大飯糖甜品小食屋

營業中

休息中

呢間既三忟三焗牛展麵係我既最愛,湯底濃郁,牛展夠淋.小朋友就最like肉燥蜜脆雞翼飯.雞翼又脆再加上蜜糖,個個爭食.再加埋芒果山甜品,一流!保温做得好,就算外賣屋企食都ok冇問題.

去大圍唔知食乜，就會行過少少去美林呢間大飯堂搵食，又唔會坐到迫夾，啲嘢食又夠哂份量，甜品亦趣緻。餓堂食太耐，今日決定大食午餐。鹽酥雞調味料夠味、熱焫焫。肉躁宜另上，現同雞件攞埋一齊會令到唔夠脆，不過午餐用甜品兜裝亦令到啲餸好似迫埋一齊。 小巨蛋是日冇玄米茶味雪糕有啲飲恨，不過奶底加到啱啱好，芋圓、涼粉之類的料好多是現成貨，唯紅豆原粒而起沙似是自製，雪糕換荔枝味，可以。豚肉叉燒流心蛋麵，豚肉俾咗5大塊，搭多一紅一白蘿蔔，繼續唔欺場。香蕉朱古力椰椰個軟雪糕都幾高聳吓。因先食咗頂層嘅朱古力軟雪糕味而甜度較大，所以遮咗椰皇入面嗰層椰皇大菜糕陣甜味。鐵達尼號都係啲生果大雜燴襯3球雪糕配可可粟米片，水果新鮮切定，又係大件夾抵食。

大西北牛牛放假出城，相約住港島的朋友，每人在地圖上繞大半個圈，來到大圍遊玩。當天是平日，再加上疫情的關係，筆者和友人幾乎包場似的。希望餐廳可捱過此難關。每次食糖水都總會點雜果涼粉，這次也不例外。雜果分別有芒果、菠蘿、木瓜、西瓜，和香蕉，其中以香蕉比較特別，因為以往食過的雜果涼粉鮮有它的出現。整體就沒有什麼特別，就是一般雜果涼粉的味道。不過芒果入口沒有很酸也是值得一讚。這是同行朋友所點的綿綿冰甜品。主角菠蘿綿綿冰以外，還有菠蘿、3.6 軟雪糕等配料，然後淋上椰奶忌廉。菠蘿香甜，店家還強調綿綿冰是用上了鮮菠蘿汁。至於軟雪糕方面，牛奶味都甚為濃郁。總結來說，就是一頓不過不失的飯後甜品。

好鬼正😆今日我去左fd屋企食晚飯，之後突然好想食甜品，我friend就帶我去大圍美林附近食甜品🤩唔係住大圍嘅我唔知美林有間甜品店，仲有好多選擇，有主食（台灣野）小食同甜品😆😆😆😆不過太飽所以無食距d主食，就一人揀左個甜品share食🤪第一個芒果爺爺：3.6牛奶雪糕（後食kfc個個雪糕d），芒果幾甜，同埋椰水果凍，幾好食😋另外嘅係楊枝甘露配雪糕，都係3.6牛乳雪糕，楊枝甘露係好食個隻🤩價錢中等，可以接受

我住呢間野附近， 幫襯超過十次以上， 最近幾次買，質素每況愈下， 琴晚食咗個雜果楊枝甘露，外賣兜已經好細碗，可以畀半條蕉切都唔切就擺入去，我諗條蕉嘅份量佔咗五份一碗，本身雜果楊枝甘露擺蕉已經好古怪，如果係少少就冇所謂，半條隊落去就真係嬲唔計今次，對上一次食綠豆沙，唔知點解一pat pat咁，好似食芋泥咁樣，但水嘅部分又好水，唔知發生咗咩事，之前食過好好食，間嘢係咪換咗廚師？晚市都加左價，但啲餸嘅份量仲少咗

手芋家圓 $41(香芋雪糕、芋圓、紅豆粒、水晶、涼粉、椰奶忌廉、花奶) 充滿台式風味嘅糖水，令我想起逛完夜市去糖水店休息嘅時光😌配料同雪糕塞滿整個大碗，撈一撈底有好多配料😚👍而我的最愛係橙色紫色軟Q煙韌放滿滿嘅芋圓🥰香芋雪糕香芋味重，配合其他配料一齊食特別好味😋

上午只是吃了個迷你月餅便外出，忙了6-7小時才有時間坐下來，肚子實在等不到晚上才開餐，唯有在附近找找吃平時經過附近也只是到主商場嘟八達通享乘車優惠，今次倒可試試新式「冬菇亭」的美食難得星期六日也有下午茶供應，而且選擇頗多主食跟餐飲，仲可以多個選擇加錢轉甜品所以決定試試叫了個迷你肉燥雞扒飯，在電視螢光幕上見了介紹芝麻糊自家制，有點期待😚點知加$15居然係迷你嘅芝麻糊？？？一陣食下睇下係咪咁正值迷你肉操炸雞扒飯-炸雞扒熱辣辣係出晒煙嘅 ，但係個肉操醬汁就有啲似快餐店式果尐汁，似開粉打芡果尐咁冇揀免費餐茶而用所謂嘅優惠加$15叫咗個自家製芝麻糊老實講出去糖水舖食碗芝麻糊廿元左右，依樹要加$15仲要原來係迷你版，其實唔平囉碗芝麻糊色澤亮麗烏黑（好似讚緊頭髮）但香味欠奉，唔多似係自己用黑芝麻打磨製作～失望食落無乜芝麻香；所謂嘅優惠價比$15唔多值兩樣食品一個OK一個不太滿意，拉平！

1️⃣ ⭐️特大雜果爺爺 $69 (8/10)⭐️用嘅係3.6牛乳軟雪糕🍦超香滑🤤好濃嘅牛奶味，味道比一般雪糕甜少少，但因為咁溶到落啲生果到都好好食😙中間有好多唔同種類嘅生果🍌🥭🍉🍈最大驚喜嘅係食到底嘅鮮椰果果凍🥥大熱天時食一流😛超清涼🤤2️⃣ 三重芝士粟米豬頸肉飯 $37 (7.5/10)見到碗飯已經覺得好吸引🤤好有粟米忌廉湯嘅味道🌽加咗啲芝士仲有焗飯嘅味道🤪啲汁多到啖啖都汁撈飯🤓3️⃣ 迷你香菇肉燥飯 $30 (6/10)呢個肉燥飯味道就差少少🤨肉燥唔太多味，撈飯會最淡咗😚而香菇就真係兩粒菇好😅蘿蔔又唔夠甜😟不過唔好睇細細碗，其實都好飽😗(女仔份量夠曬食)4️⃣ 木瓜鮮奶 (跟餐加) (7/10)超級原汁原味嘅木瓜鮮奶😍睇佢結身程度就知用咗幾多木瓜🤓好有木瓜味🤪懷疑淨飲一杯都夠飽😛

之前美林區食早餐選擇好少。如果唔過大圍嘅話，剩係得翠X丶大家X丶麥當X同飲茶。終於！終於！終於！有多一個新選擇！大飯堂增加早餐時段，比居民多一個選擇。早餐menu 同下午茶差唔多，食物質素冇變，唯一唔好嘅地方就係開九點。希望佢哋越做越好，可以加多啲唔同新嘅嘢落menu

食左飯好似仲有少少位，一定係要食碗糖水來個終結😂 唔洗諗啦，已經衝左去大飯糖😋今日天氣真係好熱，特別想食雪糕，最後叫左”波波池”。呢碗野真係幾抵食，自選2球雪糕，小丸子，3色芋圓，紅豆同埋西瓜波波。紅豆有少少甜好好味👍🏻 小丸子同芋圓都好煙韌，我會將d小丸子推埋d雪糕度令佢有少少硬，我覺得咁樣d小丸子會更加好食芋頭味芋圓食到有粒粒芋頭，但係另外2個味就食唔出原材料味道。 西瓜波波雪得夠凍 食完成碗野飽晒

到大圍一般也不會碰到，因為在美林邨的巴士站。想不到果然是個很開陽的大飯堂，有台湾菜和小食，但這次我們是專來試甜品的。對没有budget 吃甜品的我，實在是大有收穫！Bailey 河粉配軟雪糕，Bailey 湯的酒味道恰到，河粉太爽口了🤤 有點兒失望是他們暫時沒有自家製作的芝麻軟雪糕。另一個甜品是很普遍的楊枝甘露。這個己多年来、在很多甜品屋吃過了，沒想到可以找到更好的，但原来也可以有突破！有半隻芒果藏在新鮮冰凍的芒果puree 底下，西米大大粒的，爽韌而不會溶在口裏，還有新鲜爽口的沙田柚。🥰 材料新鮮，不太甜，有心思💪🏻💪🏻

時不時都要去美林村既我，大飯糖已經成為左我既飯堂加上疫情關係冇得飛食下台灣野當去左旅行，心情都好啲位置係美林巴士站隔離，非常方便因為係冬菇亭改建，所以樓低超高，空間感好好，坐得好舒服三重芝士粟米豬扒飯芝士量係勁多，完全鋪滿哂成碟飯鍾意食芝士既一定要試個芝士汁係加左粟米落去，可以平衡番芝士肉燥鹽酥豬扒飯肉燥好惹味，應該係用左半肥瘦肉鹽酥豬扒吾會太干，厚度岩岩好咖喱雞扒飯咖哩吾辣，好香椰香味雞扒非常大塊，炸得岩岩好，咬落仲有好多汁

焦糖燉蛋(熱)配3.6牛奶軟雪糕$45 🍦想要冷熱交融嘅口感，除左揀心太軟配雪糕之外，仲可以考慮叫呢款甜品 焦糖燉蛋蛋香突出，而且甜度相當適中，配上又香又軟嘅3.6牛奶雪糕，定價$45實在係一個好親民嘅價錢，值得推薦超級榴槤山$78 🍨今次係我第一次品嚐榴槤甜品 未放入口已經有陣飄來榴槤之香嘅感覺但原來入口又唔係好重口味啫幾適合初級榴槤挑戰者去試下超級榴槤山包含綿綿冰，水晶，小丸子同埋D24榴槤球雪糕呢幾種不同口感嘅食材，很不錯

甜品甜品，好想食甜品！邊到有得食？網上看到網友推介，就專登過嚟一試。很久沒有到屋村裡食嘢，還要到新式類的冬菇亭食嘢，真的會好味嘛？環境可接受，都很乾淨。職員奉上餐牌，選擇困難症突然出現了😂！職員送上我們選的甜品，想了很久，都想𣎴超食物名稱，已忘記了😜！但甜品很有驚喜，雪糕牛奶味很濃郁、芒果綿綿冰，芒果味雖不太重，但冰都尚算綿😙！水果沒什麼特別，心太軟如果可以熱多一點點就更完美！

要試最新款的甜品有 10% 會作慈善用途草莓樂園一見實物，即刻 wow 左出黎 睇 menu 個時都無個這種感覺又有綿綿冰，又有成座山咁高 3.6 牛乳雪糕山 加埋新鮮士多啤梨 一次過滿足三個願望 享受 triple up 草莓綿綿冰真係用士多啤梨做，見到粒粒種子 味道酸酸甜甜的，像山楂餅原粒士多啤梨揀得都唔差 全部都是熟透的 有甜味，亦有酸味 配雪糕食就 perfect 啦堂食白色小丸子非常堅韌透明的啫喱以為是荔枝味 但其實無味 haha