天后串燒餐廳

營業中

休息中

餐廳冇乜人落單後都要等大半個鐘先至有。一上檯，賣相麻麻，無串燒應有既燒焦，就好似廚房蒸完拎出來一樣。一食落口，串燒。。凍既（可能一次過出哂串燒，攤到凍哂）要串燒整得難食真係唔容易！真心差到爆！

真心做得好差。首先服務，一般般，經常唔見左人，叫個年紀大d那個服務員，講左轉頭又無曬下文⋯到左食物，上來的串燒除了牛舌和雪花牛係熱既，其他都係涼曬既⋯今天天氣唔凍，如果係燒完馬上出來的點會涼曬？？雞軟骨居然有難得的一股雞騷味⋯雞翅燒太乾⋯五花肉太瘦了且有豬氣味⋯😖😖真心唔值得唔推薦唔好味！

同朋友經過坐低食晚飯大家都好肚餓 叫咗嘢食之後坐低一路傾偈一路等 大約等咗一個小時，只來左兩隻鮑魚 同1 寸雞翼因為實在太肚餓，又見時間都一小時所以催一催店員 要喺戶外行入去店員先至會理會我哋同佢揮手 佢會扮睇唔到😅同店員講如果未整嘅話就不要了 因為時間太耐了 店員態度非常惡劣 ：《 我話唔到事㗎，你入廚房同啲廚師講囉 ⋯》好啦 ⋯禁我真係入去很禮貌地同廚師講 因為等咗1小時我哋都趕時間 而且餓 如果未整嘅話一係由佢 🙏廚房話 ： 《差你咩呀？ 以加出比你囉！ 》因為我哋幾個女仔 有啲驚 所以行返去坐位 最後來多2 碟野 豆腐變壞了⋯ 其他食物都很難食⋯ 都明白到假日比較繁忙 但態度同品質真係令人嚇怕我哋決定埋單 剛剛話唔到事個位店員重要加多一句：《我哋不嬲都係唔夠人手㗎喇⋯⋯》咁大個人都未試過食一餐咁既飯⋯我地都已經非常有禮貌 重要比人鬧返轉頭 🥶

想試試串燒餐廳非串燒食物的質素，於是點了一客照燒牛肉飯，一客鍋燒烏冬，一碟蟹柳壽司。照燒牛肉飯 $65跟所想的不一樣，以為飯上有滿滿的醬汁。鍋燒烏冬 $70賣相一般，上餐時以為是清烏冬一碗，原來所有配菜都壓在底。份量很足，清淡口味。蟹柳小卷 $30正常發揮，不過不失總結環境感覺不太清潔，椅上或棹面都有黏黏質感。地方不大，坐得不太舒服。而且後欄大門打開，食客邊進食邊觀看後欄情況。但門口位有「戶外」位置進餐，適合煙友光顧，非常方便。

平時黎天后如果想食串燒就會黎呢間食😛 串燒真心好食 燒得好好 好多肉汁 而且味道亦都啱啱好 非常惹味😋 老闆娘仲好親切添! 餐牌相當多選擇 除左一般串燒仲有好多唔同種類嘅熟食同壽司 味道絕對唔會比串燒遜色🙆‍♂️ 價錢方面雖然唔算好平 但係given味道咁好 我覺得仍然係相當抵食👌🏻特別推介燒雞肉，雞皮，同埋茄子真係好好食!!! 尤其係雞肉同茄子新鮮滾熱辣個陣食 真係好正👍🏻👍🏻 希望大家真係試下 一定唔會後悔❤️❤️

店內食物多款式,我們點了👇壽司🍣👍👍赤貝、蝦、海膽刺身🐟👍👍👍帶子、希靈魚、劍魚腩串燒🍡👍👍👍鴨舌、雞軟骨、白鱔、燒雪花一口牛、燒大海虎蝦、紫薯食物質素:刺身新鮮，串燒以一口雪花肥牛和白鳝最吸引😊

真係差到評唔到未試過食d 咁難食既串燒港式唔緊要 串燒完全唔似係燒出黎 有d 似拎到炸一炸 先燒有d 係叮下先燒 D 肉又有怪味 連d 簡簡單單既 蒜蓉金菇 都可以有怪味D 食材大部分都似無洗 或者唔識處理價錢完完全全對唔起d 食物 個價錢似係日式串燒價見到佢有壽司都覺得怪 都本住試一試出到黎d 紫菜可以係淋到好多浸過水只可以講 無下次 係天后依d 美食咁多既地方 竟然存在依d 咁既餐 真係伏死人依d 餐廳係唔應該存在係香港 或亦都唔應該存在係依個世界

千祈唔好幫襯呢間餐廳，我特登要開Account去投訴呢間嘢，就知道幾嚴重。諗住冇乜人，又靜靜地，見過侍應婆婆不斷投訴個老闆，所以可憐佢就幫襯下佢。最後明白點解呢間嘢冇乜人，發誓以後唔會再幫襯佢。如果呢間所謂嘅餐廳冇心做，不如讓過位比其他有心嘅餐廳做。一坐低嘅時候，冇講過兩個人要最低消費；但到最後要迫我哋比最低消費。從來冇食過有魚腥味嘅毛豆；亦會俾錢嗰陣時候俾人鬧。餐飯一個人俾咗二百幾蚊，都唔滿意要俾人鬧，叫我哋以後唔好返嚟。我想講；間餐廳根本就冇乜人。呢間嘢就算送嘢食，我都唔會再幫襯。完。

差！！差！！差！！重要既野要講3次！！！我地3個人叫左12碟串燒，3個飯，3杯野飲，埋單竟然千幾蚊。。。仲要夠膽收我加一，講真，service charge係俾有service既，你個店員態度甘差，憑咩？串燒紙唔標價又唔俾餐牌，明想誤導消費者姐！串燒唔係特別好食，淡又唔夠味，鰻魚50蚊件但得手指尾長度！鱈魚西京燒168一小塊，出邊大戶屋已經食到個set lunch啦！完全無諗過一間普通到唔普通餐廳食個lunch都要千幾蚊囉。。重點係食完都唔飽吖嘛！用“刻”店黎形容一d都無錯

今日和2位兄弟一起去天后見客，途径电器道一間日本歺廳，外面贴上歌神Eason 和店员合照，心想比较可靠，所以入去试下，之后开始了中伏……………當時叫了2个鱼生反加滑蛋朱扒反后，店员好突然推介串燒，本人对串燒也有研究和知價，但是奇怪order 纸上没有列出價錢，亦深信不会亂收费，到埋單時非常有問题…本人亦是香港永久性居民，如果是遊客，必定流血不止。最離譜係一條缦鱼分三件…… 一件$50， 有冇可能…一个字…伏

以前這食屎本來都唔係太好食, 不過地方就腳, 有戶外兩張枱都ok, 今天有機會經過再幫襯, 食物只能很勉強很勉強很勉強食得一半, 串燒凍嘅, 乾曬, 炸魷魚鬚啲粉好鬼厚, 亦都係乾曬,失望, 以後應該唔使幫襯.地點的確係唔錯, 有很多人流, 天后有戶外座位的餐廳很少, 其實可以好好利用, 但係有客人亦都唔會珍惜, 每次過嚟幫襯嘅員工都唔一樣, 證明留唔住員工, 疫情前為疫情後的現像沒有改變, 未免太可惜, 今時今日消費338, 員工唔珍惜, 老闆珍惜嗎？

點餐紙系吾會寫價錢 入面無人 個阿姐見到你入去好似搵到條救命草 我叫外賣比我隔离緊嘅朋友 求其嗌左5串串燒 200幾 午餐肉 肥牛金針菇而已 仲要吾收信用卡 叫你去出面禁錢 我一聽吾收信用卡即刻叫佢幫我取消張單 大佬 岩岩落單一分鐘都無 你同我講話已經煮好曬 死都吾比我走仲要推我 真系痴線。成世人未試過咁痴線嘅餐廳 垃圾 痴線 態度勁差 真系10蚊都吾想幫襯佢 就放長雙眼睇下佢幾時汁各位兄弟 真系吾好去 我平時系根本吾會花時間打篇咁長嘅文出黎 哩間真系好能差！

入去叫外賣，唔知究竟行埋收錢位叫定向個老闆娘叫，一行入去只係第一時間要閂好道門，埋邊伙記就忙緊，個老闆娘一路行一路嘰尼古嚕！之後叫我講喇講喇講號碼原來唔得既，講完號碼又問係咪乜乜乜叫3個外賣，係唔平二百幾蚊仲要受你氣！味道又一般，以後不了！做街坊生意都係做口碑，你串到咁又貴到咁！真係會同街坊講唔會幫襯你囉！如果你地咁把閉不如揀客做喇有禮貌既客原來你地唔做既話！

眼見大量負評，想為佢平反一下。大家要留意，其實佢提供嘅係「地度港式串燒」，如果你抱住去食「日式串燒」既心態，一定唔符合期望，繼而失望。食物：作為一間港式串燒，食物種類當然五花百門，除平時食開嘅燒雞翼燒、粟米、白鱔，亦有燒魚蛋、燒燒賣、燒芝士腸之類。串燒都幾香口，係鹹左少少，建議order少鹹。服務：似係家庭式經營，唔算好有經驗，至少有禮貌反應快。裝修：非常「地度」，打算同女朋友浪漫一番就唔好啦... 價錢：位處電氣道地鋪，要求「平」也未免係強人所難罷...

外賣串燒等左1 個鐘 燒出黎同用水煮過嘅無分別焦糖燒菠蘿， 好似用水煮完用火槍燒兩下就算⋯⋯⋯⋯⋯⋯⋯⋯燒粟米都係似用水煮完用火槍燒兩下就算⋯⋯⋯⋯⋯⋯⋯⋯燒韮菜 似用水煮完用火槍燒兩下就算⋯⋯⋯⋯⋯⋯⋯⋯燒雞髀菇勁呀終於似燒出黎嘅， 不過濃左⋯⋯⋯唔好食都算啦⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯仲要等一個鐘⋯⋯⋯⋯⋯