天晴茶座 (已結業)

叫了個雞扒及豬扒常餐，基本上肉類過時，顏色灰暗，入口更有異味，茶啡完全不似茶餐廳出品，感覺用的全是過時食物。但是以社企之名，一個餐 35元也不算平。而且用的全是即棄餐具，非常不環保。風吹過來，枱上紙巾吹到地下。現場所見人客廖廖可數，如果不是因為靜，有張枱可以傾計，絕對不會來。不過我不會有下次，情願去一間質數平凡的茶餐廳食早餐，因為一早胃中的食物味道非常影響心情。

好味，低食，有人情味地方雖小五臟俱全由收銀開始已經感覺到人情味因為收銀嗰個同學生嘅對答日常生活好似同朋友一樣送餐快只需等五分鐘以有得食收費平係第一次去比較難搵如果可以放多啲枱咁就更加好

第二次來，好想再來呢度食，不單止平，又正又好態度，真的值得一讚於是趁有機會帶個朋友來試，朋友揀左西多士，我揀五香肉丁冬菇米粉，飲朱古力和柯華田，兩杯飲落一樣咁，可能淡奶太多。西多士切細件炸，好平均又脆口又唔燶，炸到金黃色，好正五香肉丁唔會好硬，算腍，香菇又入味，呢兩個餸份量都好多，好抵食囉，出面真係搵唔到！唯一唔好就是唔環保，用膠兜紙杯碟木筷，用完即棄，好嘥，不過可能難請洗碗工，又唔多收入，所以要控制支出呢

來睇西醫順便試呢間，社企唔差，環境舒服，幾張大枱，3個人打理，啲餐好抵食，餐具係塑膠紙杯紙碟，感覺唔環保，但可能營運費問題，我唔識呢啲運作效益。因為都唔太餓，又就來3點，叫左2份tea,一份吞拿魚三文治配熱華田，一份五香肉丁蠔油冬菇米粉配熱柚子蜜。係就係茶記食物，但唔係差，雖然唔係咩特別正，但咁嘅價錢就真的好唔錯，應該可以賣貴啲，不過可能社企關係，唔可以太貴，地方又唔係話正常餐廳咁完善，但我覺得應該繼續支持社企

我住係天晴邨，去過度買野食好方便， 去過個到買野好多次， 常餐只係$35, 有d小食買,例如砵仔糕, 麥芽糖餅~$5兩個,$10四個~ 服務員服務態度好,有禮貌~ 係個到食野，都幾舒服like!!

很少寫食評，因為怕寫得唔中肯影響到人嘅生意。但係今次真係忍唔住要寫寫食後感！！星期六（2 Jan 2016) 當天陪女朋友到天晴上堂，因為遲起身很趕時間，所以我哋決定到達目的地先搵嘢食。到達後發現上堂嘅地點附近（天晴社區綜合服務大樓）只有一間食店，我抱著好又一餐、唔好又一餐嘅心態就去試試啦。但估唔到雖然食嘅係簡單嘅茶餐廳食物，令我咁起出望外！首先，講講進食環境，座位設在戶外露天嘅地方，感覺好舒服、好relax(本身好鍾意露天茶座）。食物方面，一定要推介香茅雞翼 ，即叫即炸、外脆內軟、保持到有肉汁、唔会乾柴柴。香茅味十足。第二推介-粒粒西多士 ，感覺好新鮮、好脆口，唔會油淋淋，因為好多時食啲西多士都滲透晒啲油，有時仲有油溢味。所以食到好食嘅西多士並唔容易。特別推介-咖啡 ，一向都喜歡飲咖啡，有一定要求。哩間茶座嘅咖啡好甘香、好濃厚（不帶酸），並唔似一般茶餐廳，抵讚！有讚必有彈，今次令我失望嘅係餐旦丁嘅餐肉煎得唔夠香（好似上一篇食評所講一樣）。整體而言，今次咁簡單嘅一餐真係令我喜出望外，值得推介。

逢星期六下午都要到天晴上麵包班，通常也不會吃下午茶的，因為我會吃新鮮出爐麵包呢！但這天太趕忙，早，午餐都沒時間吃也就趕去上課，麵包入爐時已經4：00pm, 實在等不及出爐，決定上5/F 看看同學説的茶座！茶座室內的位置就是廚房& 收銀台，座位只有戶外的露天茶座，怕熱的我當然是買外賣到課室吃la選了下午茶餐，只需$21 即有餐蛋出前一丁配熱飲，下單後等了約10mins，我的茶餐到手了，真是餓死我了!!原來有2塊餐肉& 一隻蛋，出前一丁味粉，麻油是自行落的，可多可少，適隨尊便; 餐肉只有輕輕煎過，淋身不太好吃，麵也淥得太久，偏愛吃硬身麵的我不太喜歡!!熱檸水清新健康，不錯呢!笑臉送給禮貌很好的2位收銀嬸嬸

望著牆壁上餐牌，不知點什麼好，售票員見我猶豫不決，便介紹一番。我點奶醬包加涷檸茶，她立即推介我另一慳錢配搭，好殷勤啊！那我聽她的意見，即管試試吧！ 今天是陰天，間中有陽光，中午溫度達31°C，微風輕輕吹著， 坐在露天茶座，感覺清新寫意。蛋治，飛邊方包內包著熱騰騰的蛋，味道清淡，方包軟熟，蛋比較厚，好抵食。 凍檸茶少冰，檸檬新鮮，（不似預先切好，擺放半天），茶味夠濃，少少甜味，配合得很好。職員服務態度極佳，誠意滿分，藉得藉推介！