大觀麵膳 (已結業)

今日食lunch返兜佐敦間大觀麵膳。間野裝修就欠奉同埋間舖好細得四張枱， 但係我哋返都得嘅都有番咁上下好食既。間舖好似食車仔麵咁鐘意食乜就tick乜。今次叫咗碗原隻蝦餃子魚麵再加咗魚滑磚做配料。啲魚面好似用鲮魚做。蝦餃子個皮好厚唔夠脆，舊魚滑磚都係一般水準。呢度最好食嘅都係醉雞同我朋友食嘅墨魚餅。醉雞好滑，墨魚餅炸得好脆。客觀嚟講呢度嘅性價比都高嘅， 三十幾蚊食到醉雞魚麵，出面起碼五十幾六十蚊。試過暫時最好食都係醉雞同埋墨魚餅。下次如果再試其埋其他再同大家匯報啦

原本想去佐敦的添記食越式三文治，但老闆行開左唔係度，見對面有間麵店「大觀麵膳」，即本試吓。入去看完菜牌後只有一個感覺：好抵呀！叫個醉雞麵加凍飲只係$34，我加$5轉魚麵，另加$6加魚腐。那碟醉雞雖然肥了一點，但份量都OK而且好入味，肉醉香迷人。魚腐不是淋pat pat，反而仲有些咬口，魚麵彈牙程度就不過不失啦。總體來說呢餐絕對是蔗渣價錢，燒鵝享受也！唯一有點意見是老闆態度有點吋，可能是一個人做所有事辛苦吧。不過，只要佢唔爆粗都問題不大既。

午餐 $37，一碗雞麵(麵底要魚麵) + 檸檬茶，-- 味道：雞味道中規中矩，算ok；可惜魚麵無咩魚味；檸檬茶就大件事，無論檸檬或茶，兩樣都完全無檸檬味，檸檬茶上檯給我之前已被篤爛左，如果片檸檬系剛剛篤爛，應該仍殘留小小檸檬的酸味，但竟然完全無，無論檸檬或茶兩樣都完全無檸檬味，咁檸檬汁去左邊？所以吾敢再飲第二淡；-- 份量：碗麵太少，做午餐吾夠飽 ( 平時午餐去麥當勞叫個套餐就已經夠飽，麥當勞個餐份量絕對多過碗雞麵套餐)；-- 環境：普普通通；地點近港鐵站又近停車場算便利 ；-- 服務態度：似乎人手吾太足夠，都吾好期望有咩服務態度，加上個女掌櫃對客人們似乎吾多友善；

很多時都要經開這附近工作，所以常來幫襯， 由開業幫襯至今多次， 算熟客。可能是因為開業這一年有傳媒持續不停幫忙報導，令人流不斷上升，老板可能因為太多單做太過辛苦而脾氣越來越燥，不時和不同食客因雞毛蒜皮的小事就吵吵鬧鬧，感到傳媒實在好心做壞事！有些舊客知老板脾性通常會默不作聲多作遷就。

大台電視介紹過，見價錢都唔貴就試下由彌敦道行過嚟都十幾分鐘㗎星期日下晝嚟到，店內位唔多，兩三張四人枱，再兩張二人枱，兩公婆打理。估唔到嘅係食物選擇好多，除咗麵食外，仲有碟頭飯，連鐵板餐都有。店內有兩大主打，醉蝦麵/醉雞麵，講返今次叫左醉蝦魚麵，蝦拎上嚟有7隻，有小小酒浸住，原來係熱食的，以為係凍蝦，第一樣失望嘅係酒味唔夠，蝦還蝦酒還酒。第二就係魚麵份量極少，明既魚麵本身係貴啲，但都加左5蚊份量真係唔多足夠。而且魚麵本身真係唔多夠彈牙。配埋飲品接近40，有少少失望啊不過叫好多其他食客叫醉雞麵，醉雞份量幾多，有10件8件，而且好似更好味，下次會試返醉雞!!

食過幾次。下午茶食碗麵$19仲有四粒雲吞😂👍🏻平時都係$26，包野飲😋今次就叫左個海鮮餐有條黃立倉 一碟生菜仲有好多餸😂試下個魚麵，都唔錯 有啲似魚蛋 可以一試🙂轉埋凍飲$50～經常得老板一個人做全場😂👍🏻但都好快有得食🙌🏻平民餐😹😹👍🏻

為食妹不只是鐘意食貴野而係鐘意搵好味嘅野食千奇唔好比我外表呃左只要好食，邊到都去喺環球貿易廣場返工最平都食極大X樂、大X活無落雨梗係行落佐敦覓覓食記得睇左某雜誌網上佐敦尋食已說搵日一齊lunch 去而家。。唯有去做先鋒，去試左先啦先看看粉麵Menu, 啱晒減肥為食妹好多選擇嘅粉麵,價錢合理為食妹揀左醉香雞+水餃銀絲米粉($38)醉香雞先上，好驚喜，因為都幾大份唔似連鎖式快餐店嘅燒味米粉得幾嚿燒味醉香雞水餃銀絲米粉加左$6 有3隻新鮮水餃，唔係xx碼頭水餃黎架醉香雞，雞肉夠嫰，夠酒味，份量夠水餃夠大隻、新鮮銀絲米粉夠彈牙我一定會再黎試埋個醉香蝦架

晏晝去食咗個鐵板牛腩炒麵，好大碟好食先係$40+$2凍飲，牛腩好入味而且一點都唔硬，好有口感，炒面係炸過非常脆。個度平時都唔多人，唔洗等位。位置係好不過附近太多食肆，競爭好大。上次食佢哋d 水餃都唔錯，蝦好新鮮每隻都好多餡。但係就唔好諗住有乜服務，只係兩公婆的小生意，希望佢哋可以做落去，因為好食又份量多嘅舖頭係香港都好難生存。

間野開左一排都唔得閒黎食，無他，附近太多選擇！今日終於的起心肝一試，簡直驚為天人！睇下盒雞幾大盒！餐飲仲要唔係頹爆奶茶咖啡，係西梅汁呀！份量仲多過平時去食上海野d"前菜"份量既醉雞！而且酒味濃郁，絕無馬虎！下次再返去試理個醉蝦先得！