太子餅店 (已搬遷) 新店位置

放工經過餅店,買了blueberry muffin, chocolate muffin (HK$6.5) & 合桃味茶餅 (HK$5) ,回到家後叮熱來吃,前2者非常美味,餅店用了頗可愛的兔仔紙杯迎合復活節,頗有心思,價錢比"Mrs. Field"平~至於合桃味scone 比"crumbs"那間差很多,不值一試~

我之前好鍾意食東海堂o既蛋糕,但發現近一年內佢地d水準好似 ma ma地,有日無意中途經此餅店,就買左幾件蛋糕試下,但食完之後佢地o既蛋糕銖鬆軟,又唔太甜,仲可以比美東海堂,而價錢都ok,我一定會再去買過的

我最鍾意傳統雞尾包，但稍為新式嘅麵包店（或者翻新咗嘅老店）就造唔到啦，所以一直只食舊店雞尾包，不過我成日驚老店唔乾淨，所以次次喺舊啲嘅麵包店買包食都叫自己唔好週圍望，費事見到核突嘢。上個週日去咗太古城，發現太子餅店唔知幾時裝修咗，無咗以前個街坊look，好光猛，好乾淨。即刻想測試佢啲雞尾包有無走樣，點知店長托住盤出爐蛋白清蛋糕出嚟，好香蛋白味啊！如果你造過蛋白甜品，你會明白我的感受。愛美愛健康如我，忍唔住即買即食一個，非常熱鬆軟！售價＄6。 店長見我就地食得咁滋味，主動話我聽美味原因之一係蛋糕工場就在鋪內，蛋糕即造即賣，可以話零運輸，無暈浪。我知道酒會暈浪，唔知蛋糕都會喎！不過新鮮啲就真係食得出。我跟手買咗個blueberry muffin, $6一件，超平！你如果食開Starbuck 或 Pacific Coffee，你會即刻買囖。之後我瀏覽（真係瀏覽，因為好多款式）切餅同蛋糕，未見過街坊餅鋪有咁多較高擋款式，又即刻買件Strawberry Cheese Cake 嚟試吓，$18 一件，得喎！蛋糕香軟而cream 新鮮，不太甜，strawberries 大粒又甜，cheese 夠香濃

看開小弟的吃評都知道，卷蛋一直在小弟愛吃的甜品排名中是名列前矛的一切樣子及味道近似roll cake的東西都不會吝嗇去嘗試，雜果卷自然是其中之一類.....在云云店舖的雜果卷中，東海堂的出品應是既價亷又物美的，故此每次路過其分店，都會忍不住買件吃吃。當然若知道其他餅店有售的，自己亦馬上飛奔前去試一下....好久之前對這裡的麵包水準作了批評，說道沒有信心再試。那雜果卷又如何呢 ? 結果還是一樣....首先，卷蛋上的糖霜味道太甜，而且給人的感覺很"假"，令人喉嚨很不舒服；其次蛋糕本身不夠鬆軟，而且內藏的雜果粒亦不及東海堂的多，吃落不夠過癮 ....不過也不全是一無是處的，起碼蛋糕沒有下太多香精，味是頗"清"的。同樣忌亷質地亦算細滑，若果可以份量多一些，當然更好啦....若要兩者二揀一，我還是會選東海堂的....

媽咪係中環分店的太子餅店買蛋糕，但搵唔到中環分店的資料，唯有係太古城分店該頁寫食評。之前媽咪朋友讚太子餅店蛋糕幾好食，於是買幾個切餅及蛋糕試下當下午茶食。今次買左拿破崙芝士餅(白色)、藍莓乳酪切餅(左圖右上)、芒果乳酪切餅(左圖最下)、藍莓蛋糕(左圖左上)及兩件雜果卷(右圖)。今次只試雜果卷及藍莓乳酪切餅。先講藍莓乳酪切餅，阿媽同事講到咁好食都對蛋糕有好大期待，食過只覺一般。雖然賣相不錯，但無乜乳酪味及藍莓味，餅低好似係消化餅，幾好味。阿媽食藍莓蛋糕，佢話蛋糕幾鬆軟。第二日早餐食雜果卷。上面鋪了糖粉，蛋糕無正如媽咪所講咁鬆軟，雜果相信唔係鮮果，入面雜果都幾大粒。每件大約$8-$18，價錢相對其他餅點其實算貴。

我覺得呢間麵包店雖然比較貴,但水準十分之高,同時亦好有創意,好似竹炭飽同d西餅都好特別,腸仔飽同肉鬆包都好好味,特價時段非常多人買,我住係西灣河都經常過黎,因為西灣河都無咩麵包店好過佢!

有一天吃完lunch，無聊到太古城那邊走走，看到餅店便眼睛發亮的我，當然免不了轉進這間已經好幾年沒有來的太子餅店。因為已經好幾年沒有在這間餅店流連，沒有preference，剛吃完lunch所以不想買麵包，便看看熱爐那邊，點了中式餅：老婆餅呀、嚤囉蘇呀等等。說實話，我對此店的中式餅沒太大信心，完全抱著「試下啦」的心態。怎料吃過老婆餅的同事都盛讚，有些甚至說「好味話恆香呀」。至於我個人認為，老婆餅真的是妙絕，由其你一心沒有expectation時，卻吃到如此美味的老婆餅那份意外感。嚤囉蘇也是一絕，又因為此餅的出產地已經少之有少，找到好吃的，實在難得。可以的話，記得趁熱食！

同媽咪黎食tea~叫左件綠茶紅豆芝士蛋糕同almond danish~件cheesecake好好好味~好濃既綠茶味~ 除左面頭既紅豆, 裡面都有~好好味! 細細件, 唔會太飽~almond danish都好味~好鬆化~好香甜!!!

有時睇到某些食店嘅食評，笑臉尤其多，甚至去到一面倒嘅情况。好奇心驅使下去試一試，有時覺得有些道理，但亦有相當大部份係完全離晒譜，此店絕對屬於後者...响太古城走了一轉，麵包店好像不太多，印象係除大食代入面嘅bread talk及下層嘅simplylife bakery外，就只得呢度...位於民居附近，生意自然無憂。買一個菠蘿义燒包試試，包不鬆軟，餡又少，菠蘿皮太硬，入面凉咗嘅义燒醬黐成一pat pat膠住喉嚨，好難頂...當然又係嗰句，食唔到剛出爐係不能作準，但小弟相信，就算食到剛出爐的，水準亦不會高到那裏...相比下，連鎖店如奇華及君蘭都比她更出色，更遑論當年响檀島吃到的菠蘿义燒包了...

我買馬仔, 紅豆枕頭包同紙包蛋榚.馬仔–OK喎! 坊間好少買到呢個水準, 有油光, 起碼唔會乾齒齒,紅豆包–太濕了, 味道普通, 無特別紙包–勁好味! 有蛋香, 坊間少有, 大家一定要試! 拍得住銅鑼灣丹麥餅店收銀姐姐面帶笑容, 聲線明朗精神, 叫佢幫我地切紅豆包都好樂意, 重好細心禁話“無問題. 重熱啊! 唔幫你封口啦!”如果行過一定會買, 但特登去就唔會啦!

芝士火腿包內裏的火腿都算幾大片，包本身質地亦叫軟熟，稍嫌芝士味太輕，$7一個只屬普通。十榖包($5)則並非硬身一族，也非滿佈粒粒榖物，不過咬落頗軟熟，而且香味不弱，只是略甜了些，不過仍是健康抵食之選。

跟友人臨進電影院前慕名前來這邊買麵包作翌日的早餐7點多買二送一,麵包幾乎都被買光光最後要了兩個健康無糖包($5/個)收銀員見我買了三個同款麵包在收錢前不忘提醒自己二送一這個優惠任何款式的麵包也適用,非常的親切第二天用微波爐打熱吃,仍然軟熟,還不錯雖說沒預想般好吃,但說到底還是期望過高惹的禍奇怪的是竟然會在無糖包中食到一點甜味,是心理作祟的關係嗎?

見你地讚得咁過癮，我又來買曲奇吃。我買了燕麥曲奇和咖啡味曲奇，點知好大獲，食到唔停得口。好香好鬆化，味很濃。千祈唔好試，試咗你實肥幾磅。

Found a lot of great comments in openrice so I purposely went there to have a try.黑芝麻蛋糕切片$4: Could easy taste the black sesame however it was a bit oily (too much butter) so it really filled up my stomach出爐蛋撻$4: Very smooth and not too sweet...Yummy!!Honestly, 黑芝麻蛋糕切片was disappointed as the oily taste remained in my mouth 2-3 hours but I will definately visit again for their cheesecakes and breads.

太子餅店的麵包中，我最愛是這枕頭麵包。有椰絲味、紅豆味、花生紅豆等，我最愛就是花生紅豆枕頭麵包，面層有一片片的杏仁片，麵包既有花生醬，亦有大量紅豆內餡! 再加上太子餅店做的麵包都很柔軟~~~ 但最近枕頭麵包的size 都小了很多，這是變相加價吧。這次買的是紅豆枕頭麵包。麵包真的很柔軟，而且內餡滿滿的。==============================================請到my blog 看更多的pics 和comments吧~:http://hk.myblog.yahoo.com/mei_ciel/article?mid=1310&prev=-1&next=1307