天鳥居酒屋

營業中

休息中

今日餓底👭出動，去天水圍 T Town食好西，去食日本野🥢🥢餐廳幾大，環境充滿日本色彩， 座位闊落坐得輕鬆👍午市套餐多款，種類多超豐富， 火鍋都有😚牛肉火鍋 💰93薄切牛肉鋪滿成個鍋面😍，雖唔多油脂， 但又食落唔柴，有🐮肉味👍鍋料都唔少， 有幾款蔬菜、豆腐、還有粉絲， 壽喜燒湯底~正😋櫻花蝦炙燒手打烏冬💰66櫻花蝦鬆脆香，手打烏冬食落彈牙煙韌， 三文魚啖啖魚油， 如果多幾片更加好😆兩個套餐夾埋分別有沙津、蒸蛋、手捲、麵豉湯、甜品👍另外追加咗雪糕泡芙💰19估唔到有6粒咁多😋現在做緊啤酒祭，鍾意飲酒既朋友有著數啦🍻🍻🍻🍻🍻🍻

今日黎到天town 覓食，第一時間比呢間日式居酒屋吸引住餐廳環境全部都係以傳統日式居酒屋木枱卡位設計，好似去左日本旅行咁呀入到去店員都好熱烈咁招呼我地原來餐廳正直舉辦啤酒祭骰子遊戲，店員會比兩粒骰子 🎲客人，客人現場擲出：孖骰=免費啤酒一杯單數=啤酒一杯半價雙數=需以正價買兩杯啤酒最後我地擲左雙數lol 咁就齊齊飲酒啦 既然酒水已備，我地立即點菜原味燒日本廣島蠔4隻：肉質鮮嫩，食完記得飲埋殻上既汁，海水味好出！壽司🍣方面小女子點左至愛款式：-鮮帶子壽司-火炙三文魚腩壽司-火炙左口魚背壽司呢間居酒屋壽司選擇十分多，而且火炙可選擇 汁燒/鹽燒 ，兩款都各有特色，用料新鮮，讚火炙醬酒漬三文魚腩左口魚脆脆飯：如果你係三文魚+左口魚fans, 呢個飯絕對唔會令你失望！！魚肉份量足，魚片上滿佈粒粒脆脆既鹽，加上粒粒蔥花既香氣&wasabi 醬油，真係啖啖鮮味，口感豐富，滿分💯三重芝士溫泉玉子焗BBQ大菌：一上菜，已經傳出陣陣芝士香，用筷子🥢輕輕刺穿蛋黃，蛋汁mix埋邪惡芝士，配上索味既大啡菇真係好juicy日式脆脆蝦角+吉列蝦：香口野總係惹人愛食到最後一味天鳥既炸物，都係無令我失望，蝦角內蝦滑打得

近期因為呢個CODIV-19，好多食肆都有不同優惠去吸客，T Town北翼二樓嘅天鳥依家做啤酒祭，玩擲骰子🎲遊戲，只要Like & Share天鳥社交平台專頁，及打埋卡就可以玩擲骰，擲到孖骰就可以免費享用啤酒一杯，擲到單數，可用半價即$29優惠享用一杯500ml啤酒，但係擲到雙數就要用返原價買兩杯啤酒喇，兩杯都係合理價$116。聽講一個月內可以累積戰績，打入龍虎榜獲取更多優惠。牛油果軟殼蟹沙律 $81，成隻軟殼蟹，炸得鬆軟，牛油果及沙律菜好新鮮，配上混醬（芝麻及醋）沙律汁，醒胃得嚟好飽肚。油揚腐皮手打烏冬 $46，烏冬煙韌，整碗清清地，食滯咗食呢碗就好舒服，係美中不足個腐皮帶有少少油益味。大滿足甜品拼盤 $129，樣樣都唔錯，啱哂樣樣想試貪心嘅我，原本想試白桃雪葩，不過拼盤係set咗蘋果雪葩，味道夠蘋果香👍🏼

去天水圍做嘢，聽朋友講呢度開咗間居酒屋🏮，雖然係屋邨商場，但係食物質素價錢都可以，所以做完嘢之後就去呢間屋邨嘅居酒屋醫肚。入咗去之後發覺都乾淨企理，同埋六點幾已經差唔多坐滿晒人，睇嚟應該口啤好好先至會喺疫症時間都咁早爆滿。坐低之後侍應就比左個口罩套我，夠細心。叫左芝士年糕($39)同埋限量嘅鹽燒三文魚鮫($66)，落完order冇耐就聽到話賣晒鹽燒三文魚鮫，好彩早左落order呢款限量嘢！芝士年糕熱辣辣上枱，年榚表面燒到脆卜卜，咬落去外脆內軟，仲有好多熱辣辣嘅芝士喺裡面，正!跟住冇幾耐個鹽燒三文魚鮫就上枱，份量唔多，但勝在熱辣辣，咬入口嗰啲充滿三文魚嘅omega 3又滑溜嘅三文魚油充滿口腔，好野味。

今天下午我和友人到了在T-Town新開張嘅日式居酒屋吃午飯。由於症症關係進入餐廳前要先量體溫，而餐廳內的座位亦用隔版分開，令客人進餐更為安心，依家仲有口罩套送添依家餐廳仲做緊個啤酒酒店，鍾意飲酒的朋友仔唔好錯過喇我們點了兩個午市套餐分別為壽司定食配牛肉烏冬以及炙燒三文魚左口魚飯。午市套餐配有前菜分別為茶碗蒸、沙律、麵豉湯及日式和甜品壽司定食有九件，啲刺身幾新鮮，八爪魚好爽口鮮甜，牛肉烏冬亦有驚喜，牛肉量多，簿片得黎好嫩口炙燒三文魚左口魚飯力推，三文魚油脂平均，左口魚滿口油香，配以嗒嗒脆脆同壽司飯，每一啖都會令口腔充滿魚油香氣又有脆脆口感，好味😋燒白粟米超香甜，好香奶油味，加上少少咸味，食完一啖又一啖

近排疫情關係，好少出街食飯，今日咁岩朋友過黎天水圍搵我，就帶左佢黎食呢間天鳥。附近無乜日本野食，門口見到呢個咁日式風格裝修既就係天鳥啦！門口放左menu，都好多選擇。入去要探熱，infection control做得好足，座位好多都係卡位，唔會對住其他人食，大家可以放心用膳。門口counter仲有口罩套拎，唔錯。午市有套餐，唔食套餐都好多選擇，想食既日本野大部分都有。我叫左推廌既炙燒三文魚左口魚脆脆飯，套餐包湯同甜品，好抵食。脆脆飯真係有啲一粒粒脆係入面，雖然唔知係咩黎，但食落口感係一流！三文魚同左口魚好大塊，份量又多，入口即溶！好好食！海膽壽司好足料，海膽重鮮味，好食。燒和牛粒好軟身，入口即溶，不過我覺得咸左少少。牛油果軟殼蟹卷，軟殼蟹夠脆，份量多，好好食！埋單2個人400蚊，食高質日本野，抵食！

今日同老婆去咗呢間天鳥食飯，呢間係位於屋邨商場T Town嘅2樓，估唔到T Town經過多年翻新之後，開多咗好多特色食肆，令人耳目一新。佢地呢排搞緊個啤酒祭，幾有趣，不過今日中午就唔飲，下次夜晚嚟先再試下佢。中午餐牌都幾多野揀，價錢睇落亦唔貴，相當平民化。我地最後揀咗呢兩個餐，老婆要咗個櫻花蝦炙燒三文魚手打烏冬，餐牌寫住係期間限定，咁當然要試一試啦，食落又估唔到幾有驚喜，三文魚同櫻花蝦出奇地夾，擺落同一碗烏冬都唔會互相搶味，另外烏冬食落好彈牙、煙靭，老婆食完之後話好鍾意。我都食咗幾啖，幾對辦。除咗大大碗烏冬，呢個套餐仲有送兩件手卷，分別係黃金魷魚同三文魚，仲有個茶碗蒸、沙律同甜品! 呢個價位有唔錯嘅食物質素，仲有埋咁多小食，真係好抵食!我就點咗呢個鐵板厚切低溫慢煮雞扒定食，好大塊嘅雞扒，一個好惹味醬汁，經典日式定食!額外點咗個小丸子，以前成日都會去新北江食，呢到當然整得比起新北江足料好多，每粒小丸子入面都有大大粒章魚啊!我地仲有叫到一客火炙三文魚腩壽司同一客蒲燒鰻魚壽司，睇得出師傅握壽司技巧上乘，壽司上碟幾靚仔，壽司質素亦唔錯。埋單兩百零蚊，好滿足!

今日休息,唔想出到出面食日本野,見到頌富商場有間新開既日本餐廳,就同朋友去試下,一人點左個午市套餐,再加左壽司,卷物,大家都好滿意,事不宜遲,去圖!首先黎到既係海膽壽司,食海膽壽司最怕三件事:一,海膽有怪味, 二,壽司飯唔正常(太熱/太凍/太硬/太酸),三,紫菜唔脆而天鳥既 海膽壽司完全無任何一個問題,超高質!套餐的菜蒸蛋,蛋夠細滑又夠香,配上香菇,粟米,雞肉,令到蒸蛋甜得黎又有不同層次既鮮味,同樣高質!和牛串燒,大大粒,絕無戲場,就咁食可能會覺得有d咸,所以可以加小小配料先食,一串三粒大大舊,抵食!牛油果軟殼蟹卷,外層有一塊牛油味解去炸軟殼蟹既油味,但又唔會遮住軟殼蟹本身既味道,舊舊都好足料,超抵食!海膽吞拿魚七色丼飯,超級多魚生,而且舊舊厚切,仲要舊舊都咁新鮮,小小雪味或者"霉"既感覺都無,超抵食,鍾意食魚生既朋友一定要試下!超厚切,無吹水!埋單同朋友一人200蚊,剛剛好,下次一定再來!

呢度環境好日本風，新開張，夜晚黎到好多人排隊！叫左個醬油漬牛舌拉麵，拉麵有得配牛舌真係好罕見！而且個牛舌係成排咁鋪滿面，好豪華～總共有12塊咁多！食落口非常驚艷！軟硬適中，好濃味，超好食！仲有半隻半熟溏心蛋～好味！配菜有木耳絲同粟米粒，啲拉麵夾起都掛滿濃郁嘅豚骨魚介湯，個湯唔會太咸，成碗拉麵都好高水準！然後試左個好邪惡嘅三重芝士煙肉焗蟹柳，新鮮焗出黎好熱，芝士味好香，同蟹柳好夾，芝士溶哂喺蟹柳面，融為一體，不過食得多會有啲漏，但值得一試！仲叫左個原條茄子配鮮冬菇汁，個人覺得配燒汁會好啲，冬菇汁有啲重口味，不過個茄子都燒得唔錯，切好一件件，唔洗好似平時咁逐條撕出黎食，夠哂入味。店舖做緊骰子遊戲，擲到孖骰有免費啤酒飲，都幾抵玩！

見新開張入去試下，入面播住日文歌，好有去左日本嘅氣氛，心情都放鬆啲。店員介紹左個擲骰換啤酒嘅遊戲，擲到唔同嘅骰可以有免費或半價飲啤酒，都幾抵飲！叫左幾款壽司試，唔洗等好耐就到齊～火炙三文魚腩壽司，好肥美，入口軟綿綿，火炙後油香十足！超香口！火炙左口魚背壽司，大推！魚油味香～入口彈牙，好好味呢～蒲燒鰻魚壽司，基本款，但味道一啲都唔基本，好多鰻魚汁，好味道！火炙鮮帶子壽司，好少有帶子火炙，原來都幾好味！幾特別！呢個包皮薯條好正，又粗又脆，好香，點茄汁一流！串燒甜蕃薯都好味，甜甜地又細細粒，可以一人一串。最後有北海道帶子牛油燒，好新鮮！入口後友人大讚。呢間日本野可以encore, 畢竟區內都好少呢類高質日本菜！

見T-town新開左間居酒屋🏮，忍唔住要試下喺疫情下，餐廳生意都唔錯，不過啲位都算隔得開午市套餐幾抵食，配埋沙律，茶碗蒸，甜品同玄米綠茶，仲有好多其他佐酒小食，壽司同串燒，啲選擇多到好難揀🤣牛舌心($53)最欣賞就係呢個牛舌，上面既調味同牛舌好夾，好野味，而且牛舌質地好爽口，必食😋跟住叫左牛肉火鍋既午市套餐($93)送既茶碗蒸同沙律都幾好味，啲蛋好滑，沙律配埋醋🥗，開胃又唔會太肥，而甜品係朱古力糯米糍牛肉滿佈火鍋既表面，仲有冬菇，粉絲，大白菜等其他配菜，湯底係壽喜燒，甜甜地，配埋白飯，好開胃😝雙重芝士海鮮大蝦反卷($51)好濃厚既芝士味，入面既天婦羅依然好脆，唔洗點醬油同wasabi，會更加食得出個芝士味😋

今日約咗朋友食個dinner，疫情下就唔出咁遠食喇，求其係屋企附近搵咗間居酒屋食，但估唔到會幾高質。一入去下職員都好盡責咁量體溫先放我地入去，而且呢間店仲好好人咁比咗個裝口罩既袋！咁天鳥既食物種類真係有好多，有刺身、壽司、串燒、拉麵烏冬同炸物等等，我都朋友用咗成二十分鐘先至落到order，如果大家黎到應該都要有排睇！食物黎既速度都幾快，我地order咗一個豬軟骨拉麵、牛肉烏冬、三文魚刺身、雞軟骨串燒、玉子，其實都非常之飽，我諗係因為個麵太大份。另外我地黎個陣仲做緊優惠，好彩既話就可以免費飲兩杯啤酒，但我地唔好彩贏唔到，要比原價😂😂最後兩個人食咗$492，唔洗啤酒既話就$380，其實都幾抵，尤其天水圍都冇乜同類食肆

今日同朋友聚餐，去咗t town食壽司， 揀咗天鳥居酒屋， 望落去唔錯！ 希望係啱嘅選擇啦！我點咗三客壽司，每客兩件 ，啱啱好同朋友兩個人， 一人一件。 叫咗黃金魷魚壽司 ，三文魚籽壽司 ，汁燒火焰特選蟹柳壽司。 從左邊起， 三文魚籽粒粒晶瑩剔透又飽滿， 一睇就知好好食啦，食落果然不負眾望！ 仙味道爆炸！ 粒粒一咬即爆汁， 蔓延到整個口腔，好好味呀！ 其次就係黃金魷魚壽司， 賣相好靚， 顏色鮮豔， 魷魚煙靭， 好滋味！ 最後就係汁燒火焰特選蟹柳壽司 ，都好正！ 成碟都擺得好靚， 仲有幾件酸薑贈送， 酸酸甜甜 ！食壽司嘅時候最好都要有少少炸嘢 ，叫咗個炸雞軟骨，粒粒炸到金黃鬆脆！ 分量好多， 價錢合理， 點住酸酸嘅沙律醬食， 滋味一流！呢個係日式抹茶蕨餅8件，食完嘢再上。 賣相好可愛，好精緻， 有一支 卡通人物嘅牙籤好可愛 ！咁樣食特別開心， 蕨餅口感柔軟，煙煙韌韌嘅，抹茶香濃超好食！

天水圍T Town新開咗一間天鳥居酒屋 今日嚟到，一於試下啦！入面裝修得好靚， 環境寬敞，座位闊落！我坐喺卡位周圍都隔住， 可以傾下計， 都冇人聽到，好正！玄米茶飲杯靚茶 ，香濃玄米茶 ，魚生飯最佳配搭！餐牌實在太多嘢食， 眼花繚亂 ，我都用咗好一陣先決定食乜嘢！天鳥特選大大粒魚生飯係餐牌上見到嘅大大粒魚生飯都睇唔清到底包含啲乜嘢。 但一上枱， 真係有種驚艷嘅感覺！ 各式各樣魚生！咩都可以試曬！ 有雜錦魚生， 碎蔥拖羅， 馬糞海膽， 三文魚籽， 芥辣魷魚， 黃金魷魚 ，全部都好新鮮！ 肉質爽口！ 海膽係甜㗎！ 三文魚籽同魚生都正到痺 ！新鮮到完全冇辦法用言語去形容！ 最令我著迷嘅係碎蔥拖羅！ 唔點豉油就咁食， 都冇任何嘅腥味，反而係鮮甜嘅感覺！串燒鰻魚燒得勁靚， 紅卜卜，啲汁漏曬出嚟！ 一面食一面滴汁， 肉質鮮嫩， 啖啖肉 好正呀！青瓜螺肉螺肉都好新鮮，爽口！就咁食就有啲鹹 ，配埋青瓜就啱啱好喇！黃金魷魚壽司係咪好靚呢！ 好似識發光！金黃色！勁好食！ 口感一流！

I chose a new Japanese restaurant in Tin Shui Wai as my fd and I wanna try it.My environment is good and comfortable. Seems like I am dining in Japan. The waitress is nice and polite, helping customers take the temperature before going in. We ordered this fried pork WuDong. The pork is crispy, yummy 😋 This baked octopus 🐙 is very delicious. The taste is strong and easy to digest. It is recommended. Cheese 🧀 French fries. Full of cheese, a bit full. We left a lot of this Salmon sushi, must order