天園餃子 (已結業)

原來公司附近開佐間黃店都唔知🙈 知道佐之後梗係要即刻去朝聖～.之前經過果陣都無認真咁望過入樓面～原來有幅好靚既壁畫同連儂牆💛小店除佐有基本盤既餃子🥟之外，仲有多款飯類，肉燥飯好似好吸引，等我下次試😍.重量級餃子🥟套餐個set包佐十隻餃子🥟再配一款小食～餃子種類有6款，主要都係菜餃🙆🏼‍♀️我同frd一人嗌佐一款餃交換食～分別嗌咗韭菜餃同西洋菜餃🥟皮既厚度適中，一咬見到餡料滿滿，好多菜菜好足料！每粒都夾雜住豬肉既肉汁再索埋清甜既豬骨湯底～粒粒食落更加鮮甜😍兩者比較我會偏好西洋菜餃🥟感覺食落更清香，不過個皮好似易散過韭菜餃🤔仲有每碗都會有舊我至愛既蘿蔔！！咬落好清甜又無渣🥰仲有畫龍點睛嘅自家制菜脯～酸中又帶點辣，每粒加少少連埋湯一齊食勁惹味！！(驚太飽可以平9蚊嗌輕量版有5粒餃🙆🏼‍♀️）.🔖配鍋貼 $43唔知有無人同我一樣好鐘意食鍋貼🙈但見set果度無就唯有小食度簡～鍋貼圓滾滾帶點金黃色，咬落好爽脆🤤一咬就食到韮菜餡😆唔會話食落油油的～.🔖配大大塊雞扒 $54真係幾大塊😍煎到金黃色，個皮真係真係好脆！外脆內軟！！仲要新鮮整起食落仲係熱辣辣，充滿肉汁～啖啖肉之餘肉質仲好嫩滑，正喎喂🤤🤤.And

店舖營業時間12pm-10pm，終於抽到時間黎試下。.大概座位20個左右，所以下午時間去食，等位都幾耐🙁。如果趕時間，lunch hour去食嘅可以考慮外賣啦，唔洗等太耐。.餃子叫左芹菜木耳，細細粒一啖可以放入口，幾好食，皮薄，味道好，爽口。但係湯底冇咩味，不過去食餃子都值得的，喜歡餃子的，不妨一試。.仲叫左個蘿蔔坑腩飯，唔記得影相。味道清啖，但牛腩好食，份量不算多，大概4-5舊牛腩。我都係比較推薦食餃子。

餃子界一直聽左天園、甜記呢d名好耐，終於觀塘開左新分店。素餃一向都感覺較清淡唔岩口味，見番茄蛋餃出名都試下，估唔到入口好似食緊蝦肉餃咁，蛋餡夠哂嫩滑香甜，居然係全晚最有驚喜既一款。韮菜餃同紹菜餃正常發揮，紹菜比一般食到既甜，整體食材好新鮮，皮薄餡靚。值得一提兩碗餃子湯底唔同，應該係素餃、肉餃之分，感覺好有心機。 素餃配既黑松茸菌湯好鮮甜，同出面打邊爐既湯底一樣咁好味，肉餃就配蘿蔔湯，同樣清新。餃子餐可加配小食，揀左炸雞翼，新鮮炸起又入味，好食過脆香雞翼。 單點酥炸豬扒都出色，香脆得黎唔油膩，係咸左少少配麵好d，睇黎呢度炸野都有咁上下水準。因為疫情關係收起左菜莆，記得一定要問店員拎，蝦米同辣椒香好不得了。 自問食得辣都頂唔住個菜莆，但佢就係明明好辣都會令你頂唔住繼續食，所以叫多左個手撕雞麵，用菜莆撈麵辣度岩岩好，驚喜發現撈落湯底係驚為天人，必定encore。

紅土黃店天園餃子最近喺觀塘宜安街開咗分店👏👏，新店地方雖然唔大，但係乾淨企理，店員仲好有禮貌。如果主要想食餃子，可以叫佢哋個重量級餃子餐，包括十隻餃子同一款小食。我呢啲貪心的小狗，就梗係叫雙拼啦，我揀咗一葷一素，身為食肉獸嘅我當然鍾意紹菜豬肉餃多啲，呢度嘅餃子雖然比較細隻，但係皮薄餡靚，入面嘅豬肉充滿油香，好惹味😋；另外五隻本來想叫蕃茄雞蛋素肉餃，但係賣哂😭，於是叫咗素菜甘筍餃，素餃調味相對比較清淡，但入面嘅材料好豐富，有椰菜，木耳，甘筍等，仲有我最鍾意嘅芝麻，味道都唔錯。小食我揀咗椒鹽茄子，上枱時雖然略嫌多油，但係真心好好食，熱辣辣脆卜卜，上面灑咗少少椒鹽，更加惹味👍。值得一提係小店有提供免費手足餐，喺而家呢個咁高壓嘅氛圍下，非常難得，所以同路人一定要多啲去作出懲罰🤗。

以為只係食餃子，但原來都有好多其他選擇，而餃子本身都已經有好多種唔同味，連素菜都有兩種！湯底都有唔同，我最中意菇湯，同埋餃子可以配搭小食，啲小食都好多款㨂，食過茄子同埋豬扒都好好味，價錢唔貴。另外又可以揀五隻或者10隻，有時唔餓食5隻都夠，有一男一女唔知係咪老闆，招呼好好勁有禮貌。疫情期間見佢地唔算多人，可能都係得附近街坊幫襯，但係其實我覺得質素相比其他同區嘅都算唔錯，好過食連鎖嗰啲餃店，新鮮啲！大家可以去試吓，佢仲有生餃子外賣，質素都OK。

好懶，行過見到呢間餃子店新開想試下！點知佢逢星期一都休息，有次十一點幾未開門，今次晚餐終於試到啦！我買左外賣，佢係有餃子餐跟住可以加小食。同埋佢係比較抵食，因為我叫幾人份量都係百幾蚊。炸雞翼，好味，又唔會話好乾。蒜香骨，都係炸野haha涼拌雲耳海蜇，正正常常，都夠凍嘅.椒鹽茄子🍆，$28四件都大大件，又唔會驚街市買唔乾淨，抵食。餃子，我又唔會話咩一食難忘個啲，但又唔會話個皮好厚好乾，都ok好食架。同埋好似健康啲。

平時好少去觀塘食嘢，聽閒有間餃子店新開張，鐘意食餃子嘅就去試下。一睇價錢大眾化，無得輸啦🤓除咗餃子，有飯有麵有小食，選擇都算多。地方寬躺乾淨，環境ok，之後立即叫一碗雙拼餃子試下佢（韭菜拼紹菜），唔駛等好耐就送到枱面，餃子上面落左少少蔥花同爆香左嘅蒜頭，遠距離都聞到香味，而佢嘅清湯聽聞係用豬骨淆制十多小時，無落味精，清而不膩（最後d湯我係飲哂無浄)蘿蔔都有揀過冇渣，可見到廚房大佬有一定要求！本人最愛當店韭菜餃肉饀不錯，韭菜新鮮，肉都算剁得夠細，咬開時仍然有肉汁，食落香口😋