天天鮮豆漿 (已結業)

食完麵包,買番支豆槳飲.$5一支,價錢平,味道好.D豆似乎係炒過再磨,豆味香濃,值得一試.四眼哥哥服務仲好好添.

食完十三座牛雜，見到好多人幫襯，而且又標榜新鮮，$10仲有兩支500ml豆漿添，都幾抵喎,就買左一黑一白試吓，即場飲一支，第二日飲埋第二支。兩款都幾濃豆味，最緊要係隔渣隔得好，所以都幾夠滑，加上一d都唔會過甜，好0岩我既口味。個四眼哥哥幾細心，會主動提你返屋企點樣處理d冷/熱豆漿。題外話，見到豆腐花都係賣$4碗咋，下次一定要試下先得。

食完阿鴻後行過黎買左杯黑豆漿$4,十分平, 但飲落發覺無豆味,更無甜味,唯一可取之處系無渣.

食完「廚師」的正喇沙，行過書局街搵舊街坊打下牙較，路經這裡，正好買支豆漿飲下解下口渴。七蚊一支，十蚊兩支，飲得晒的話，當然買兩支抵一點，又正好試勻黑白二色。即場飲一支，豆漿豆味算幾濃，阿姐話因為夠新鮮，但飲落，其實可以再濃一點。實在食開有感情，我還是鍾情於行入街市的德興隆。好在不過甜，咁飲多都會有益，至少好過飲汽水。不過飲落嗒真，都飲唔出黑白兩種豆漿，除了顏色有別之外，有何分別。不知是不是給喇沙葉影響了味覺，下次有機會再嗒真少少。論價錢，是經濟抵飲的。

某月某日xN次由去年開始，接了家中大小order，路經北角，必定要到這店買兩支豆漿。這裡的豆漿吸引力何在，答案是：夠香、濃、滑。老板每次都問：要黑還是白？低糖還是無糖？凍還是熱？我的答案祇有一個：一黑一白，熱的。老板每次都再說：一次飲唔完，記住攤凍才放入雪櫃，可留幾天。