半鐘, 無人打擾, 順利完成個proposal, 身, 心, 愉快!latte一杯 $27, muffin 就$14, 四十蚊的價錢, 坐得舒適, latte 味道香濃, 泡沬滑, banana muffin 典型歐洲小糕點, 凍食唔得, 但拎俾佢幫我返熱之後, 味道都ok

天氣漸熱，胃口不太好，午餐也不想吃得太膩，於是光顧公司附近位於新紀元廣場的Pacific Coffee，只想輕食一份三文治及喝一杯很解暑的Spicy Mango Chillino。到了冷櫃細選一番時，發現了一款新口味三文治：卡布拉風味意大利包，本身很喜歡意大利包，很有嚼勁的口感，吃罷一份三文治已很飽肚。最令人驚喜的番茄餡料，清新的意式香草與番茄很合味，配合新鮮清爽的沙律菜增加了口感，食味很有層次感，是怡人的午餐必選。 另外，最近亦鍾情Pacific Coffee的Spicy Mango Passionfruit Chillino，本身都是Chillino的Fans，反正就是愛那冰涼的感覺，最近新出的Spicy Mango Passionfruit口味，名字有點古怪，實在難以想像芒果及熱情果等清新的果味如何配合辣味。但嚐了第一口後，卻有意外驚喜，先是誘人的芒果芳香，入口有濃郁的芒果口味，滲了一點熱情果果香，最後是一點微辣，為味蕾帶來一陣刺激，為炎炎夏日帶來一陣消暑的感覺。