大觀麵膳 (已結業)

平日上班都會來這裡吃魚麵，皆因少見又美味。最喜歡的就是招牌魚麵，包了魚腐、大蝦、墨魚片及蟹子魚蛋。魚麵口感彈牙，吃得出是用魚肉打成，沒有粉粉的感覺。魚腐及墨魚片也很彈牙，沒有腥味。這麼平宜又足料的選擇真的不多，絕對值得支持!

今日午餐想吃得清淡些，於是就行去佐敦食個light lunch。去大觀食左個魚滑磚魚麵，$33包熱飲超抵食。個魚麵真係好推介，因為真係有魚味同有口感，魚滑磚有炸過，真係唔錯！呢間麵店我嚟過好多次，每次都係因為想食魚麵先來，絕對推介比ICC返工人仕，夠曬平同好味。不過老闆娘同老闆兩公婆都非常之寸，絕對不是吃服務的地方。

這家店嘅位置比較偏僻，都花左少少時間揾路。店面唔算大，裡面只有不足十張枱。今晚只有一位姨姨駐店，所以一坐低已經說明會等得耐啲。用剔紙嘅方法落單，餐牌清晰易明，目標好明確係要黎試下醉雞！靜待左15-20分鐘左右，姨姨處理完所有Order就過來枱接我地Order！期間有好幾位街坊熟客黎到想嗌外賣，但姨姨都拒絕左，因為做唔切，所以如果黎到只有一位店員，大家就要有心理準備要耐心等候，不要催啊😎醉雞魚麵 + 鮮蝦雲吞 一共嗌左兩碗醉雞魚麵，醉雞上枱時我地都好驚訝「咁大碟雞加埋魚麵都唔洗$40！點賺錢啊！仲要送熱飲」無錯，每碟雞都好似有半隻雞份量，雖然選用嘅雞偏肥，雞皮下嘅脂肪好厚，但醉雞嘅酒味剛好，肉質滑，唔會食到雪藏味。魚麵口感彈牙，魚味比較淡，相比平時食開「香港仔」麵店嘅魚麵，就真係遜色左少少。鮮蝦雲吞屬一般貨色，每粒都有隻蝦，味道唔太特別，可試可不試。香港地物價咁貴，竟然仲有間小店繼續用平價錢服務大家，唔止對得住價錢，仲對得住食客，幫各位醫餘肚之餘，食物亦有質素，有時間我都會多多幫襯

超抵食醉雞雲吞魚麵-今次介紹喱間餐廳，雖然地方細細由老闆一腳踢，不過野食性價比絕對超班，去開附近不妨試下佢🤘🏻。-雲吞雞窩配魚麵🍲($50)上枱時候熱辣辣，魚麵感覺有少少似食緊一條條既魚蛋，份量夠多，重點係配料真心勁多😆，雲吞每粒都好大粒，成窩麵應該有成五、六粒雲吞，咬開仲有成大粒蝦！同埋個雞件，雖然冇得配醉雞，但啲雞件每件都好多肉，唔係得啲雞骨，真心抵到爛，不枉司令行成十分鐘過去食😎。-醉雞麵🐔($32)麵就唔多講啦，個醉雞上枱時真係嚇親咁大份，成份例牌咁多😱，一個人食真係超滿足，仲要個雞件好滑，酒味幾入味但唔會濃到苦，抵食！-最癲係兩個人食左兩碗麵、兩杯野飲、仲叫左碟菜，埋單都$100有找😱，老細有冇計錯數啊喂😱。

是日又係無帶飯，同同事行出去食lunch, 咁啱朝早同同事講開呢間小店食魚麵幾特別，之前亦有同事試過話好抵食，一於就去試下啦。小店入面真係小小的，幾張枱做下街坊生意，事頭婆一手一腳打點。落單形式係用落單紙剔，一碗一張，任你點粉麵餐，唔同餸唔同價錢，我當然要試最出名嘅醉雞($32)，加$8要多個古法魚腐，潮汕魚麵就要另加$7。個魚麵好彈牙，似係鯪魚球嘅口感，應該係用新鮮魚打出嚟，幾特別。醉雞味道不錯，份量都大碟，不過揀擇嘅我平時就食開雞肶，所以食得唔係咁爽，但個雞係入味嘅。魚腐口感都煙韌彈牙。碗麵份量唔算多，女仔食都ok,男仔可能要嗌多幾個餸或者加多底麵喇。粉麵餐送飲品，情急之下嗌咗西梅汁，點知中咗伏，個味係好假嘅黑加侖子糖漿溝水，不過當糖水咁飲啦都係解渴。埋單$48,好抵食，今時今日都冇乜邊間小店依然可以做到平價之餘又有質素嘅食物呢?推介小店俾大家多多支持!

呢間餐廳係由兩公婆一齊經營嘅。每次來我都會食魚腐魚麵！呢度嘅魚腐係必食！佢新鮮炸起，外脆內軟，超級正！佢成粒仲要係好飽滿，唔會剩係得炸粉。另外，個魚麵都好好食，好彈牙！一個麵加埋熱飲都淨係需要$33，真係超抵食！

自從港珠澳大橋通車以來，相信係呢區附近嘅租金亦都加咗唔少啦，我哋呢班打工仔想搵一啲平嘢食又好味嘅都幾困難了！原本我想去食越南法包，點知俾我發現到一間超吸引嘅小店，外貌及裝修亦都係非常簡單，但係價錢就非常之吸引啊！我揀咗呢一度出名的醉雞，一疊大大的醉雞加一碗麵，連嘢飲，都係只需$32 ，凍飲就再加兩蚊，我叫咗凍朱古力，味道好淡，大家可以揀隻其他啦下次，但係夾醉雞差唔多有大半隻雞咁多嘅份量，味道亦都幾好唔錯，有酒味，$32係超平的，我見到人哋枱叫咗韭菜餅，都係加$8，超級大碟，不過周圍嘅環境就比較差，衛生就一般啦，仲要阿嬸成日找錯錢，係比多左錢你呀！兩個店舖裏面嘅人都係老人家，大家千祈唔好呃佢錢呀！不過啲嘢食真係好有份量同埋味道幾好呀！仲要碟碟雞都有雞比，平靚正！下午茶就更加抵啦！不過由兩點半開始， $19就有一碗大大面，啲餸仲要超多！

今日無帶飯，見人少少，當然要搵小店食好西。呢間小店波友讚大件夾抵食，味道又吾錯，四十幾蚊可以落樓。我揀左馳名花彫醉香麵另加魚皮餃，麵加錢揀左魚麵，配熱朱古力。雞用碟另上，份量好多，有成隻雞比，幾抵食咁。肉質幾嫩滑，有陣陣醉香味，但雞味不重，可以始終係雪藏雞。魚麵真係有魚味，少少彈牙，但有少少碎，不過真係幾有特色，出面好少有魚麵揀。除左魚麵，仲有公仔麵、河粉、米粉、粗幼生麵、意粉、出前一丁同烏冬，應有盡有。熱朱古力味道正常，吾會過甜。以佐敦地段同份量黎講，$4X真係幾抵食。

同同事去咗佐敦嘅平民小點食lunch，又平又好味！呢間鋪頭係由一對夫婦經營，由樓面到廚房都係一腳踢。今次已經係第二次幫襯！今日叫咗大觀招牌魚麵，入面有2粒蟹籽魚蛋，4塊墨魚片，2粒魚腐，仲有2隻蝦。佢個湯底好清甜。最值得讚嘅係佢粒魚腐同埋魚麪，好有魚味同埋彈牙！仲有佢唔會話有腥味！佢所有嘅麪都包一杯熱飲。呢杯朱古力甜到啱啱好，又唔會話太重奶味。幾好飲！就算係飲凍嘅都淨係需要加兩蚊！成個餐都只係$40咋！

叫左醉雞魚麵+ 九菜餃。估唔到4X蚊已經有幾大碟雞, 都幾香酒味,雞肉又滑,就算是雞胸都唔怕鞋, 好味! 魚麵都唔錯, 同其他店的差不多, 九菜餃是肉多, 九菜少, 舊肉好厚, 口感幾得意, 雖然我PREFER出面D 九菜餃多D, 不過呢個夠哂多餡。叫左杯熱HOLLICK, 唔使加錢

喺未食早餐而瑜珈堂前唔可以食得太飽嘅情況之下，所以揀咗上課附近嘅食店，見到呢間有魚麵就想試吓好多選擇，最後揀咗原隻蝦餃子魚麵加魚腐，等咗一陣先嚟熱檸水，再過多一陣嘢食都嚟啦！睇吓魚麵有黑色點應該係魚皮，因為食落有小小鯹味（其實我唔係好接受到鯹嘅人）但呢個魚麵加咗辣椒油我接受到，亦証明真材實料到主角《魚腐》，不得了新鮮炸㗎，外脆內鬆軟，超級好味，係我食過最好味原隻蝦餃子～原來真係原隻蝦喺餃子入面，外皮略為有點乾，不過新鮮炸熱辣辣㗎！小插曲見到有位女士叫咗原條倉魚麵，真係成條倉魚另上㗎！到見佢結賬時，老闆找完錢比佢拎著D錢再望牆上又諗吓跟著問唔係$48咩？老闆娘話$38，老闆同女士解釋$48個餐多D嘢食嘅，妳淨係要咗條倉魚就係$38，因為有D客細食話食唔哂，所以可以散叫。家庭式經營又老實嘅食店一定會繼續支持呀

今日lunch去咗柯士甸站搵野食見呢間鋪個名幾特別就入去買外賣叫咗招牌墨魚餅拼韭菜水餃魚麵魚麵彈牙 墨魚餅有口感 水餃大粒有蝦再加2蚊叫咗杯蜜桃汁總共44蚊 又飽又好味 好抵

很有咬口的墨魚餅，和生麵分開上，味道不錯，因為麵餅小，吃完還很肚餓。剛巧隔離檯叫了一客鐵板雜扒撈麵，有豬扒，牛扒，雞扒，香腸，份量很巨型，一塊塊在鐵板上疊起得好高，差點不夠放。相差二十元，我叫的與隔離檯的食物簡直相形見拙。忙著比較，沒有拍低自己的食物。當天老闆倆夫婦看來心情不錯，有趣老闆太太一向喜歡指令顧客辦事，例如要怎樣寫菜怎樣叫菜，得要依從她的意思去做，見大家相讓一下就過了，生意尚算絡繹不絕。寫在餐單背後不容易察覺的（都貼在牆上），還有$48雲吞醉雞麵；$36雜錦粉麵常餐，包含 1）雜錦肉丸及雲吞，金姑肥牛，油菜；2）蕃茄蛋炒牛肉／腸仔／火腿／午餐肉及多款不同的炸物；3）鮮冬菇，鯪魚肉，五香肉丁奄列 ，油菜等等；各有特色，豐儉由人。

家人帶領下，我們來過幾次，這間只是一間小店，只有幾張四人檯及兩人檯，人多要分開嚟坐，我們叫了醉雞魚麵，醉雞米(這兒的醉雞真的很入味，肉厚但嫩滑，酒味很濃，很入味。)也有叫醉蝦麵及醉蝦雲吞魚麵。(酒味入不到蝦度，有點味道分離的感覺，但蝦冇痴殼，食得出用新鮮蝦來做的。)本來想叫墨魚餅，可惜今日已售罄，叫了香酥雞扒(基乎每次都會叫，味道唔錯，炸得很酥脆，肉汁仍能鎖在雞扒內。)如果唔加食物或唔改麵的話，只叫醉雞麵餐連凍飲才34蚊。(在我居住的大圍，叫塊紫薯西多士都要廿幾三十蚊。)這樣的食物水準，這樣的價錢，山長水遠，地點又蹺腳，專程嚟幫襯都是值得的。😀

都經常來佐敦，今晚不想吃太多，所以想找麵類來吃。見到呢度竟然有魚麵，所以就過來試下～點左2餸（咖喱魷魚和魚腐），跟餐還有飲品送，好抵等左大概十多分鐘（好肚餓了…），終於到了……咖喱魷魚先上～啊，竟然一碗咁黎，鍾意食魷魚既我勁開心我仲以為我叫個麵溜左單，但等多5分鐘，個麵就黎……不過除左魚腐，仲多左雲吞因為已經好肚餓，所以唔理了，照食～咖喱魷魚：咖喱味唔夠香濃，不過夠足本。魚腐：勁鐘意金黃色新鮮炸起，魚肉和豆腐打得好滑，又唔咸，仲有5粒咁多雲吞：都唔錯的，中規中矩啦總括來說，CP值高，我會再來的