65
25
6
港鐵荃灣站 B1 出口 繼續閱讀
所有分店 (3)
電話號碼
26159889
開飯介紹
任點、任食、任飲 繼續閱讀
營業時間
今日營業
17:00-04:00
星期一至日
17:00-04:00
付款方式
Visa Master 現金
其他資料
深夜營業
VIP房
加一服務費
電視播放
任食火鍋
招牌菜
日本廣島蠔 帶子片 喇沙龍蝦鍋底 黑草羊肉柳粒 黑豚肉柳 極品肥牛
食評 (122)
等級4 2017-04-04
12081 瀏覽
因為預算所限,細細個屋企人都鍾意帶我去食放題、 任點任食⋯all you can eat 嘅餐廳。人大左,慢慢知道 you are what you eat,而且飲食係一種享受,如果唔好食,免費俾你食都唔好貪心,肥在自己身,何苦。所以對於任食嘅餐廳,我都慢慢敬而遠之。(除非同屋企人去食,就冇辦法啦,一大家人個個都有唔同口味,食酒店自助餐最簡單)今次呢間係任食火鍋,點解我嚟咗呢度?因為呢度嘅質素係單點質素,乜嘢係單點質素?即係街外面單點火鍋,質素會比較好,呢度嘅價錢同埋模式都係任食,但係性價比就好高喇!雖然係免費嘅湯底,但選擇眾多,我哋揀咗先茄薯仔牛尾湯底搵唔到薯仔嚟食,不過番茄就啖啖肉,而且牛尾都有調味,肉質幾好。我哋坐咗四人坐嘅卡位沙發環境舒適同一般嘅火鍋店一樣漿料配料好多,自行選擇,分量自己調配任食火鍋嘅好處係碟碟細細碟兩個人食、又想試多啲嘢,我就最鍾意呢啲小份量上菜格式魚皮幾好、夠脆、 而且唔太鹹!西生菜好新鮮,我前後叫咗兩次,兩次啲菜都好靚是日海鮮蛽,每次份量有四粒,我叫左兩次,八粒入邊有一粒係死嘅,其他都鮮嫩好味。任食自助餐來講,肥牛算唔錯,合格。即食花膠好難食,浪費食材。翠玉玩魚腩肉質非常好打邊爐有得食暗春蛋幾得意,不過膽固醇咁高,一個份量有三粒,最多食3粒好啦!中間嗰行左手邊係靚魚球滑或同埋墨魚滑,凌魚球老公話好好食, 我就唔鍾意隻味( 我本身都唔鍾意食),墨魚滑好香墨魚味。醉雞件我冇食,望落去都好多雞髀位,似係幾新鮮鱔片同埋翠玉玩魚片鱔片好多骨翠玉玩魚片冇翠玉玩魚暔咁好食整體來講100分滿分的話有75分性價比來講相當高任食嘅好處係每人分量食少少、食到好多種類, 每樣食少少,樣樣有啲,幾得意!如果出去普通嘅火鍋店可能只食到一個肥牛+1個兩個配料。而且價錢來講真係好抵! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-31
7149 瀏覽
數星期前跟數位老同學商議聚舊,吃甚麼這個重要議題又落在筆者身上。一班人圍聚一起不外乎放題邊爐、cafe,還有邊爐cafe... 趁天氣還是帶點冬味,向6位同學提議打邊爐,挑了荃灣區口碑不錯的大窩口試試。集合在荃灣地鐵站B出口的這個晚上,隨地鐵站相連的架空橋,穿過千色店,過一條馬路(前後十分鐘),便可以找到置於商場16樓的大窩口。預早一星期訂座(店外有不少人在輪候),晚上7:30入席,$158/位 (7:30-9:30),可以慢慢吃兩個鐘,吃個夠本。9時半後入席則是$138/位。坐下來,首要是安置好身上的外套。貼心的,店家提供cover遮蓋好衣服,減輕吸味情況。接下來,當然是點湯,可惜是店家規定8個人才可以有2湯鍋;現在,我們7人只可選一個鍋,配一個湯底。最後,我們選擇了較清淡的椰子雞湯,希望不吃得太上火,還有嚐嚐食材的鮮味。邊點湯,同學們已同步點選好食物,不消3分鐘(快得驚人),湯鍋和食物也一氣過上桌!從調味醬料庫(芝麻醬、沙嗲醬、炸蒜、生蒜、蔥花、辣椒)調配好口人口味的醬油後,便開始是日的火鍋放題大戰!筆者還是習慣先嚐嚐熱燙的原味湯底,再慢慢弄污湯底!用湯匙盛了口湯,輕輕吹,喝進肚子感到湯頭的椰子甜味。甜度是明顯的,倒是雞味還不是很濃,筆者以為湯底加入了椰子水和椰子肉輕輕煮過,所以甜味較會突出。然後,筆者同學們沒有甚麼「打邊爐的先後邏輯」,有趣的是先放一些可以即烚即吃的充肚子!腸仔和響鈴自然是優先烚煮的食物!值得一提,我們點的這碟黑松露餃子,餡料為豬肉、木耳和黑松露醬,入口帶松露幽香,豬肉餡亦感覺鮮甜!至於,脆鯇顏色雖然較為暗啞,但烚後出奇地爽脆,輕輕吸了椰味,把魚的腥味去掉。重點登場的肥牛是有油花,4:6肥肉比例我貨色,吃起來鬆化之餘,也吃到肉的部份,不會太膩。我們前後「安哥」了6碟!另一樣不斷添加的是菜類,包括皇帝菜、唐生菜、娃娃菜和西洋菜,尤其推介味道較濃的皇帝菜,和爽甜的生菜!即使點菜類,因為菜新鮮,也覺得點得健康和值得的。倒是菇類(金菇、雞脾菇)感覺不太新鮮,菇身味道淡,表面帶水分可推論菇菌存放了一段時間,味道有所流失於釋出的水分中。而筆者試過的熟帶子(店家稱帆立貝)、稻庭烏冬味道一般,而炸魚皮(不算太脆),而芝心丸、白蘿蔔片、蓮藕味道正常。至於,置在塑身仿竹筒模中的魚滑和蝦膠,在筆者妙手用湯匙,三秒彈一粒魚滑進湯中的速度,分別製作到各7粒茶匙大小的魚滑。魚滑和蝦膠都十分彈牙,雖然鮮味欠奉,但勝在有清甜湯底入味補不足。除了肥牛以外,我們也點了黑豚片和羊肉片。前者肉味濃,瘦肉部份較多也不易煮韌,後者則羶味較濃,而且肉質較韌,不太建議。順帶一提,餐廳也供應坊間少見的牛骨髓和花膠!先談談牛骨髓,其一條條置於碟中,烚完亦不會糊化,甘香味美!而花膠則有點美其名,烚後沒有溶爛,倒不是貨真價色的花膠特性;吃起來感覺像是豬皮的磨沙質地,也帶點腥味。餐廳亦供有無限添飲的飲料(包括汽水、王老吉、綠茶、烏龍茶、樂天忌廉梳打、蜜瓜梳打和自家製竹蔗茅根),筆者喝了2罐樂天牛奶梳打,好喝,而且較化算!喝了一口竹蔗茅根,甜得過份,不太建議。除了飲品,大窩口也提供無限添吃的雪糕和朱古力零食為主的配料,味道偏甜,但是尚可接受。綜觀餐廳的食物水準非常不錯,傳菜速度甚快(每次加單後,約三分鐘便有食物了),而且店員加單、加湯也保有親切笑容,以放題形式的火鍋食店來看,實屬難得。另一重點落在餐廳的抽風系統:快及大;身體感覺到涼意的同時,不覺會吃得渾身火鍋味道!對於,害怕吃得一陣味的朋友來說,此店的抽風設備算是不錯。筆者也覺得此店收費公道,和食物價錢成正比,加上食物整體感覺新鮮,衛生程度高,所以此火鍋店值得筆者推薦給大家! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-09-24
581 瀏覽
這次去了大鴻輝(荃灣)中心兩大人氣火鍋店之一的大鍋口海鮮火鍋店和舊同事聚一聚作為一間任食火鍋店, 主要是食物的種類和質素, 有些酒樓出一些平價任食火鍋, 但種類和質素都是差的而這一家任食火鍋店, 算是中至中上的等級, 一開始他們會給你調味料, 拿完後員工會立即拿走, 下圖為調味盒火鍋料方面, 蠻多元化, 有一些是出面很少見(以同價位比較), 例如花膠; 以下為部份火鍋料的照片火鍋料中, 個人比較推介 墨魚滑, 海蝦, 鱔片, 韭菜餃; 不過這家店你至少要早1小時拎飛, 就以我最近一次, 星期五來, 19:45拎飛, 21:15才有位, 大家要有大等位的心理準備如果你能安排到店右面, 就可以看到落地玻璃街景, 而且沒有那麼擠迫; 以下為個人評分表: 繼續閱讀
(以上食評乃用戶個人意見 , 並不代表OpenRice之觀點。)
等級1 2017-09-23
432 瀏覽
都食過好幾次 食物都算正常 都知道星期五六日黎食飯一定好多人 但今次比我睇到 有人打尖 果四位食客同門口果個女人打下招呼 轉頭就可以入去 我地就繼續等餐勁 唔係介意等 但比人擺明打左尖就真係好火滾 我地都係三十幾號飛 人地成四十幾好飛 但人數一樣我唔明我地點解要等咁耐真心好嬲好嬲 繼續閱讀
(以上食評乃用戶個人意見 , 並不代表OpenRice之觀點。)
等級2 2017-09-15
542 瀏覽
又黎到大窩口啦哈哈,我最鍾意食嘅任食火鍋店就係呢間。雖然間間任食火鍋食材都差唔多,但係新鮮少少就已經好大分別。尤其係內臟之類嘅食材,所以我好鍾意你呢間食,其中一個原因係因為佢啲豬潤新鮮,而且似乎用酒癖過味。另外佢啲肥牛都好好味,而且上得好快,唔似有啲放題咁收檔都未黎到齊。佢嘅蔬菜種類都好豐富,飲品亦都係。招呼都唔錯,不過等位要比啲耐性架。不過! !有個唔好處就係book位要提早超耐先有位,所以各位想食就提早book啦。 繼續閱讀
(以上食評乃用戶個人意見 , 並不代表OpenRice之觀點。)