大雞食堂

營業中

休息中

我今日約同好友去銅鑼灣時代廣場shopping ，好友推薦《大雞食堂》午膳，近近地就不防一試，我地穿越鵝頭橋過去位於摩理臣山道10號地舖的大雞食堂進發，小店型式經營，食客頗多。我點左個 招牌葱油燒雞扒飯 $65，餐飲係百香果綠茶$11（跟餐）；好友點左個 馬拉咖喱牛肋條飯 $72 ，餐飲係台式珍珠鮮奶茶 $9（跟餐）。招牌葱油燒雞扒飯賣相不錯，雞扒燒得金黃香脆，雞肉嫩滑好味，廚師將葱油放在碟邊，好細心呀！咖喱牛肋條炆得軟腍入味，送飯一流，咖喱不太辣又好味；珍珠奶茶好好味，珍珠有咬囗，百香果綠茶好清爽。

店面小小但環境舒適 食物賣相同味道都好吸引 ⠀▸ 招牌蔥油雞扒撈丁 HKD$65 (全日特惠餐包熱飲) ⠀雞扒同撈丁雖然係好普通嘅嘢 但呢間嘅雞扒真係燒得啱啱好！有好香嘅炭燒味 肉質鮮嫩多汁 冇雪味 而且雞皮微脆 又大大件好厚肉 食起嚟真係超級香～ ⸜(*˙ᵕ˙*)⸝ ⠀撈丁嘅蔥油好香 份量俾得好足夠 啱啱好可以撈晒成個麵⠀食到尾會覺得有少少乾 但係本身揀燒雞扒+撈丁呢個配搭都預咗會偏乾身⠀下次會想試埋有汁嘅咖喱燒雞扒飯！⟡

新開張🤩🤩CP值勁高親民價錢！裝潢偏日式木系嘅簡約風格老闆超著重質量，全炭燒生雞扒✨全部即叫即整，食好西都預左要等㗎啦！招牌蔥油雞扒撈丁🍜雞扒超大塊！外皮勁脆，中間好嫩滑仲有啖啖炭燒嘅味，勁正係香港地真係好難搵到間炭燒生雞扒！出前一丁軟硬度適中，撈埋蔥油勁香～台式珍珠鮮奶茶🧋採用紅茶底，聞落勁香唔建議揀無糖～唔係會冇咩味咁📍 大雞食堂 (銅鑼灣)銅鑼灣摩理臣山道10號地舖#銅鑼灣美食 #銅鑼灣茶記 #親民價錢 #蔥油雞扒 #珍奶控 #台式飲品

今日想同大家分享下我最近試過嘅全日特惠餐，真係好抵食！招牌蔥油燒雞扒飯 $65生燒雞扒外脆內嫩，好juicy，蔥油香氣四溢，配上白飯，簡直係完美搭配！每一啖都令人食指大動，特別係果啲蔥油，真係好味到唔想停口。蔥油燒慢煮豬頸肉撈丁 $70豬頸肉煮得剛剛好，肉質軟滑，唔會太油膩，食得出用酒醃過，好香口，配埋香噴噴嘅蔥油，味道更加升華。撈丁嘅米飯吸收咗豬肉嘅精華，食落去真係好滿足！全日特惠餐仲跟熱飲，凍飲加3蚊，熱檸水同凍檸茶都係水準以上，好好飲，為依餐美食畫上完美句號。總括來講，呢個全日特惠餐真係性價比高，無論係味道定係份量，都值得一試！環境又舒適 ，可以慢慢坐唔趕人走，一於下次再嚟！評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@ dachicanteen大雞食堂銅鑼灣摩理臣山道10號地舖📍銅鑼灣港鐵站A出口7分鐘路程#healingbobo #foodie #hkfoodie #foodiehk #香港 #美食 #銅鑼灣 #CWB #雞扒 #珍珠奶茶 #下午茶必選 #香港美食 #香港探店 #100家探店計劃 #銅鑼灣美食#dachicanteen #

今日我嚟到銅鑼灣嘅大雞食堂，今時今日專門做燒雞扒一味既餐廳真係好少見，佢哋就係咁樣專精做出咗極高質既風味同口感，仲有勁親民嘅價錢同埋完美嘅味道，超抵食今次試咗佢幾樣嘢，首先就係佢哋嘅招牌蔥油燒雞扒飯。一睇就知啲雞扒煎得外脆內嫩，蔥油嘅香氣全部融入咗雞肉入面，好食到無野講🥹跟住就係馬拉咖哩燒雞扒飯。咖哩醬用咗好多種香料，味道好濃，有一種淡淡嘅椰香同埋一點辣味，真係好開胃。雞扒照樣烤得外脆內軟，加埋咖哩醬，真係食到停唔到口。最後，當然唔少得嘅就係珍珠奶茶。奶茶味道好濃，甜度啱啱好，唔錯👍🏻

💜 招牌蔥油雞扒撈丁蔥油好香，一上碟就聞到香噴噴嘅蔥香，唔會有油溢味，雞扒都算大塊，分到四塊，而且外面係乾脆嘅狀態，有啲似日式燒鳥嘅嗰款皮，唔會油淋淋，入面啲肉質都幾多汁。🧡 難得見到有燒雞扒刈包當然要試吓啦，原來刈包係有啲類似饅頭咁，都幾軟熟，夾上餐廳超出名嘅雞扒勁正，又夠厚身，味道十分唔錯，建議大家要食得快啲，如果唔係雞扒汁就流入包，影響質感。✅ 份量超大✅ 性價比高✅ 環境乾淨✅ 坐得舒服✅ 唔趕人走✅ 員工友善

終於有機會到訪呢間隱世燒雞扒小店，地點位於銅鑼灣同灣仔之間，地方唔算大，但裝修modern簡約，坐得舒服。餐牌有十多款全日特惠餐選擇，入面包咗熱飲，凍飲+$3，亦有珍珠奶茶及百香果紅茶選擇。據聞「蔥油燒雞扒飯」、「蔥油燒雞扒撈丁」、「咖喱雞扒飯」係小店嘅鎮店之寶，今次點咗其中兩款試吓先。蔥油燒雞扒飯（$65）- 不愧為雞扒專門店，雞扒表面燒得非常香脆，帶微微焦香，雞肉入口好嫩滑，果然非常高質好味。蔥油燒雞扒撈丁（$65）- 雞扒質素一樣咁高，無論係雞扒飯或者撈丁，餐廳亦有提供蔥油，撈埋麵或者飯一齊食，味道特別正。飲品分別點咗凍奶茶及凍檸檬茶，奶茶茶味夠晒濃，入口亦香滑，下次要試吓佢嘅珍珠奶茶。除咗堂食，餐廳亦有提供外賣，食物質素好高，價錢亦相當合理，要推介俾鍾意食雞扒嘅朋友。

銅鑼灣呢間新開冇耐既小店吸引左我既眼光。店舖環境舒服，座位都闊落。野飲方面比較簡約，清甜解渴已足夠。餐點選擇也有不少，主打雞扒。於是就叫左雞扒飯啦，一於試試先。個個雞扒大大塊，外表香脆又多肉汁​，超級超級邪惡呀。肉質都好嫩滑，飯粒亦相水分明同有咬口。成個飯都好足料呀，蔥油勁香，令人回味無窮。食完之後真係一個令人滿足既味道呀，有幾款下次都想試下。下次路過呢邊再試下其他先，佢個份量真係幾足料，而且環境真係夠哂舒服呀。

去開灣仔個邊開會，同事介紹食呢間燒雞飯，話雞皮好脆又惹味，果然無介紹錯。——熱門菜式蔥油燒雞扒飯 $66蔥油控無法抵擋嘅蔥油送飯呀加上生燒雞扒外脆內juicy ，全日食幾時食都又飽肚又fulfilling! 餐廳幾貼心，app上點餐可揀少飯或多飯！馬拉咖哩牛肋條飯 $73馬來西亞咖喱用椰漿減低辛辣和提升香味，味道比較平和，啱哂我唔太食得辣而且用月桂葉、羅望子、香芋等多種香料，辣中帶甜。牛肋條軟熟，索哂醬汁好入味！

平時去到銅鑼灣比較少去銅鑼灣街市後邊覓食，今日就試吓去嗰度食一間好味嘅燒雞扒啦。去到餐廳嘅時候都已經係下午茶啦，但係老闆知道我想食雞扒撈丁都特登煮俾我食。呢啲人情味一定加分啦。而且好少餐廳會再咁樣照顧顧客嘅感受㗎啦。我就叫咗雞扒撈丁啦，朋友因為食咗午餐，所以佢叫個下午茶雞扒刈包就夠啦。雞扒撈丁嚟到啦。雞扒好香煎到皮脆肉嫩，肉質好滑，而且咬落去嘅仲會唧晒啲肉汁出嚟添。面底一定係出前一丁，煮得熟到啱啱好，煙煙韌韌絕對唔會過淋。靈魂醬汁一定係蔥油，蔥油放到落去公仔麵上邊撈埋一齊令到公仔麵分開而且咬落去油香滿面，香味十足。餐廳細細餐飲竟然可以選擇珍珠奶茶超正。朋友諗住食雞扒刈包細細份啦，點知塊雞扒勁大塊，上面亦都都係鋪滿咗蔥油。淡淡咬落去都好香。原來蔥油雞扒係咁夾㗎，就算你係食麵包食公仔麵都一樣好食。果然燒雞扒喺呢度嘅招牌。滿足嘅一個下午茶啊。

前排經過灣仔見到呢間大雞食堂，見到餐牌超級吸引，有好多撈麵嘅選擇，於是今日有經過就去食埋個lunch☺️叫咗個蔥油煎雞扒撈丁簡直係驚艷，自問平時都係少食撈麵嘅人，但今次撈丁簡直係令我眼前一亮，首先鹹香嘅程度捉得恰到好處，唔會有過鹹嘅問題，而且值得一讚嘅係啲面都仲好爽唔會過淋😎 最值得讚賞嘅就係個雞扒，外脆內嫩，食落勁Juice，而且啲雞味好重，食到我舔舔脷，簡直係舌尖上嘅享受，超正🤩另外仲叫咗個蔥油豬頸肉撈丁一樣咁正，豬頸肉爽身又咬口，而且配搭埋啲醬油更惹味，但個人都係更加鍾意雞扒😍另外食撈丁㗎唔少得叫番杯凍鴦或者係凍奶茶啦，正常發揮，少甜而且凍冰冰，夏天飲一流🤩環境都算舒服，而且唔會趕人，上菜速度都快🥳

間鋪頭個名感覺特別,所以想試吓今日過咗一點半先到,裡面唔多位但都仲有位,枱與枱之間少少迫咁,職員都nice用QR code 落order, 不過選擇唔算多,除咗雞扒,都有吉列豬扒同豬頸肉等,不過去呢個時段好多都售完,連常餐都冇哂😅我地都叫雞扒,燒得幾靚連皮食都冇乜肥膏呢個幾好☺️肉質都算嫩滑,咦~皮燒得好脆我以為食緊炸雞😆聽飯脚講飯係珍珠米,口感不錯如果多啲豉油餸飯仲好,葱油份量都ok,飯腳覺得今次幾好味（佢食過幾次）,我覺得田園蕃茄味調得幾好,餸飯好夾,有蕃茄肉不過加啲綠色菜會更好😆杯奶茶對我黎講幾好飲,唔加糖都啱啱好😊

發現咗銅鑼灣一間專食雞扒嘅餐廳。大雞食堂好明顯主打就係食雞㗎啦，出名嘅蔥油雞扒飯仲有馬拉咖喱雞扒飯。馬拉咖喱雞扒飯重點都係喺個雞扒嗰度，雞扒經過精心醃製，真係做到外皮酥脆，肉質鮮嫩多汁。配以濃郁的咖喱醬，散發出誘人的香氣。這款咖喱的香料層次豐富，辛香四溢，適中嘅辣度使整體味道更添深度。米飯則選用優質米，散發著淡淡的米香，與咖喱的濃厚滋味相得益彰。每一口都是完美的搭配，讓人忍不住想多吃幾口。最緊要就係新鮮整出嚟成碟飯熱辣辣。其實都想試埋蔥油雞扒飯，不過一餐裏面真係食唔落下次先至再嚟。

hidden scallion oil crispy chicken @dachicanteen in Causeway Bay, Hong Kong 🐓 crispy outside and tender juicy inside 🍗 don’t miss out on their aromatic scallion oil dry noodles 🌱 paired with bubble tea 🧋with a simplistic interior and affordable prices香港銅鑼灣隱世雞扒專門店 @dachicanteen 🐓 大大塊雞扒 外脆內嫩 滿滿肉汁 🍗 招牌蔥油撈丁 濃濃香氣 🌱 仲可以配珍珠奶茶🧋裝修簡約 價錢親民🍜 招牌蔥油燒雞扒撈丁 HKD$65雞扒金黃 香脆嫩滑 🍗 麵條彈牙 🥢沾滿蔥油 🌱 蔥薑爆香 🫚 濃郁香氣🍛 馬來咖喱牛肋條飯 HKD$72牛肋條燉煮軟腍 🥩 米飯粒粒分明 🍚香料濃郁芳香 🌱 帶點椰奶的甜 🥥🍋 檸檬茶 凍飲 +HKD$3茶底醇香 🧊 冰涼清爽🧋珍珠奶茶 轉配 +HKD$9清香順滑 🍂 珍珠煙韌📍銅鑼灣摩理臣山道10號

生燒雞扒外脆裏面好juicy好爆汁，外層的金黃酥脆與內部的鮮嫩多汁形成鮮明對比，令人垂涎欲滴。搭配咖喱汁～ 勁香好惹味😍😍和一杯珍珠奶茶，絕對是完美的組合。此外，蔥油雞扒撈丁👀蔥油超香😍😍連埋撈公仔麵🍜好好吃🤤#大雞食堂 #dachicanteen #雞扒 #珍珠奶茶 #下午茶必選 #香港美食 #香港探店 #香港雞扒飯 #100家探店計劃 #跟住jj去搵食 【銅鑼灣🐔大雞食堂】地址: 銅鑼灣摩理臣山道10號地鋪