太子餅店 (已搬遷) 新店位置

I tried their "Marble cheesecake" and "New York Cheesecake" several times. Both of them are tasty and rich of cheese. Also, the price is cheap (only $8 per slice).

日期：2004.04.30購買時間：17:50食品：週五下班後，為了鎬賞自己，跑去買廉價芝士餅作晚餐，一口氣買了五件。藍苺芝士餅（@$8）：頂部的藍苺醬，少得可憐！餅身方面，忌廉味蓋過了芝士味！我只吃了一口便覺得難以下嚥，似乎唔多掂！意大利芝士餅（@$8）：絕對係我杯茶！因為餅餡裡，有較多泡過咖啡液的手指餅，相對地芝士餡較少，這可是有別於一般Tiramisu 哩！未必人人接受到！德國核桃芝士餅（@$8）：核桃棵粒配上忌廉芝士，一硬一軟，好有趣。另外，芝士鬆軟濃郁香滑。美式芝士餅/ 雲石芝士餅（各@$10）：芝士香濃，口感扎實，，交足貨！<br />評語：以廉價芝士餅而言，算係咁啦，算叫做交足貨！對於藍苺芝士餅的芝士餡，真的有點驚訝，何以師傅會把Cream 跟Cream Cheese 的比例溝成咁，是因為「將貨就價」？！還是「偶有失手」？但，我相信我會再頭買此其他芝士餅！

日期：2004.05.05購買時間：13:50食品：士多啤梨蛋糕卷（@$6）：清蛋糕部份作得扎實企理，好多士多啤梨奶油，好香好滑，怕肥者勿試。價廉物美！黑芝麻蛋糕切片（@$3）：好香黑芝麻味，算足料，價廉物美，食得過！香芋蛋糕切片（@$3）：毫無香芋味，只是一片紫色的蛋糕切片而已！大可以忘記此產品。

日期：2004.04.29購買時間：13:20食品：蕃茄雞肉三文治（@$10，連「維他」飲品一盒）- 餡料有雞胸肉（直接從雞胸拆出來的！）、蕃茄、生菜。健康的午餐。因為沒有牛油和美乃滋，有點鬆散。若用麥包就更好！價廉物美。花生包（@$5）- 花生夥粒超多，好足料！麵包部份軟得來又好扎實，口感相當討好！好味！評語：價格相宜，質素不俗，有得做！

睇完大家既食評，好想試下。3月27日同朋友買左marble cheesecake, new york cheesecake同唔知咩芝士合桃蛋糕share黎食。芝士合桃蛋糕普通啦，但marble cheesecake同new york cheesecake就幾好味，好濃既芝士味，又夠質感，我同朋友都好鐘意，$8一有咁大件係幾抵食，但其實除左面頭0個層，我同朋友都覺得兩件cake係一樣味囉。

今日在溜冰場食完飯，順手亦介紹了同事來這裡。當大家在手忙腳亂的在選cake時，我亦買了幾件其他的選擇：牛油蛋糕：3蚊一件好抵食，牛油味重，但偏濕左D。蛋撻：好似又係3蚊，酥皮唔錯，但蛋就不夠滑，亦係實左少少。香腸卷：屬迷你size，5蚊2件，呢個就唔錯，加上剛出爐加了不少分，如果唔係食飽了﹝當然亦要留力吃cake﹞，分分鍾食佢五、六件都得。

多得幾位食家推介；雖然小妹成日都經過呢度，但從來冇諗過會嚮度買芝士蛋糕食。今日路過，買o左件孖寶芝士蛋糕(即marble cheesecake，不過唔知點解呢度會譯成double cheese slice)，$8一小件，好rich，芝士味道都幾香濃，以呢個價錢o黎講真係好抵食！遲D再o黎encore，試多幾隻味先；反正$8一小件，計proportion都平過Teresa Festival好多。

平時行太古城都唔會行到落呢度，但見其他食家品評得幾好，專誠來試試。見有班師傅在舖後整緊麵包及蛋糕，即製即賣水準差不到那裡，起碼比一眾大路餅店如美心、聖安娜等好。<br />買了New York芝士餅、孖寶芝士餅、合桃提子餅、牛油花生醬蛋糕同士多啤梨卷。雖然件頭唔算大，但價錢卻相當便宜，芝士餅類一律8蚊，其他蛋糕更只係6蚊，明顯走街坊路線。<br />芝士餅有好濃郁芝士味，雖然芝士不算幼滑，但結合價錢是很抵食，值得推荐。孖寶芝士餅的英文是Double Cheese，其實應該係Marble Cheese，味道都唔錯，但個人計較喜歡硬橋硬馬的New York芝士餅；合桃提子餅幾大舊，有粒粒提子都唔錯；牛油花生醬蛋糕就比較平平無奇。<br />買左十件都只係68蚊，好抵買！第時行開都會再買。

佢個cheese cake 真係好平,仲要好有cheese 味,有次同朋友去翡翠食dinner,見仲有排等..我個friend就話不如食件cake先..話好平,又好食,真係無介紹錯!!

cheesecake我就無食過啦, 不過就食過佢個芝麻chiffon同埋bread & butter pudding.味道係幾好o既!especially 以佢個價錢黎講!

成日聽見同事讚哩度o的cheese cake好味道，晨早麵包亦「不容有失」．．．早幾日終於有機會試喇，size雖然細細件，但「芝士餡」絕無欺場，濃芝士味，結結實實．．．價錢只係六蚊雞，抵食呀！！（講真，若係什麼cafe食哩個size cheese cake，起碼都要十幾蚊啦？！）至愛推介：（看圖）右下方o既new york cheese。marble cheese同blueberry都好正！一啖一口芝士，真係好有滿足感！（最好係唔太甜嘛！）鍾意食甜同淡芝士味o既您就唔o岩喇！以我個人口味，我就好鍾意。住太古城咪好咯，食完小籠包可以食番件甜品。