天天鮮豆漿 (已結業)

吃過午飯，路過這小店，想買碗豆腐花作甜品，小哥兒服務態度一流，溫文有禮，全程有交帶，告訴你附有的紅糖粉已放在旁。可能拿回公司也需十分鐘，到吃時感到不太熱，放些紅糖粉調味，嘗不到太濃郁豆味，但豆花很滑，五元一碗的健康產品，良好的服務態度，也是物有所值的，總比在超市買到工廠製做的新鮮和有個性。北角有多間豆品店，也許要花些時間逐一試真。

2008.12.31之前試左豆漿見今日早放工專登買左兩碗返去唔知係咪因為拎到返去，凍左少少感覺無以前無咁好食豆腐花雖然滑，但唔夠豆香而且只能夠放黃糖d黃糖麻麻地，唔係咁好味唯一係服務幾好，幾有禮貌下次要試下附近幾多好評既'德興隆'先得

在這寒風凜凜的日子裡經過這裡，就會想買一樽熱騰騰的豆漿來暖胃 買了一樽少糖黑豆漿，＄７有700ml，幾抵飲這裡有分黑豆同黃豆，少糖同無糖，熱同凍隔一個舖位，都已經聞到很香的豆味但飲時又不覺很重的豆香小妹覺得少糖都偏甜了一點還有，四眼哥哥的服務很好呀 下次可以試下豆腐花～

11月27號 - 夜晚6點左右買了"痴"飯之後就決定買埋豆腐花食la。 我買了一個5蚊的凍豆腐花。 看到就好想即刻試試。 因為個賣相好好。食入口就覺得好好食。 個豆腐花不容易爛&好爽。 落左糖就更加perfect添。 我好滿意呀。 所以我都會再來食的!

有時唔想行到入去馬寶道食德興隆豆腐花，就會退而求其次食馬路邊呢間就算，佢啱啱開張個陣係＄５兩碗豆腐花，而家就加到＄５／碗，幾年足足加左成倍，講起都有Ｄ驚嚇好啦，講返食物：豆腐花：外賣而言大碗過德興隆，不過無德興隆咁香豆味，簡單黎講，係無乜味，但都夠滑，但係水有Ｄ太多，溝到Ｄ豆腐花好曦，只屬一般；豆漿：行過聞到就好似幾香，但飲落味道偏淡，可能係迎合某部分人士的口味，我個人覺得一般，＄７一枝都可以接受啦～講真唔算特別好味，但係位置好，夠方便，經過口渴買黎飲，健康過0係7-11飲汽水咁啦！

整個八月我都會途經北角的, 所以都想試多d 呢個區0既食物, 今次試呢間<大大鮮豆漿>會比較冒險, 因為食評中的意見係比較極端, 不過我覺得如果唔試就真係唔知好唔好, 因此我就出動啦!!! 1. 凍豆漿 ($5) ~ 買返0黎後, 杯0既質地係比較薄, 係好有大陸feel, 不過用呢個方法包住杯0野飲, 衛生方面都ok!!! 至於味道方面, 就真係唔係好得, 真的好淡, 跟水差不多, 唔覺得自己係度飲緊豆漿!!!整體評價：正視問題, 提高質素!!!

有時打完波, 去碼頭撘車都會整番杯, 一路支持今日食完十三座, 買左杯凍黑豆(第一次叫, 因為個fd話黑豆有益), 之前飲開普通個隻, 超抵, 涼透心 最欣賞自家製, 四眼哥哥好nice

上年得朋友介紹，今日再去飲渣華道街市對面的天天鮮豆漿，仍然是 $5 一杯，反觀十三座的樽仔奶茶已經由 $10 加至 $12味道沒變，其實這裡的豆漿不太甜，這起碼証明是自製的，亦較健康，得閒飲一杯，不錯!

星期日同媽打返完崇拜，經過呢間，就買兩碗豆腐花食啦！睇得唔得點知......呢兩碗so called豆腐花.....唉！除外型似之外，不論味道同質地都可以話兩回事！！切切實實係一碗既無豆味又不滑豆腐花(其實，佢又唔係話好"鞋"，但豆腐花講就真係唔可以叫滑囉)！！食兩啖已經唔想食..... --"我媽打都話豆腐花唔得可能佢豆漿okay (因為佢係叫"天天鮮豆漿"嘛)，不過我都唔會再去架啦！！食完都唔知自己食乜，感覺似食緊石膏==> (我所指係味道)

喝一口，有乜嘢特別，竟敢號稱"香港第一家豆漿專門店" ?淡到近乎飲水，豆味亦冇想像咁濃。不過肯定嘅係，味道極之"natural"...但自己真係唔太識欣賞嘞....

今天和媽媽行完街經過買了一黑一白很重豆味又唔太甜,幾好p.s.原來有無糖的,下次試下=]

20071203回看過往食評，保持著每年一元的加價幅度，2007年略有不同，是兩元，從一個側面，可見市道艱難：）有無糖的選擇，豆味依然濃郁，有少少粗粗的質感，很有“自家制”的味道：）服務依然熱情，這麼多年，也屬不易：）

這間店子小小的豆腐店, 每次都是有點人氣, 是日回家肚子餓餓的, 不如買一點回家暖暖的豆花, 加上橙紅色的糖粉, 在糖粉未溶化之前一啖的吃下去，糖粒甜中帶脆, 豆花香滑得來滲出陣陣豆香, 真是豆香處處, 與超市的豆花真的好味多一百倍, 很久都没有嘗過這麼豆香芬芳的豆花, 令我想起童年時跟媽媽在街市吃的美味豆花

豆槳每支$6，沒有兩支買會平d.(根據四眼哥哥說優惠已經停左好耐)，我自己買左低糖黑白，覺得很重豆味.豆腐花:$5. 買番屋企孝敬父母，亞媽吃後覺得好滑卻少了豆味的香..

6蚊一支的豆漿, 外表平凡, 幾濃的豆味, 特別欣賞它不太甜, 很難得~