天王冰室 (已結業)

低調黃店，但可能附近成條食街，周圍都多國菜所以晚市生意麻麻，得兩成客。正常茶餐廳既餐牌，份量足，味道中上，侍應全部係後生仔女，超有耐性；隔離枱坐左幾個牛屎飛點菜耐到我叫完差唔多食完先決定到，點到好似食私房菜咁款，侍應都好有耐性，可能知係麻煩客，搵3個侍應招呼佢地。最慘係隔離枱有條肥婆講野大聲到似賣菜，急急食完就埋單了，早知熱d都坐出面唔洗耳膜受罪🙄🙄🙄會得閒再去懲罰下佢既服務態度。推介扒餐大份又抵食，焗野類可能要俾d耐性等下。

首先小弟係蒜蓉包控😍😍，平日去茶記都係食普通多士。今日經過元朗雞地，睇見佢哋餐牌一張相都冇，但我正正俾個蒜蓉多士吸引左。由於疫情，所以現在去餐廳一係叫外賣，比較乾淨先會坐低食，費事賴嘢。佢裏面位置有分隔，感覺都算乾淨。首先，早餐算叫做有heart,雙蛋，豬扒，沙律，菜，都真係幾多野。不過今日咁橋冇茄汁豆😍😍。如果煎雙蛋可以係太陽蛋賣相就會更加吸引😔。性價比高，環境服務唔錯。應該會再幫襯。

以前行經都見座無虛席，不過就從來冇幫襯過！由於支持黃色經濟圈既關係，呢幾個月都會行一段路去距離屋企比較遠既阿x冰室食早餐。某日既早上，想支持一下其他餐廳，所以去咗雞地找食。肺炎關係加上限聚令，所以見天王門口冇擺枱，餐廳裡面有兩枱客人，餐廳得一個樓面，做到踢曬腳落單、執枱、上菜、聽電話接外賣、接客量體溫⋯早餐價格定位$40樓下，食物質素係一般正常。老公唔係好欣賞，不過我覺得還可以！點都好，加油啦，希望良心小店捱得過，成功繼續努力生存！

早前食過一次 都唔差 所以今日再去食個 lunch 兩點幾去到 叫左個午餐b 係蒜蓉汁豬扒火腿飯 味道正常 但等左大半個中 果日唔多人 一催發現廚房漏左單 催左兩次先來 大約40 mins左右 其實呢d 飯平時十分中左右都有 唔明呢度點解等甘耐 仲要又唔多台客仲叫左個下午茶餐 係豬扒辛辣麵 正常拉 但叫煎蛋來左炒蛋 叫廚房換 佢換太陽蛋 侍應都好好好有礼 味道正常 但如果要等甘耐唔會再去

有時食肆經營除咗係食物品質，其次係「態度」都好重要，簡簡單單一間茶記並不顯眼，但門外貼上「為對醫護人員表示敬意：持有醫護証件顧客可免費用餐」‼️獲得街坊嘅支持💪🏿💪🏿———————————————————————————🥢午餐-蝦醬乾炒牛肉米💬炒粉麵算夠鑊氣，備有多款選擇，連飲品$50😏.🥢下午茶-炸雞髀沙律🥗💬雞髀嘅骨經處理過，容易切開，炸皮脆口，鮮果沙律夠凍唔會有雪藏味😌

午餐第一次試下呢間茶記，員工好有禮貌，重會主動同小朋友傾下偈，幾warm!星期六都有午餐供應，有7、8款咁多👍🏼叫左個午餐，燒汁火腿豬扒飯，好大份，而且好味。豬扒入味又淋身，火腿略略煎過，加埋d配菜，好味。另一客叫左叉燒炒蛋飯，賣相好靚，叉燒甜得黎唔韌，蛋漿掛上面，送飯一流。

因為周圍都太多人。行左好多間已經好攰，求其入左呢間天王冰室⋯諗住豬扒飯唔會差得去邊⋯食雙拼飯，豬扒煎蛋。從未見過甘細塊⋯隻蛋仲大過佢⋯仲要好薄，我完全覺得係失望😩無下次！

難得同朋友走去元朗，3點3下午茶時段，今日又未食lunch, 係時候食個茶記填肚。朋友帶我到鳳攸南街3號好順景大廈嘅『天王冰室』，佢話必食叉燒食品絕對有驚喜，一定要試試。菠蘿包厚切叉燒，份量十分驚人， 叉燒好大塊， 菠蘿包帶點甜味道似排飽，勁抵食。叉燒炒蛋飯，絕對推介，賣相已經好吸引，性價比又高， 叉燒及飯量很多，滑蛋炒得非常滑，兩人Share都好足夠，女士們最好搵多一位朋友同行。熱奶茶都好香濃，口感滑溜，順喉茶味，很不錯。

啱啱係元朗做完野, 諗住是旦醫肚, 見路過有間茶記"天王冰室"裝修都算新淨, d 野食正常就得啦, 諗住食個快食完就算。入到去見到隔離枱食緊碟叉燒蛋飯都幾大碟, 睇落正常, 中伏機會唔大, menu都冇睇就 order 咗。唔駛3分鐘碟野就到咗, 喂, 有驚喜喎, 碟飯落足料, 勁多叉燒, 而且唔係"鞋烚烚" 個d瘦叉, 係紅當當個d 嫩叉, ok 喎! 蛋都幾滑, 見到係用牛奶炒過, 唔係hea個隻。咁既價錢, 茶記黎講算底食。不過比d意見呢間新開既茶記, 奶茶方面真係可以改進吓, 茶味可以再濃d。

一個人的晚餐經過元朗雞地，好多食店選擇，見到有間天王冰室有一人雞煲食，一條友入去試一試。裝修可以，坐位都舒服。餐牌選擇唔太多，有廚師推介和石鍋小菜，我就叫咗個一人石窩雞煲。一人石鍋雞煲$50凍檸水加$2今日總消費$52出餐時間都唔係太耐，大概15分鐘左右。石鍋雞煲上枱感覺非常好，出晒煙又熱辣辣 雞煲醬好香但有少少油，我自己個人比較喜歡食辣，餐廳辣椒油係自家製的，我覺得個辣椒油仲好食過佢本身雞煲個醬，加分！總括嚟講雞煲熱辣辣又抵食，辣椒油夠辣！服務員態度友善，主動提我雞煲跟的白飯係可以免費添加的

落雨既週末無得去街，訓醒近近地落樓去鳳攸南街行個轉搵食，又見到一間新冰室。入面無特別既裝修，總算企理。有電視睇，偶爾會聽到廚房播既音樂😂Menu Design算幾有設計感，食物種類大部分同一般茶記差唔多。不過另外見到有豬手、黑松露燴飯、意粉等西式菜單，仲有白酒、紅酒叫，配搭都幾搞笑。下午茶叫左一碗腸蛋麵同牛扒蛋面。太陽蛋煎得剛好，唔錯。牛扒正常茶餐廳質素，唯獨整塊無碎上，係碗入面有啲難以處理。不過我都知係茶餐廳style😂下午茶黎計，三十幾蚊一碗面，都算過得去。飲品叫左茶走少甜，不過黎到應該係正常甜度，無少到。不過費事要人沖過，都照飲左。紅茶味較重，煉奶太甜，個人認為有進步空間。．by VIN環境分數: 5/10食物分數: 5/10