大雞食堂

營業中

休息中

位於銅鑼灣的港式茶餐廳，以雞扒為專門主菜。全日有分不同時段的餐牌，有早、午、下午茶餐、全日餐，餐牌選擇款式不多，一目了然，除了主打的雞扒之外，還有豬及牛的選擇。下午茶餐：照燒雞扒公仔麵雞扒酥脆，燒得油香金黃，薄薄脆脆，有點像燒乳豬皮。雞件切好一件件，方便客人食用，雞肉多汁，肉質嫩口。湯麵跟雞扒是分開上的，清湯公仔麵，不會太濃味。跟餐附送熱飲一杯，其他凍飲或特飲要額外加錢，選擇了熱咖啡，濃香的咖啡香，餐後來一杯特別醒神。

落車見到這間新開的餐廳，招牌大字寫着「雞扒專門店」。門前貼着4張餐牌：早餐、午餐、下午茶餐和晚餐，每個時段一頁餐牌睇晒，似乎走貴精不貴多路線。好，就和朋友人試試看。.踏進餐廳，一邊是廚房水吧位，另一邊靠牆有一列雙人枱櫈，合拼就成多人餐枱，靈活而簡約，感覺舒適。.我叫了招牌雞扒，先生點了咖哩，水準甚佳，尤其那雞扒果然是招牌作。.🏅招牌蔥油雞扒飯配熱奶茶（$65）雞扒外觀吸引，夾一件入口，咔嚓一聲，外皮脆如燒肉，好厲害。我平日不多吃雞皮，以為試一口就會為雞扒去皮，誰知最後把這份雞扒連皮帶肉全部食曬。雞皮香脆不油膩的同時，雞肉也很嫩滑。蔥油做得翠綠無渣，比較淡口，蔥味不算特出。🏅馬拉咖哩牛肋條飯配台式珍珠鮮奶茶（$81）一上枱見到是肥瘦相間的坑腩已知必定好食，果然牛味香濃，肉質腍中帶爽，用料靚加上炆得夠時間，連同香噴噴的咖哩醬，又是全清。馬拉咖哩濃郁，辣度溫和。跟餐的熱奶茶不用加錢，是地道的港式奶茶。台式珍珠鮮奶茶要加錢，珍珠煙韌，奶茶相比港式就淡得多了。