大雞食堂

營業中

休息中

位於銅鑼灣的大雞食堂，從時代廣場走過來只需5-10分鐘。每次在銅鑼灣不知道吃什麼的時候，我都會來這裡，真的是一個很棒的食堂！店內的裝修以日式木系為主，簡約又舒適，讓人覺得很放鬆。雖然座位不算太多，但每次去都是坐滿人，人氣超高！🥢餐牌主要以雞排為主，我已經試過大部分的款式，最愛的是：- 咖喱雞排飯：雞排的炭燒味超香，米飯使用的是日本珍珠米，真的很用心！🍚雞扒上桌時已經切成小件，皮烤得脆脆的，咬下去能吃到濃濃的炭火香味，雞扒嫩滑又多汁，簡直是人間美味！📍銅鑼灣摩理臣山道10號地舖如果你在銅鑼灣附近，千萬不要錯過這間超值的食堂，快來試試吧！#銅鑼灣 #hkig #香港 #hk #fashion #china #food #foodporn #instafood #yummy #foodstagram #foodphotography #delicious #foodblogger #foodgasm #foodlover #instagood #tasty #love #dinner #eat #healthyfood #foodpics #dessert #yum #lunch

呢間幫襯咗一段時間，我住康城，係由中環放工特登行好遠去買返屋企同家人食，有次仲同老細好好傾。奈何，班員工睬你都傻。因為鍾意多汁撈飯，但好多次外賣都唔夠汁(落單已講多汁)，所以之後加$1要求汁另上。今日攞外賣時發覺汁無另上，入去同師傅講，師傅態度差，話太多單漏咗做唔到，亦堅持唔肯補番。其實呢間次次都好好生意，我哋都算熟客，自己漏咗都唔肯做番俾你，仲要話多單搵藉口。一個鐘之後返到屋企，果然係完全唔夠汁，個檸茶仲離譜，完全冇少冰，淡到好似水咁(因為住得遠，冇少冰，啲冰融晒，個檸茶就溝淡晒)，真係好嬲囉！香港依家經濟環境咁差，好多食肆都做唔住，但呢間就串啦，有生意但態度差，其實你補番個汁俾我咪OK，點解咁都拒絕呢？同埋當初如果佢夠多汁，我根本唔需要汁另上再額外加$1。

銅鑼灣出名既雞扒飯，小店feel坐位都唔多，環境乾淨算舒服👍🏻招牌蔥油雞扒飯 + 凍檸茶 ($65 + $3)雞扒微脆，肉正常唔滑唔鞋，個人口味希望調味多小小，飯同汁正正常常，可能果日肚餓，$65黎講份量有啲細未必會再幫襯😂

有時候唔知想食啲乜嘢，突然間好想食雞扒，搵到呢一間於是就試吓，又幾驚喜喎😍坐底完全無乜點諗就叫招牌蔥油燒雞扒撈丁，一上到，好香，雞扒已經切好件，個皮超脆 🤩有陣炭香味，肉又嫩又juicy 🥳 蔥油撈丁本身無得輸，我欣賞個汁調得啱啱好，唔會過咸👍🏻 奶茶茶底偏澀，奶可以多少少會可能會啱我啲🫣店舖唔大，印象可以坐到二十幾、三十幾人。環境坐得尚可，我坐近廚房油煙就大小小。下次有機會試馬拉咖喱燒雞扒先😗

今日要去鵝頸街市附近買野, 買完途經見到呢間餐廳, 入去醫下肚, 餐廳幾乎全滿, 食客不斷進進出出, 都幾多人💫馬拉咖哩雞扒飯咖喱醬濃郁而帶有微微的辛香, 與米飯完美結合, 雞扒外皮金黃酥脆, 好有光澤, 內裡鮮嫩多汁, 帶有淡淡的鹹香, 與濃稠嘅咖喱醬配合得天衣無縫, 每一啖都充滿層次感🤤呢碟飯一d都唔頹, 而且係越食越開胃, 好滋味, 好味道內心係唔想咁快食完嘅感覺😆😂🥤凍檸茶 - 茶底濃郁, 有微微澀味, 同檸檬酸香剛好👍雖然位置偏離左Times Square少少, 但黎開銅鑼灣真係好值得去食, 價錢親民又好食, 店員好有禮貌🫶🏻今次係食lunch, 2點半有下午茶, 下次經開會再去試埋佢嘅珍珠奶茶😍

今日發現咗一間小店，叫做大雞食堂，聽個名都覺得有啲親民嘅感覺，一入到去發現呢度啲音樂好正，這間成個人都開心曬，室內裝修都係行型格路線，講返啲嘢食先馬拉咖哩牛肋條飯馬拉咖哩牛肋條飯(正常), 熱檸水$72.0以為呢度剩係得雞食，原來仲有馬來咖喱，咖喱唔辣啱曬香港人口味，牛肉煮得好腍，唔會嚡口，好送飯招牌蔥油雞扒撈丁招牌蔥油雞扒撈丁, 台式珍珠鮮奶茶 (凍)(正常, 少甜)$74.0呢個係最吸引眼球嘅，見到招牌蔥油就知道夠曬香濃惹味，果然名不虛傳，冇令我失望，撈丁本身已經濃郁惹味，配搭埋蔥油簡直係錦上添花，雞扒又大份，啲皮仲脆嘅，問咗店員原來佢哋唔係煎雞扒係燒雞扒，真係用心製作順帶一提，餐飲又得加錢換珍珠奶茶，估唔到呢度除咗嘢食好味之外奶茶都唔錯，大家記得加購啦呢度簡直可以堪稱係一個食堂，成日嚟食都唔會厭，住附近嘅朋友仔有福啦

餐廳面積小小但環境舒適，重點是不會趕人離座，逛到累了可以吃點輕食小休一下。供應港式美食，大部份菜式都是用雞扒來做主打，每一份餐點沒有太多的花巧，但勝在用心製作，價錢更是超抵！招牌蔥油雞扒撈丁雞扒上枱已經切件，皮烤至脆卜卜，吃得到炭火香味，雞扒嫩滑濕潤爆汁麵條Ｑ彈配上香鹹的蔥油，吃來口感很好。馬拉咖哩雞扒飯咖哩香氣撲鼻而來，醬汁濃郁，不會太辣，但卻很惹味而且份量好足料，配上白飯味道一流。台式珍珠鮮奶茶珍珠口感Q彈，淡淡甜味， 奶茶味道反而更似港式奶茶，但勝在入口順滑。百香果紅茶兼具酸甜和熱帶風情的美味，加入百果香粒增添口感。

大雞食堂係銅鑼灣一間專食雞扒嘅小店，雖然舖頭唔大，但係味道唔錯，如果大家同小編一樣好鬼死鍾意食雞扒嘅話，呢度都幾適合嚟食，無論係飯定面都有，仲要每一個菜式上面塊雞扒都係大大塊，非常滿足！.🐷招牌蔥油燒雞扒撈丁
雞扒外皮燒到脆卜卜，咬落去肉質超嫩滑，蔥油份量多，香氣十足，啖啖都有唔會太少蔥油！！撈丁嘅口感彈牙，撈埋啲蔥油一齊食，真係無得輸！.🐷馬拉咖喱燒雞扒飯
咖喱香濃帶少少辣，不過大家放心，應該10個人有9.9個都接受得到！雞扒外脆內嫩，撈埋咖喱汁同飯一齊食，味道唔錯，如果醬汁嘅份量可以再多少少嘅話就更加Perfect了！～.🐷珍珠奶茶
一路食一路飲返杯珍珠奶茶，茶味夠濃～珍珠夠Q彈，甜度剛剛好！（少甜比較啱小編！）.大雞食堂
📍 銅鑼灣摩理臣山道10號地舖.#吃貨日常 #香港 #茶餐廳 #雞扒 #銅鑼灣美食 #hkfoodie #foodiehk #銅鑼灣好去處 #香港美食

平時真係好少行黎摩理臣山依頭， 咁岩要到附近整啲野，整完經過「大雞食堂」就決定簡依間食lunch。 見到入面滿滿都係人，睇黎好受歡迎👀餐單價格合理， 午餐大概$56-$70 不等 ， 下午茶餐更低至$32 都有。 唔怪得知咁多客🙂‍↕️名都有講係食雞， 依間最出名就係雞扒，點可以唔叫🥳 🐔 招牌蔥油雞扒撈丁（$65） ： 見到唔少人都叫依個， 仲可以額外加蛋👀 見唔少人都加左。 雞扒外皮香脆有光澤， 肉質鮮嫩，配埋蔥油好香，蔥油撈埋麵更加帶出到味道👅 🧋 台式珍珠鮮奶茶（套餐加配$9） ： 同出面既茶飲店拍得住😋絕對值回票價😋珍珠軟糯唔會伏！

今日lunch叫左招牌蔥油雞扒撈丁，加咗杯台式珍珠鮮奶茶（總共$74）🍜蔥油雞扒撈丁呢個真係必叫😆雞扒份量好夠，煎到個外皮超脆口中間好juicy多汁～再配埋出前一丁撈埋爆香嘅蔥油，好香口😋食到停唔到口啊🧋台式珍珠鮮奶茶我揀咗少甜，少冰一飲落口，係記憶中台式飲品嘅味道～今日好幸運，我一個人嚟，唔需要搭枱直接入到。📍大雞食堂（銅鑼灣）銅鑼灣摩理臣山道10號地舖

推薦呢間雞扒！食lunch時間超多人排隊 但上菜超快！招牌蔥油燒雞扒撈丁 - $65雞扒外皮金黃酥脆，內裡肉質鮮嫩多汁，搭配香濃的蔥油，味道十分誘人。蔥香味撲鼻而來，但又唔會好油 岩岩好！田園濃茄燒濰扒飯 - $65扒飯的醬汁濃郁，番茄的酸甜味道讓人食欲大開 與米飯的搭配十分和諧。每一口都能感受到醬汁 岩岩好！大雞食堂 (銅鑼灣)銅鑼灣摩理臣山道10號地舖#香港好去處#打卡#cafe#生活#小記錄#隨心一拍#相機先食#美食

平時搭巴士路過呢個地方，今次係呢度食lunch啦~銅鑼灣黎講，全日套餐個價錢都抵ge~閑日lunch去見到都多人叫外賣~ .-招牌蔥油雞扒撈丁 $65台式珍珠鮮奶茶（凍） 另外+$9 好耐無食撈丁啦~ 感覺好有罪惡感~因爲好多蔥油。整體鷄扒好脆身~而且好juicy！！珍奶可以少甜。有蜂蜜味，幾特別。鍾意用外賣杯裝，可以拎走~ 嘻嘻(●'◡'●).-馬拉咖哩雞扒飯 $68野飲叫左茶走~ 用煉奶沖的奶茶真係好好味~😋可以叫少飯。咖喱有少少辣味。同印象中的咖喱差唔多。呢個鷄扒一樣好味！

講開食雞扒，大家都會諗起掃街拎住一大塊食，今次坐定定嘆燒雞扒。閒日中午，無論堂食定外賣，都好多人等佢。坐位唔多，小店格局，講到明雞扒專門店，60幾蚊一個燒雞扒飯，仲要全日供應，的確幾吸引。招牌蔥油雞扒飯馬拉咖哩雞扒飯主角雞扒外皮焦脆，肉幾嫩口，兩個飯嘅雞扒出品都保持到。邪惡嘅蔥油與雞扒一拍即合，而且唔會有燒味夾蔥油嗰種膩嘅感覺。至咖喱，惹味，少辣香口，會有另一番風味。台式珍珠鮮奶茶唔好錯過跟餐加錢轉珍珠奶茶，有茶飲店水準，嘆雞扒再嘆珍珠奶茶，一次過滿足晒兩個願望。

今日去咗銅鑼灣，見到附近有人推介呢間食雞扒嘅餐廳！於是毫不猶豫便上網搵吓點去，原來喺鵝頸橋穿過街市之後就好容易去到。招牌蔥油雞扒飯雞扒大大份，夠鮮嫩，多肉汁，最正係個外皮脆卜卜！配合埋自家製嘅香蔥油，真係好好味！招牌蔥油雞扒撈丁呢款係另一款餐廳嘅招牌菜，當然雞扒同樣Juicy 酥脆，而一丁口感Q彈，十分美味。台式珍珠鮮奶茶揀咗少冰少甜，正合我味道！珍珠Q彈，奶茶順滑，唔錯唔錯！凍檸茶係我至愛的茶餐廳味道。

出街食飯閒閒哋到要三位數，呢間位於銅鑼灣主嘅小店，主打快靚正撈麵同飯餐。麻雀雖小但五臟俱全，平日晚上到訪都要排隊，閨蜜、情侶、同事、一家大細、單丁，咩組合都有，估佢唔到，深受大家歡迎。馬拉咖哩飯結合咗馬來風味嘅咖哩同港式肉類、有豬牛雞可以揀，咖喱唔辣，飯粒粒軟糯，牛肋條煮至淋身，牛味出，啖啖肉、豬頸肉燒至微微脆，帶點咬口，個人都幾鍾意。鍾意撈麵嘅朋友千祈唔好錯過呢度嘅撈丁，麵條煙煙韌韌，加上蔥油香氣都幾正。