大食代 (已結業)

看到美食廣場選擇多，又碰巧是我喜愛的下午茶時間。一般都是留意到越式食店以粉麵作為午後茶點，看到此店有越式米紙卷，買了來試試。看上去挺豐富和吸引，吃到粉絲的爽滑、生菜和甘筍的新鮮爽脆、柔軟的米紙、札肉和一些肉碎，內裏有一些越式醬料的味道，有特色但味道可能較個人化。而放了香葱、粉絲和肉碎的蝦片，我就認為較合本人口味了。其實都是有質素的食品，但要視乎個人是否喜歡越式味道。

很多人都覺得食Food court就必定是頹食，不過其實現時Food court的食物質素不比一般餐廳差，有時更可以找到心水之選，每次見到Food court都會自動過去點餐。今次在鑽石山大食代又食川菜，晚飯時間都多人排隊，差不多等5分鐘落單，再等10分鐘才有餐點到手。麻辣牛肉麵，沒想到牛肉和湯是分開上。麵條不會煮得過軟，份量非常多，而牛肉麻辣味極香，不過略嫌麻度及辣度不足，如果可以要重口味一點會更好。豆漿的糖沉在底，上層無味，記得先攪拌才飲用。

因上堂前要醫飽我的五臟六腑的關係, 去左呢間搵野食...行左一圈, 選了蠔仔肉碎米線, 湯底我就選了蕃茄濃湯...好啦..有得食啦...米線都幾大碗, 而且仲送一個小食..我選了滷蛋, 原來除左滷蛋外, 怇俾左好多油菜..個湯底好香的蕃茄味, 而且又唔會太喊, 味道剛剛好仲有蠔仔都唔少, 都幾多, 味道好鮮好甜仲有加左好多勝瓜... 好足料不過隻滷蛋就不太入味..但成個餐$39真係唔貴...而份量好大....

呢間位於鑽石山荷李活廣場既food republic 集合了不同國家既食物，迎合不少人的獨特口味。通常啲人都覺得，呢啲food court 啲野食通常都唔好食得去邊架啦。筆者食過幾間，都覺得只係合格水平，不值一晒。但唯獨一間我認為值得一提既，就係當中既越南餐廳。'越南餐廳通街都係架啦'此言差矣。越南傳統生牛河唔係間間都整得好食，出面啲餐廳啲牛肉唔係太生就係太熟。真正既生牛河，係應該放上枱時係半生熟狀態，一拌個湯底，係面既牛肉就立即變色，此為上佳。而呢間餐廳就做到啦，而價錢都可接受，大概43左右(無飲品)。 

今日又去鑽石山荷里活廣場既大食代到食晚餐。見到間『泰膳』有個，52蚊，加野飲就要多6蚊。見佢咁得意就買黎食下。首先，個飯唔係講笑，真係滿滿既一大碗飯放入個菠蘿殼到，仲要係咖喱炒飯。成個飯有雞肉、約兩隻小墨魚、兩隻大蝦肉，當然唔少得菠蘿啦！個飯就炒到好香，食海鮮炒飯最重要係乜？緊係要有海鮮啦，咪以為好似個飯好似唔多，但其實係因為啲海鮮真係有份量。而個咖喱味唔會太重，岩岩好！最正係，如果你想個飯多啲菠蘿味/加酸味，可以直接拮個菠蘿殼既底部，逼啲菠蘿汁出黎調味。所以，58蚊食一個飯，又美觀、又好食、又飽、玩味又重，我覺得係值得既！

由於旁晚要到斧山道附近的鑽石山辦點事，所以晚飯在附近的荷里活廣場找速食。從自動電梯上到大食代，迎面見到「燒味」兩個大字。由於太太希望吃些簡單的，就二話不説走到收銀的地方購票了。我和太太都只喜歡簡單，就點了燒肉，灼菜全走，白飯和收銀處的姐姐推介的齋湯。幾分鐘之後我們已經捧著熱騰騰的飯菜埋位吃了。就在第一口例湯入口時就出現第一個「驚喜」，因為這湯是真正足料的齋湯，太太數了一下是用足十樣材料煲的。至於燒肉更加是喜出望外，新鮮兼皮脆肉香，看來店長所説的是自家燒的燒味所言非虛。我出外吃飯不常點燒味，但是這家小店的食物是可以推薦的。

睇完戲便走到大食代食tea, 但原來星期日是無下午茶餐供應（其實我也不知道平日是有或無）。退而求次買碗湯麵，其實在大食代有湯麵賣的攤位都算幾多，臺式、泰式、越式、港式、滬式等等……就在這間名為「川滬客棧」的攤位買了碗湯麵。菜肉雲吞麵$26 （甚麼也不包）菜肉雲吞有三粒，皮滑溜也包得實正，餡內肉多菜少，質感軟腍，味道有肉的甜甜地。上海幼麵好吸湯，軟綿綿質感帶麵粉香，吸了雞湯又帶一些鹹味，不過我相信湯底有味精。$26在大食代已算是便宜貨，整體ok可接受啦～

鑽石山龍蟠街3號荷里活廣場3樓FOOD CUORT 按國菜式區分檔位,大部份都是5,60元有交易,為住在附近的無飯家庭解決饍食需要。套餐印象中是$46-48元左右,已有泡、飯、蠔仔煎及豬軟骨窩,4項食物才收50元以下,心盤算著幾抵食。湯色半混沌, 像瓜湯隱約看到湯渣,先喝一心知不妙, 溫度半暖,是把餘廚放一起煲完再落鹽同味精,再喝只會使我壽命大減,最後變成去肥油的一碗味精水。肉燥飯, 面上的肉燥有色而沒醬油味,好似青紅蘿蔔湯, 慷慨淋了很多汁成湯撈飯,而肉燥的肉粒是鳳毛麟角之物,珍而重之吃完肉燥, 一半飯還是由它回收。蠔仔煎把它左翻右翻,找了2隻手指尾指甲大的蠔仔肉,蛋漿是加入了生粉, 卻無彈性又無蛋味,一塊薄薄的仲煎太老兼乾, 難以下嚥,吃了一半還是作擺, 不用委屈自己。豬軟骨豆腐窩, 下底舖了椰菜,食材是一早弄好再加熱, 只是加熱了,我吃時只呈微暖, 沒有完全翻熱,本身攤位衛生情況已經不佳,政府廣告都有教要徹底加熱才進食,但在無樣食得人的 , 只有豬軟骨是正常,人在這時要豁達,安慰自己萬一拉肚子是不會引致死亡。豆腐飽歷風霜, 放了一千零一夜,邊又老又硬, 也吸不到醬汁的味,我理智已

今日係family day,無飯主婦日，出左去冒x樂園玩完，就帶阿女去食佢喜愛嘅鐵板燒。  想話：其實以前去得好密，連lunch,tea time都會去食，因為呢類鐵板燒太多人鍾意食。  今次都唔例外，點左牛肉拼嘅套餐，實在太惹味了！！老公點左西冷扒，不過我就麻麻地，韌左d，阿女次次都點靈芝菇，食左5年，一歲已經食呢個。都真係好食，佢只係加小小鹽去炒就好夠味，前花依然係炒芽菜同油麥菜，雖然無轉過，但每次都勁食，我自己就好鍾意佢煎個魚，只係好普通嘅魚柳，但真係好香，best choice.其實每次黎食都食到大肚咁走人嫁！正！正！

之前有黎過食日式蛋包飯，幾抵食，味道唔錯。隔左幾個月再黎過，個booth冷清清的。叫左個蛋包飯加漢堡排。等左幾耐，期待地比我等到。一接過手，O左嘴。正所謂冇咁大個頭唔好戴咁大頂帽，佢地冇再用以前嘅碟，用左個勁大嘅盤子。個盤子底部有橫紋，D飯係晒D橫紋，食得好困難，而且令人感覺好唔衛生。個蛋包飯縮晒水，幾啖就食完。兩塊漢堡排味精太多。食物size細得好可憐，但個盤子太大，比例唔對。完全冇水平可言

到鑽石山行街街,到了晚飯時間,太太建議食food count,是蛋啦!叫左:越式三寶飯配冬瓜湯+菜心冬瓜湯:清甜可口,可以喎.菜心:清甜幾嫩,唔錯呀!越式三寶飯:有炸豬排,炸雞翼,扎肉.睇落賣相一般,但入口非常正,豬排香脆可口好入味,雞翼唔乾身肉幾滑,扎肉有口感都幾新鮮,特別在於個葱油好正,走去問呀姐要多2碟用來餸飯,超正!有機會會再去幫襯.

今日同個朋友去鑽石山行街，一睇手錶三點三下午茶，所以我地就去左大食代食下午茶，個到有各式各樣嘅野食款式，我哋猶豫左好耐，最後都係韓式野，我哋叫咗個拉麵同埋一個雞肉拌飯，我覺得個拉麵好好食，因為係其他地方食拉麵個拉麵吾辣又林，但是個到啲拉麵整得軟硬適中，味道又辛辣好好味，而個雞肉拌飯味道剛剛好，係攪拌嘅時候啲飯發出沙沙聲，雞肉拌飯既香味慢慢湧上來，聞到都流晒口水。下次再去一定會再試其他檔嘅美食

原本是想吃元氣壽司，但經過大食代，看到一間新開的日式燒烤店"Xpress Teppanyaki"，是由廚師即場燒食物，賣相頗吸引，所以便試試看。因星期日的關係，等了20分鐘才有位，我們在排隊時先點食物，其後因想再看可樂的價錢，便問其中一位店員再給Menu，給Menu後回覆的是一個狠狠的眼神服務態度真差!但由於已經可以入座，也進去試試看，剛巧坐在燒食物的中央，油煙很多，不過可以看到廚師燒食物，他跟據客人點的食物，逐樣遂樣燒，速度亦算快。而我們點了牛柳粒、鵝肝套餐，包括1碗湯、飯及食物。牛柳粒頗咸，但不算太難食全晚最好吃的是鵝肝，超好食!!!!  燒起來亦不算太油，質感外脆內軟，入口即溶，故先後再點了轉鵝肝食。兩人加起來埋單300幾蚊，雖然整體食物不算太差，但感覺在Food Court內食的價錢頗不划算，新野試一轉就好了。

雲吞雞套餐 - 都幾大份，可以同人一齊分享，菜太生，如果可以煮「林」少少會更好。三餸飯 - 有例湯， 茄子嗰汁好黑，不過味道還可以。咕嚕肉，炸粉都幾厚下。叻喱雞薯仔，唔好食。人蔘雞湯 - 湯太清，無咩雞味可言，雞還雞，湯還湯。越做越唔好食，淨係識加價，裝修到好新咁，不過食物味道質素就無好到。

收工收夜左, 去到鑽石山得番food court揀唉!本人真係好怕食food court因為十次有十次都係伏!唯有今次小心翼翼的揀啦行左幾轉, 揀左間台灣野,好似幾抵食, 38蚊有飯有湯!呢個鹽酥雞扒菜脯蛋飯呀, 估唔到, 即叫即整, 幾有誠意呢~除左有雞扒同菜脯蛋外,仲有d肉燥, 唔錯!雞扒幾好食, 更估唔到係幾多juicy菜脯蛋由於係即炒, 有蛋汁, 但由於太多菜脯, 有d咸d肉燥只係普通既肉碎, 冇乜特別個湯好淡味同好多油, 飲左一啖就放棄左!成個餐夾埋都係38蚊, 幾抵食啊!衛生就令人有點卻步,係等餐期間, 見到佢d汁周圍擺又滴到周圍都係Um…不過都接受到總括而言呢間既水準都比一般food court水準高, 可以一試既~