大門食堂 (已結業)

来香港的第一天，走在大街上，想吃正餐了，正好路过这家店门口，进去尝尝。看评论说一般，自己吃感觉味道也挺好的，可能是饿了吧。一份面，一份饭，一份炸鸡肉，两个人吃还合适。完事了还能吃个甜品什么的。

中伏之選~未試過咁難食的日式拉麵！今天中午經過見到新開不久的日本拉麵店，見無咩人，又寫住日本直送湯底，膽粗粗打算試一次，店內環境尚可，背景音樂是有點噪的日文歌，價錢不算很貴，單點了大門拉麵和日式餃子，食品賣相也不錯，可惜一試就知中伏，麵質很硬，湯底很油，(我影底左您們可參考下)。放不夠五分鐘便起一層層油膜，叉燒味道差，有點(益)味。心想，日本式餃子應該安全，點之餃子也很難吃，味道差而有(益)味，真心絶對無下次

路過搵食看似有間唔錯的日本料理，入到去男待應招呼態度已不是很好！我們兩個人大袋少袋佢安排我們坐兩個人座位，這個明白的，但我們放得袋時自己都無位坐了。當時6:30pm店內仲有好多位，我們要求想調去坐四人枱方便放東西。但該位男待應話唔得！（態度超串咁講）轉頭就爆滿。但我們奇怪問：在場其他人都有人兩位但坐四人枱呀？結果最後即係即走啦！食嘢唔係要受氣。服務態度咁差點做服務業？希望大家再打算去幫襯時請三思？兩手空空去幫襯就好🙊

金鐘邊陲之處，向來都是搵食荒蕪之地，雖然食肆不少，但平靚正的食肆絕對是鳳毛麟角。呢間大門標榜有日本自家工場直送湯底，原本想著一試無妨，於是同柑太一齊去試下。首先係入到店內的服務問題，光顧時間係晚上6時半左右，店內食客計埋我地都得8個，而店內總共有五十個坐位左右。照道理，我地二人隨便選一個座位都唔會好影響你做生意，起初想坐一張四人檯，立即被店員阻止，話我地得兩個人，要坐二人檯，心諗，做乜野呀你地？現在無客人做乜仲咁巴閉？之後睇緊餐單點麵，我點了一個鬼門拉麵(辣的)，柑太要一個大門沾麵，再點多一客玉子燒。店員收起餐牌後送上兩杯熱水畀我地。熱水兩杯？！乜潮流與食拉麵配熱水？OK You win…最搞笑係我點個辣既鬼門拉麵時，店員面部表情好似好驚訝咁同我講：「個麵辣架。」「有心啦，我見到個餐牌有提示，多謝你關心。」我又心諗。等了十分鐘左右，戲肉黎啦，拉麵先上鬼門拉麵($58)辣麵(店員好有心提示過)麵上放了數片貌似瘦肉的叉燒物體，先喝一口店員好關心的辣湯吧，嗯…真的是辣湯，可惜除了辣味，我喝不出辣之外的魚介或豬骨味道，沒有分明的層次感，希望店舖下次再加辣時，先品嚐一下，能讓顧客吃到辣以外的味道

昨晚在灣仔徬徨地搵嘢食，行左接近20分鐘依然找不到好去處。朋友經常在灣仔出入所以對灣仔的食肆比較熟悉或經已嘗試過大部份食肆。由於以上原因路過了大門，見到是新裝修便頭也不回地走進去了。我先望一望個餐牌，相片中價廉物美，一個晚餐定食只是50大元。當中的拉麵有圖片可見並不吸引所以我便叫了個最基本的炸雞定食。首先我們說一說炸雞，炸雞份量還可以但是有濃烈的雪味。炸雞除了雪味，還是雪味然後到一片豆腐，豆腐本身冇豆味，而且浸在有怪味的凍水中，吃了一少口，吃不下了麵豉湯，帶着濃烈的味精，只是嚐到味精的味道。

下課後，就在學校附近的日式餐廳試試看。這是點的是鹽燒鯖魚定食（$55），不用加一的日式餐廳，很少有。等了大約10分鐘，店員便送上食物，這還是蠻快的。不過店員的態度不太有禮，送上食物時，沒有眼神接觸，隨便放下餐盤就走。這個定食附有味噌湯、豆腐、米飯和主角鹽燒鯖魚。味噌湯和豆腐的味道普普通通，不過不失。而鹽燒鯖魚的肉不算很嫩，但也能吃到魚的油脂香。整體來說，食物質素尚可，價格也相宜，下次還是會再光顧。

第一次來嘅時候係印象好好架，嗰日都係叫咗烤魚一夜干，與烤得非常之乾身同埋好味，另外仲有叫咗炸雞。今日係第二次來，點知真係大大大失所望啊⋯⋯今日都係叫咗炸雞，炸雞嘅雞唔錯，有肉嘅質感，可惜炸漿太厚了⋯⋯而且比較細份，個價錢都唔算貴還可以接受啦。另外叫咗份豆腐，豆腐嘅質地不過不失，正如一般豆腐嘅味道，不過豆腐上面嘅係蔥花，而冇姜蓉，呢度就爭小小啦。最令我失望嘅就係我期待嘅燒魚一夜乾，燒魚上到嚟嘅時候竟然有水，係水汪汪的水。我哋慢慢開始食，發覺魚皮下邊全部都係水，而且啲肉仲好魚腥味，質地因為有所有關係都幾淋，失去咗烤魚嘅質感，我只希望下次嚟嘅時候再order，水準會好返啲。

去之前已經知道係味千級數，所以係0期望，但係唻到之後真係想俾負分！服務係唔錯的，入門口有人greet同帶位，坐低俾水俾杯，但係竟然係暖水？食拉麵唔係冰水真係第一次！餐牌上有拉麵，油麵，沾麵同飯，第一次兼最後一次唻，就試下最基本的大門拉麵。麵到，試一啖湯，是重重的魚介味，跟住一啖麵，粗身，唔係好掛到湯，有點硬，唯一好處係夠熱，咁就可以浸淋少少。叉燒，眼見係有肥肉，不過咬落都係硬。筍呢，有微微的辣味，不過我唔係咁鍾意隻味，所以最終碗麵係食唔哂。

服務装修都超值！如在九如坊Ｄ價錢会貴兩倍啦！－个字！＂低＂食！四十幾咪有彈牙佔麵！ 比多五元又有茶飲加多＋五仲有小吃：金鐘地鋪仲要近街境有值入陽光！坐得舒服又貼心教怎樣食法又可加湯！正！好味！不会比九十幾大元的沾麵差！唯－是如想吃好Ｄ没有鮮蝦板在半山区果種！－分錢－分半貨！在糧尾時也可有啖好食了！加油！平靚正！加上蒜蓉仲好味：木魚湯正唯－，要改善Ｄ奶茶。不及茶餐瘾好，肉片較少得－件；不過四＋幾已好）如加＾黑木耳会更好吧！加油

人在灣仔想食個簡單 lunch 便入去光顧這間大門。之前從未幫襯這個品牌。老實說幾十蚊個餐當然唔會 expect 有好嘢食，所以質素一般係預咗。想講嘅係服務，第一係落漏單。簡單嘅餃子併炒飯居然嚟完餃子及額外 order 的炸雞后便停了，告訴侍應點之又嚟多碟餃子，吹漲！其他遲嚟的食客order 同一樣嘢炒飯反而先上。第二係亂潑水。因坐 bar 枱關係條友煮拉麵水亂潑，連额頭都被潑到但對方無表示。絕對不會再幫襯。並附上單據作証。

今日跟同事一起到這間餐廳吃午飯，餐廳門面很漂亮，內裏亦都很舒適。最令我驚訝的是在灣仔這麼旺的一條街上，每個午餐的價錢竟然不超過＄50。雖然沒有很多花巧的配菜，附上午餐的份量，仍然相當豐富。我跟同事點了滑蛋吉列豬扒飯及咖喱炸魚炸𧐢定食。滑蛋豬扒飯的滑蛋真是滑的，不會過熟，豬扒略為不夠鬆化，但這個價錢一定合格。咖喱炸魚炸𧐢飯亦都不錯，咖喱醬汁不會過稀，咖喱味濃但不辣。整餐飯最有驚喜的是炸𧐢，外表鬆脆，內裏𧐢身仍然保持濕潤柔滑

見到門外寫明"日本直送湯底"，諗住都應該唔錯，於是入去試下可能因為當是下午茶時間已過，而晚飯時間又未到，所以舖內嘅人比較少，而安排坐位嘅服務也沒有我哋一行二人叫咗個出面比較少見嘅"大門菜湯麵"同"鬼門拉麵"等候嘅時間比較長，但送嚟嘅菜湯麵湯底味道很淡，直頭淡到要自行加豉油調味，而且真的只有雜菜一堆而另一款鬼門拉麵味道亦一般，配料方面亦只有幾片隨便滾過嘅豬肉片雖然比其他拉麵舖嘅價錢平而且不收加一，但真係唔會再有下次

午餐時間，看到店外長長的人龍，也抱故且一試的心態，耐心等待！秩序井然，與同事閒聊，一邊看遞來的menu ,不多久便可入座了，店內陳設具日本食堂風格，雖然，客人頗多，但枱與枱的空間足夠，完全無擠迫感！👍待應招呼週到，又勤快，解釋菜式清楚！點選了油面，包括熱柚子茶，不錯！＄52 ！油面送來時，待應介紹可配合多種調味料，數片叉燒舖在面上，肥瘦適中，面有囗感，很彈牙，再混和醋及沙律醬，味道提升！😋😋，吃完面後，待應便把熱木魚湯倒在碗內，一喝而盡，味道很清甜，痛快！此食堂值得推薦！

當天12:10到，已見多人排隊，大概等多十幾人就到，心諗應該都好快到，前面多數都係二人或一人等，樹不知，侍應生問有冇5人等緊，佢比剛剛排隊既5人入內，大家即時鼓燥，點解唔比2人加2人入內，個張都係4人檯，之後佢再比3人入座先，好明顯安排入座有問題。我同同事2人大概12:40才可入座，我叫了一碗日本沾面，食物唔差，面質夠彈，，可惜個餃子賣相勁差，煎得唔夠香，諗bibi，完全冇日本個種細緻既感覺。食物價錢係灣仔來計不算太貴，而且不雖加一。

新開麵店.門外同店內裝修都好日式, 設有 bar 枱同卡座. 快餐形式座位比較迫. 用可擦筆落單又環保又清晰👍🏻有多款醬料同有冰水提供. 仲有蛋黃醬添呀. 如果有熱茶提供就更 good. 大門拉麵. 湯底係日本直送的👏🏻湯底好香木魚味, 味道岩岩好唔會太咸. 叉燒半肥瘦不錯. 哇, 麵底好正😋 彈牙有韌性. 而且份量都唔細. $48 一碗簡直超值👍🏻👍🏻加埋味蛋就一流, 可惜當日賣晒. 而且店鋪為保留品質, 拉麵係不作外賣架. 另外 order 既洋蔥炒牛肉定食. 定食有湯, 豆腐同白飯跟. 份量多. 但豆腐真係咩調味都無的!? 牛肉配有椰菜沙拉. 幾開胃. 滿意的一餐, 絕對可以 Encore😋