天虹海鮮酒家

營業中

休息中

太太的媽媽到訪香港很多次，尖沙咀、山頂、銅鑼灣、赤柱...通通都去過了，所以這次特別安排到離島食海鮮，選擇地點是南Y島索罟灣的天虹海鮮酒家，酒家免費提供水上交通，使用的是大型遊艇非常舒適，上岸地點可選尖沙咀、中環或香港仔，雖然價格較貴，但整體感覺很好！我們四個人，點了個四人套餐加一支大青島啤，四菜一湯一炒飯送果盤小吃，海鮮湯外只有兩味是海鮮，不過味道不錯，連加一結賬688元，比市區裡的酒家還要貴！特色: 漁村風味，我們坐晚上九點船回程中環，全程30分鐘，清風送爽，美景處處，從非常寧靜的南Y島回到燈火通明、五光十色的維多利亞港，感覺好舒服好正！

入得黎，就要預備好...錢，呢度d 野一d 都唔平。三人約會，我地叫左果3-4人餐，因大家都係大吃一族。我地食左1. 椒鹽鮮魷average la, 係新鮮d 咁，我想佢新鮮釣既2. 上湯龍蝦細細隻，無乜肉，但個味都幾ok，去之前無睇openrice，下次會試牛油個果3. 魚唔知道乜魚，但幾滑，全晚最喜歡一碟4. 蝦醬炒飯無乜得別，係香，但係食落口無味5. 蝦ok 啦，係新鮮d既可以講係個景好好，對住d 漁船食，好有風味。好多鬼佬，全部只有我地一抬中國人。最抵係佢有boat 接送。

同老婆由榕樹灣行左個幾鐘到索罟灣，本身諗住去天虹食晚餐，點知去到4點幾，肚餓，等唔切之下就食左下午茶/晚餐，點左:1. 椒鹽鮮魷- 好好好味，非常新鮮。2. 牛油龍蝦- 只有一小隻，份量少，但味道超好味! 加上洋蔥，好香呀!3. 秘製蟹- 好似係黑淑汁加檸檬汁，未食過的味道，但不太驚喜。環境不錯啦，望住個海咁，有d風吹過。最緊要有免費船出返市區呀!

行完山吃一個早來的下午茶//晚餐，到了索罟灣出名的天虹海鮮酒家吃海鮮。好多好多人哦，根本是fully-booked，哪兒有位給我們呢？Luckily，等了二十分鐘左右，剛好室內有一張細table走，我們才可以安坐吃seafood，but沒得坐室外。叫了好多美味的seafood，yummy yummy，esp：蟶子、大蜆、鮮魷！我覺得那些食物比西貢的海鮮酒家吃的還好吃！夠新鮮惹味！好飽呢，滿足！吃完竟然還有free of charge的private船坐回去TST那麼開心，正呀！p.s.Remember book位！！！另外，有個黑面神老板大嬸，小心小心，punish人不用本，d waiter不斷被無理地罵，好慘，她對客人亦好串嘴，一副大把生意的cheap樣，好多table都被她scold，別給她affect心情！

2 個人入黎南丫島由榕樹灣行到去索罟灣，中途食左碗豆腐花，行到索罟灣之後都打算黎個早既dinner，果陣無咩人，咁行過一堆海鮮餐廳，檔檔都好勤力sell 緊，之後覺得呢間好似好d，所以入左呢間。佢其中一個selling point 竟然係- 我地有自己既船送你返出去中環... haha~~ 幾特別。我地自己要求坐近海邊既位，感覺好好。2 個人叫左：蒜蓉粉絲蒸元貝- 呢個好好味，d 汁比粉絲吸晒，同埋蒜蓉味好香，元貝都算新鮮。芝士焗龍蝦- 個汁好香濃，好鬼正，龍蝦肉好鮮，無得頂！蒸魚- 我唔識分係咩魚，但味道都ok，幾滑。椒鹽鮮魷- 嘩，估唔到咁好食播，層脆漿唔會太厚，又好鬆化，魷魚又無over-cooked，好正呀！菜心- ok 啦。天虹炒飯- 麻麻地咋播。生果- ok 啦。之後就搭佢地既船返出去啦

上星期五晚，回歸假期前夕，初以為會有很多人去南丫島食海鮮，但多間海鮮館都只有寥寥數檯食客，去到天虹，本想叫個二人套餐，但沒有我地想吃的海鮮，最後我地散叫。我地食左:椒鹽賴尿蝦–幾香口，但蝦不算很肥味蒜蓉粉絲蒸扇貝–好新鮮，好好味!蒸鮑魚仔–都好有鮮味, 不過可惜食到有沙, 扣左好多分豉椒炒聖子–好野味酥炸生蠔–我的至愛，生蠔好大隻，好肥，粉漿不太厚，炸完之後，不多油上湯莧菜–吃完咁多肥膩、香口野，食番d清淡莧菜總括來說，海鮮都幾新鮮，味道都好入味，不錯其實最值得一提，就是服務態度，佢地非常細心，在order時, 佢地會提我地唔好叫咁多，會食唔晒，不停換新毛巾。總有值得一提，就是個廁所，好乾淨。

星期六忽然話入Lamma Island食野，結果o黎左呢度，o野食ok啦，蒜蓉海螺、椒炒聖子、咕嚕肉、天虹炒飯，我o地食lunch o者，所以食唔落海鮮全餐，哈哈！不過聖子好大隻，彈牙、冇沙，海螺蒜蓉蒸，第一次咁食咋，通常都係清蒸或者辣酒煮家嘛，但咁整都好食喎原來。係貴一o的囉！

橙汁——新鮮橙，不過落勁多糖水茶——嘩，難飲到佢……唯有飲多D橙汁（係咪局黎架……）湯——D湯水唔夠清，浪費左D湯料鼓椒炒蜆——細隻。我阿媽發現一定係蒸完先落獲兜番，開唔晒既蜆好濕。一問個伙記就拿拿臨收番碟野去「換」，身有屎啦……椒鹽lai尿蝦——大大隻，多肉，不過好貴魚——本黎想叫，點知隔離有客鬧緊話佢換左條反肚魚比佢，所以我地唔敢叫牛油龍蝦——個頭同個身斷開左佢都上桌，好彩唔係新正頭去食蜜糖蟹——蜜糖汁個色濃濃地咁……咕嚕肉——多肉少肥，不過落得太多醋得獎「百花」素食——啋，D芋泥炸到硬晒，點得獎架……炒飯——炒得唔係咁好，有D飯都係炒透總括：貴、多味精、服務差（做唔切就唔好收咁爆啦，又唔請多D人）（係呀，果個黑面師奶係老板娘，我見過佢當住D客面前爆粗鬧伙記，叫人地去「替死」。大佬呀，人地都有阿媽生架，豆份人工都要咁……）

13/5/2006我同朋友一行七人一齊去南Y島食海鮮呀~大家都未到過南Y島同未食過出名貴的海鮮~所以,大家都好期待,我們叫左如下的海鮮椒鹽鮮魷~無乜特別,只係覺得比較新鮮D...椒鹽瀨尿蝦~D椒鹽比平時食開個D唔同,都係無乜特別薑蔥炒蟹~真係好普通,無乜話好回味的感覺！XO醬粉絲蒸扇貝~大家都覺得最好味係E個~D XO醬真係好好味！不過,佢出來的不是粉絲,而係米線~咁古怪既,,,,蒜蓉蒸象拔蚝~嘩！E個有加料的,加多一隻烏蠅~真係好鬼驚！我地叫佢再整過~跟住佢攞番入廚房,等左好耐先出來~唔知會唔會其實佢係攞走左野~之後,蒸多一陣先攞出來呢????味道方面都係一般！白焯蝦~唔覺得好新鮮~無咩感覺！食物整體來說真係好一般~唔值得為左來食海鮮入來LA！至於服務態度~我覺得D人好NICE,不過,其中有一個收銀女人唔知係老闆娘,態度超差~十問九唔應~只係吹你埋單~又唔係FULL晒~洗唔洗成日吹人呢?問佢D數點計出來~又黑口面,叫佢攞果盤來~都係黑口面！真係好唔掂！

椒鹽鮮魷，豉椒炒蜆，薑蔥炒蟹，咕嚕肉，蒜蓉粉絲蒸象拔蚌，腐乳炒通菜行完山黎一個豐富既晚餐就最開心了^o^坐住近海邊的位，仲可以睇埋日落，不知幾寫意，哈哈﹗椒鹽鮮魷：非常鬆化，好味到唔知點形容，總之去到叫黎食啦﹗5/5粒星星薑蔥炒蟹：叫左一隻份量不過已經夠我地3個人食。好好食，佢地好細心，將蟹鋼打碎，我地用手一撕就可以拎整個蟹鋼肉出黎食，而且佢係隻掩仔蟹，塊掩大到不得了^o^﹗4/5星星咕嚕肉：估唔到專食海鮮既地方整既肉類餸菜都好，雖然個味係一般酒樓既味道，但佢地用既排骨真係啖啖肉，唔會好似其他酒樓咁用骨多肥膏多既排骨黎整，一讚﹗3/5星星豉椒炒蜆：一般風味，送酒一流(雖然我唔飲酒，哈哈)3/5星星蒜蓉粉絲蒸象拔蚌：一黎到好失望，點解隻蚌咁細隻既﹖而且味道一般，我覺得似食緊蒸帶子。究竟…象拔蚌係點樣架﹖2/5星星腐乳炒通菜：一般啦，咁多肉類都要叫返碟菜既~2/5星星生果盤：菠蘿西瓜哈密瓜，點解可以咁新鮮同好食架﹗4/5星星食飽飽就搭返酒家提供既船出返去尖咀，半小時一班。

4/22 晚上7:00到天虹食晚飯,我們2個人,叫了3個餸(椒鹽魷魚,西蘭花抄帶子,豉椒抄蜆),$320都OK啦! 但食物好普通,我們叫了餸後,大約20分椒鹽魷魚就到,椒鹽魷魚都OK啦,只是唔乾身,要快D食,唔係就冧晒,但其他餸等了很久才到,再到的餸是西蘭花抄帶子,又細碟D西蘭花抄到黃晒,又咸咗D,好在D帶子新鮮,個餸成$120,都咁差,差唔多食晒碟餸,豉椒抄蜆才到,D蜆好細隻呀!又唔係太好食,只係一般,D服務員又唔係太好,好似叫結帳,都等了15分鐘都沒有理我們,我們再跟伙記說等了好久,他竟跟我們說:{你們不是跟我說結帳,應該是其他人},但明明是跟他說,自己忘記了,又說我們沒有跟他講,後來他發覺我們的單原來早已在收銀那處,他才送回生果給我們吃,天虹那麼大間,食物及服務都只是一般,下次我一定唔會幫襯,去其他鋪頭食好過(因我平時跟屋企人是到森記,富記食的,他們無論食物,服務都好好)

通常行完南丫島,就來到索罟灣,今次是第一次在這裡食海鮮!3個女仔,點了3樣餸,只點了1個蒜蓉蒸蝦(10兩),其他都是普通小菜(忘記了叫什麼名),蒜蓉蒸蝦很香,蝦夠鮮味,但都幾肯定不足10兩;至於其他小菜,不夠熱,豆腐只是暖暖的,不夠水準!最後,還點了一個白飯,埋單才知道這白飯$26,嘩....好貴!

個人口味...西貢較出色鮮魷好味, 不可錯過

昨天放假，同男友由榕樹灣行家樂徑到索罟灣, 差不多4pm, 下起大雨, 成5:30才有船返中環, 於是去了這店吃下午餐。叫了(1) 芝士焗龍蝦(不是大隻): 開邊一人一半($100) 很好味，芝士也不錯(2) 辣酒煮花螺: 一般($110)(3) 薑蔥花蟹: ok, D 薑同蔥都爆得很香，蔥段都熟透，我地兩個食晒。(4) 豉椒炒花甲: 很好味，全部有係有肉，唔會只有殼沒有肉廁所非常清潔、因下雨又大風，伙計開了暖氣放在我們的台邊，非常週到。吃時，一碟碟慢慢上，服務態度很好。而且有免費船送我們到香港中環(又可以節省坐船的費用), 不過比大船會不夠舒適，很搖晃。吃完後，有菠羅及西瓜盤，不錯!!到有船，伙計送我們到碼頭(因下雨又大風), 他帶了大雨傘給我們, 真的不錯，下次會到家人再來吃。

(1) steamed scallop with garlic ($20 each *4), the scallop is very big and tastes very good. (2) pan fried prawn with soya sauce ($120), the prawn is ok. there are only eight. not quite worthy for money.(3) calm with chil sauce ($50). the calm is very small.(4) celery with nuts ($50). nothing special. the service is really not quite good. there is only one waiter to take orders, clean table... for 12 tables.