天ぷらまきの

營業中

休息中

星期日2點左右去到，叫左個蝦天婦羅定食108、一個野菜天婦羅定食88。前菜：秋葵+鴻喜菇，平時我唔食秋葵，但呢個有我最鍾意既菇，竟然我入到口，我接受到。野菜天婦羅丼： 好多種蔬菜：舞茸、蘆筍、蓮藕、南瓜、茄子。我老公食左第一啖，已經話炸得好好食。另外，仲跟左咖喱鹽、芥末鹽、香草鹽。茄子好淡無咩味，點咖喱鹽真係好正蝦天婦羅丼： 3隻蝦，好大隻！ 好好味！ 又鮮甜又有蝦味。（唔係平時厚粉扮大隻，係真係好大隻蝦）另外仲有野菜丼既菜（除左無果條粗大蘆筍）湯：豆腐滑滑、好味。回頭度：100%我見隔籬枱個男人叫咗天婦羅蕎麥麵餐，原來又有飯又有蕎麥麵，好多料，好似先158，仲抵食，等我下次試先。