影片
開飯介紹
中國人氣餐飲品牌，其招牌菜老壇子酸菜魚選用鱸魚精華部位，搭配自家配方醃製的酸菜烹調，入口酸爽麻辣，相當惹味！
繼續閱讀
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
有關獎賞計劃
朋友相約吃酸菜魚，一行四人，今個下午辣一辣⋯⋯一坐低，看到一個求簽筒，除手求吓先，吉簽，正喎！簽解:收工冇人夠你快！大樂！好奇下將所有簽拿出來看看，吉吉大吉，有趣⋯⋯餐桌上的紙巾包寫著店名的由來，道出此店做魚的熱誠。值得一讚的是，這裡自助的陳皮洛神花飲品是任斟任飲，可以自己調配出自己喜愛的口味。開放式廚房，在㕑窗內看得製作很清楚湖辣口水雞~並不是雞件，原來係雞絲。蝦仁娃娃菜幾道菜都是辣，辣味過後，吃這娃娃菜中和番，感覺良好。薯粉要求另上胡椒味十足老壇酸菜魚1-2人份量~碟上寫著酸菜好吃過魚，筆者覺得同樣好味。超下飯小炒牛肉~筆者當日最喜歡這道菜，真的是下飯首選，香芹相當吸引，筆者不嗜辣的，一路吃一路辣，很快的吃完一碗飯。喜翻翻砂紅糖冰粉~套餐包括這兩碗甜品，筆者都很喜歡，冰粉其實是白涼粉，解辣一流，喜歡他們灑上點點芝麻。西瓜椰椰冰粉~喜歡椰子味道的，不容錯過。整體來說坐位舒服，多卡位，魚夠嫩滑，值得一讚是，單點項目，有一碗飯$12及半碗飯$6選擇，非常彈性。
繼續閱讀
人氣酸菜魚專門店 - 太二酸菜魚太二酸菜魚由2015年開業，香港店都終於係幾個月前開業啦！仲一次過係沙田、尖沙咀、九龍塘同啟德Airside一次過連開4間店，今次CK同朋友就到尖沙咀既太二酸菜魚實試一下，呢間號稱「酸菜比魚更好食」既人氣酸菜魚專門店，睇下係咪真係物有所值 ! 酸菜魚係唔可以選辣度，只能選份量大小，酸菜同樣用約需醃製約30天先可以出壇既老壇子酸菜，而魚肉則選用鱸魚。客人可以係櫥窗睇成個製作過程，令客人對店內衛生更有信心。太二既酸菜魚辣度唔係好勁，酸度岩岩好，算係走一個中庸之道。魚肉夠滑，但酸菜就無宣傳講既比魚更好食，不過不失，CK我就無食哂D酸菜既。勝在整體食起黎唔會太油膩，食完亦唔會因為太酸太辣而覺得肚唔舒服。而係過程中最得意既一件事係，侍應上枱前會用京劇腔大叫：「好吃的魚來了！」戲劇性十足。太二既小食算係較多樣化，愛食川菜既，可以一試脆椒小皮蛋，呢度既小皮蛋其實係鵪鶉蛋，味道較傳統皮蛋輕，食起黎更似辣油鐵蛋。大滿貫小吃拼盤 係相當港式既小食拼盤，分別有印尼蝦片、煎雞翼、炸薯粒同炸酥肉，配辣粉同蜜蜂芥末醬。整體黎講太二環境舒適，有空間感，枱上有籤筒可以俾客人等菜到既時候打發時間，而係餐枱旁除了紙巾同牙籤提供，仲有充電線，非常貼心 ! CK一定會再幫襯太二酸菜魚地址：尖沙咀河內道18 號K11購物藝術館2樓209-211號舖電話：星期一至日12:00nn-10:00pm電話 : 3622 2239
繼續閱讀
太二的酸菜魚在內地一向都是數一數二，而家進攻埋香港，可以唔使返內地都可以享受到美味的酸菜魚，不過要注意嘅係價錢會比內地價格高少少。 今次呢間分店向K11，岩哂向附近上完堂嘅我可以順路進食，地點很就腳，距離地鐵站大概兩三分鐘路程。 店內環境乾淨，侍應都好熱情有禮，枱面有QR CODE可以自行落單，亦都有自助茶水吧，洛神花加陳皮，開胃又解辣。 主菜酸菜魚肉質鮮嫩完全唔腥，酸菜咸香味很重，少少脆身，湯底酸酸辣辣配白飯係一絕。酸菜魚份量夠多，兩個人食岩岩好，純對係我最喜愛嘅酸菜魚之一😍😍😍
繼續閱讀
［香港］太二老壇子酸菜魚 (尖沙咀)太二酸菜魚在深圳很有名氣，香港人都很喜歡回去吃，近半年在香港也開了分店，但我從沒在香港試過，今天朋友生日說想去吃酸菜魚，於是我們三個人便去了尖沙咀的太二酸菜魚嘗嘗。在這一間太二酸菜魚也是用QR code下單付錢，然後也是有一個花茶區讓客人自己調配花茶，雖然花茶的種類比較少，但是這兩個跟在深圳一樣。🥢 老壇子酸菜魚（3-4人份）加金針菇 加紅薯粉我們三人就可以把3-4人份的酸菜魚吃光光了，整體來說是很好吃，很香花椒味，不算太辣，但是如果把湯也喝了的話，就有一點兒辣了。魚肉爽口，有三至四條小骨，份量也算充足，但是裏面完全沒有配料，我們加配了紅薯粉和金針菇，就真的只有紅薯粉和金針菇，所以吃起來比較寡淡，建議可以酸菜魚本身也可以加一點點小配菜。🥢 大滿貫小吃拼盤這個不過不失，小吃款式算多樣，有薯波、蝦片、雞塊、雞翼，酸菜魚吃到寡淡的時候有其他小吃也不錯呢。🥢 芝士紅薯波波這個很好吃，外面有點兒像煎堆，裏面好像有一點點麻糬，又有芝士味，不會太膩，但是放涼了後沒有那麼好吃。餐廳上菜的時候，也會有上菜的侍應大叫口號，但聽落去感覺有點兒孤單，因為就真的只有他會大叫。這個跟在深圳的感覺很不一樣，沒有在深圳那種突然間會有很多侍應一起大叫口號的感覺。其他服務尚算不錯，侍應們也是有禮親切，在香港突然想吃酸菜魚也可以去這裏呢。餐廳資料：太二老壇子酸菜魚 (尖沙咀)尖沙咀河內道18號K11購物藝術館2樓209-211號舖
繼續閱讀
原來K11開咗間太二，真係行過先知。冇去過大陸嘅太二，咁就入嚟試吓。湯底：果然名不虛傳，好香好濃郁嘅湯底。嗰種濃郁唔係好酸或者好辣，而係溫和、唔霸道，但係又好夠味。而且仲有好多芝麻粒，令到飲起上嚟滲透住粒粒芝麻香。係可以飲落口仲會忍唔住再飲幾啖嘅湯底。魚片：份量都OK夠多，非常滑，冇骨。不過就偏軟偏腍，用筷子夾，可能會整爛。酸菜：佢slogan 叫「酸菜比魚好味」。我心諗點會呀？食咗之後又明白嘅。個賣點係在於佢係淡淡嘅酸味，再配以粒粒嘅芝麻香混起一齊。整體唔會太酸嘅感覺。脆豆腐：要加$20。冇特別。原來係硬硬地、似魚片質感嘅「豆腐」。個人覺得普通，可以唔加錢嗌。紅薯粉：都要加$20。質地都夠彈牙煙靭。但係缺點係份量太少！加$20 ，先得好少紅薯粉，有啲唔係好抵。另外仲有洛神花茶，啲陳皮又香又甜。好味。唔知深圳食係唔係平好多。但係當想食酸菜魚嘅話，太二應該係香港我食過好滿意嘅其中一間。唯一批評係紅薯粉份量太少、「脆豆腐」似魚片味道無聊。環境： ★★★★☆ 食物： ★★★★☆ 推介度： ★★★★☆
繼續閱讀