大阪日本料理 (已搬遷) 新店位置

因為係尖沙咀返工，食到冇嘢好食，所以去搵曰本嘢食。我order咗個58蚊嘅蒜片牛肉定食外賣，等咗一排，之後識員show比我睇下個lunch先包，好細心，仲教埋我點食，好似啲醬汁用嚟做乜，放係邊同點乜咁，好nice！而味道就一般啦，但係咁嘅價錢，我就食得好開心！而個裝修唔錯，店員有禮貌，我都想試下佢哋嘅dinner！揾到呢問餐廳都幾surprise!

都唔知道為什麼這麼多日本人去, 食物完全唔得, 是否我們是香港人所以沒有這麼好味道, 一客壽司(叫什麼?總之是第二貴的), 不知是什麼壽司, 比出面的差很多, 竟然收差不多200元, 其他食物不知所謂.炸蕃薯, 比較好, 但貴, $50 元, 五件.吃完後已經沒有心情再叫其他, 花錢都不知道吃了什麼.我們的practice是覺得好的, 會再叫, 錢也不是問題, 重要是好味道, 但已經blacklist, 不會再去

I wonder why there were so many japanese eating in this restaurant!every single dish we ordered was just pure disgusting, don't even mention freshdefinitely not worth the moneyeven sashimi from parknshop r betteri want to rate it 3 cry faces!!!

同個好朋友慶祝生日，諗左好耐終於揀左呢間試下...去到都幾乎滿座，好在book左位，三個女仔叫左個炸豬扒定食同埋一個牛肉火鍋套餐，最印象深刻係個燒銀鱈魚好好味，連平時唔鍾意食魚既朋友都讚！豬扒就好多肉汁，雖然炸完浸哂落d汁到，唔覺得脆，不過d味就甜甜地幾得意。而d牛肉就好新鮮同大大片，個湯又幾夠味。最正係個生果，哈蜜瓜甜到入心。D waitress都幾細心，係咁添茶，同埋好有耐心咁解釋d...希望可以快d再去試其他野！

因為睇到之前有評語話大阪午餐定食好抵食，於是20號就親身去試下勒！當日柯打左：- 三文魚生飯定食- 饅魚飯+ 凍烏冬定食- 炸南瓜三文魚生飯勁好食！片片三文魚都好鮮甜，重有淡淡既檸檬香味，三文魚片上泛著一陣油，但唔肥膩，重好甘香添~~~~一句講哂，好好食~~~~ ^^饅魚飯就得一塊饅魚仔咁大把，唔夠餸送飯&烏冬不過烏冬都幾有咬口，唔錯的！炸南瓜好甜，炸得岩岩好，好味！當日係一點幾到，冇咩人，附近都係老外同日本人，鮮有香港人

朋友生日，因爲佢想o係tst食日本o野，但係我地又book唔到table，所以我就上黎呢度search...choose左呢間野~1.o個晚間野o係我地到之前打黎問介唔意介意坐房~我就話唔介意。點知去到佢同我講因爲出面有位所以無得坐房，如果要坐就要收minimum charge，但係佢打黎o個陣又無講明。2.因爲我同朋友整左個蛋糕比壽星女，所以帶左去餐廳。。。大家要留意，如果o係佢o個度食自己帶o既蛋糕要收$1003.o個度d人成日行黎行去，但是d人好似唔想理我地o甘~佢地明明見到你舉手，但是又即刻望去第二度好似扮見唔到o甘。。。然後過一陣到佢見你開始不耐煩就同你笑笑口講好快好快然後又走左去。。。所以我地連等茶都等好耐。4.上菜勁慢。。。我地食完d sashimi之後等左好耐先等到d飯呀，麵呀o個d黎。。。等到我地呆‘日西’5.二百幾蚊一碟assorted sashimi，得o個幾舊，真係10隻手指都數得‘日西’~不過d野都ok好食但是只係普普通通。其實黎得呢度都預左貴，但是‘言念’唔到佢服務o甘差都夠膽o甘狼！今次每人大約$160,但是男仔就唔係好夠食，女仔都係叫做‘頂下肚’o甘~*

Assorted sushi was quite good. 關西sushi is not bad either. But somehow tempura was not crispy at all.

前幾日, 同個星架坡朋友到天勺食晚飯, 六個人叫咗兩碟魚精, 兩碟魚肝, 兩碟雜錦魚生, 一客天婦羅, 六個麪豉湯, 兩條燒黑班, 一碟長脚蟹, 仲有一碟燒雞串. 魚精, 魚肝, 同埋啲魚生都非常新鮮, 好好味. 我地仲叫咗一支大清酒(純)..... 埋單都係三千幾, 加上服務一流, 抵食.......魚精魚肝值得一試, 聽講仲話好補添加!

學習吃日本料理，很多人都從壽司刺身開始，但其實應該從便當開始。當然，在香港能找到正宗日式便當的地方不多，這裡的，是不錯。又同水貨王見面，今次佢有好路數，當然去邊度食又要跟佢。佢想吃地道一點的日本定食，原本京或大皿就最正路，不過感覺太「麻甩」，想找處斯文一點的，就來了這裡。話說以前都在這裡留低不少的酒樽，仲應該係醉得最多次的地方。又這裡門面幾神秘，相信都幾「趕客」的。但其實現時大部份侍應都識講廣東話，而餐牌也是中/英/日文對照的了。一時未夠來到，人客不多，以前這裡差不多清一色是日本客，現時本地客都有不少。我下午來這裡當然是吃日替，唔使諗又唔會失禮，朋友水貨王則要了壽司便當。渴口熱茶抺抺手，好快有得食。便當一分為四，由前菜、燒物、炸物、煮物都有，加一碗日本米飯及味噌湯，幾豐富。渴口味噌湯，味道對辦，不過鹹，有幾多的海帶及豆腐粒在內，不錯；轉戰便當，先吃前菜，是沙律。這裡的是，薯仔蓉加菜絲，正宗日式格式；燒物是鹽燒鯖魚，燒得外皮鹹香脆口，鯖魚雖然比較多幼骨，但肉質有魚味，尤其是魚腩部份的魚油，甘香可口，有水準；炸物是洋蔥豬柳，油了一點，幸好豬肉都不算韌，亦沒有給化學劑催殘過，配合生洋蔥，算可

今日小女子生日, 阿爸阿媽話要請我食餐特別好0既, 帶0左我同細佬0黎呢度食. 佢0地以前做過HK Tourism Board, 話好耐之前已經keep 住幫襯, 貪佢d 0野食authentic, 又好食.4 個人叫0左個"特別大餐" (menu 上個中文譯名真係咁寫0架wor -_-"), 刺身定食, 一盒海膽刺身, 同一個蝦天婦羅定食.海膽刺身:付送紫菜同青瓜絲, 俾客人"畢" 一羹海膽上d 青瓜, 用紫菜包住食. 但計我話, 因為實在好新鮮好鮮甜, 應該空口"畢" 0黎食, 嗒真d 鮮味... 嘻.刺身定食:有(魚立) 魚, 吞拿魚, 三文魚子同墨魚. 吞拿魚入口即溶的, 味好濃, 好正! (魚立) 魚就爽口d, 但有筋... 其他就一般啦.另外有一壺小壺清湯, 用冬菇, 雞肉, 魚旦, 白果同海蝦煲的, 好清甜呢, 我0地連湯渣都食埋. 仲要d 渣係唔嚡口的, 好得!"特別大餐":燒銀鱈魚: 我一向好怕食銀鱈魚, 西餐廳成日整到好油好漏, 食兩啖已經想嘔-_-" 呢度0個d 好滑, 但唔油膩, 又有d 酸酸甜甜的汁, 好好食呀! 可惜得一塊.. 哈哈!油甘魚

好多日本仔o既餐\廳...我叫o左個付皮壽司餐\盒, o的刺身好新鮮...付皮壽司好好味~~另外o的環境好企理~一於去試下啦~

上星期五朋友請食飯同我地去左呢間日本料理,呢度環境唔錯,都幾熱鬧,我地先叫左凍豆腐同冷麵(幼),豆腐好滑,冷麵爽口又彈牙,正!個燒\"白雪\"魚都好味,香、滑、甜!但雜錦壽司拼盤(竹)同雜錦天婦羅就較普通。大家不妨試0下呢度既茶壺湯,用茶壺裝住湯同埋好多湯料,倒落茶杯飲都幾得意!仲有呢度既加州卷都唔錯,而且好大件。最唔抵就係個雪糕球,我地叫左芝麻同綠茶味,一般貨色,三球一共$105。聽人講呢度既鍋幾鮮甜,我見對面枱人地叫左個牛肉鍋滿到就要瀉,好吸引!可惜我朋友怕熱唔肯食,下次我一定要試0下佢\既海鮮鍋! 三個人食到飽飽,埋單一千二百幾,都ok啦!

果日同朋友去食,見到個MEUN,D野咁鬼貴我平時呢D窮等人家邊有可能會去丫不過今次有人請,唔使理價錢,因為唔會肉痛嘛不如其他食客所講,真係好多日本人!ORDER左雜錦刺身----D魚生好厚,種類多,好鮮甜,口感一流!冷豆腐----以為好好味,點知真係麻麻,D汁只不過係普通既冷面汁...我係屋企都整到!成50蚊專...SUSHI----點左赤貝,甜蝦,饅魚但比我想像中差好多...D飯一D都唔好食,又硬我敢講我仲整得好食過佢炸物---炸雜菜....呢樣又真係幾好吃,好脆,好爽!埋單兩個人食左7百幾蚊,都幾貴!同埋食物種類唔多整體黎講如果想食下刺身同感受下日本氣分又有閒錢都去得過既!但食SUSHI就真係制唔過...仲有一樣..D SERVICE好唔掂...見到佢地行行企企都唔走過黎+茶,次次都要我叫!

係香港可以食到正宗日本菜, 都非呢間莫屬! 其實d野食真係好好, especially 個葱花吞拿魚腩手卷, 平日賣成一百蚊, 個日去仲要做promotion 半價就ok ! 再叫左碟雜錦刺身, d 魚生都ok ! 價錢比想像中平! 可以一試!

我經常吃日本菜,但此店格局好像很高級,但其實水準很一般, 我覺得甚至火間土亦比它好座及好吃,服務又差,不去也罷.