大越越南餐廳

營業中

休息中

我好鍾意食蝦多士，經朋友介紹，今次出動試一試！小食篇：芝心 蝦多士：不單有外表更有內涵，炸得金黃鬆脆，多士表面鋪滿密密麻麻嘅芝麻，咬落去不得了，好厚嘅蝦滑同麵包嘅比例有一比一，再配上流心芝士，真係好有驚喜蒜蓉牛油雞翼：牛油味香濃，可以一試！扎肉蒸粉包：內有粉葛粒，扎肉粒，口感豐富，粉包上鋪上炸乾蔥，味道一流！主食篇：海南雞叻沙：海南雞好滑好有雞味，個叻沙香濃，椰香撲鼻，仲有半粉流心蛋飲品：加$8柯打熱鹹桔水，唔甜潤喉！朋友加$12柯打椰汁珍多冰，我好欣賞將所有冰打成沙冰，比較其他鋪頭細緻用心

當日踩完單車經過大圍,真係好想食正宗嘅越南餐廳。入到去先飲咗一杯椰汁綠豆冰,綠豆好爽口。男朋友食左個海南雞飯。雞肉彈牙,嫩滑。做到色香味俱全是也。尤其是配著佢哋嘅薑蓉,令到食指大動。加上獨有嘅越南春捲,調劑沉悶嘅生活。真係好食。我自己比較喜愛就係酸辣鳳爪,唔係太辣但係有酸味。而且鳳爪肉好好食。最後自己飲咗個鹹七喜,加上青檸。真係唔錯啊。希望聖誕大餐都同男朋友食。位置方便又唔錯。食物質素高。😊😊😊

💖馬來風味黑叉燒又香又好味屋企附近呢一間大越越南餐廳一直都好想試，咁啱今日放假就去食個晏咁啦！唔想嗌啲太重口味嘅嘢，點左一碗海南雞湯粉同埋例牌馬來風味黑叉燒。海南雞做得又香又滑，午餐份量也不少，至於湯粉方面，湯清甜得來唔似有味精，似係咬咗好耐嘅老火湯，加上煮得剛剛好嘅檬粉， 十分開胃😁最欣賞嘅係馬來風味嘅黑叉燒，叉燒部位半肥瘦剛剛好，特別嘅方法燒得又香又好味。本來諗住外賣打包返屋企食都唔覺意成碟食曬😂。下次如果屋企加餸應該會返嚟再買！午市選擇很多，除咗越南風味仲有其他東南亞嘅美食，免費跟熱飲。餐廳環境乾淨企理，外牆有一幅很特別的越南風味塗鴉，感覺不錯。大越越南餐廳📍 沙田沙角街8-12號花園城一期地下2號舖

2020年10月12號晚上7 時黎到沙田沙角街8-12號花園城一期地下2號舖 大越越南餐廳 可以搭馬鐵係沙田圍站C出口落車 10 分鐘內行到入座先探熱後消毒雙手餐廳地方闊落,坐得舒服侍應同廚房上菜都好快前菜沙律就叫左: 烤豬頸肉青木瓜沙律 $72豬頸肉燒得好脆同金黃色，唔會太薄沙律同豬頸肉份量好足夠: 有青瓜絲,蘿蔔絲,芽菜同花生碎, 好香口同有咬口沙律汁帶有酸酸甜甜嘅味道軟殼蟹米紙卷 $56咸香熱辣辣酥脆嘅軟殼蟹俾透光輕薄嘅米紙包住再配上蘿蔔絲同蘿蔔絲. 一次過有幾種口感, 有香脆,有蔬菜味大越三寶湯粉（香茅雞翼,香茅豬扒同扎肉）$65一個河粉，有哂三種餸超滿足湯河份量好大香茅雞翼煎香，每啖雞翼都食到香茅既清香味香茅豬扒：越南菜多數落香料，又喜歡用魚露。香茅豬扒味香甜仲都比足一整塊豬排 不得了扎肉: 煎香仲有幾片放 係河粉上做配料簡直係完美只係$200有找同朋友兩個人食簡直性價比一流

吃貨日常❤️ 東南亞美食通常都好啱我胃口而當中越南菜亦都係我最喜歡嘅菜式之一呢間舖頭見網上都好多人推介所以一於就同朋友一齊嚟試吓啦😆💖 烤豬頸肉青木瓜沙律 $72🐷豬頸肉每一塊都係金黃色，厚厚地軟綿綿，肉質唔會好韌，好有咬口😚😚豬頸肉通常都有醃過，所以食落唔會淡茂茂無味道，但係又唔會蓋過左豬肉嘅味道😋沙律方面🥗主要有青瓜絲、蘿蔔絲同芽菜組成🥒🥬🥕帶有酸酸地同甜甜地嘅味道。另外仲家有花生🥜碎，就算兩個人食一碟，我哋都唔會有好膩嘅感覺🥰🥰🥰💖 軟殼蟹米紙卷 $56🦀講到食蟹我真係百吃不厭🤩🤪咸香酥脆嘅軟殼蟹俾透光輕薄嘅米紙包住，當然配上青瓜絲🥒蘿蔔絲🥕等其他配料，呢個係可口又滋味嘅小食🤩🤩🤩而且一塊米紙只有20卡路里，所以不擔心會致肥🤣而且軟殼蟹含有豐富的鈣、磷、鐵等營養，營養價值頗高架🤪😚💖 大越三寶湯粉（香茅雞翼/香茅豬扒/扎肉）$65Order 一個粉，但有三種餸真係超級抵😯👍首先碗湯河係好大碗，我同朋友兩個人食都覺得好飽😌😌另外嗰三個餸分別有香茅雞翼、香茅豬扒同埋扎肉🐥🐷➡️ 香茅雞翼：雞翼係雞的眾多部位中運動量較大，是最鮮嫩可口的位置之一，含有豐富的膠原蛋白。用香茅醃雞翼架，醃好後

上次已經食過一次既越南野。因為覺得個蝦多士好正！同朋友飯聚再去！必定再點蝦多士 中間夾埋芝士加埋脆卜卜既多士，多士外面鋪住好香既芝麻！絕配！另外今次叫左生牛肉檬，生牛肉比湯浸熟原失牛味 又唔會太熟！牛油雞翼 香脆而且唔會食到一口油🤪岩哂中意香口野 又怕油既我地！上次記得依到喇沙個湯超好味 所以又翻兜 不過今次試海南雞喇沙 雞肉又滑又入味 冇骨 啖啖肉 好正呀！我諗我下次都仍然會簡依間鋪🥰

預祝朋友生日飯,大家都住沙田但未去過河畔食,就去搵下野食,呢間睇落食評唔錯就去左,疫情加上限聚令,630去到時只有一枱客7點等人齊先入座,揀左一個2人餐另外叫左小食2碗粉+軟殼蟹+牛油雞翼+馬拉盞炒通菜係2人餐(好似$268),粉最先到好大碗量亦多,生牛肉&雞絲,湯底幾鮮甜馬拉盞通菜,呢個係越南做法?醬直接放面頭,菜似烚,自己撈匀,但無左炒出黎果種香味牛油雞翼超邪惡!炸得好脆牛油味好香好好食!軟殼蟹,就係想食佢先叫餐,覺得份量太少,2隻4件,唔算大隻春卷,脆卜卜,燶左少少個底有d苦蒜蓉青口,極邪惡,每件牛油蒜蓉都好重手,超香好好食叫完先發現全部都熱氣唔記得醫護證件定醫管局證件有9折,但餐原來無架!埋單折後$39x

今日喺沙田收工，咁啱有個好耐冇見嘅朋友又住喺呢度附近，所以我哋就搵咗呢間餐廳諗住舒舒服服坐低食嘢🤩海南雞喇沙（ $68 ）諗咗好耐食海南雞飯定係食喇沙好😆因為減緊肥我都叫咗少粉，點知上枱都係超大碗，🍜海南雞份量食極都仲有，喇沙湯底椰香味濃微辣，好開胃😘烤豬頸肉湯河（ $58 ）🥓烤豬頸肉一樣係另上，分量又係超多，仲要厚切🤤🤤通常跟餐都係得四五片咋嘛，性價比真係好高！越南湯河湯底清甜，感覺冇落味精，好味👍🏻蒜蓉牛油雞翼（ $46 ）呢個雞翼本身冇乜期待，點知食咗一啖不得了！🍗🍖超級好味，鍾意蒜蓉嘅朋友一定要試！唔知點解佢個皮係可以充滿左牛油蒜蓉🧄🧈好似用蒜蓉包面嗰浸包住隻雞翼咁😍😍😍另外我哋都叫咗個馬拉盞灼通菜（$28 ）🥬🥬又係超大碗，感覺仲多過阿媽喺屋企煮個碟菜🤣🤣餐廳舒服嘢食又抵食，下次可以再試吓其他餸啊！

😬😬咁岩去到朋友屋企附近，見到沙田圍有呢一間越南野食，就諗住試一試😘值得一提嘅係，估唔到個職員咁好禮貌😍😍好主動咁推薦邊一個餐比較抵食，又問我哋冷氣大唔大！服務一流！因爲套餐冇我鍾意食嘅野，所以我最後都係散叫左1. 脆炸鮮牛腩必試小食，因為牛腩炸到外脆內軟，牛腩唔會有太多炸粉😍而且比較特別，一定要試😍2. 豬扒喇沙豬扒份量好大，食落都feel到有整鬆d肉🤪🤪所以好林，喇沙湯底唔算辣🤭岩唔食辣嘅人試一試3. 海南雞飯海南雞好滑😍😍！不過油飯比較硬，我鍾意麵多d！

搭正12點半一點黎既中午時間黎到已經好多人，坐滿哂，
好貼心咁比左紙巾我地包住口罩
Lunch Set峴港蕃茄蟹膏蝦丸扎肉湯檬 $62估唔到午餐既份量係咁大，選擇左湯檬，扎肉係有五六片，蟹丸都有三粒以上，濃郁既番茄湯入味得黎仲有好多番茄蓉，湯底正之餘材料紮實充足。大越生牛肉雜錦湯粉 $62牛既足料係用到物超所值形容，有生牛肉，牛腩片同牛丸。生牛肉片同牛腩片都好林又好味道，牛丸有咬口又彈牙。除左主吃足料外，連配料份量也絕不馬虎。另外湯底都好好飲，食得出以及証實左湯底係用上牛骨熬製，格外入味。如兩者比較，我更偏好牛湯這一款。午餐加$28 有小食，蝦餅大大件蝦餅，加埋泰式辣醬一向是無敵，爽脆香口。但係28蚊就有咁大件賓在太開心了，而且好有水準，擺切都好靚，蝦餅彈牙，膨脹更鬆化，點甜酸醬一流〒大越越南餐廳 (沙田)沙田沙角街8-12號花園城一期地下2號舖大越越南

今日同屋企人係屋企附近再食呢間大越越南餐廳，因為佢個三寶湯粉同小食都好出色，所以再食多次不過黎野食之前首先就放左幾舊豬手俾我地試，話係新菜式，又真係幾淋幾入味，下次再叫我地叫左個燒豬頸肉好香脆 juicy 唔會好咸 大大份好抵食軟殼蟹米紙卷軟殼蟹新鮮炸起 熱辣辣 配埋清新既米紙卷真係好好食海鮮喇沙個油面好食 好足料 有蜆 有蝦 有魷魚大越三寶湯金邊粉 百吃不厭每次都要叫 有豬扒雞翼同扎肉 配湯粉大大碗 仲有好多洋蔥做配菜 好香好滿足

呢間餐廳已經成為左我地一家成日黎食既聚腳點，一黎抵食二黎餐廳staff好好態度，又坐得舒服👍🏻所以今晚唔想煮，又落街食啦🤗🤗 原來最近出左新菜單，有秘製豬手😍 店員仲好好，每人派一份俾我哋試食，只是老公對豬手不太好，所我我地叫返舊菜式，但豬手好好味呀🥰大家可以一試☺️☺️今晚叫左（胡椒豬肉串撈濛粉$58），有三大條豬肉串，香茅味夠重，帶出豬肉碎既香味，我就最中意加埋個酸汁食☺️好好味 ！之後就係老公最愛既（三寶湯粉$65），60幾蚊有豬扒雞翼扎肉，仲要咁多份量，男人實中意🤣另外勁讚個湯底好香牛骨湯味，加埋洋蔥真係好香👍🏻小食就加左個（烤豬頸肉 $62）燒得岩岩好唔會太老，厚薄適中，好食。今晚加左個（椰汁綠豆冰+12 ）真心中意呢間既野飲，唔會死甜得黎又香綠豆椰汁味👍🏻 果然我地既飯堂係無令我失望❤️

沙田圍都好多小店餐廳，多家都有自己既特色。今次到呢家大越，門口就有好大幅彩色璧畫，好eye catching，令人印象深刻。午市套餐50至60元，包埋飲品，都好抵食。今次點了生牛肉牛腩牛丸湯河湯底好濃，河粉滑又彈牙，叫左多青，好香。餐廳推岀新菜式，免費請食客試食，就是我自己都叫左個小食，就是越式春卷了，好香又脆卜卜。黑椒豬肉撈檬粉，豬肉幾特別而且又香，爽口，配上撈粉真是啱夏天食。飲品有青檸可樂好正呀！

番茄蟹膏蝦丸扎肉湯檬：大量蕃茄，蕃茄味道超級無敵濃郁。蟹膏蝦丸彈牙，四片扎肉大大片有豬肉味。檬粉完全吸收蕃茄湯，蕃茄控一定大愛！香茅豬扒叻沙：油面拼喇沙湯底冇得輸，這個喇沙湯底帶點花生香味椰香，只是有丁點微辣。香茅豬扒剪開上枱容易入口。馬來黑叉燒：這款黑叉燒可算是招牌菜式，叉燒肥瘦均勻，叉燒汁甜甜的黑黑的，自己認為送飯一流！芝心蝦多士：蝦多士其實好普遍，但是有芝士夾心真的很特別，流心芝士和彈牙蝦膠配合天衣無縫，加上麵包面灑上大量芝麻，更添香口！回頭率極高！灼通菜：健康之選！價錢合理！吃肉之時不忘吃菜啊！荔枝沙冰：荔枝沙冰大杯扺飲，跟主菜只是加$12，沙冰慢慢溶化，整頓晚飯食完沙冰仍未喝完。椰汁綠豆冰：椰汁味濃郁，綠豆軟綿綿，口感和味道同樣不錯！

沙田圍真係好多好野食架！星期一至七都可以食唔同國家嘅菜😂 無得飛，今日去左食越南菜當去左旅行😌冷盆酸辣鳳爪酸酸甜甜，味道帶點微辣，好開胃！香炸芝心蝦多士，面底鋪滿芝麻好香口，啖啖流心芝士，內裡蝦仁爽滑，必食呀！馬來黑叉燒用花腩、醬油醃製，叉燒肥而不膩，鹹鹹地甜甜地，同港式叉燒有得比👍🏻馬拉盞灼通菜，健康清甜，加左馬拉盞醬，係健康版嘅馬拉盞炒通菜味道都一樣咁好香芧豬扒喇沙，炸豬扒另上，不會浸淋豬扒。香脆不油膩，偏乾身。叻沙濃郁椰香辣味，面條口感煙韌，有彈性，十足馬來風味。番茄蟹膏蝦丸扎肉湯檬，足料大碗，蕃茄湯底濃郁帶點鹹香，配搭新鮮。左起椰汁綠豆冰、椰汁三色冰、荔枝沙冰，椰汁冰不會死甜，每啜一啖都有topping 。荔枝冰好大杯，甜甜地好好飲，加$12就有，價錢適中。