太元樓

營業中

休息中

暑假接近尾聲，同小女生買了新校服後來到這間位於城市花園的上海菜館吃晚飯。餐廳座位寬敞舒適，有不少擺設，感覺較高尚。我們未到5點半來到，安排坐梳化卡位，是首枱的食客。先送上茶及大大碟的花生小食。是夜由小女生發板，小女生一向喜歡吃小籠包和餃子，這些當然是她的首選，見乳鴿特價，當然要點隻bb乳鴿啦！小籠包餡大多汁，皮薄軟稔，吃了也不覺油膩。上海水餃水餃皮軟滑，皮的厚度也適中，整體味道較清，蘸點黑醋來吃味道更佳。窩貼煎得金黃，外表香脆，內裡多汁，香口惹味，小女生最愛。紅燒乳鴿表皮香脆，肉質嫩滑，而且做緊特價很抵吃，必點之一呢！小女生點了高力豆沙，驚喜的是豆沙內有香蕉，讓豆沙更香滑。點了兩杯豆漿，一黑一白，豆味較淡，甜度適中。

平時食開大排檔或者西餐，今次想食中菜，但又想坐得舒服，但又唔想咁大使費，炮台山有間餐廳好坐得嚟又好似幾平民，大胃自然踩上門啦花生有炒過又有醬料，唔會hea飲飲茶清清喉嚨先呢度講到未成年乳鴿咁限量發售，一食果然嫩滑，唔使十八歲以上都食得嗱，啤酒就真係過咗十八歲先飲得喇豬肉凍好正呀，啫喱好有味呀獅子頭超級大舊，而且好足料炒金會燶，炒金豆腐唔會喇啩？睇得又食得生煎包係好大舊，好多肉喺入面高力豆沙仲有啲吉士醬喺裡面，口感一流咁抵食，一定有下次

剛踏進太元樓門口，已經被他的牆上字體吸引，一進入酒樓，感覺有些不同，它的佈置和員工都非常專業，有笑容，唯一與普通酒樓不同的是他會提供一杯茶給你當你飲完，侍應會主動為你添茶，因為我去的時間是非繁忙時間，侍應把我安排了去一張四人枱，非常舒服非常寬敞。坐下後冷氣溫度適中，裝修亦非常精緻，碗碟亦非常特別，我看見碗裏有一條小魚，很有趣......我點了以下食物：生炒咕嚕骨送一碗白飯及粟米魚肚羹韭皇肉絲炒拉麵可以做到不油膩不太鹹我們還叫了2隻乳鴿，一碗酸辣湯總括來說味道非常不錯👍🏻一切都變得高級了， 有這樣的水準一定會再來😊

呢晚想食上海菜，搵下搵下就揀左嚟太元樓食飯。餐廳係城市花園，如果唔太熟路既，可以先入城市中心，再問問保安點行。餐廳門面光猛新淨，入到去環境都舒適乾淨。餐牌好多野食可以選擇，樣樣都好好味咁，但由於我地得2人，所以揀唔到太多。最後我地揀左黃金蝦，涼曬白肉，乾煸四季豆以及乳鴿。　黃金蝦非常好食，咸蛋味豐富而且緊緊裹實隻蝦，每咬一啖都食到滿滿咸蛋味，超正。而蝦亦好新鮮，彈牙唔霉。乳鴿只係$28蚊就有一隻，但質素唔差，肉質嫩而多汁，好好味。涼曬白肉好得意，真係曬住啲肉XD，個汁係辣既，唔食得辣既就要留意下。四季豆炒得乾身香口。影左餐牌比大家參考下～

今日去開炮台山見副問口細細但招牌大大嘅京菜 行入去先知係後門不過唔緊要行多兩步環境都唔錯就坐低試下-五柳松子魚-五柳味道酸甜適中啲汁剛剛好可以掛係條魚上面 松子魚外皮可以炸得再脆小小 但可能因為咁魚肉仍然好嫩滑 唔似有啲鋪頭炸到外皮好脆但肉身嚡烚烚🤦🏽‍♂️ 整身黎講係中上水級😎.-銅塌豆腐- 🌟我通常食親京菜都一定會叫呢個😳因為真係好好食 呢個菜嘅重點係蛋嘅味道一定要夠出 但又唔可以蓋過豆腐本身嘅豆香💯.-乳鴿-見唔貴所以叫左隻試下 size適中 燒得幾香口 每一啖都感受到乳鴿嘅肉汁👍🏽-高力豆沙-我係高力豆沙fans 呢間嘅高力豆沙都令我幾失望🙄口感好實唔夠熱豆沙唔夠多俾香蕉味蓋過左 好似食緊第二樣野

朋友介紹話鰂魚涌有一間好好食嘅上海菜，於是我哋就黎到太元樓。一入到店舖覺得好光猛，感覺好乾淨，室內嘅裝修主要係白色同埋一啲中式嘅裝飾。坐低落嚟我哋叫咗個妙齡乳鴿，$28相當抵食，而且都烤得香噴噴，正跟住叫咗個招牌松子魚，呢個簡直係必食之選，炸得啱啱好，而且亦都冇咩骨，配上酸甜嘅醬料，食飯一流。另外就一定係鍋塌豆腐，豆腐好嫩滑，回鍋肉炒年糕都好出色，醬料平均地炒勻，每塊年糕都好彈牙而且埋單加埋都好似只係四百幾蚊，就食到如此高質嘅料理，抵呀！

今日去左北角食晚餐，上海菜比我感覺一直好傳統好懷舊，點知今日黎到太元樓，發覺環境和食物都好新式，中菜原來都唔會太old school架！黑芝麻豆漿！濃濃芝麻香，入口香口芝麻味突出，豆香濃郁唔會比芝麻味蓋過。$28蚊一隻乳鴿，見到咁平都好想試下。即叫即燒，外層皮脆肉嫩，充滿肉汁，脾位非常滑溜。滑蛋蝦仁，非常有住家菜feel，蝦仁份量好多，隻隻爽甜彈牙，雞蛋仲好滑溜架。手撕雞！雞脾位置肉嫩，滷得好入味，整體唔會太膩！

今晚同朋友食飯，去左北角食上海菜。朋友比較中式，好鐘意傳統懷舊野，同親佢食飯，都係食中菜。今晚黎到太元樓，岩哂佢口味啦！$28一隻乳鴿，一定要叫黎試下啦。即叫即燒好香口熱辣辣，充滿肉汁夠哂豐富。外層香口，乳鴿皮燒到卜卜脆，完全唔油膩。肉嫩好多汁架。xo醬炒椰菜花。椰菜花好夠鑊氣，大大棵，吸哂xo醬好香口！爽脆夠新鮮。滑蛋蝦仁。雞蛋滑溜好重蛋香，蝦仁份量好多，好爽甜好彈牙。素菜蒸餃。好抵食啊！蔬菜份量好多，甜甜地好夠味！

今天晚了下班，懶得煮飯了，就到城市花園附近的這店吃中菜。點餐後，先嚐花生小吃，剛開始沒發現，原來底下有酸酸的醬汁，沾了醬汁的花生更好吃，沒想到做小吃都那麽有心思，抵讚。太元海鮮炒飯好大碟，炒飯粒粒分明，海鮮份量也不少，蝦仁好爽口。金粒豆腐，應是炸過，但毫不油膩。它金黃色外層的賣相很吸睛，喜歡他的外層薄薄的，而裏面的豆腐好滑，整體不會很鹹，而分量也不少呢，一共有十多塊！這裏的乳鴨好抵食，$28一隻，我們點了一隻，乳鴨的外皮香脆，皮與肉之間有薄薄的一層油脂，好香口。最後點了高力豆沙，蛋白好軟綿，裡面的餡料不只有豆沙，還有一小片香蕉，沒想到這裏的甜品也很出色！整體來説，這裏食物好吃，份量頗大份，裝潢很漂亮，座位很舒服，適合跟一群朋友/親友來吃。

同男朋友收工食飯，想食中菜就搵到呢間。環境唔算好細，不過佢就無二人位，要同人搭枱。點菜中～係openrice 見到幾多人有叫乳鴿，所以我地都叫左份。佢應該係即叫即整，超級熱辣辣，皮超脆，唔會乾，仲好juicy, 點埋淮鹽超好食🤩賽磅蟹，蛋白同蟹肉比例平均，加埋醋去吊一吊個味，撈飯一流😜媽媽鹹肉菜飯，叫左一碗share,鹹肉好似有點太細粒😅亦都無乜鹹肉味只食到菜飯😂金磚豆腐好好食😍新鮮炸起熱辣辣，炸皮有椒鹽既味道，食落好惹味🤩登登～～～重頭戲酸菜魚😍辣度適中，酸菜唔算份量好多，不過魚肉非常爽滑，連皮食亦無骨無魚鯩，好食👍🏿仲有大量薯粉係底。最後埋單每人around $260🤪

長輩鍾意食中菜，就近近地揀咗呢間太元樓。先品嚐上海菜例必點的酸辣湯，味道夠濃，辣度恰到好處。另外也點了一杯冰凍豆漿，炎炎夏日下飲返啖相當解渴。主菜叫了黃金銀絲卷，外皮果然炸到金黃色，包皮幾脆；裡面的包也果然以不絲絲呈現，軟熟度十足，逐條逐條撕出來點煉奶食，實在無得頂！最後，想推介一味紫心番薯浸莧菜，上枱第一件事就飲下啖湯，嘩，味道相當清甜，清湯裡d紫心番薯🍠夠林夠入味，值得推薦。價錢算公道，而且餐廳內裝修不錯，同親友共聚唔錯。

Lunch Time同同事4人行搵食, 搵到呢間太元樓食上海菜, 裡面係酒樓形式, 有茶飲, lunch time點餐形式會多個午市套餐比大家揀, 一個主食+一個野飲, 野飲可以係湯/豆漿, 湯有粟米羹/酸辣湯。4個人每人叫左一個菜黎share, 紅燒豆腐豆腐好香, 個汁岩哂撈飯; 四季豆好惹味, 但油左D; 獅子頭幾大舊但得一舊; 蔥爆牛肉蔥味好香, 牛肉好林。上海菜都比較濃味, 送飯一流, 不過多油左少少, 大家都一致揀左粟米羹, 因為比較少見有呢個湯揀, 味道中上。

親戚從外地回港探我們，因他們很想吃中式甜品點心，我就帶他們來這間太元樓，因為親戚住在港島區酒店，來這裡都方便，而且貪這裡座位與座位之間距離較遠，傾偈都不會太嘈。我們點了高力豆沙、酒釀桂花丸子、紅油抄手、蒸素餃。先說紅油抄手辣油非常香，對我來說辣度有7-8分，加上生蒜蓉及蔥，重口味，一碟有八隻，多人都夠分享。蒸素餃，很足料，親戚很喜歡。高力豆沙，紅豆餡內有一片香蕉，紅豆餡不算多，外皮有蛋香味，好fluffy。酒釀桂花丸子，桂花清香，亦有酒釀的味道，只是有點太「杰」，丸子亦都有口感。

今日一家人嚟到太元樓，新店開張所以值得支持。乳鴿只係$28一隻，我哋叫咗兩隻，肉嫩皮亦脆。父母話有時食素對身體更健康，所以叫左脆皮素鵝，脆卜卜但一啲都唔油膩，第一次覺得蘿蔔青瓜配搭咁好味。獅子頭肉質超級軟腍，而且好大粒。小籠包雖然皮薄但夾起身唔會易爛，餡料肉嫩多汁。奶油津白既汁非常creamy，佐飯一流。海鮮炒飯炒得非常乾身，分量幾大，可以分到四大碗。最後叫咗雲吞雞1/4隻，入面有大量菜同雲吞。一開始要為雲吞雞嘅雞會好韌，點知食落幾嫩滑，湯底非常鮮甜，感覺冇味精。

朋友生日指定食呢間粵菜，假日分兩個時段，我哋揀咗6-8，上菜超快，但服務麻麻，地方較迫，差唔多夠鐘就即刻趕人走，所以gathering都無多餘時間，唯有轉埸食甜品繼續傾。北京填鴨 $388⭐️⭐️肉嫩皮脆，但隻鴨太肥太多肥膏，而肉又得太少，厚薄不一，餅皮太厚太過煙韌，食咗一塊已經無興趣再食，不叫也罷小籠包 $38⭐️⭐️⭐️⭐️上枱熱辣辣，皮薄肉嫩多湯汁，易夾唔會穿，可以一試酸辣湯 $108⭐️⭐️⭐️⭐️酸辣度適中，辣度為小辣，材料豐富，湯杰度恰到好處，好味金磚豆腐 $78⭐️⭐️⭐️⭐️豆腐香又滑，皮炸得香口，脆中帶軟，帶點椒鹽味，好好味黃金蝦 $108⭐️⭐️⭐️⭐️⭐️近排食過最好食嘅黃金蝦，蝦煎得惹美，香濃起沙嘅蛋黃掛面，真係又愛又恨，而且蝦爽脆彈牙，必食推介乾煸四季豆 $68⭐️⭐️四季豆炒得爽脆，肉碎蝦米非常惹味，可惜調味過鹹，有食剩情況奶油津白 $68⭐️應該係穩陣菜，可惜全無奶油味，個汁又稀，清炒都好味過佢六人共消費：942