天鴻燒鵝飯店

營業中

休息中

屹立元朗內街21年，堅持每日新鮮出爐。招牌原隻燒鵝肶飯、下裝例脾、馳名燒鵝瀨粉與燒鵝飯等。舖頭細，座位不多，基本上係大排檔形式坐喺條街度食，所以想坐得舒服就一定唔會揀佢。眼見一枱一枱OL及西裝客人都盡情享受大大隻燒鵝髀飯，嚟嘅大部份都係為咗食燒鵝。次次嚟到一係大排長龍，一係就賣晒更提早關門，今日中午經過咁啱有枱客人走，就即刻坐落去。#燒鵝瀨粉果然名不虛傳，熱辣辣湯底香濃，配合瀨粉「扒」入口，燒鵝份量俾得算多，juice多汁，肉嫩有鵝味，個人鍾意個酸梅醬夠酸，我食到一半已經開始執枱收舖，真係遲咗嚟都食唔到，想食嘅話就早啲到。通常要排隊等位我都會放棄食，不過呢間嘅燒鵝排隊等都值得。#天鴻燒鵝飯店地址：元朗建業街88號仁義大廈D鋪電話：24748849

星期日老公嚷著要去元朗食燒鵝，坐咗大半小時車再步行10分鐘再詢問路人才到達目的地，以前自己搵位，一直無人招呼，過咗數分鐘原來要登記。終於被安排到室內座位，下了單後服務員又叫我哋轉檯，轉到面壁二人位，對著牆上的灰塵，誰知道叫我們轉枱給了別人也是兩位，為什麼要我哋將巳坐好并下單的位置讓給別人。這樣的服務質素令人心情下降，叉燒真係唔好食，燒鵝也是一般般，下面配菜也是煮得時間未夠，其實香港有很多店的燒鵝也不錯，特別是叉燒用碳來燒比這店好食得多，最重要的是以客為先，選用豬的部位和質素也比這店好，山長水遠來到，令我十分之失望😮‍💨事後道歉，為什麼不改為待客為先呢？

頂⋯ 明明買半隻燒鵝⋯ 無燒鵝翼⋯ 咩玩法⋯⋯ 搭埋啲9唔搭8既野⋯⋯ 咩叫半隻燒鵝呀⋯⋯ 無下次囉⋯⋯⋯ $288半隻⋯⋯ 肉又唔多 ⋯⋯ 都唔知係咪專蝦啲生客同埋外賣架⋯⋯ 明明見人堂食既份量質量都ok⋯⋯ 頂⋯ 如果叫外賣真係要睇住佢斬或check下先走⋯⋯

又到中午放飯，一條友周圍行揀下自己想食既野，行行下見到天鴻燒鵝，睇過下d訪問報道都話天鴻燒鵝好正，係元朗都略有名氣，而自己都好鍾意食燒鵝，就一於試下啦。天鴻雖然算係名店，但其實都係小店一間，環境黎講比較老舊，店內坐位好少，今日坐個2人位仲要面壁既，人多時都要搭枱，有特別需要既朋友可以坐出面。燒鵝飯黎呢度就當然食燒鵝啦，同場客人差唔多9成都叫燒鵝飯或燒鵝瀨，燒鵝飯黎到睇落就一般d，分到既係翼位，色澤黎講算ok但未叫好靚，鵝唔算好熱暖暖地，食落有陣鵝油香，骨位比較多食唔到太多肉，有肉既部份都算幾鬆軟但偏腍少少，皮下脂肪都有d唔會一大舊肥膏，皮部份有d就算脆有d就唔夠脆，跟個酸梅醬就好正，好多時都靠個醬去推動隻鵝，飯方面就用碗裝有別於其他燒味店用碟，但份量都足，飯方面就幾好食，唔會濕幾乾爽，加埋燒鵝油食特別香，跟上有幾塊椰菜，椰菜味道一般般我唔太喜歡，成個飯黎講我覺得叫ok但未算得上高質。凍檸茶少甜跟餐加6蚊，茶味唔夠，只有檸檬酸味，似飲檸檬汁多d，唔係天氣熱我都未必叫飲品。成餐就64蚊，58+6，燒鵝黎講叫做還好，但好正就稱唔上，呢個價位黎講相對都比較貴，係元朗黎講可能都叫好過好多燒味店咁

平時喺whatsapp裏面見到朋友經常讚天鴻燒鵝 今日同朋友特登上去試一試下 我嗌咗碗燒鵝飯朋友嗌咗碗燒鵝奶粉再加咗一條叉燒埋單一個係200 一十六蚊連埋一杯檸檬茶凍飲一個例湯 今日個燒鵝我一般唔係話十分太好食叉燒直頭係好差收到根本好難咬得到呀我覺得如果佢咁樣賣法買到五百幾蚊一隻燒鵝嚟計80蚊一條叉燒我覺得唔值呢個價畀人追捧得太犀利 佢啲飲品都係一般還可以嘅但係佢講我算可以叫好食嘅但係同深井相比都係差一皮因為深井燒鵝自己係出名同埋好食嘅係啦

難得入去元朗搵食 梗係去試下天鴻燒鵝因為我好鍾意食燒味 亦知唔係間間都好食Google search香港燒鵝除咗深井同鏞記果堆之外 天鴻同一樂都榜上有名今次我叫燒鵝瀨 隔離嗰個叫燒鵝髀飯免切加埋杯凍檸茶少甜我果碗就正正常常 鵝味唔太濃但相反佢碟免切鵝髀好食好多見到燒到令立立嘅脆皮、咬落去油香鵝味唔太出 肉係嫩滑另外佢杯凍檸茶少甜好得 好飲過好多茶餐廳

其實幫襯咗好多年，一路都冇寫食評，今日突然心血來潮就寫返個食評啦！😜舖頭細，冇乜位，環境好過大排檔，但只係好少少，去只係為咗食燒鵝，如果你要好坐同環境好啲就一定唔啱架啦！每次去我都係叫燒鵝髀+例湯，貪吃會叫雙拼，但其實有啲多，少飯都好飽，所以好多時會拎幾嚿叉燒走。🤣基本上質素好平均，咁當然咁多年都會試過一次半次隻燒鵝有少少靭，會同老細講佢話可能咁啱隻鵝瘦。今日呢隻好好食，肥瘦適中保持水準，例湯話冇味精，普通正常，通常每次都會叫，見好似有人話員工態度唔多好，咁我就一路都唔覺嘅，我係熟客，但係我最多一個月都係去一次，啲姐姐好好，所以可能真係咁啱得咁橋。😅

完全唔值得去呢間名燒鵝店，名過其實。環境不在講，店內員工由上至下都俾到一個「不知所謂」嘅感覺。對客人呼呼喝喝不在話下，指定你坐呢度坐嗰度。又話要留個位比三至四人坐。其實當時店得三個客。講到食物，燒鵝只可以同深井嗰啲勉強可以比較下。同所謂好食差好遠。仲要五百幾蚊一隻，之前見佢有預訂燒豬，咪叫個燒肉試吓，好睇唔好食。啲皮竟然係林嘅。見佢母親節預訂嘅單好多，但係幾個員工喺電話裏邊對客人嘅態度真係同仇人冇乜分別，人哋要求3:30佢話冇，一係三點一係四點，之後又話最早都四點，唔知佢想點！

🇭🇰天鴻燒鵝飯店·難得去一次元朗 所以我哋嗰日係元朗食同買咗超多嘢😍😍之後我地行完山見都夜啦 就決定係元朗買埋外賣返屋企食 之後我地係佢臨收舖既時候狗衝左過黎 俾我哋買到最後一份燒鵝 開心🥳·上裝例牌$140因為佢地淨返最後一份 所以佢地仲免費送咗啲叉燒俾我哋🤩之後佢個燒鵝真係超級高質 大家睇相見唔見到佢個光澤 佢係我哋外賣攞到返屋企都仲係勁好食😋佢個炭燒味勁香 而且佢個燒鵝肥瘦比例好好 完全唔會柴 而且佢個皮燒到好香 一啲都唔會覺得肥膩 我哋係輕鬆K.O.晒成盒🤣🤣之後估唔到佢個叉燒都勁有驚喜 佢係超juicy 而且佢個調味好好 又係完美嘅半肥瘦 我地食得超滿足🤤·#rbyeat#rby港式#rby元朗·📍元朗建業街88號仁義大廈地下D舖

一個人午餐真係但求好味同飽元朗其實都真係好多間燒味鋪但咁多間我始終都鍾情食天鴻原因真係佢好味呢度燒鵝真係俾好多，同埋啲肉好嫩，鵝有鵝味，配埋熱辣辣嘅飯真係好好味😂 另外凍檸茶都好好係午餐好選擇

昨日外賣左盒下莊$155，返到屋企發現得一隻髀外，其餘係幾件鵝頸，腳，無咩肉食，正垃圾，做生意做成咁，跟本不想做回頭客，😡絶對無下次😡😡😡😡😡😡😡😡😡😡服務態度好差………………………………………………………………………………..

女友的妺妹和妺夫特意從天鴻買燒味回來加餸, 相當感謝, 相富有食神. 天鴻在新界燒鵝界的名氣可說是頂尖, 超越深井甚至可與鏞記媲美. 吃完之侈, 我覺得其質素不錯, 但和Top Class還是差點距離. 要讚的是外皮夠脆, 雖不是炭烤而缺少碳香, 但帶木香味. 肉汁豐富而醬料深深滲入肉中, 味道層次豐富. 肉厚而多, 胸肉肉質不算嫩滑, 口感偏實但不韌. 附上的湯汁倒上去燒鵝上, 有點似鏞記的做法, 令其外皮較淋也令肉更入味, 但湯汁味道層次較為單調, 而且質感不是夠稠, 這反而成了一個敗筆.叉燒燒得外皮香脆, 有燶邊, 蜜糖味不算太濃, 反而皮肉間的脂層, 是除了甘棠的第一刀肥叉外最厚的, 油脂甘香, 肉質相當腍, 相比起甘棠的巨型, 切得細塊吃起來較少罪惡感, 但當然吃起來就不太霸氣就是.

親戚成日話呢間有幾好食咁，咪走去試吓囉！點知激到一肚氣！首先啲服務態度差到不得了！問你拎張紙仔寫，因為入餐廳係要寫低個人資料，又唔俾我，又話一定要掃！邊個話一定要掃！我去咁多間餐廳，間間都比我寫！係你地唔俾人寫，咁咪算，我買外賣去公園食！又喺度阿吱阿咗！你唔想做我生意咪出聲囉，都未見過啲咁嘅人！有生意都唔識做！見到你周邊附近都唔乾淨得去邊啦！都唔明白啲親戚會介紹一間咁rude 、又要受氣既餐廳，呢間野！簡直不知所謂，唔使去試！

上次去元朗，見到這間天虹燒鵝，望落去不錯，所以決定下個禮拜去試吓，兩個人星期六十一點半到，等了兩分半鐘就有位，叫了燒鵝下庒和一碗瀨粉，食物好快到，燒鵝賣相不錯，鵝皮光滑脆，鵝肉不會過火，有汁，不過我個人覺得味道淡了些，沒有其它燒鵝店的濃，瀨粉不過不失，如果要同知名店比，例如一樂，裕鵝荘，我個人喜歡裕鵝莊，一樂，天虹, 這是以味道排行，如果味道加服務態度，會係裕鵝荘，天虹，一樂，有時食嘢吾介唔貴D，但一定要物有所值，這當然包括服務態度

我吃了1/4份上莊,由店舖到家沒有破壞味道.該產品汁與肉分開,毫無破壞,這是加分！胸肉味道適中,不論點酸梅醬或醬汁皆沒有問題,尤其是秘製醬汁！總括來講,極力推薦！