天ぷらまきの

營業中

休息中

My friend previously tried a tempura restaurant that had uni tempura but she felt it was not worth the price(nearly $120). After the opening of this restaurant, which also has uni tempura, we decided to come and try it as well as other items. Overall, all tempura were great with a thin layer of batter and not being greasy.I really loved this one and my friend also this store's uni tempura is much better and the price is much more attractive.The lobster tempura at the back was also another great

好特別，D炸物會當住客人面前炸，好新鮮🤣🤣個爐仲要好似粒金蛋咁😝佢既炸漿都唔厚，唔油❤️❤️🥢天丼定食 $118虎蝦(2隻)、雞胸、北海道舞茸菇、南瓜、法國邊豆、日本雞蛋每個定食都會有一個味噌湯同一個小配菜(秋葵)。炸虎蝦肉質結實彈牙，食落啖啖肉，好滿足🤤🤤炸雞胸熱辣辣好脆🐣炸北海道舞茸菇，好香口，菇味重🥰炸南瓜香甜，炸完南瓜肉唔硬👍🏻炸蛋，炸完係流心，蛋醬撈埋落個飯食，好正❤️法國邊豆比較幼，食唔到有咩特別😝😝🥢特選天丼定食 $178虎蝦(3隻)、鱚魚、海鰻^半條、鱿魚、北海道舞茸菇、南瓜、法國邊豆、日本雞蛋每個定食都會有一個味噌湯同一個小配菜(秋葵)。炸虎蝦肉質結實彈牙，食落啖啖肉，好滿足🤤🤤炸鱚魚鮮甜唔腥😝炸海鰻冇骨嫩滑，唔腥，好正❤️炸鱿魚彈牙爽口🤤🤤評分：味道：⭐️⭐️⭐️⭐️環境：⭐️⭐️⭐⭐️整體：⭐️⭐️⭐️⭐️

喺openrice無意中見到，先知道沙田新城市原來開咗間新嘅天婦羅餐廳，見唔錯就去試吓，位置有啲隱蔽，係鼎泰豐嗰邊，唔係特登去食嘢都唔會行過。去到因為得吧台唔想坐，所以等卡位等咗10分鐘左右。我哋兩個人都係叫特選天丼，因為呢個有最多款天婦羅，樣樣都食到，仲有3隻虎蝦。包麵豉湯、前菜。特選天丼178前菜是秋葵片，浸住啲酸汁，我雖然不愛食秋葵都食晒，味道還不錯。麵豉湯都還好，冇乜特別。天丼個碗係平底，所以得好少飯，好快食晒。虎蝦，有3隻，幾脆又香，都食到有蝦味，都算大隻鱚魚第一次食，魚肉偏淋，有啲似食魚柳，但都幾香唔錯魷魚炸完香脆之餘仍然有爽口彈牙，都係唔錯茄子好甜咬落仲有汁海鰻半條由於唔係燒而係就咁炸，鰻魚本身嘅魚味好出，有唔太愛食魚嘅人可能嫌腥，本人覺得還好，都幾香的南瓜超香好甜日本雞蛋超香蛋味，入面仲有少少流心每樣天婦羅都唔錯幾好食，枱上有七味粉、胡椒、海鹽，個人覺得點啲鹽好食好多味道更出，尤其魚類比較淡味點鹽好食啲。飯就少咗啲，如果叫其他蕎麥麵/烏冬/便當餐又試唔到咁多款天婦羅。

📍即叫即炸! 高CP值日式天婦羅套餐 🇯🇵 天ぷらまきの🍤特選天丼超滿足又豐富，虎蝦🍤有3大隻,鱚魚🐟,海鰻🐟,魷魚🦑南瓜🎃,北海道舞茸菇🍄,日本雞蛋🥚少量白飯係底小食秋葵+鴻喜菇, 日式味噌湯貴少少，但鍾意天婦羅就可以試多幾樣海鮮做天婦羅炸得好脆，又保持到食物本身水份同鮮味🍤天丼蕎麥麵定食依個好抵食，推介❗有虎蝦🍤有3大隻,魷魚🦑,鱚魚🐟,海鰻🐟南瓜🎃,北海道舞茸菇🍄,日本雞蛋🥚少量白飯係底比特選天丼平啲，同埋多左喬麥冷麵但就少左啲海鮮喬麥麵下有冰粒，令麵有點涼涼的感覺，再沾上豉油,wasabi及蔥粒日本雞蛋蛋味濃郁, 流心蛋黃最岩撈飯食👅味道:❤️❤️❤️❤️❤️🍔賣相:❤️❤️❤️❤️🏝環境:❤️❤️❤️❤️🤵🏻服務:❤️❤️❤️❤️📸打卡:❤️❤️❤️💵價比:❤️❤️❤️❤️💌會推介天丼蕎麥麵定食因為好豐富，好多野食🏠 天ぷらまきの Tempura Makino 沙田正街18號新城市廣場一期1樓159號舖🕰營業時間：星期一至日 12:00 - 22:00🔖日本 | 天婦羅🚇交通:港鐵沙田站 A3 出口☎️電話: 28879618

呢度嘅《特選天丼》食材好豐富，總共有8款天婦羅食材，包括一個流心「炸蛋」，食到咁上下，夾開個蛋，蛋黃漿流出來撈飯食！相比起喺其他餐廳食嘅巨型天婦羅魚，我比較鐘意呢間唔同種類嘅細魚塊配搭，而且啲魚都係比較嫩滑，有魷魚、鰻魚、海鰻等等… 詳細可以睇餐牌。而且蝦喺大條，有口感，終於唔喺食炸粉（當然唔可以同日本食嘅相比）。雖然呢餐熱氣，但間中食到咁豐富嘅食材真喺好滿足！《紫蘇牛柳》真實個樣同張相好唔同，但有份量4粒，都算合理。食第一粒牛果時，有一種好濃烈嘅味道喺口腔內，但唔係牛味，又唔肯定係咪紫蘇葉嘅味道，唔知係咪炸咗後，味道會咁樣。食第二粒時，味蕾就覺得食落冇咁濃烈，似乎食得出兩者之間嘅合襯。

新城市開了一間天婦羅專門店, 天婦羅即叫即炸, 甚是吸引, 部份定食價格尚算相宜, 怎能錯過?天丼定食 $118 + 10%味噌湯味道濃郁, 有少量昆布和豆腐, 入口熱, 可暖身。前菜有金菇拌秋葵, 又滑又清爽, 有粒粒口感。天丼有虎蝦, 雞胸, 北海道舞茸菇, 南瓜, 法國邊豆和日本雞蛋。除了餐牌提及的6款食材, 還發現額外多了一件茄子 (上圖) 和一片魚肉 (下圖), 應該是鱚魚吧。茄子肉厚, 入口油膩。魚肉薄身, 但肉質嫩滑。法國邊豆因為短幼, 吃完沒有存在感。虎蝦肉質結實彈牙, 是存在感擔當。雞胸不論是肉質和味道, 均令我聯想到麥樂雞。 北海道舞茸菇味道不重, 南瓜(沒相片)香味淡淡, 兩者入口均有油膩感。日本雞蛋蛋味濃郁, 蛋黃流心, 唯知道是流心蛋時已把飯吃光, 唯有小心食用, 不要浪費蛋汁。飯不會太黏口, 醬汁不鹹, 唯飯的份量少, 吃完沒有飽腹感, 有點不妙。

大蝦野菜天婦羅盛合，有虎蝦三隻、茄子、北海道舞茸菇、南瓜、法國邊豆及蓮藕，配上蘿白豉油醬汁。盛合類是沒有白飯或麵，可以令加白飯（$15）、喬麥麵（$48）或烏冬（$48)。最令人驚喜就是三隻虎蝦非常彈牙，皮脆內軟，必食之選。至於其他款式的天婦羅，香脆可口，口感恰當，油而不腻，也沒有熱氣的感覺。天丼喬麥麵定食，有虎蝦、魷魚、北海道舞茸菇、南瓜、帶子、法國邊豆及日本雞蛋，再配上秋葵小點、麵豉湯、日本白飯及喬麥冷麵。喬麥麵不冷不熱，麵下有冰粒，令麵有點涼涼的感覺，再以豉油、wasabi及蔥粒陪襯，不過不失。最後，在新店開張期間，每位客人都會送一份紀念品….炸蝦天婦羅造毛巾乙個。

突然間好想食天婦羅🍤，發現沙田新城市廣場開咗一間來自關西主打天婦羅丼嘅日本🇯🇵料理。貪心地叫咗好幾款唔同種類嘅食物試試，整體來說都幾好食，可以再去翻兜下🤭———————————————————————————.🥢特選天丼💬叫咗呢個特選，超滿足，虎蝦🍤✖️3️⃣隻、鱚魚🐟、海鰻🐟、魷魚🦑、北海道舞茸菇🍄、南瓜🎃、法國邊豆、日本雞蛋🥚；淨係數量都已經贏晒，天婦羅漿脆唔會厚，配有米飯🍚、前菜同麵豉湯，非常滿足😋.🥢炸水雲💬沖繩名物，含有豐富嘅褐藻素同低卡路里，附有黏液嘅食物，炸咗後有另一個口感😋.🥢冷豆腐、稻庭烏冬🍜💬叫多咗個冷豆腐配上自家醬汁，味道清新；熱烏冬可以濕下口緩和下天婦羅嘅燥熱，很不錯☺️

今日和弟弟往新城市廣場食天婦羅午餐,我們點了天丼定食和精選天丼定食，天丼定食除了天丼外,還有味噌湯和前菜,味噌湯夠熱,味道適中,前菜是涼拌秋葵,食落爽口,口感開胃,天丼定食賣相吸引,材料份量十足,有虎蝦,雞胸,舞蓉菇,南瓜,法邊豆和雞蛋,虎蝦食落新鮮彈牙,第一次食雞胸天婦羅,食落肉質鮮嫩,雞蛋蛋味香滑,蛋汁拌上白飯食,口感一流,舞蓉菇,南瓜和法邊豆炸得乾身香脆,口感美味,白飯飯粒分明,食落軟綿,,整個天丼定食食落惹味,口感豐富,弟弟的特選天丼定食有鰻魚和魷魚,食落肉質鮮甜,炸得乾身而不油膩,餐廳座位舒適闊落,天婦羅炸得乾身金黃,食了一頓美味天婦羅午餐

星期日2點左右去到，叫左個蝦天婦羅定食108、一個野菜天婦羅定食88。前菜：秋葵+鴻喜菇，平時我唔食秋葵，但呢個有我最鍾意既菇，竟然我入到口，我接受到。野菜天婦羅丼： 好多種蔬菜：舞茸、蘆筍、蓮藕、南瓜、茄子。我老公食左第一啖，已經話炸得好好食。另外，仲跟左咖喱鹽、芥末鹽、香草鹽。茄子好淡無咩味，點咖喱鹽真係好正蝦天婦羅丼： 3隻蝦，好大隻！ 好好味！ 又鮮甜又有蝦味。（唔係平時厚粉扮大隻，係真係好大隻蝦）另外仲有野菜丼既菜（除左無果條粗大蘆筍）湯：豆腐滑滑、好味。回頭度：100%我見隔籬枱個男人叫咗天婦羅蕎麥麵餐，原來又有飯又有蕎麥麵，好多料，好似先158，仲抵食，等我下次試先。

終於都黎食喇 由佢未開張等到今日我地差唔多5點鐘去食 呢個時段冇人Lucky 唔洗等🤡我地兩個人都叫左特選天當$178幾豐富 低溫油炸 食落去一d都唔油膩 仲脆脆地不過調味就唔系好夠 要自己加鹽或者七味粉天婦羅衣薄 唔會食到麵粉味 好食上盤熱辣辣 正 個人最鐘意系蝦 比較彈牙穴子比較乾 唔太juicy 雞蛋流心 正😄其他就冇乜特別 配菜特別 比較黏 香港少食到 不過都唔錯不過飯略嫌唔夠 以呢個價錢黎講 性價比唔高 一試無妨 不過未必會再食🥸仲有好多天婦羅既過江龍可以揀

呢個星期想食吓天婦羅，怕上火嘅筆者叫咗醬漬三文魚配天婦羅雞蛋丼，醬漬三文魚唔只大份，而且好新鮮，油香味好夠，估唔到配搭外脆內軟嘅天婦羅蛋幾夾，而且兩樣都好好配飯！天丼配蕎麥麵呢個碳水化合物組合非常日式，但蕎麥麵同汁個種清新好適合油份重嘅天婦羅。呢度嘅天婦羅都係熱辣辣上菜，又唔會有油益味，配搭菇類、南瓜等軟身食材，口感好豐富，特別鍾意呢個set入面嘅魷魚天婦羅。紫蘇牛柳係另一個驚喜，紫蘇味唔勁，筆者討厭紫蘇，但都覺得唔錯。海苔明太子新鮮，不過因為明太子本身幾咸，如果想試嘅話，記得要留返幾啖飯送住食。菠蘿梳打唔會酸，解油膩一流。個人覺得性價比唔算低，而且就算怕熱氣都有刺身類或其他丼類食物可選擇，可以再戰。

天丼定食入邊有大蝦、雞胸、魚、南瓜、茄子、菇、豆同溫泉蛋魚係入面比較普通，天婦羅溫泉蛋雖然好特別，而且真係做到流心嘅效果，但係炸粉太厚蛋白嘅位置其實只係食到炸粉其他嘢質素都好好，炸粉厚度岩岩好，亦好夠脆。大蝦好新鮮，雞胸好滑好Juicy，野菜亦好食大蝦野菜天婦羅盛合 呢個同天丼定食最大嘅分別就係佢有跟返最classic嗰隻天婦羅汁，大蝦有三隻，但就冇魚、雞胸同溫泉蛋 男朋友覺得其實天丼定食好似抵食啲 但都要睇個人口味 因為我就覺得天婦羅都係要配返蘿蔔茸天婦羅汁先係最好食Overall價錢唔算太貴 都值得再回頭試嘅一間餐廳當日去係食lunch Menu都會想再去試埋晚市 因為見到佢出面啲圖夜晚有炸蠔 炸牛柳好似都幾吸引

兩個人叫左兩個天婦羅餐，一個海鮮一個野菜。所有嘅天婦羅都炸得好好，外面嘅脆皮薄之餘點埋汁都仲保留到脆嘅口感。🍤野菜入面最有驚喜嘅係西蘭花天婦羅，好似無乜邊間有西蘭花出現。咬落去會有唔令人討厭嘅西蘭花味。🥦兩個餐都有炸菇，菇仲保留到菇汁而外皮都仲脆！成個餐嘅唯一缺憾就係麵豉湯有少少咸🤏🏼🥲

今日lunch見到呢間嘢唔多人，就入去，打開餐牌，其實可以選擇嘅唔係好多，好多都係set定好，單點的天婦羅類別不算多，都是他set一有的食物。叫咗一個大蝦野菜天婦羅定食佢嘅茄子同菇係一舊咁樣炸，略嫌唔夠精緻，虎蝦大大隻，有成三只，用料算唔錯，不過有少少over cook，南瓜唔夠甜，蓮藕唔多軟個飯真係啱啱夠，如果大食啲應該都唔夠食，其實佢樣樣都係爭少少，就好完美㗎喇！反而前菜幾有驚喜埋單$141 呢個價錢食到呢個天婦羅飯，不過不失啦。