天園餃子 (已結業)

今日想食清清地，揀咗間食餃子嘅小店。其實都好多選擇喎。揀咗好耐都唔知食咩好。最後食咗雙拼餃子(10隻)($44): 皇帝菜豬肉湯餃、紹菜木耳素湯餃+ $18酸辣湯。佢嘅餃子皮好薄，都好多料。最開心係多菜少肉。啱哂我今日想食清啲。不過佢每隻餃子都好似有啲嘢黏住咁，搞到唔係幾爽。個酸辣湯都好多料，木耳，肉絲，蘿蔔絲….不過就得好輕微嘅酸辣🫣有啲失望。同埋佢啲粟粉仲有一大舊，成個五蚊銀咁大嘅透明物體喺度未溶。喺張相都望到，喺中間位置。所以我先覺得全部嘢快有黏住黏住咁。

之前到訪旺角天園餃子，覺得好好食，所以帶家人去觀塘分店支持小店。我們一口氣點了四十隻餃子：韭菜豬肉餃，煮餃子和煎餃子同樣好食；椰菜粟米豬肉餃，粟米味很多；韭黃冬菇豬肉餃，冬菇味不是太重；煎黑椒牛肉餃，好多汁，黑椒少少辣。四十隻餃子，不用大驚小怪，上次我們只吃餃子，一口氣吃了七十隻。除了餃子，天園的麵都好。今次叫了兩種麵：麻辣撈麵，少少辣，不太麻，反而少少甜，都好味。手撕雞湯麵，湯麵份量好多，抵食。幾個人食，每人都不用$60，性價比高。旺角店和觀塘店的分別，第一是旺角店用掃QR碼點餐，觀塘店用人手。第二，旺角店用即棄餐具，觀塘店重用餐具，我較喜歡重用餐具。第三，旺角店面積比較大，觀塘店較為小店。分別之外，食物質素同樣好味。店內同樣有很多阿Gao的相，餃子店撐阿Gao，有意思。總評味道：好食；環境：舒適；服務：店員有禮貌；衛生：可以。

天園餃子呢幾日又凍返 餃子控心思思又想食熱辣辣嘅湯餃☺️今次黎試吓呢間已經有三間分店嘅良心餃子店見到menu 就知呢間餃子店唔簡單款式多 仲可以叫套餐配小食 好多選擇白胡椒雜菌豬肉湯餃 $38/10隻呢款餃子好特別 其他餃子店未必食到好重白胡椒味 微辣 有驚喜🤩食完個人好䁔 天氣凍食真係好正湯底用蘿蔔豬骨熬製 清清甜甜😋韭黃冬菇豬肉湯餃 套餐 $54/10隻好香韭黃味 皮簿 餡好有鮮味又多汁☺️唔洗點醋同豉油都好夠味總結餃子款式特別 皮簿饀靚 性價比高天園餃子 (觀塘)觀塘宜安街19號地舖土瓜灣分店：土瓜灣北帝街41號地下B號舖旺角分店：旺角通菜街1號華發大廈地舖..#mailokeat #mailokeat_觀塘

6點後又禁堂食🥲多謝政府🥲收工唯有急急腳食埋晚餐啦。今次就叫咗以下食物：🌟白胡椒雜菌豬肉餃+西洋菜豬肉餃湯底係普通豬骨湯底，餃子size同乒乓波差不多，👧🏻就覺得🥟偏細隻啦。白胡椒雜菌豬肉餃用上雞脾菇，口感爽彈🏓入口有非常重胡椒味，而且都幾灼熱辛辣，估唔到食餃子都要瘋狂飲水。🤣西洋菜餃菜肉比例平均，冇苦澀味，味道鮮甜😉🌟清湯蘿蔔坑腩湯麵蘿蔔清湯清甜，飲完都唔覺得口渴💦牛坑腩分量非常多，🐮牛肉味濃郁，質感鬆軟又肥瘦均勻，略帶少少肥膏，入口即溶👍🏻幼麵比較索湯，如果湯底夠熱一定會更好味😝 牛坑腩麵絕對係今次咁多款菜色仲表現最好🥇🌟藥膳醉雞翼估唔到麵幾重藥材酒味，雞翼都幾大隻+醃得夠入味🥃🌟手工奶茶問過奶茶🧋嘅甜度係屬於微糖，所以飲落去唔會覺得太甜難入口👍🏻口感順滑唔鞋口，茶底可以再濃啲就好啦😍

由7/1晚開始，無左晚市堂食，成條觀塘宜安街都好靜，行過唔少食肆店鋪都關左門，天園餃子就係少有既仲開門做外賣既，估唔到細細間餐廳，都唔少選擇。睇人地食評，蕃茄蛋素餃麵有唔少推介，我今晚就點左佢外賣回家，現場點連$2外賣盒就要$40（$38+$2）；via App訂，$36.8。由落單到可以拎走，等左5分鐘就可以了，而湯有5粒蕃茄蛋素餃子，同麵係分開既。所以番到屋企先倒埋一齊：大家可以見到蕃茄蛋素餃麵既蕃茄蛋素餃係包埋一齊既，係幾有心思，味道就普普通通，湯有舊菇咁，整體都係無乜驚喜。😂😂

呢間天園中午１２點開門，我１２點０５分就黎到所以唔駛排隊✌🏻雖然呢度應該餃子出名D，不過突然好想食飯😅 所以叫左個餐牌推介既肉燥飯試下～店舖由幾個後生仔營運，服務唔錯，野食即叫即整👍⭐肉燥豬扒煎蛋飯 (評分: 3/5) 由於即叫即整既關係，所以都真係等左十幾分鐘～豬扒同煎蛋黎到新鮮熱辣，因為最近比較熱氣所以叫左煎豬扒無叫酥炸豬扒 (雖然酥炸吸引好多🙈)豬扒既黑椒味非常突出！好有媽媽的味道😂煎得幾香，肉質嫰滑juicy，還不錯～但係肉燥分量相當少，完全唔夠撈飯😅而且太稠稠到似jelly狀，賣相不太討好🙈 飯粒香軟煙韌，口感似珍珠米，都幾好食，來貨應該都幾靚👍下次可以試下呢度既餃子配酸辣湯，見到餐牌上面詳細列明左酸辣湯既材料，相當豐富同認真，而且餃子係招牌，應該會唔錯吧？！🤔

餃子🥟最喜歡餃子🥟白胡椒雜菌豬肉餃-好香胡椒味-小小辣，冬天好暖胃-餃子算大粒-改咗酸辣湯，湯底好多料，不過芡粉太多，杰撻撻，飲完碗湯都飽咗牛肉煎餃-餃子個樣同其他餃子有啲唔同-包嘅手法有啲似小朋友包餃子，冇接痕，所以煎餃比較扁，餡料比較少-通常餃子接痕越多，內存空間先越多，餡料先可以放多啲，好像一個圓形⭕️對煎餃有啲失望總結：兩個人，兩個餃子，一個菜，一個嘢飲，$129性價比正常。不過由於環境太狹窄，要減減肚腩，先可以再有下次。

天園餃子一間令我食上癮嘅餃子店！每日食都唔會厭～皮薄餡靚！通常叫十隻韭菜豬肉餃，配雞絲粉皮/口水雞卷！超滿足的説～Lunch hour 通常都要排隊，不過我會照排！

自己本身係觀塘住咗好多年一直都冇乜留意過附近有間又平又好味嘅餃子店🙂 今日心血來潮突然間好想食餃子就係OpenRice度搵下屋企附近有邊間餃子店跟住就比我發現到呢間餃子店😍餐廳環境裝修比較簡單，而且座位都唔係好多同比較窄d位不過當然最緊要係佢食物嘅質素啦！今次第一次試，當然是試哂佢兩款唔同整法嘅餃子🥟不得不讚，湯餃子同炸餃子都同樣地好出色白胡椒雜菌豬肉餃子同韭菜豬肉餃子都好好色！！ 分量方便好好，因為有得俾你揀5隻或者10隻！！岩哂細食既女仔！

天園餃子係土瓜灣區甚有名氣，相信唔少街坊都幫襯過😇近年仲開左旺角同觀塘分店，今次就黎左觀塘店試下味~ 環境係標準小店格局，幾迫夾😬但都乾淨企理既!餐廳主打手工餃子，有唔少款式都幾有特色，坊間少見😍仲提供唔同既餃子小食套餐，價錢親民😚今次我地揀左素餃同雞捲($42)~ ✅蕃茄雞蛋素餃(5隻) 🌟3.5/5分蕃茄雞蛋素餃新奇特別😆餃皮薄到似雲吞，size唔算大粒🤓食落係成塊蕃茄加埋啲蛋絲，酸甜juicy😋湯底係菇菌湯，非常香甜❗✅麻辣口水雞捲(半份) 🌟3/5分份量十足，有5大捲👍🏻肉質嫩滑唔鞋口，但調味偏淡，食唔太出麻香😣只有10小辣。✅西洋菜豬肉炸餃(5隻) ($28) 🌟3/5分Size都係偏迷你啲，炸得酥脆唔油膩，配埋泰式辣醬似小食咁🤪西洋菜比較多，整體唔算太有驚喜。✅香酥豬扒湯麵 ($45) 🌟2.5/5分湯底淡口，麵質正常，豬排略乾😛味道普通，食返餃子就得。整體黎講，餐廳主打特色手工餃子，更有多款素餃🥟雖然唔係爆餡爆汁嗰種，但食得出真材實料👍🏻調味健康，食落舒服既☺️良心黃店，值得支持💛

講起餃子格嘅良心小店，呢一間一定榜上有名！今日中午食得太飽，晚上打算食得清淡啲！適逢經過呢間餃子鋪，一於就入去試下！我哋叫咗三款餃子同一個小食，每款餃子各有特色！蕃茄炒蛋餃子🍅蕃茄炒蛋就食得多，但係將佢整成餃子就真係第一次啦！餃子餡酸酸甜甜，就真係番茄炒蛋既味道，幾開胃！白胡椒雜菌豬肉餃🍄白胡椒有微微辣味，配埋爽口嘅雜菌同新鮮豬肉餡，味道好特別但係又出奇地夾！韭黃冬菇豬肉餃🌶呢個一咬落去就覺得好好味！韭黃味好香，冬菇味好濃，配上新鮮豬肉真係冇得彈！呢個我一個人可以食10粒😂😂😂呢間餐廳啲餃子皮有啲厚度，咬落好煙人好容易飽肚！同三種餡料都十分夾！不錯！值得一提嘅係，餃子嘅湯底都係好足料嘅菇菌湯，原條姬松茸都可以見到！絕對唔係求其清水恰，成個配搭簡直完美！最後，炸豆腐都係好值得推薦既新菜式！外表金黃酥脆，內裡嫩滑！一定會encore！

話說中午同友人食完重口味雞煲，晚飯時間都唔算好肚餓，又想食清清地嘅野，當路過觀塘的時候，見到天園餃子，就打算入去食下啦。 我地總共叫左：蕃茄蛋餃子麵、白胡椒雜菌豬肉餃及拼韭黃冬菇豬肉餃（雙拼）、椒鹽豆腐及手工咖啡。 本來想叫手工奶茶，不過姐姐話奶茶冇哂，唯有叫咖啡啦。咖啡不過不失，有咖啡香味，不過比較似即溶咖啡的味道，所以唔係好飲得出手工左係邊🤣。但好處係唔會好甜，都可以試下。 第一款上的係蕃茄蛋餃子麵，蕃茄蛋餃子其實上次已經食過一次，因為覺得佢好特別，所以今次再叫。麵底係幼麵，唔會煮到淋哂！唔錯！湯底好清，再加左一啲姬松茸，增添香氣！而蕃茄蛋餃，無錯就真係蕃茄同蛋做餡，食落入面唔會水汪汪，好紮實。 之後就食白胡椒雜菌豬肉餃拼韭黃冬菇豬肉餃。白胡椒餃入面真係可以食到略略的白胡椒碎，配合豬肉好香口，而且會辣辣地，好過癮。 但個人更愛韭黃冬菇豬肉餃，韭黃的爽甜、冬菇的香氣加上豬肉的鮮甜，互相配合得好好！可以講係今日三款餃子之中我的至愛！一定再回頭。 最後，椒鹽豆腐亦都好正！熱辣辣，又香脆又惹味！豆腐勁軟滑！大排檔水準！同朋友可以叫一碟share!

呢度係一間專食餃子既新店 開張不久已經幾有人氣雙拼湯餃子 鮮肉餃子配韭菜餃子餃子可單拼或雙拼,識食一定試曬2款招牌餃子以鮮肉入餡,餃子皮薄而煙韌, 餡肉鮮甜多肉汁 另一款係韭菜鮮肉餃 滿滿8成韭菜碎加2成肥豬肉 咬開每一口都係韭菜鮮香加肥美既肉汁小食海蜇配木耳 前菜小食 醋汁木耳加海蜇 食彈牙既口感 本身食材無咩味道靠個汁提味麻醬雞絲拌麵 麻醬配青瓜絲雞肉,食個陣拌勻佢 一啖雞肉一口青瓜和麵條 口感豐富醬汁又濃香惹味 拌麵係好岩夏天食,涼麵食法消費$150SHOP19 Yee On Street, Kwun Tong

呢間想試好耐架啦! 朋友話佢D餃好出色 尤其是係韭菜味所以今次就過黎試下啦!今次嗌左個雙拼 可以試多一款餃佢個韭菜的確好香同埋好足料白胡椒我就覺得可以落重手少少 如果椒香味勁D 會更加好食另外跟餐嗌左個口水雞卷  唔辣 D肉都算嫩滑 感覺有少少似厚切叉燒整體都唔錯!

喺牛頭角附近放工，見Happy Friday，就嚟食個餃子開心一下！🥳佢餃子款式好多，我就揀咗個重量級餃子套餐。餃子配豬骨湯，清清地，飲咗都唔會口渴，無加味精，抵讚！👍🏻西洋菜豬肉餃🥬🥟餃子入面菜份量豐富，而佢嘅西洋菜並無切碎，所以更可以感受到西洋菜嘅幼嫩，咬開爽脆，一啲都唔老！豬肉就肉香多肉汁，一咬開就流晒出嚟！😚芹菜木耳豬肉餃 🥦🥟芹菜木耳就切粒嘅，一咬開有菜清甜嘅菜味滲出嚟，食得出芹菜非常新鮮！第一次食到咁清新嘅餃子，呢個真係大推！😽口水雞卷 🌶🐤 套餐可以配一款小食，佢嘅口水汁有辣椒、乾蔥、白芝麻等等嘅香料，小小麻但唔會太辣，有濃郁嘅香料味；雞卷肉質嫩滑，配口水汁一流！😋呢度餃子同小食都好出色，遲啲要再食埋個煎餃子先得！🥟🍳