影片
港鐵旺角站 E2 出口, 步行約4分鐘
繼續閱讀
電話號碼
66618096 (或WhatsApp查詢)
開飯介紹
提供多種特色火鍋湯底，包括潮汕牛骨湯、重慶紅麻辣等，亦設有鴛鴦鍋。另有拼盤套餐，如牛肉拼盤、豚肉拼盤、海鮮拼盤等。
繼續閱讀
附加資料
訂枱五位以上必須 WhatsApp與我們聯絡
訂房間 及查詢優惠必須 whatsapp聯絡我們
營業時間
今日營業
17:00 - 03:00
星期一至日
17:00 - 03:00
公眾假期
17:00 - 03:00
公眾假期前夕
17:00 - 03:00
以上資料只供參考, 請與餐廳確認詳情
有關獎賞計劃
又到旺角拎文件，然後帶司機食餐飯，天下糧倉，牛肉火鍋的專門店，和牛火鍋放題任食，性價比高，絕對令人驚艷。和牛火鍋放題（任食）鴛鴦鍋底- 蕃茄羅宋湯- 喇沙湯選擇了鴛鴦鍋底，蕃茄羅宋湯清新，喇沙湯香辣，配搭牛肉食就最啱，一次過兩款滋味。究極和牛放題兩小時任飲任食，任食以下肉類，店員首先奉上精美的一盤靚牛肉上枱，有齊晒所有牛肉款式，我哋食了這一盤高質牛肉已經飽飽了，唔爭氣冇encore。澳洲M7和牛Prime牛板腱安格斯牛肩胛一級肥牛封門柳澳洲和牛金錢展牛脷片鮮牛肉這自家製的牛肉拼盤，選擇相當豐富，特別是澳洲M7和牛，肉質鮮嫩，脂肪分佈均勻，入口即化，帶著淡淡的甜味。Prime牛板腱則有著彈牙的口感，適合喜愛嚼勁的食客。而安格斯牛肩胛的肉質緊實，散發著濃郁的肉香，令人垂涎。封門柳的獨特風味，帶有一絲細膩的脂肪，完美適合涮煮。而澳洲和牛金錢展及牛脷片則是火鍋中的必試之選，輕輕一涮即能感受到肉質鮮嫩多汁。豬梅片、涮羊肉，今次已經吃不下了，下次要來試吓！自助區與飲品自助區的火鍋配料應有盡有，蔬菜、丸類、餃子一應俱全，可以隨心所欲地搭配。任食的時段中，還包括了各式汽水、出邊街好少飲到的氣泡涼茶及特色乳酪雪糕，為火鍋的辣味帶來一絲清新。總結，天下糧倉的牛肉火鍋，高質和多樣性選擇，極具性價比，朋友聚會或家庭聚餐都是不容錯過的熱點！
繼續閱讀
最近天氣凍咗，好適合打邊爐，今次同朋友嚟到位於旺角嘅天下糧倉牛肉火鍋專門店，位置喺鬧市方便就腳。可以任食到澳洲和牛放題，包括湯底、8款牛肉、另外自助區提供多款火鍋配料、飲品、雪糕等，性價比高。究極和牛放題店員先上一大盤牛肉拼盤，牛肉種類繁多，拼盤有澳洲M7和牛、Prime牛板腱、安格斯牛肩胛、一級肥牛、封門柳、澳洲和牛金錢展、牛脷片、鮮牛肉等，另外仲有豬梅片同埋涮羊肉提供。個人鐘意澳洲和牛，雪花分佈均勻，牛肉味濃；Prime牛板腱，嫩中帶爽，彈性十足，肉味濃郁。湯底火鍋湯底用上龍鼎鍋盛載，好有氣勢，而湯底選擇超過10款，我哋選擇咗鴛鴦湯底，芫荽皮蛋鍋拼豬骨栗米湯，芫荽皮蛋鍋，湯底用料十足，好多芫荽，味道清新，好啱芫荽控；豬骨栗米湯，健康養生，粟米好甜，味道清潤鮮美。火鍋配料自助區自助火鍋配料肉類有五花腩、豬頸肉、牛百葉、雞中翼中、午餐肉、大腸頭、鵝腸、紅腸等；丸類有牛丸、香菇貢丸、墨魚丸、海膽丸等；餃子類有粟米豬肉、白菜豬肉、韭菜豬肉等；蔬菜類有油麥菜、唐生菜、娃娃菜、金菇、蕃茄、白蘿蔔、冬瓜、蓮藕、萵筍等。粉麵類有前一丁、辛辣麵、福麵、銀針粉、烏冬等；另外海鮮類有青口、水魷。個人鍾意鵝腸，肥美新鮮，口感爽脆彈牙。飲品自助區飲品種類好多，有可口可樂、鴻福堂支裝涼茶飲品、韓國樂天忌廉溝鮮奶、鮮蘆汁薈等，另外最特別嘅係有龜苓膏提供，啱晒打完邊爐之後清熱解毒。個人鐘意忌廉溝鮮奶，口感香甜順滑。雪糕自助區有本地品牌嘅雪糕提供，口味亦都多元化，有雲呢拿、伯爵茶、綠茶、海鹽、薄荷、香芋、芒果同埋蜜瓜，另外仲有豆腐同埋咖啡雪葩。
繼續閱讀
朋友話想食牛補一補鐵質，一齊相約位於旺角百寶利商業中心五樓的「 天下糧倉牛肉火鍋專門店」，食和牛火鍋放題。餐廳走懷舊裝潢風格，枱與枱之間不算逼，非常適合朋友聚會大快朵頤。我地簡左沙嗲鍋湯底，味道濃郁帶花生香，香氣撲鼻！配牛肉一流！套餐包括八款牛肉，可先試不同部位一之之後再簡鐘意的encore。一級肥牛：雪花分布細密均勻的牛肉，肉質柔嫩多汁，入口即化。肥牛會帶有淡淡的奶香或堅果香氣，尤其是谷飼牛肉，脂肪風味更豐富。牛板腱：是中間有一條透明的嫩筋，肉質結實，脂肪較少，但油花分布均勻，板腱牛肉的肉味較濃，帶有一定的牛肉鮮甜味，但不如肋眼或牛小排那樣油脂豐富。 略帶嚼勁，板腱的口感偏扎實，適合喜歡有嚼勁的人。 安格斯牛肩胛：安格斯牛肩胛肉是牛運動量較大的部位，因此肉質緊實、筋絡較多，但同時帶有均勻的油花分布，，但若切薄片或適當醃制後，仍能保持嫩度。封門柳：封門柳的肉味非常濃郁，帶有深層的牛肉鮮甜味，甚至略帶內臟的野性風味。油脂香氣十足，雖然油花不如肋眼或牛小排豐富，但由於位於橫膈膜附近，脂肪分布均勻，散發溫潤的油脂香。牛脷片：-外層柔韌，內里嫩滑，牛舌表面有一層粗膜，切片後厚切部位外層略帶彈性，中心部位則細膩多汁。薄切時整體更軟嫩。脂肪均勻，膠質豐富，牛舌肌肉中分布細密脂肪，尤其舌根部位更肥潤，煮熟後會有類似牛筋的膠質感，入口糯而不爛。澳洲M7 和牛: 油花均匀，入口即化。M7和牛既带有和牛的油脂香甜，又保留安格斯牛的肉香，整体风味比纯种日本和牛更浓郁。澳洲和牛金錢展：脂肪少，肌肉纖維緊實，是經常運動的部位，脂肪含量較少，肌肉組織緊密，因此嚼勁十足。新鮮牛肉：沙嗲火鍋湯底濃厚，牛肉經過適當醃製，加上油分保持肉汁，配上沙嗲湯底好夾。火鍋配料選擇眾多，除咗基本院類仲有水魷魚、台灣鴨血、牛柏葉、鵝腸，仲有多款新鮮蔬菜提供，有金菇娃娃菜，萵筍、冬瓜蕃茄粟米枝竹等。飲品區有好多選擇，有可口可樂、鴻福堂支裝茶、韓國忌廉溝鮮奶、蘆薈汁等，最正係提供清熱解毒龜苓膏！甜品方面，有香港製造雪糕， 口味眾多，有綠茶海鹽薄荷咖啡柚子芒果香芋蜜瓜等等。總結：和牛火鍋放題食到回本適合家庭朋友聚會好地方
繼續閱讀
身為牛肉控嘅我，今次真係搵到天堂喇！「天下糧倉」嘅火鍋放題簡直係為食肉獸而設，一枱擺滿八款頂級牛肉嘅震撼畫面，到而家諗起都流口水啊！ 牛魔王豪華陣容 - 澳洲M7和牛：油花靚到似藝術品，入口即溶嘅口感真係無得輸！ - 鮮牛肉：每日新鮮到貨，淥10秒就食得，嫩滑到驚豔全場！ - 安格斯牛肩胛、Prime牛板腱、封門柳、金錢展... 每款肉都有獨特紋理同肉香，食勻成隻牛嘅感覺超滿足！ 性價比爆燈 二百幾蚊可以任食高質肉+幾十款火鍋料，我同屋企人狂encore M7和牛同鮮牛肉，食到捧住肚走！
繼續閱讀
朋友帶我黎食，話啱晒牛魔王，二百幾蚊就可以任食到澳洲和牛首先湯底多達10款選擇，我哋揀咗鴛鴦湯底，重慶翠綠麻辣鍋x潮汕牛骨湯，兩款湯底都好推薦！重慶麻辣鍋無大量紅油，而且辣度麻度都係BB級，啱晒想食辣，但又驚太Heavy🌶️另外牛骨湯清得黎又夠味，好適合淥蔬菜，唔洗點醬都有鮮味。另外淥肉類可以食到最原始嘅味道！一坐地店員先上一大盤牛肉拼盤，款式多達8款，可以先試唔同肉質再encore。當中最推薦澳洲M7和牛、安格斯牛肩胛、澳洲和牛金錢展。M7和牛雪花分佈均勻，肉質軟滑，牛肉味幾濃；和牛金錢展，嫩中帶爽口感特別火鍋配料區都應有盡有，無論係蔬菜🥬丸仔定海鮮肉類，好多選擇。飲品種類都好多，最特別係有龜苓膏🤣 即刻食返個清熱解毒最後飯後甜點，雪糕口味眾多，仲要係made in HK🇭🇰我哋食咗伯爵茶、柚子乳酪同荔枝味，全部都好好食😋埋單人均$300，會再encore
繼續閱讀