影片
開飯介紹
從日本直送時令食材，製作各款單點及拼盤菜式，鮮味十足。而榻榻米房間，及高私隱度的卡位，均予人舒適的感覺；想近距離觀賞師傅炮製菜式的話，則可選坐吧檯座位。
繼續閱讀
營業時間
星期一
12:00 - 15:00
17:30 - 22:30
星期二
全日休息
星期三至日
12:00 - 15:00
17:30 - 22:30
公眾假期
12:00 - 15:00
17:30 - 22:30
公眾假期前夕
12:00 - 15:00
17:30 - 22:30
以上資料只供參考, 請與餐廳確認詳情
係元朗食日本野，第一時間日會諗起教育路。今晚係元朗收工，就去果邊睇下。見呢間有晚市限定優惠$1，仲要係一個壽喜燒，咁優惠冇理由嚟試下😆。見佢限定優惠餐牌都有唔少選擇，好衰咁叫晒優惠🤭。🫕美國牛五花壽喜燒(二選一)超抵，一個正常份量鍋$1🤩，有菜有菇有豆腐。當然要消費$80先可叫一個，兩個人嚟食冇難度，最緊要係質素唔差，肉唔會薄到透。🥓美國豚肩肉(100G)咁兩個人叫多份肉都好正常，+$88有五大片。除番開一鍋兩肉都係$89，勁抵。🍜讚岐烏冬係手打烏冬，煙韌好食。🍣火炙壽司6點(廚師發板)有蝦，帶子，牛，三文魚。樣樣都好新鮮，師傅好細心，會切下啲肉先，食落就好柔軟。火炙令肉嘅甜味更出，好食👍🏻。🍣吞拿魚5點(優惠價)大拖肥美，赤身濃郁。$78有5件，質素唔錯。🍚迷你石鍋鵝肝飯鵝肝煎得好脆，油脂同飯一齊食好邪惡，好味。🥩A4鐵板和牛粒和牛粒係油啲，醬汁較濃味，送飯一流。🍹白桃/巨峰乳酸梳打買一送一各要一個口味，個人覺得白桃好飲啲，巨峰甜啲，冇咁清爽。💬平日晚8點都要等一陣，所以我地揀坐 Bar枱，唔使等。限定餐牌仲有野想試，可以再嚟。
繼續閱讀
居酒屋一直係收工後約人聚腳既好地方，近排經人介紹元朗 "天澗居酒屋"，一於約埋好友一邊食飯飲嘢，一邊傾下偈，居酒屋既可以食串燒、壽喜燒、鐵板燒、壽司、刺身等等，滿足唔同人既喜好。宜家晚市仲有限定優惠1元，可揀選美國牛五花壽喜燒或豚肩肉泡菜鍋。進入店內，完全感受到日式風格，別緻又喜歡既榻榻米座位，覺得置身於自然氣氛環境中，亦有吧檯位選擇，提供放鬆既空間，店員服務貼心，而且態度友善親切，令人感到溫馨！美國牛五花壽喜鍋 $1晚市惠顧$80即可享有$1優惠點美國牛五花壽喜鍋或豚肩肉泡菜鍋，超抵啦！壽喜鍋除左主角美國牛五花，大大片牛肉，肉質軟嫩，仲有多種新鮮蔬菜，湯底帶點甜味；另加配讚岐烏冬$18，爽滑彈牙，吸入湯汁更美味。雙重時令海膽迷你丼 $156迷你丼蘊含2款日本海膽，米飯加入醬油醋，海膽肥美鮮甜，把所有材料拌勻後，食落層次豐富。火炙壽司6點 $78呢set係廚師發板，擺盤精美，種類非常豐富，共六款唔同食材 : 蝦、魷魚、和牛、油甘魚等等，款款壽司好新鮮，甘香美味，壽司用咗赤醋飯，食起嚟飯粒軟糯帶微酸，調味又啱啱好，夠入味，就算唔使點豉油都好食。吞拿魚5點 $78每件吞拿不同製法，款款都好滿意，魚肉好滑，魚味濃郁，肉厚新鮮，感覺有驚喜，食落魚肉鮮甜 、肥美，入口融化，魚油豐富，油脂均勻，食落口感特別滋味。A4鐵板和牛粒 $68和牛外皮焦香，內裡juicy，牛味濃郁，油脂非常豐富，口感軟腍充滿牛香，配搭洋蔥與自家製醬汁一齊食，非常惹味。迷你石鍋鵝肝飯 $58散發陣陣鵝肝飯，飯底焦香，粒粒分明，而且好乾身，鵝肝入口即溶，香味濃厚，石鍋熱力持久，就算留到最後食，仍然都會暖笠笠。白桃/巨峰乳酸梳打 (買一送一) $38巨峰乳酸梳打 及 白桃乳酸梳打，兩款飲品都透心涼，味道清甜，口感好fresh，非常解渴。
繼續閱讀
一間幾有日本風嘅居酒屋，裝修簡單但幾有feel，坐得都幾舒服，有吧枱、卡位同埋房間，適合一班朋友傾偈食飯。 晚市有幾多優惠，價錢算合理，可以試到唔同款式嘅嘢食。 吞拿魚五點拼盤（$78）有齊大拖羅、中拖羅、赤身、炙燒同拖羅蓉軍艦，$78呢個價錢算抵食。大拖羅油脂夠，入口即化；中拖羅同赤身都新鮮，魚味濃。 火炙壽司六點（$78）廚師即日揀料，炙燒過嘅壽司帶少少焦香，魚生仍然嫩滑，特別係鰈魚群邊，油香重，配醋飯幾夾。 A4鐵板和牛粒（$68）牛肉粒煎得香，外脆內軟，咬落有肉汁，醬汁甜甜哋，連埋洋蔥食幾開胃。 迷你石鍋鵝肝飯（$58）鵝肝煎得外脆內嫩，撈埋熱辣辣嘅飯同飯焦，口感豐富，味道濃郁但唔會太膩。 美國牛五花壽喜燒（$1）晚市消費滿$80就可以加$1叫呢個壽喜燒，有菜、豆腐同牛五花，湯底甜鹹適中。追加豚肩肉（$88）同烏冬（$18）更加飽足。 飲品推薦（$38）白桃同巨蜂梳打幾清爽，甜度適中，解膩一流。 食物質素唔錯，價錢合理，兩個人食到飽都唔使$500，算係元朗區幾抵食嘅日式居酒屋，可以再encore！
繼續閱讀
元朗有間好舒服既日本料理--天澗居酒屋🏮係地鋪，門面係好經典既日本餐廳風格；靚靚門面加上而家餐廳做緊$1加配壽喜鍋優惠🥰🥰，即刻吸引左我入去。火炙壽司6點吞拿魚5點(優惠價)我坐bar枱，全程睇住廚師製作壽司🍣，視覺欣賞下覺得壽司好吸引🤩同好新鮮。好多款式總有幾件最岩食！吞拿魚刺身夠凍同埋質素好高。A4鐵板和牛粒：上菜「咋咋聲」，和牛粒好軟身，醬汁濃郁惹味。迷你石鍋鵝肝飯：食到最後都仲熱，迷你石鍋真係正！點鵝肝既醬汁好濃味，鵝肝入口即溶。美國牛五花壽喜燒［消費$80後以$1加配］配埋讚岐鳥冬追加美國豚肩肉（100G）兩款肉都試，兩款肉色澤淺紅色都好新鮮。肉質都幾彈牙。個人偏愛牛五花更重肉味。
繼續閱讀
今次特登入元朗食日本🇯🇵野，就係呢間天澗居酒屋🏮🇯🇵，食物質素，環境，服務都超級好，而價錢往往比起市區抵一半，真係十分推薦😎🤤我們二人點左好多野食：首先壽司🍣，我們坐吧台位都可以清楚看到師傅細心整的火炙壽司，6件 $78再來5 件吞拿魚（呢個係優惠價） $78 吞拿魚肉質色澤靚，有拖羅，呢個優惠價真係超抵食，必點啊又到食牛時間，我鍾意食牛肉，呢款A4鐵板和牛粒最適合，肉質口味都好好，因為會膩，食少少宜家好滿足 $68 想食澱粉質既就建議呢個迷你石鍋鵝肝飯 $58 呢個價錢有鵝肝真相好癲，而且好好食🤤重點推介，優惠之選👍👍👍：美國牛/五花壽喜燒（二選一） $1 ，沒錯沒看錯，係$1 啊❤️🥳😂點會錯過呢個優惠，又係食牛的好機會👍❤️😎另外加多份美國豚肩肉（100G） for 壽喜燒都係$88再加份讚岐烏冬 $18，兩個人真係食飽飽🤤超級滿足😌飲品方面仲要買一送一，點左白桃🍑梳打 $38買單只係$470，抵到爆，強烈推薦👍🤗
繼續閱讀